呢倆日我都好癲 晚晚都玩到2-3點先返屋企 當然係凌晨啦

原因係 係某個地方撞返以前小學既一班同學

以前小學既時候 呢一班都算係關係唔錯既朋友 依家居然聚返埋一齊 大家梗係興奮

但係唔知點解我地都係夜晚8-10點先約出黎~可能係佢地習慣係咁呱

不過佢地咁夜出街 唔想留係屋企 其實都係有原因既

都都果句老土既說話 家家有本難念的經

我就無講我屋企人係點 無話好定壞 總之就係附和佢地就係啦

依家佢地都係有一個共同目標 就係要快D去到18歲 快D脫離老豆老母既魔掌

雖然我唔明白佢地點解要咁做 但係我理解

 正所謂 空穴來風 事必有因 實際情況我就唔清楚係點啦 總之大概都係關係家庭既事

經過呢幾日同佢地相處 發覺自己真係學多左野

話就話係以前子學既同學 但自從升上初中 分左校之後 已經無聯絡嚕

依家已經係4年嚕 見返 再重新認識過

但係我地都有一個共同既意識 即使大家將來未必會再咁樣一齊玩

但至少 我地享受呢一刻就得啦 我地珍惜大家相處既呢一刻就夠啦

所以就係呢個原因 逼使我每晚都同佢地癲到咁夜

話咁快就已經過左一個月啦 夏令班 都算有作用既

不過諗返轉頭 呢一個月其實都過得唔算話太平凡 某程度上 我有D滿意

又到左放暑假既時候啦 今年同往年一樣 咩都唔想做 咩都唔想理

我發覺我自己真係一個 好唔實際既人

有很多事情都心動  卻沒有行動

這一邊想有改變 但這一邊卻想保持原狀

究竟我在想什麼呀?!?!

今天我想了很多事情 大多數都是關於自己的感情事

我在想 與其保持這種關係 一直去到畢業?

還是 應該有另一條路好讓大家都有一個機會 發展進一步的關係呢?

我想不通 我實在想不通 究竟該怎樣做

可能是我口中的那顆菲滋既關係 搞到我做咩都唔起勁 ( 真係好麻煩的說 )

呢排唔知點解 身體異常既熱氣 口中既菲滋不斷...不過好采 塊面仔都無回爆瘡

話咁快 返埋聽日學個夏令就 "圓滿結束" 啦 點解要強調果4隻字呢,..因為

d電腦阿sir話 有返夏令既都要"參加"呢個功課 呢個分將會作為正課既一個分..

其實唔單止係電腦既 我相信每一個有返夏令既人都知道 果d咩遲到呀 英文測驗呀 etc...

都係話會承繼落正課到-..-" 我心諗 我當初返夏令就好似中招左 而且呢隻招好大隻 比左8百幾$仲要咁樣比佢地要脅

最衰自己唔生性 搞到數學唔合格 如果唔係我真係唔參加夏令

不過都唔係既 今個夏令都衰唔哂既 起碼 最基本既要求我都達到了 雖然呢d野 某程度上唔係我控制得到

期待星期三既打邊爐 我地既榮譽會長--高嘉保老師都話去

喂...我地集體放佢飛機 好似幾好玩

可能是前晚睡得太少的關係 琴晚我很早就睡了 應該是9點多吧 一躺在床上就訓著了

12點多的時候比家姐 整醒左 之後又訓返

呢一訓 不得了囉 發左好多個唔同既夢

每一段都好似聽一首歌咁 只有幾分鐘 當中入面既角色都相當熟悉

但係 係夢里面既佢地 處境 角度 扮演的角色都相當唔同

有D就大左肚 有D就做左某人既男  /  女朋友

有D人話 夢其實只不過係反映出你日常生活里面出現過既野

呢一樣野我都信喎

我識過有D人 佢地話 由細到大都好少發夢 而我呢?

幾本上都係靠發夢黎生存落去

點解咁講呢 因為係夢里面你係想做咩都得 同埋 當中既故事情節往往都好曲折離奇

不過係近呢幾個月 我發奇怪既夢特別多 我所指既奇怪並唔係D鬼怪野

係一D 點諗都無可能會發生到既夢

不過點都好 我都係好期待自己所發既夢 ^.^

大家看一看 我發表這篇blog係咩時候 無錯 係5點幾

今日夜晚 唔係 係琴晚 我和2位久違的好朋友去談心

今次和上次一樣 有一大堆啤酒 實際有幾多罐就唔講啦 總之今次就係真真正正咁醉左

不過係呢d時候醉 其實都係好事黎既 可以將久久封閉的自己得以解放

雖然每一次都覺得意義重大 但係我覺得比較特別 當然啦 飲大左係其中一樣

其次係 今一次係大家飲大左之後 就去到杰杰屋企訓大覺 我地咩都無講過 因為實在太醉

到我醒返既時候已經係依家 5點幾嚕 而杰杰都係太累 訓左

依家係異常既靜 淨係聽到部冷氣既吹風聲同佢屋企d阿鼠係度活動既聲音

好靜 好靜

令我不禁回想起幾小時前既放縱 真的有點可笑

本來我都唔想飲酒架 但係我去到既時候杰杰已經拿住一堆嚕 咁我無理由唔飲既

就係咁 我好快就對醉左自己

其實我都唔知應唔應該咁樣對自己 而我淨係知道

我既兄弟想飲酒我唔陪既話就係唔應該

我亦都唔知我地3個既關係可以維持到幾時 我淨係知 兄弟 有今生無來世 要趁有機會團聚既時候癲哂佢