|
2012 年 9 月 9 日 星期日  |
| 2012-09-09 |
分類: 未分類 |
凌晨3點半鐘,柴灣小西灣既某處大廈既窗睇出黎依然感受到一個安寧既晚上
無錯,呢幾日係呢個大廈入面既辦公室守,
得我一個人既氣氛....孤寂
曾幾何時,我自己真係好唔捨得佢,
不過過左咁耐...佢幸福就可以,我自己冇所謂LA...
我就做下傻仔,守護住呢段已經成為左過去既感情
黎緊16號又去開GAME,到時唔知我又會唔會打到癩左咁呢~.~
講起WAR GAME,我諗上次件事=.=
有場打打下我果邊比佢地壓住左,
之後我就成個人跳起打橫個人飛出去,
成個場既人呆曬,當然因為我地咁所以就反敗為勝,
完場之後,我個FD話我唔洗咁博命,
自此之後我就成為左我班WAR GAME友既神話~W~
諗返起都過癮XD
AR...好多野搞呀黎9月10月
首先就要開學LA,之後社區中心搞左個IPSC室內射擊由此人數唔係好夠既關係,
我又走左入去玩LA
然後又要返工搵學費,仲有9期要搵/3\
跟住就有時間讀埋個水,電,金工牌返黎(不過我自己都預左冇)
然後又話要夾BAND
另一方面又要搞WAR GAME同埋返學校既氣槍學會幫手(不過到依家都冇搵我,果班師弟真係冇咩責任心-.-)
當然重要既事就係買車LA...
不過我都係希望能夠讀完書之後有多餘$買返架代步車~.~
希望能夠保守我可以完成咁多樣野LA...
今日係你既生日,生日快樂AR..^^
唔知道你依家同你男朋友點樣呢?
希望你開開心心咁生活LA...
我都知道我以前做左好多令到你憎我恨我既事
不過我希望你可以繼續憎我,
起碼我既心會好過D,希望你以後有咩大困難可以記得起我搵我幫手
如果係我能力之內我都會盡力幫你
呢樣我諗係唯一可以對你作出既補償
祝你有一個開心快樂既永遠,佢對你永遠係真心既!
|
| 2012 年 9 月 8 日 星期六 |
| 2012-09-08 |
分類: 未分類 |
依家係9月8日既6點45分,同時間象徵住我就黎收工XD
琴日好多野做,不過都係簡單野,所以唔怕既,
之後返工果時,我有個FD係FB搵我,
主要都係講下佢開學幾咁辛苦,
傾傾下唔知點解佢就係度叫我介紹D女比佢識下=口=
大佬AR...我邊度有AR...自從同佢分左手之後我冇再去識第2個女仔
而且重點既係我唔想去識,之後仲要比你屈成係我怕羞
真係比你吹脤=.=
之後我極度辛苦咁同果條友吹到佢訓覺之後到我訓LA..@@
可能因為成48小時冇訓既關係,真係訓死左我=W=
真係好舒服,好耐冇咁試過LA...
黎緊10號-19號放大假,好想搵人去玩AR...@@
唔知邊會得閒去唱K,打保令,打桌球,踩單車...等等活動呢~.~
真係期待....
聽日就係佢生日,問我會唔會唔開心?
肯定會,但若有一日佢肯回頭,
我諗我都會接受佢,又或者咁講,任何人對我有表示,
我都會接受,只係我未必會再肯付出咁多,
當然唔代表我會一腳踏幾船,
我依然會一心對果個人好既...^^
不過呢...呢D只係我自己既想法,何況佢都唔會咁諗LA..
如果唔係點會咁快同第2個人一齊姐,
只怪我唔識對佢好,所以佢先走...
唉.... |
| 2012 年 9 月 7 日 星期五 |
| 2012-09-07 |
分類: 未分類 |
又到左7號既00:30,
好無奈,自己搞錯左時間,去錯地方,好彩...最後係廣東道英皇開工
更加好彩既係我竟然用連到附近既海港城WI FI黎上網=口=
依家唔太方便打D咩野上去,只係黎緊9月9,佢既生日,
令到我更加掛住佢,唔知佢點呢?會唔會仲諗起我呢?
...不過點都好LA...我諗佢都唔會再諗起我一分一毫嫁LA..
始終佢都講過,我唔係佢最重要既一個人AR MA...
祝你生日快樂&開開心心過日子^^
今日搭緊車返工,突然間,有個電話打黎,
原來係一個社工,話想夾埋最後一堂BAND,
我就同佢講,夾左房同AR SIR OK既時間先,
唉...呢個社工睇黎都唔多OK咁既款,
不過...佢係新黎既,咁就原諒佢LA...XD
黎緊就黎要返學LA...我自己都唔知點算好,
唔知點算既主要原因係學費既問題,原本我預2千左右,
但結果係3千2百,真係攞我命=W=
UM....最近有個朋友問我成日話返工,其實係返D咩工,
我好簡單咁介紹一下自己LA..
