琴日朝早訓醒,有個電話打過黎係度問我:
"喂,仲記唔記得今日AR...?"
SHIT,唔記得左,
不過點都要馬上答ON THE WAY~.~
就係咁,我就用左9秒9既時間出左門口,
去到先知原來今日個活動取消左,
結果去左個另一個班跟西餅師傅學野煮曲奇,
原來都幾好玩嫁WO~.~

不過搞到我以前都唔敢食曲奇,因為曲奇幾乎8成都係用牛油整,
所以我食果舊應該叫做牛油先岩XD

之後到左7點鐘,我陪個社工放工,
係途中訪問佢有關愛情呢一個題目
佢反而答我怕遲婚,佢問返轉頭,
我答佢我唔會再諗結唔結婚,之後簡單地結束話題
其實我知道我個心根本唔可以再裝落第2個人
如果要我同第2個人拍拖只會係令到第2個人傷心
我唔想有任何人因為要同我一齊而傷心,儘管自己真係想,但我怕既心仲大過想

唉...算LA,冇得怨既...怪既係自己係一個廢物AR...

之後

琴晚,陪FD去玩社區中心搞D事,
之後去黃埔行下,雖然冇咩計傾,但係又覺得冇咩野
感覺冇咩野咁,望下個天,望下一個原本我超級熟悉既地方
一間間原本我認識既店鋪關閉,一個個熟悉既臉孔同樣隨之消息,
係呢個時間,我真係不得不認,我已經對呢區感到熟悉的陌生了...

行行下街,我個FD講返起以前既事,
我中學時期有位同班同學,我經常上去佢屋企玩
而佢有個細妹,我都同樣當佢係親細妹一樣看待,
果時,同我講同一間學枚既朋友,同學都認定我同佢係天生一對
但我知道佢地都係玩玩下,所以我都不以為然...
直到有一日,我係街上漫無目的咁行果時,佢叫左我一聲,
我先再同佢傾返計,但果時我仲拍緊拖,所以傾既野都唔太深入怕有所

呢幾日係小西灣開工,對住大老闆雖然有D驚驚地,不過佢忙住陪FD,
所以我依然仲有時間上YOUTUBE睇下片,
我發現原來依家YOUTUBE係可以上載1,2個鐘頭既片,
真係一個小發現,我於是決定煲舊片--神棍伽理略
係度睇,係度笑,我諗果陣時又辛苦又開心既時刻,
雖然唔及之前拍拖果陣時既開心,不過呢種開心係兩回事黎

之後勁忙工作,開/關RACK,Check Water Detection....等等
每日都帶住疲勞既身體放工返屋企,
之後沖一個舒服既涼,然後再練一練指法,
跟住帶住沉重既睡意搵我所愛既果一位愛人

我身邊既兄弟佢曾經問過我一個問題:
明明分手係你講,但點解你又要唔捨得?

我笑而不答然後轉話題,其實我知道我既答案只會令人答"痴線"
因為我答案只有一個:
我所愛我所珍惜既唔單止一個情字可言,我仲愛既係對方既心
可能佢會錯意,可能佢真係我所想咁,
當初你去完果一個地方,問你係咪有鐘意既人
你笑住答唔係,果一刻我感到既除左係憤怒之外,仲有既我覺得自己似係第3者

當然依家冇人會睇,冇人會信,我知道,如果唔係我唔會係度打
哈,我實在正如佢所講,我太小朋友,一直係度講大話,
不過講真既一點,我真係好想死,想死既原因有好多
當然其中一個原因係因為佢

每一次訓覺總會望到佢溫柔咁同我講會等我,
自己開始有d失常,開始想發瘋,同時間開始有d平伏,
我諗唔接觸會好d

一直都好想每日以淚洗面,只係對住第2個人就要換上第2個面孔
果種感覺真係好辛苦,不過我自己一定忍得過,
我冇野比人叻,只係忍氣吞聲勁人好多倍
我只不過係一個平凡人,有好多理想,但結果都係比呢個社會意識不過強姦我
我唔係生得好睇,我又唔係有錢,所以唔會有女仔睇上我
我成日做事做得唔好,做得好唔會有人睇到,
所有人只會覺得我係一個好好先生,萬事通人士
利用人係冇好下場!我寧願呢世冇朋友只有呢個好夢陪我都好過對人!
我願意用自己生命黎換取永遠發呢個夢!

但同時必須向現實低頭--死都唔可以麻煩任何人,同樣唔可以令任何人為左我面感到唔開心!

又一日無聊既日子,成個人幾乎冇咩心情去返工
主要都係又係一個周期性既低潮期
再加上冇$食飯,所以成個人攰攰地

最近學琴好似學上癮,開始向難度挑戰,
希望成功LA...

車牌方面,終於拎到個P牌,距黎拎正牌仲有11個月
而買車既期限同樣都係11個月

係識人呢方面,自己講野依然都係口吃,
不過都唔知係自己能力定係好彩既關係,
於是都識左唔小人,但我既結論係我本人實在係一位老餅,
竟然呢排識既人都係細過我,orz

至於係返學事上,學費交左,但係比我個FD串死
人地DSE英文令U,我會考英文令F,我竟然要RETAKE一年英文/口\

今日係星期三,琴晚原本去民生度守,點知原來擺烏龍,
結果去左守馬房,巡樓果時,一入到去,所有既馬都好好奇咁伸個頭出去
真係好得意@@好想影低佢地,不過怕嚇親佢地,之後都係冇影度
夜晚真係好靜,有好多動物,真係有一種回歸大自然既感覺,

突然間諗起細細個既一個自願--住係草原上面,有一個自己既家,
安安靜靜咁過一生....
不過都無咩可能,依家只求既係可以安然咁死LA..^^

朝早收工之後,返左屋企拾一拾間房,
我拾完之後先發現原來我有生以黎拾得最令既都係果個箱=口=
有D唔開心,不過都反映住自己原來一直以黎都有幾咁唔尊重自己
之後太子交學費,交完學費就交保險,跟住順便落槍街
放左幾支心頭好,個心簡直係痛到呢...不過為左換支令野,無計LA...
鬼叫自己窮呀頂硬上!

然後落西九令返個車牌,我個1,2牌終於跳上一格LU...
一年後又再跳上一格,到時仲唔到我買車~.~

之後去左玩BG,識左一班人,開心既係大家玩到好緊張,
唔開心既係我係最老果一個,無論如何,開心咪得LO...

當人地同我講佢累,我叫佢好好地咁訓一覺
但自己覺得好累時,無論點訓都仲係咁累,
世事就係咁出奇,睇黎自己都係跟唔上呢個世界既步伐
什麼叫做愛,什麼叫做朋友,睇黎我真係一D都唔識分既廢人