今日放工返學,好攰好攰,
之後返到去,同家姐傾左兩句,然後就要上堂

經過漫長既課堂時間之後,我,班長,源,Chirs 4個人去左旺角街市熟食檔開餐
入到去,果一刻既感受好溫暖,呢度指既唔係室溫,而係內心既一種溫暖
而且更加感受到既係一種無名既嘆息,同埋對社會無奈
可能自己都係半工讀,正確上黎講係叫做全工讀--全日返工全日返工
同果一班伙計傾計果時,額外仲感受到佢地既親切

係食完飯果時候,我地4個人就行去油麻地,
行下行下果時,Chris就問我點解講爛GAG咁好笑,
我果一下我都唔知點答佢,可能係因為我天生,可能因為我後天
不過點都好,我依然笑住答佢:
"唔知呢,有日有個FD同我講左句野之後我就係咁LA"
傾下傾下,傾到最後,佢就話要向我請教下我既爛GAG功力,

講真果句,我邊到有咁既功力LA...起碼我係令唔到異性笑同埋大過我既人都會笑唔出
唉...~.~

然後又返學,到左放學果時,我就去左源屋企同佢一齊打爆機
到左最後12點,1點左右,我依然收唔到家姐既SMS,
係果一刻,我就知道佢放左我飛機,XP
不過我真係唔介意既...咁佢壓力大AR MA...~.~
希望佢黎緊成功LA...

11月完約左之後去見保安主任先得!

10月24日
朝日收工之後,我就去左返學,
一如以往,返到去都係坐係度,
之後聽下書,吹下水

放左學之後,返左陪FD落左黃埔,
唔知點解佢地呢排又玩返遊戲王~.~
咁去黃埔既原因就當然係陪佢買卡LA...

行下行下就去到4點幾5點,
然後自己趕去上環去參加IPSC既氣槍射擊課程
跟住聽佢地講完一大堆野之後,
我地就開始玩LA,不過我打開WAR GAME既我已經"炸"壞手
果D導師係咁指導我"炸"返正確手勢
結果都係OK既...(係果一刻)

到左最後超左時,佢地就簡單佈置左一個彷似比賽場地
話大家感受一下,當日有大約6個人玩,有4個"巴"
而我係時間最快果一個--7秒14分
不過我都係用我"炸"壞左手既手勢去打~.~
其他人就由9秒至15炒不等
就結束之前,當日既導師又示範一下點打,
結果都係冇個快過我,係課堂完左之後
佢地就叫我加入佢地槍隊,不過我推左,
因為冇時間係其一,其二就係自己唔想咁快入隊住

不過講起上黎,我中學既師弟好似暑假果時叫我返去中學玩,
但到左依家都係冇搵過我,諗下諗下真係有D火滾,咁冇口齒都有既

呢排同家姐係咁SMS,
佢比我既感覺係幾好人,好有責任感同埋好有童心,
可能我既天真感染左佢,又或者本身佢係咁既人
不過點都好,我真係有種衝動想"滅"佢面豬一下 XP
希望可以繼續咁開心LA...我既好家姐!^^

依家仲係公司,好攰咁返工,
呢幾日幾乎冇訓過咁濟....

10月17號,
上午返學,放學之後去左源屋企打機~.~
跟住去洲際酒店開工,
返到去之後,發現早更變左好多人
然後接更聽到既消息就係有個住客好鐘意放D野落樓梯假天花度
結果同另一個同事由天台走到落地下一層一層咁搵睇下有冇野
最後搵唔到,唉....=3=
之後成晚都好攰,訓都訓得唔多

10月18日,
收工之後返左去學校上堂
放學之後,返屋企訓左一陣,
然後返去公司開工
返到去之後,原本以為仲有訓一陣,
點知原來係冇,事關仲有人係office入面忙緊
當佢走果時,又黎多一個客話要整rack
結果冇得訓....

