今朝早,收工第1件事,趕返屋企換一件衫,
之後去跟D公公婆婆學返一招半式太極操,
佢地初時都係感到有D奇怪,不過好在佢地肯樂意教我
學左幾式之後,WA...成個身開始黎了,
可能係我天生學野快.佢地都不斷讚好XD

之後耍完,又返屋企,開始係度搵張職員證
X街,搵黎搵去都搵唔到,於是一個不留神,
果一個裝住我最開心最快樂既回憶箱打翻左
突然見到以前一張又一張合照,
一個又一個別開生面既禮物

哈哈,不該既哭淚又係眼角流出,
不過點都好,呢D係我自己既問題
反正你要同第2個一齊我都相信你係開心,
祝你幸福!
我自己都會信守自己既諾言
除非有女仔主動向我表白,否則我都唔會去追任何一個女仔
希望你到時候會明白當初我唔係對你開空頭支票

其實如果佢依家男朋友(如果我冇記錯應該叫做趙師傅)睇緊既話
我諗我都唔洗再講D咩,不過你要明白到,佢係一個唔鐘意人開空頭支票既人
你講得出既說話一定要隨時兌現到,如果唔係就只會覺得你好似我咁成日講D"大話"
係AR,我曾經同佢講過,我一定會有架車,車佢返學放學,依家我有車,但係太耐兌現唔到,已經變成大話
我曾經同佢講,我會租一個單位,等佢同我一齊住,但係同一個理由,又變成左大話
希望你明白佢既心,除左比到佢安全感之外,你仲要誠實--你講過既野一定要做到

呢排忙,前日同左一位外展社工去左做義工,
結果我成為呢個臨時組成義工隊既開心果,好彩果日冇咩女仔係度姐,
如果唔係我真係無言....

之後去左兩個婆婆屋企,咁岩遇上火警,咁冇計la...
局住叫佢地落去避一避,不過佢地真係好開心睇得出
我自己見到佢地兩名都係冇咩人去照顧,所以真係有d唔開心......

琴日終於考車牌la...好緊張好緊張,
考果時,自己太緊張la,結果失左水準,
差d撞車,正確上黎講係差d high到人地架車,
跟住去到人地講最難果部分--泊車&窄路倒頭,反而比人讚好,
之後我拎住張成績表,差d喊左出黎,就係衰果度,
好唔抵好唔抵,真係....唯有等兩個月再考過la...

跟住夜晚傾同一個fd傾保險,佢問我受益人寫邊個好,
我dead air左幾秒,其實我好想同佢講寫我前度個名,
但係我諗如果咁講,佢地未必會幫我,因為咁做真係好傻
同埋好似要身份證,不過佢地都幫我講左話係法例合法人,
咁是旦la,佢咁講都唔好意思,唯有等老左要立平安紙果時先講la...

其實我咁做唔係因為想補償d咩比我前度,但係我個心仲係愛佢,
所以先想比一樣"不時之需"佢,希望呢一份最後送比佢既禮物佢會要la...
如果我真係死左,我都希望呢份心意會比佢好好咁用...

不過依家仲未死,咁我就緊係要去搵多d$,搵一個愛我而我又愛佢既人la...xd
加油ar自己!即使依家生無可戀,但起碼要學曬所有知識先死!

今日又係一個星期日,個人黎講,好悶,
唔知點解呢排見到身邊既朋友一張又一張既團體相又或者係親密照,
我諗起以前既事,諗起以前既朋友,女朋友,戰友,
依家一個又一個因為工作,學業,拍拖,而唔再搵我
唔得唔得,我都要再搵過一班朋友同埋一個女朋友先得xd

唔吹呢d咁無聊既水,呢排想搵返學校,但係果個社工話幫手,
結果都係冇幫過手,反而仲話我成日轉區好難幫我,
唉...原來我真係咁多問題,真係比佢搞到我愈黎愈煩,
唔理la,聽日死就死la,死打電話問學校

突然覺得自己真係好廢,雖然依家呢份工真係坐係度就有萬幾蚊收
但係只係坐真係覺得有d無聊,要搵d野做下,做義工都唔錯wo...
又或者學下野都ok,um....都係搵d野讀下好la,存下$我既目標係10年內買到樓!
嗯,就咁話la!

