今日同琴日一樣 一樣係癲哂線 我唔知咩事 咩都坦白 咩都講清楚哂 講哂出黎之後 反而覺得 有另一種難受的感覺 其實我不應該有呢種感覺 因為係自己親手造成的 怪不了誰

呀 痛苦呀 愛上一個人卻不能去愛她 你ge愛人係你ge朋友 而你又深知無可能再同佢一齊 e種可接近但又距離的感覺 最難受...不斷希望又失望 呢一句野係出自今晚 一位老友的同感 我好痛呀.點解要等到18歲 我愛你既情感 我實在按捺不住 點解點解? 我居然盲目到將 我愛你既感覺給了另一個人了 有很多很多的說話我已經說不出 已經不想再聽這些沒意思的說話了

今朝訓得唔好..係張床度典下典下......我望一望個時間 哇.4點幾..唔係挂...係 又失眠了 跟住就訓到6點就比個鬧鍾整醒左 係 個鬧鍾係我較既 點解?因為琴日應成左肥聰要同佢過去噴水池果邊食早餐 不過佢都係咁. 都係6點半先肯起身 10分鐘後就出發嚕

不過果度d腸粉真係唔錯 幾好味 成朝我既狀態係.....唔係呆呆滯滯 又唔覺得特別眼訓 只係個腦海一片空白 正正因為咁 所以就囉左本英文書出黎溫生字 因為朝早第2堂就測 腦海空白既話真係一件好糟糕既事 食完早餐就返學校坐 點知坐到差不多上堂都等唔到我要等既人出現 而且肥聰都有強烈上返課室既意欲 所以就返上課室嚕

今日過得都無咩特別 只係趣事比較多 歡笑聲比較多 係中午果陣我簡直係hi大左 進入左呢個忘我既狀態 班友仔係度玩真心大膽 我居然同佢地癲埋一份 班女幾狼死 叫我用心口刷黑版 但係我真係陪佢地癲 依家諗返起真係覺得自己好癲XD 刷咪刷囉 結果引黎全場既目光and歡呼聲 嘻嘻

係督課果陣就教人摺花花 最後大家仲交換左MSN 真係美好呀~ 點知佢一上線就比左個網我...我KICK入去 果然同我所諗既一樣 "摺紙大全" 結果我呢一晚成晚就係咁摺係咁摺 哎.癲左XD <一片混亂 <我最拿手既玫瑰花~  <呢個我都唔知係咩跟住摺既< 呢個又係唔知咩黎既..<呢個係花盆...當然 係失敗品

好耐都無試過好似今日咁痴線啦 表露得自己咁盡興 夜晚又有人陪我傾計 真係..咁既生活真係要珍惜呀XD 大家都不妨去尋找一下 呢一D 屬於每一個人既生活丫XD

唔經唔覺已經返左學有...1個多的星期了~基本上都很滿意依家既老師AND同學 我諗今應該會過得好開心又愉快~至於下一年就唔清楚嚕~

高二感覺上比起高一又多野做多~ 總覺得一日得廿四小時真係唔夠用~話劇果邊我都已經算係半個熟手啦~(嘻嘻 好歹我都入左話劇社年幾落啵~)唔經唔覺已經係做左人地師兄嚕XD

我唔知點解有種感覺係~ 我大得好快~ 咁快就已經係高二嚕~我唔制呀 我仲想過一D 咩都唔駛諗 玩下玩下就過一日既日子呀 可惜依家已經唔得嚕....不得不做一個心理準備 一個要進入人生另一個階段既準備 我老是覺得自己要背負既野好大 好多 但係我就唔知係咩Q 所以一有空閑我就會不其然咁嘆氣一聲....這個舉動意義不明....我都唔知點解

琴日係一年一度既煙花唔知咩咩啦 總之就係每年係同一個地方 同一個時間就會有好多好靚 黎自世界各地既煙花睇~又係呢一日呢~不過今年同以往既有D唔同 就係今年就落雨 可能就係咁 個SOHW好早就完左 仲有一樣唔同既就係 今年我無去睇 我想約既人居然返左大陸 (哭) 諗下諗下 咁就已經係倆年嚕~呢一日某程度上對我黎講意義都幾重大下~都算係改變左我以後既生活呀 同人地相處之類既野~總之我就係要多謝佢啦~( 盡量佢依家唔係澳門 嘻嘻 ) 不過佢既事我早就已經唔想過問嚕~總覺得自己既生活 有佢係度就會變得好累...好令自己辛苦 所以我早就決定左放低佢

琴晚就過左去杰杰屋企度吹水~ 首先一去到就睇左部好正既電影(不要想歪哦~是很正經的~)之後就係佢屋企搵到好多以前初二既野~ 佢以前D日記呀 果陣時D相呀 原來佢都有KEEP住~我睇返之後 我真係笑左出黎~ 以前既我同依家真係分別好多~ 果陣初二 依家高二..(汗) 不過仍然保留係度既~都係佢地無變到既笑容AND身體語言 琴晚我真係諗左好多好多既野~ 直至到臨訓前~我地倆個都死下死下咁繼續傾落去...直至倆個人既氣息都靜止嚕~對話才結束 當然 我是睡不著的~嗯....還在想事情吧

