好攰AR...岩岩先做曬一份功課,仲有幾份功課要趕=.=

呢排考試,同埋要交功課,好多野都比較煩,

最近屋企人又係度係咁煩我,問我女朋友係邊?(姐係我以前果一位)
我同佢地講分開左好耐,佢地好似唔信咁=.=

之後係學校上面,源佢自己拍拖就好LA...仲要拉埋我落水,
係咁話我鐘意一個女仔,依家真係誤會大,搞到原本係好好傾既朋友,
變成大家見到大家都好"監介",
其實我唔係對個女仔冇好感,
只係諗起以前既事,我就好怕會傷害多一個人,
我寧願自己一個扮下白痴扮下傻咁過日子仲好

唉....真係好累,好想搵一個地方旅行,等自己既心理都可以休息一下

我發現香港真係唔岩我呢種人住,
自己好難跟上佢地既節奏黎做野/3\

呢排好攰,可能係度逃避緊功課同測驗既事~.~
有時候係起身打"刻切"都有D血跡係度,
睇黎都係天氣乾燥得好勁定LA><

呢排家姐唔搵我傾計,我就係咁搵第2個FD傾計~.~
當然我打字係慢好多LA...成日唔夠佢快,搞到都唔知點好

唉....同個FD下傾下,不知不覺間將對佢既感情投左入去
其實有時候真係有種沖動想同我個FD講我好唔開心,因為你好似佢
不過我知道既係每個人總有佢既特別既....可能係我自己識開果D都係差唔多類型既人黎姐...~.~
自己要睇開D LA...!

今日話出黎傾project,結果搞下搞下我無LA LA做左組長,
多得有兩位體諒我既組員,結果傾左幾個字搞店~.~
不過過程用左數小時,因為事關有一位男組員係咁性騷擾其他女仔,
最後我地趕左佢走LA~.~

果班女仔話其實果條友係想溝女,
但係我覺得佢係一個二世袒,不過無論如何,
佢再敢搞我班女仔既話我真係打佢一獲

呢排發現自己開始有D變左,
對感情慢慢唔太執著,反而會緊張$既用法

唔識點講,總係覺得要搵$搵$再搵$,
可能係一種對感情既寄託掛....我既好兄弟最近又拍拖,
自己真係冇咩人陪到我,依家又要自己一個行呢條人生路
人生真係一場遊戲~.~

依家只可以打一個唉字,
其他野都唔知點形容好,
我已經胡塗了......

好!聽日後日去洲際開工,開心既係又有免費美味既三餐,
唔開心既係又要捱夜,肯定攰到死=.=

今日終於去左任德福領返D人工LA..又有得交學費,
不過真係唔開心,又冇$洗,要去炒散拎現$

其實我一個月好似唔多$洗,
依家去炒散,每日都有1百幾二百
之後做頂更保安,一個月都有二十日返工,姐有7千2百底薪,
計下計下,都有1萬左右

不過成日都總覺得係唔夠洗,UM....
唔緊要,我應該估到係邊度出現問題!

呢排見到身邊既朋友一個一個咁拍拖,
心入面開心同時間係有D傷心

我諗應該要全心忘我咁工作,搵$搵$再搵$
雖然搵咁多唔知做咩,不過搵左先LA...

冇$萬萬不能AR...

比條數自己諗先,如果有人答到我就最好LA...

1)依家市區住得人既一個單位大約要3百多萬
我就齊頭350萬,咁就裝修費10萬

2)新界區一個單位二百多萬,
齊頭3百萬,同樣裝修費10萬,不過要再加多一架價錢(已經包括牌費,第3保,雜費)約10萬既二手車,

A)請問1)會比較抵D定係2)會抵D?
B)另一個問題假設依家每月淨收入6千,你會如何建議我去投資使10年後得到1)或2)的結果?