琴日終於收到唔小我sd出去既e-mail.主要都係輔警同學校既事,
睇完輔警果度果個reply之後我諗都係讀返好d書先la...因為衰英文,如果唔係我就去左見lu...~.~
至於學校,sd左3,4封,只係得一間回我,我諗可能都係讀呢間嫁la..@@
之後黎緊考車牌,哈哈,同俊傾到火紅火綠,希望一次pass la...

呢排都唔知做咩事,愈黎愈累,我諗d訓覺債要我去還定la
之後又咳得嚴重左,冇計la..要爭取時間休息ar ma...所以都係冇睇到~.~
不過我諗過la..依家只要讀返書,跟住保安呢度變做打游擊,
咁就店曬la,跟住就有多d時間可以休養一下身體,
如果唔係依家咳到啖有血,再遲d就真係唔方唔咳到出血

自己咳咳下係度忽發奇想,如果我真係冇左條命會點呢~.~
前度會唔會為我而喊呢~.~(不過點都唔會la...反正佢都有咁多男朋友,擔心呢個果個邊度輪得度擔心我)
如果真係冇左條命,我諗我都或者會分返身上果一百幾十萬遺囑比佢,
始終佢都係放係我心中既人,不過算la,我諗就算佢要,佢都會將呢筆錢比返我屋企人
頂自己個肺ar,諗埋呢d野做咩鬼,依家最緊要既係留返條命,
之後去愛第2個人,努力搵$,做d分分鐘鐘會冇左條命既工,
咁樣既話死都值錢d ar...反正自己都唔想做人,死都要死得人地會覺得我唔係自殺先得ar ma....^^

唔得,真係好頭暈,休息一陣先

今朝收工,到孱仔玩到自己都冇咩電剩
諗住上下電,點知冇煙仔=口=
不過點都好,總係叫做返緊去開工果時訓左陣..

琴日我個fd jessieca冇la la what app我,
比佢問起我同柔柔既事,我竟然仲有想逃避既感覺,
痛,真係好痛,無比既痛,就好似有隻手不斷大力地想粉碎我既心成空氣
但我已經習慣左,只係覺得自己做咩都冇曬能量

唉...真心付出既副作用就係咁,真係學叻哥咁講:
"唔好拍拖,唔好拍拖,千其唔好拍拖....小姐咪走住,受唔受溝ar" xdd

之後同佢換而話題,問佢我係咪應該返中學讀書,
我發現身邊好多人同佢一樣,都係比左d佢地主觀意見,
我真係唔係好想同我前度傾計係因為佢答我既係同佢一樣模稜兩可既答案
真係有小小頂佢唔順,不過諗返起當時,我都係好似佢咁,唔知係我學佢定係佢學我呢
不過呢個問題唔討論,因為我唔想再令自己心痛

煙仔ar煙仔,我好掛住你,但係點解偏偏我就放埋你一邊,需要你果時就搵唔到呢...
呢排自己咳得好勁,咳咳下果時突然奇想,
如果我就黎死,唔知陪到我最後既除左家人之外,仲會係兄弟ar...老死ar...前度ar...定係一d我唔為意但係對方留意我既人呢@@?
不過...又唔係到左就黎死既關頭,恐怕呢個奇想都仲未到知道答案既時候~.~

聽日又落槍街la...希望比我搵到一支岩我既槍la..
之後到左後日,我就要打去教統局搵學校la
不過jessieca講既可信性有d令人懷疑,不過都值得一試既...
加油!我晢要搵到學校入去讀為止!!!