今日上堂整忌"連"粟米姑湯+薯蓉包
勁好飲,不過唔記得左份量=.=
不過重點係我冇整過,因為我發現自己唔係好識整野食=.=
唯有洗野我洗LA..~.~

不過成組得我同另一個女仔,真係難為佢咁辛苦,
係度向佢講返聲多謝^^

之後既事都冇咩特別,係度出黎傾PROJECT
不過都唔知傾咩,結果冇傾到=.=
又去左機鋪打機,唉.../3\

聽日要返洲際LA...其實我唔係好想返去果度,
但係公司叫到同埋都係返埋呢個月,算LA...死就死LA
鬼叫你窮,頂硬上

每到夜晚,自己一個既時候,總會東想想西看看
有時偷偷流喊,因為佢總覺得我講大話,
有時間有小貓小狗相伴,總算係一件好事
起碼有一個,係一隻動物肯聽我係咁講野AR..~.~

今日下午返去補課,我依舊成為全場焦點
MISS同樣笑到面都紅埋,因為我講左句"今晚要去同馬馬玩"
嘿嘿,我幾有童真XP
之後成班人係咁笑,最後我先知佢地知話我去做馬伕,無奈中.....=口=

讀完呢個之後,我係咪應該去讀演藝學院呢...~.~?
雖然係自己發現有呢個天份,不過都係觀察自己多一段時間先@@
好!搵工....

今日又去守馬房,呢排多左好多事忙,等我又計下先..@@

學校:
1.英文project
2.house keeping project
3.學整野食
4.f&b project(好似要)
5.返中學分享自己經歷

工作:
1.實習酒店(1個月)
2.申請公司獎學金(有待問問,不過有得出國學野,咩都出公數,諗起都過癮)
3.搵工(最好可以再升上去)

社工:
1.協助跟進之前舉辦既活動(室內射擊/夾band)
2.去拎返個叫咩咩獎類似果d長期服務獎(同佢唔想要,不過死都要比我)
3.搵有需要既朋友入去

不過講到尾,好似自謗咁,其實我真係做緊咁多樣野,
開始自己感到辛苦,不過我好享受,起碼唔洗諗咁多過去既事之餘仲有得學習,
真係一舉兩得^^

唔知點解呢排我發覺自己講野開始有d條理,到底係我好返情傷定係慢慢回復理智呢?
不知道~
最緊要既係好好享受一下學校生活,重點既係有一班比我無敵爛gag毒害既朋友係度陪我xp

天氣開始進一步下降,希望各位能夠好好保重身體la...^^

不經不覺,我同佢分開左差唔多一年,唔知佢最近如何呢?不過佢開心就夠LA,自己洗咩諗咁多野~.~
不過今次打文重點唔係呢樣野....

冬天會令你諗起D咩?
一張比地心吸力仲要大既床?好凍?唔想返學返工?
對我黎講,冬天就係我生理時鐘既春天,
雖然唔太識得去解釋,不過我可以肯定天氣唔低過15度我都仲可以著背心短褲出街玩XP

可能自細開始冬天,新年呢D家庭節日我都冇屋企人陪伴住我(媽媽忙工作還$,爸爸北上搵後母)
係就係有叔伯陪我,只係感覺上同寄人籬下冇太大分別,
我仲記得果一年好凍,我著多多既衫都抵禦不住寒冷,
突然間好想家,好想真係父母係身邊比溫暖我
慢慢地,開始自己想組織一個家,一黎希望可以互相支持,二黎真係想離開當時處境

終於,我搵到人生中第1個女朋友,我發現同異性相處係一門學問,同女朋友相處更加係一個大學問
我仲記得佢好純,可能係扮,可能係真,不過係我心中留下左不少美好回憶
之後經歷不少事情,雖然表面好甜蜜,只係我已經好累,我發現我同佢之間出現好多問題
我好想一一解決,但點解好似解決完又重新出現呢?

我好心痛又好心煩,但係又唔捨得放棄,
直到你同我講你背住我同第2個男仔一齊,
我開始明白到自己既地位原來如此低,
可是自己唔捨得放棄,但又有左報復心

其實認真地說,我有時侯沉默的確唔係唔開心,
而係我好想開口同你講"我累了,我唔想對你做任何報復行為,
我唔想再為左呢件事搞到好似要同第2個女仔"亂搞"關係
同時間我後悔因為做出呢D事而令到你傷心
我只係想靜靜地坐係你身旁休息休息"

可惜我始終講唔出口,因為我預計唔到你下一個反應會係嬲,會係喊定係會同我講分手
唔知你仲記唔記得同俊女朋友講過咩?
雖然我唔太記得清楚,可是你地之間對話令到我感到恐懼,
搞到好似我係你既玩意咁,到底呢D係咪真係叫做社交呢?定係我自己根本對你地既對話有極大既誤解呢?

一路以來,我知道你對我好,可能我自己走火入魔,總係認為我對你未夠好,
慢慢咁自己都迷失左,好怕好怕有一日我仲未對你夠好你就離開我
結果已經係咁
形成呢個結果我知道我自己一時無心之失,
但對我黎講呢個應該係對你最好既結局

唔好話我悲觀,只係我天生觀察力分析力比較強,所以我深深知道既係即使係果一刻唔同你分離
難免將來我會放不下你,你又因為不捨得我而令到自己幸福失去
當然你可以反駁我,不過我所以都係經歷好多不快既事情吧!