我既外號有好多既...
以前返學果時最威既時期,就係成個低FORM既師弟叫我做莊哥
同我好熟既朋友就叫我做莊
我上司就鐘意叫我做恒仔
英文名都有幾個不過一D比較會令到我面紅既我都唔多講LA..
用得最多既暫時得JOHNSON呢個名
另外仲有D花名,咩肥仔AR..死雞班AR...等等,
你地鐘意點叫都OK既,不過重點係我知道係你叫緊我^^V
我返咩工呢..呢方面就好多地方我都返過,
以前就返便利店->生果店->地產->保險->保安
我今次主要講下保安LA..
目前我主要返既地方係辨公室同酒店,
因為我升左小小職~.~
以前我返既係D住宅,商夏,但後來比人事部同編更部既人認識多左,
所以由原本既SG(Security Gurnd)升左一級仔,變左做SO(Security Officer)
不過...只係個名姐...所有野都冇變,
第時如果有機會去尖沙咀都或者見到我既...@@ |
| 2012 年 9 月 5 日 星期三 |
| 2012-09-05 |
分類: 未分類 |
呢幾日我唔係成日出現係FB同埋QOOZA上面,因為公司迫我努力地返工=口=
琴日原本去個EVENT度守,之後個拍擋係勁串,好無奈=,=
又話打唔通又成,我部手機直情響都冇響過,之後夜晚7點收工,
一心諗住陪FD去槍街睇完槍就直落返屋企開陣MSN,FB,QOOZA等等既東西,
但一個電話又KO左我,又叫我開工,
結果一踩踩到朝早7點先收工,唉...冇曬胃口,
諗住請一日假,之後聽電話果個真係好可愛,話叫我同編更講
平時係佢搞埋,依家搞D咁既野都唔知佢想點=,=
返到10號,10月份既學費又比我搵到LA
依家只係差既電話費,保險同埋稅,
諗起交稅我就頭痕,我到底今年要交幾多稅呢...?
冇人答到我,到底要留幾多我都更加唔知道...
唉...無奈=.=
返屋企果時,係車上面見到唔小人來人往既學生哥學生妹係度返學,
不禁令到我諗起以前既事....唔得!今日一定要拎假,
我要賣醉,我唔想再諗起呢D事...點解回憶就係要咁可怕,
唔想記得既事就永遠係腦海咁清楚不斷重播住;
自己想記起既事必然係會忘記 |
| 2012 年 9 月 4 日 星期二 |
| 2012-09-04 |
分類: 未分類 |
依家係3點半,點解我仲未訓~.~有幾個原因
第1,我岩岩收工所以仲未覺得攰,
第2個原因,岩岩係度量吋,準備翻新我間房,
第3,我掛住佢,
1)岩岩上一編文章打到一半,公司打電話黎,
"喂!莊!"
"係陳小姐!(佢係公司酒店盤編更)"
"我唔係陳小姐,我係張生!"
"係張生!咩事呢?"
"拿,你依家過去HOLIDAY INN開工"
我推左佢一下話冇西裝
但佢話派個車手黎比我,見到再冇理由推,結果返工
我心中"成確"佢既呼吸系統一下,之後就返工LA
因為我原本約左個好耐冇見既中學同學去飲酒,
好彩...佢冇搵我,咁證明左我返工真係明智既選擇XD
2)我1點收工之後,去左搭的士返屋企,
返到屋企,之後沖返個令涼,然後就開始我既度野工程
經過我2小時簡單既度度畫畫,我最終都大約估計到翻新後既樣子,
依家只差搵人幫手擔下野搬下野咁,希望得LA...
3)我掛住既佢有兩個人,
第1個,我以前愛既人,我終於記得點解我答佢係同佢分手,
因為果時我返緊工,之後有個住客搵我,我答佢唔係,陣間再搵佢,
我諗佢只聽到個係字,然後佢就收線,
我諗起,只可以講一句可惜,除左呢句,我仲有兩句想同佢講,
就係....我好掛住佢同埋對唔住
我已經盡左最大努力為你講好說話,但我可能講野唔太好,成日比人地覺得你好衰,我係欠左你
如果將來有一日有人話係你既親人,我會盡全力包括人力同物力黎幫助佢,
希望呢個做法可以作為我既補償
第2個,係我最近識既一位朋友,無錯!就係你LA...係咪覺得好榮幸呢...XD
我掛住佢既原因係....因為你又話覆電話比我,結果都冇覆度,搞到我有D唔安樂既感覺XD
放心,唔好太誤會,小小誤會我就好LA..XD
講笑姐...主要掛住既原因係因為對你仲有D好奇,
到底你係一個點樣既人呢?你為人點呢?會唔會有好多朋友呢?ETC
黎緊哈囉喂好想搵個人陪我去玩返一晚,好讓我有一個好覺可以訓
同埋我想將個頭象轉為樹熊唔知大家點睇呢@@? |
|
