琴晚11點幾,打左陣機,之後開著房燈諗住HEA下咁上FB,睇YOUTUBE
但結果訓著左,無奈既係下午3點先醒,仲要訓得勁舒服,
不過我唔鐘意,我唔鐘意咁樣,每次咁樣訓醒總會諗起以前開心既回憶
今次都唔例外,望一望日子,9月3日我就諗起上年哈咾喂
突然之間好唔開心,好想搵個人陪下我,但係冇人得閒

成晚冇訓度,掛住幫我D老婆二奶小三抹身XD
唔好諗錯隔離,其實我講緊既只係手槍,氣動步槍,同埋電動槍姐...
搞下搞下,望住自己間房,再望一望個書枱,UM...係時候要轉一轉位,
始終得一條走廊實在太窄,不過我趕住返工既關係,我都係冇量度

返到公司,個位仲未坐暖就發生好多事,
首先出場既係Pantry冷氣機漏水
第2炮,假天花要油油
搞到我依家先有得休息下,陣間4點又再黎講=.=
我只可以講一聲無奈...
不過職責所在,點都要睇實D既...

話雖如此,自己依家仲可以忙裡偷閑
比我搵到個時間畫畫,比左半邊你睇先,希望各位比D評價小弟LA...

我覺得好得意AR自己畫到,
雖然唔係畫得好完美,但我諗到既都盡量畫出黎比你睇嫁...

唔得,休息一陣先,實在太攰LA~.~

依家係3點25分,又係一個夜靜無人聲既晚上
岩岩落街周街走,行行下,突然諗起以前好傻咁係佢樓下等佢陪佢一齊返學
其實佢講得岩,佢一早就唔再鐘意我,只係我一直苦苦地勉留
有時候自己一個會係度諗,假如一切既事冇發生,
我諗今年可能係升大學,又或者可以依然漫無目的咁打散糊口
不過唔發生都發生左,我後悔既只有自己唔能夠比佢感受到我既愛係認真...

下午得閒上FB,見到我個FD打左句:
"白雪公主，識得果個系王子，灰姑娘識得果個又系王子;
有個有特殊嗜好，中意錫青蛙噶女人錫左只青蛙一淡，
只青蛙變出嚟慨又系王子！有冇人諗過根本個王子系同一個人呢？
根本呢個王子都不知幾花心，周圍溝女。仲無良到扮青蛙去溝添！
所以話，其實呢個世界上沒王子，只有扑街，最憎就系果D扮王子噶扑街！"

我好嬲,佢竟然咁話我地細細個鐘意既童話故仔,
最離譜既係佢竟然連細路仔都知既知識打橫黎講,
真係好唔明呢個咁既人都會話去追女仔,唉....真係唔多對呢條友作評論

準備開工野先,陣間再打過

er...依家係9月1號既2點45分,
而我,依然係公司埋頭苦幹咁開工,
當然我開果D工緊係唔係公事,而係私事,
黎緊社區中心搞IPSC課程,身為半個HOSTS,我都係度搵緊人去
另外仲有要9月9日搞到個WAR GAME,
仲有既係....等緊野食XD

今日岩岩返到公司,佢就打黎,好彩已經交左更,
如果唔係一定會由佢把口上傳去我親愛的編更姐姐知道XD
到時佢吃醋派我去守馬房就唔好LA...雖然話佢已經結左婚再加佢年齡都有返咁上下@@

講返正題先,佢打比我係度傾左兩句之後就急急腳收線LA
係LO,又話要幫佢手做野,但結果做咩都唔知道/3\
無奈中....

更加估唔到既係呢個唔出名既BLOG竟然會有人入黎睇,
UM....我都係諗清諗楚先好打D野出黎先得^^

攰,呢排就真係好攰,
要我諗返起呢幾日做過咩黎,老實講,自己都唔清楚
訓醒同我果一位兄弟係電話吹兩句之後又上佢屋企打機痴餐
今日,我都唔例外,兩點醒左,佢又悶冇野做,
於是去黃埔行下順便買褲,呢排都唔知做咩事,
條條褲洗完之後大腿內則總係有個洞係度
原因有二,
其一,真係鬼節撞鬼
其二,我後母特登剪出黎
我個人比較相信其二,因為佢前果幾個月我洗咩衣服佢就將呢D衣服放係垃圾桶入面
諗起都火\ 口/
行到去黃埔,我同呢位兄弟係度周圍玩,
行行下,聽到一段音樂,佢突然間好感觸同我講:
"如果你識得彈呢首歌,你話幾好呢..."
我突然之間諗起一個應該要一早忘記既人,
於是我又好傷感同佢講:
"如果我識彈,我諗我唔會咁輕易失去一個對我黎講好重要既人"
於是大家深醉係呢段音樂下,行出商場,然後,又冇事LA XD

對於呢位兄弟,我同佢雖然係建立左不可取締既兄弟手足之情
不過我相信佢仲有一段不為人知既感情史係度,我一定要搵出黎(! v !)

唉....離我開學既日子又唔遠LA,心情真係複雜,
只可以同自己講一句....好自為知LA...!
下年要達成既目標就係....同好D書,搵到一份酒店/物業管理工!!

今日係社區中心有活動--踩單車
踩左去大埔,途中勾起我既回憶,
結果全程車當然係唔開心,
途中有個參加者炒車全身受傷,不過好彩有工作人員睇住佢,
而我就做埋義工保安,係度安排其他單車走先,
之後去到,見到一個大既空地,休息左陣,
係度諗,如果佢都係度咁就好LA...

不過我明白...佢黎,咪又係帶多個人黎....
返去既途中,我自己玩野係度諗住學條片咁單車甩尾
結果炒左,好彩,小腿受傷,冇事,結果又繼續行

返到屋企,沖涼休息打陣機之後,自己開始發燒~.~
睇黎聽日都要搵醫生睇睇先LA...