一訓就訓到第2朝既9點幾~ 個死野一起身就開左房燈~逼住我要起身 其實我果陣早就起左身 不過就係賴床姐~之後佢MAMA好好人 炒左個粉比我食~ 超好味的說 我好快就搞掂左佢~最後我坐到11點幾就返左屋嚕~本來今日有約人既 不過返左屋企無耐就落左大雨 所以都係腰斬左~ 超涼爽的說 對於晚上睡不好的我 而且在這個那麼好的氣氛A下 我終於都頂唔信 訓著左 一訓就訓到5點幾....睇一睇MSN 有小貓三四隻ADD我 我應一應佢就又訓過..可能睡 意未過~  總之今日就係因為天氣既關係 咩都無做過~不過都好既 星期天就是好好的用來休息~

唉..究竟呢個局面仲要維持到幾時...我驚我真係等唔到大學.....你教我應該點做好? 我真係好中意你.....

＜這幾天又接觸返大陸版~所以就突然想起伊利丹

今日係開學既第二日 係呢一日 正式上課 見到好多陌生面孔既老師黎教我地野 當然啦 有d之前都係教高一既 但係就未教過我班既

今日正式上堂..感覺還可以的 語文係陳子明 我覺得佢唔係教得唔好既 總是覺得上佢堂係有d壓力既....英文堂係班主任 都係用黎上左班務 數學係個後生既阿sir 唔識既~以前都有教高一其他班 感覺上係d偶像派既人物 歷史就死梗啦 因為係個全新既阿sir黎教我地 一開波就叫我地分組 遲d話咩做個報告咁....唉  最抵死既就係公民 居然係高一教我地物理既吳柄燃老師 佢有準備架! 佢有題目講既~ 可惜我聽左10幾分鐘就倒下嚕~仲有地理既~ 地理就講返夏令班d野 基本上都無咩點聽到 淨係係度猛做筆記 呢個miss以前初中教過我既~所以我大既知佢作風係點~

哎...今日感受得最深既始終都係 上左去其中一個理科班到視察 係倆種感覺黎既 佢地既氣氛好好呀 成班麻甩老係度玩 一齊起哄 不過就係一個女仔都無 之後我再出去睇睇同層既其他理科班.....哇..其他班感覺就差得遠嚕..個個都係間住間住咁坐...有氣無力既樣子 行屍走肉...個個都好似係食完飯 飯氣攻心 想訓又訓唔著果個樣.哇頹廢到..我即刻笑左出黎

之後就落一落去下面文科班既班房(即係我果一層 嘿嘿) 到視察左一下 果度都無咩特別 淨係一見到一堆堆女仔群埋一齊係度唔知做咩 總之有人經過就望一望出黎咁嚕~不過都總好過上面層果d...陽盛陰衰 既威力真係比陰盛陽衰既恐怖得多..倆種我都感受過...哭 (順帶一提 : 話劇組係陰盛陽衰 10個女得1個男既比例 實在可怕)

我依家要為好多好多而努力去讀書先! 打機呢家野 星期六日先去諗去啦....加油呀xd 送你地一個藍藍既天空~我超喜歡的說~

噢~聽日就係開學日嚕 總覺得今個暑假比過去任何一個暑假都要過得快~ 可能想做既野實在太多 相對既時間少左 ~可惜現實總是逼得太緊 我們最終都要返學 而且我今日仲返過新校到睇呢個調班情況~ 結果令我接受唔到...哭 雖然文科班係多女仔 但係...哭 還是不說了 今日我見係最後一日~就決定左做一d有意義既野啦!

>>呢一張係我今日等人果陣影既~大家見到係唔係好有feel呢~ 

<<唔知大家仲記唔記得佢旁邊開到正既果間網吧呢,...

,  中意hello kitty既朋友~ 見到以上呢一套公仔係唔係好興奮呢~你地無睇錯~佢地係我屋企..佢地係我阿哥有一次出糧果陣 咁岩佢同佢同事都去食m記~結果就一次過換哂返黎... 佢仲係用最右手邊果袋袋哂佢地返黎~係呀 果個係袋黎既~ 超靚 即使唔中意hello kitty既朋友都想擁有 中間果隻係特別版~比另外果d都要大隻架~~

<<係我今日既收穫 初時睇起上黎都無咩野~但係愈睇就愈覺得佢得意~~以後大家就可以係我個書包到見到佢架啦~

呢張係咩? 好明顯都係入場票啦~比賽d咩? 自己睇啦~你放心呀~到時無人黎都好~我實黎捧你場XD

                                                       膠 膠

今日覺得最有意義既事我覺得係我可以囉出勇氣黎同佢表白~能否達到我目的..這個問題 嚴格D黎講都算達到左~雖然唔係我想像中既咁樣~但始終都未至於失敗收場丫~多謝咁耐以黎各位朋友既支持 嘻嘻~