上星期日,突然見到我心中最愛果一位上左MSN
跟住,我就同佢SAY左個HI,佢竟然應我,果一刻我感到開心之外,
仲好想約佢出黎,佢又跟住好爽快咁答好
我好開心,之後好快咁就訓著左

到左第2日起身,自己好興奮準備夜晚既野--一隻介子,一個以前送比我既名牌
夜幕低垂,終於個時間差唔多到,於是打電話問佢係咪真係黎,
結果,冇人接聽,呢個時候,我已經開始知道,
佢應該係同男朋友黎

佢終於打比我LA,我依舊好開心咁聽電話,
同時間愛面子既我,扮COOL咁聽佢電話,
問佢係邊度,佢答係尖沙咀站內,
佢問我邊度等,我話碼頭等,結果佢唔識黎,
於是我落去搵,但行到去,再打去想問係邊,
結果,冇人聽,之後無幾耐,佢就打黎,
話比我知位置之後先再問我佢男朋友黎得唔得

我知道果一刻如果答唔得,佢就會放我飛機,
但講真,我本身約佢出黎既原因唔係因為想見佢,而係想同佢講真心說話
而且,我BOOK左間餐廳,
之後,我後悔答好,因為佢地兩個已經無視我既存在
好火,真係好火,跟住去到一間大家樂,
佢地食飯,我唔食,因為已經火遮眼,
之後同佢男朋友傾計之間,我已經感覺到有火藥味,
雖然我真係好想出手打人,但家師訓誡我學緊既功夫係建基於以力打力
而主動攻擊係傷唔到人,當然我見到佢既力量集中於雙手度,
準備還擊,我...認輸了,
我認輸唔係因為咩原因,而係我既力量唔夠人強,
論功名,自從要同佢分手之後,我自覺無能力領導其他職員,轉去唔到地方流浪
論功夫,自己唔係學既係一門比較講技巧而唔係力量為主功夫

但係我睇得出,呢個人會係打老婆既人,
希望我睇野係錯嫁LA...祝佢地幸福~

琴日,收工之後,最終都係頂唔順去左飲酒,原來我真係好想喊,但係我個FD搵我傾計
最後我喊都冇喊,佢就喊到收唔到口,諗返起都覺得奇怪=.=||

終於我安慰完後,佢有佢返屋企,我有我返屋企,
返到屋企,好想喊,但係喊唔出,可能就係因為冇左D歌既伴奏掛~,~
跟住一邊沖涼一邊諗頭先同FD傾計果D內容,
"你諗住將來點?"我FD問我
"我冇AR,但求一死之餘屋企人唔會有任何負擔,朋友都唔會在意我既生死"
"你唔好死AR,你死左點算AR,你係我精神支撐黎嫁..."
"你唔好咁gay好唔好AR..."
之後又係咁搞爛GAG

有時候我係度諗,我係每個人既心中到底係咩人?
萬事通?有事當你係兄弟,冇事當你係X弟?
定係真心朋友?有難同當?
內心真係不免有呢D問題,
不過算la,我反正都係一個成日比人搵笨既water fish
係我先咁傻願意比人搵笨姐

第2日,訓左幾個鐘,
醒果時個胃有d痛,um...肯定係琴日飲得太澈頂唔順
之後照坐車返工,係架車到訓到到左總站都唔知,
好彩返工果度係巴士總站附近,如果唔係我實pk
之後既最後都係頂唔順,買左個m記,
食左之後好返好多...
跟住一直係度呆,至於途中發生咩事我都已經唔記得左la~.~

呢排真係好攰,好想永遠長眠係大地
不過,最起碼我要令到身邊既冇物憂慮我先至消失得!

好想打好多野,但唔知由邊度打起好,
琴日同卓豪吹左成幾個鐘頭水,當然大家知道大家一D事,
我知道佢D往事,佢知道我一D往事
有時候見到以前果一位開心既樣子,我開心,但心痛,
不過冇得怪,因為有D野唔提唔比佢知道係好D既...

下個星期話說同我個FD返教會,不過唔知道結果係點呢,真係好期待...

唔講咁多野LA,今晚返屋企自己喊飽佢算LA

唉...D人開緊工,冇得訓,於是自己不停係度聽歌,
我係邊聽邊諗,當然大部分時間係諗呢個既安排LA..
因為自己做兩場WAR GAME既搞手,之後煩8月去CAMP既事,
仲有既係6月29號去開GAME,然後學琴學拳同埋搵學校

前果排,我聽到俊講佢後悔當初冇好好讀好D書,
而我,我都後悔,但唔係冇好好讀書,而係付出太多
最後得到既,唔係欣賞,而係比人話我自己拎黎,
岩既...我都無辦法駁佢同埋真係好無奈
不過冇計LA...唯有等我成為呢個醫科聖手之後再醫好佢LA...

呢排真係冇咩想打,自己慢慢咁開始變返去返學MODE,
加油AR,一定要有所進步

最近呢個5月真係好黑仔,為$真係周圍勞動
又要問人借$又要追人還$,感覺上好辛苦,開始有D覺得心力交瘁
不過冇辨法LA...又唔可以講D咩野既
好彩出糧出左唔小比我,今個月都問題不大..

今日原本去學野,但點知訓過龍冇黎到,
之後俊哥打電話黎,同我講佢係土瓜灣,
我下左聲先知道原來佢今日交左罰款之後去見工,
跟住同佢吹水,主要都係講D身邊既野,WAR GAME既事

同佢吹吹下水,佢就講起我以前果一位心愛既人
佢話佢見到"佢"拖住另外一個行街
其實個心仲好痛,真係好想當面喊出黎
但係身位一個男人,係另一個男人面前喊真係好失威~.~
當然最終我好淡然咁講左句"係AR"
就回應左佢,我諗佢感覺到我有D野,跟住轉左話題

其實我係唔開心,但係我唔想有人知道,
我另加冇諗過如果有一日,佢會鐘意返我
因果報應,我對佢差係我好明白佢為人
有好多野我唔講出黎唔係我唔知道既...

更何況都唔想有人無LA LA咁關心我
我身邊既兄弟佢地都明白我
我知道我咁做係因為我ON居
但諗起身邊既人,身邊既事,
迎呢幾年轉變實在太快又太大
有一半係我自己拎黎既...

不過都好事,最近搵到間學校黎緊可以9月入去讀書
至於係邊間,我唔會透露,因為我知道當我一入到去讀書
總會有一,兩個都係睇我唔順見,跟住...

不過點都好,我要好好咁讀書,我要做一個出色既醫生
即使我自己想死都好,我都要用自己既生命去話比人知,
"要想死,首先就要話比人知自己死都唔會令到身邊既人,包括親戚,朋友,父母唔會感到憂心,仲要令到佢地既一生係無任何物資上既負責"

唔講LA,我去買煙食吹下海風LA