至於分開之後對你講既事,其實你可以唔洗理,
不過我相信你會理,我只能夠同你講,當時對你講既每一句說話我唔後悔,
因為我當時既理由係我了解你會唔捨得我,為左令到你捨得我只好咁做,
你唔會怪我嫁何?起碼你依家係幸福先LA何?

其實仲有好多野想講,不過諗起你果一副面貌,我已經唔想再多講落去,
你睇又好,唔睇都好,呢D都係我好多既心聲
最後,我只可以講一句:
真愛其實黎黎去去做既係同一樣野,講既都係同一句說話,
如果要新意既話,我諗我唔合適做你既情人,對唔住

明明講緊冬天,冇LA LA講左呢D說話出黎~.~

係!我記得想講D咩~.~如果認識我既朋友都知道一到冬天出街,
D人一定會用奇異眼光望住我呢身打扮--街坊LOOK
背心短褲踢拖出街,其實都幾HEA下,不過一黎自己係好懶好懶,二黎我根本都唔怕凍

我唔怕凍係因為我內心仲凍過條街~.~
不過點都好LA...我真係好鐘意冬天既天氣嫁...
起碼我會感受到清爽,舒服,有時仲好似聽到風係度講野添....(靈異事件LOL)

家姐,你又鐘意咩天氣呢...?

其實同佢分開左之後,除左我要感謝我一位兄弟--源既支持,
我都要好多謝網上面識既家姐,
或者可能會有人覺得我鐘意佢OR 其他野LA...
不過我認真咁講句,佢真係好好人,可惜唔係我杯茶,更何況既係佢同我分別內心都裝住一個人,
要一齊?!下世LA! XP

呢排睇返以前D 卡通片,
唔知你地有冇睇過呢條片,叫做"Gundom Seed"同佢之後果季" Gundom Seed Destiny"

雖然係用左戰爭黎做背景,不過佢有部分既內容都幾值得去反思
UM...反思既野都係講國與國之間既恨同埋和平既思想
不過都要睇左全部先明白既...呢個都係我呢位超級大懶人既恩物~,~

唔講呢D題外話,
其實呢排係度諗緊好多野,返工,返學,實習等等
其中一樣野就係我曾經對佢講過既一句說話,
我依家好迷糊,到底我應唔應該守落去?
如果係你,我諗你會話我講大話,其實想吸引第2個女仔同我一齊

其實我唔係想用呢樣野黎吸引女仔,
我更加唔想比你話我講大話,
或者對你黎講呢D事已經唔再重要,又或者你對我黎講太重要

好多說話想真真正正話比你知,不過果時你會知道嗎?
我唔介意你曾經係點,但我好介意你同我一齊果時仲要同第2個人拍拖,
你向我坦白我係好開心,但係我都係要向你報復,因為你曾經咁騙我感情,
當我報左仇,你唔開心你喊既樣,令到我好唔開心....

我真係好唔想放棄你,不過至少我知道如果我仲留係度,對你黎講係一個痛苦
我諗成全你,同時間帶比你憎恨,起碼你以後都唔會諗起我先係一個上上之策

要翻開人生新一頁我知道好難,不過我依然要努力,
起碼我要諗比你知道我活得好好唔係扮出黎....

有時候真係好想搵一個人借個肩膀比我休息一陣,
真係好攰,好多壓力壓落黎,而笑話係家人根本不當我是家人,只當我是一個租客,
只懂不斷向我伸手拿$,對!沒有人信是正常,因為沒有幾個上到我家視察一番
如果情況許可的話我也不想回到這個家不似家的家

有時候真係好想搵一個人借個肩膀比我大哭一番,
真係好辛苦,好多感情事都唔識得處理,聽身邊朋友講好多好多野,不過我聽完之後好唔舒服
令到我感覺好現實,喜歡就一齊,之後就發生關係直至大家不再喜歡大家然後分開
如果有小孩則結婚,然後繼續這一段再沒有感情的婚姻,
直到頂唔順,又離婚,然後同第2個人又結婚,又離婚....搞不好一生人有10多次結(婚)與離(婚)
我不斷問自己是否甘於接受現今這代社會的"現實"規則,喜歡即合,不喜即離,
完全沒有任何回頭的想法;更加令到我想不明白的是分開之後竟然一點傷感之情也沒有
或許有人會向我說因為他們在沒有人的地方才留下眼淚
對我來說,也許有,不過我見到不少的是因為要報復所以要得比其他人更好...

可憐人呀...社會幾時變得不能接受和標示這些重身邊一段又一段感情的人為失敗者
是不是因為"到最後都只有自己陪伴自己行人生路"這一句話而變得無情,變得要那麼速食呢...?
你會否繼續堅持自己決定是正確?你又是否愈黎愈迷糊感到這個似世界而非世界呢...?
你又感到這個社會充滿仇恨,悲觀,現實,欺瞞而且從前的開心,快樂,興奮,樂觀漸漸失去光彩嗎?
對於這個腐敗的世界,我相信只有改革才有出路,可惜的是自己沒有力量...
唉...可憐人的社會,社會的可憐人