10月19日,
收工之後,我就帶住超級攰既精神返學
返到學校,有個同學係度同我講:
"wa!你咁返工法真係有$冇命洗wo..."
我都知...但係鬼叫屋企人唔肯出$比我讀書咩...
咁唯有靠自己lo...
冇計真係冇計,黎緊12月都唔知點算好
又要實習,又要開工..../3\
一旦放棄份工既話,1月就會冇$交學費
天啊~
夜晚去洲際開工,
最後攰到差d暈低,好彩既係我仲支持得住返屋企

10月20日
收工之後,搭車返屋企,
返到屋企原來諗住小休15分鐘之後再出去
因為社工約左我地幾個人話去合band
不過最後一訓係張床到就不醒人事
當我起身果時,已經係晚上8點鐘
訓醒果時仲想訓落去,可惜既係我肚餓~.~
最後搵左源出黎食個飯
食完之後係度行下行下去左一個冇咩人既公園,
係度坐低吹水,吹下吹下,突然之間覺得好空虛
好似迷失左方向咁,
不過我都好enjoy果一刻,
因為好似諗通左d野,不過又唔知諗通d咩,
總之好耐都冇咁試過咁舒服...

最後去到12點先返屋企訓

10月21日,
今日訓醒之後去搭車,
返到去,係度勁悶冇野做,又唔可以訓,都唔知可以做d咩好~.~
突然之間,去左勞工處睇下自己果行有d咩變化,
結果一睇之下,發現有個副隊長好似好岩我做咁,
不過諗諗下都係唔好,始終一黎果邊唔知有冇得訓,
二黎怕轉左之後仲衰過依家
我諗暫時都係唔好住la..做熟點都好過做生ar ma..

呢幾日,好忙,返完夜之後果日就返早,冇咩精神打,
結果都係係今日打埋d野佢=w=

10月12日
果一日我走左堂,因為我要去開工=口=
朝早忙到抽根都抽唔切/3\

結果夜晚係度同我個老死--俊
去左食串燒
去到食左一round,之後開始大家係度吹吹水,
吹下吹下,咁就晚上11點半,雖然有好多野想講
不過撫心自問,呢d野我咪又講左好多次....
結果都係冇講度~.~

跟住行下行下,去左紅磡碼頭,果時候,送左佢上車,
之後就自己一個靜靜咁坐係個碼頭度回憶一下當日講過d咩對話
諗下諗下,自己最終都係忍唔住,係腰包度拎出一盒食左7個月都食唔曬既煙仔出黎
"叮!擦!"兩聲,咁就食埋佢,可能會有人唔信,
不過係真既,我自己本身唔鐘意食煙,當然知道煙既害處,
不過煙入面有幾種成份都其實係好,
就好似尼古丁,佢其實係有一種止痛既成分,如果將食完既煙加水會出煙油
將果D水噴落植物度,咁棵植物就可以自行趕走D昆蟲

不過主要想講既唔係叫人去吸煙,只係當自己感覺上好傷好痛果時,
吸一支煙,自己會變得冇咁辛苦
食完,去左坐巴士返屋企訓

10月13日
返到去公司,唔記得左要SD返份CV比學校個SIR
啦啦聲搞店左,不過係工作經驗就頭痛,
事關我份份工都係3個月就走人(唔記依家呢份)
再唔係就打黑工,結果我只係寫左兩份工就算

晚上訓覺,好攰之餘,仲感覺到好似有人係度幫我"COME"被,
睇黎自己D幼覺都有幾勁下~.~

10月14日
今日8點半訓醒,我合埋隻眼,當自己再醒果時,已經係9點半
結果我同源遲左成個鐘先到,我中學同學--孱仔就炸曬型
無計LA...源佢又話要拎自己架單車去踩,之後又話要搞呢樣搞果樣
跟住正式出發果時,已經係差唔多12點,
我地就由大埔墟到大圍,
不過踩得多有D悶再加上我未食早餐,
結果就去到科學園附近食D野,
食完野之後,已經係1點幾,
之後用左唔洗1個鐘既時間入左去馬安山公園,
跟住又坐係度飲豆漿,飲完之後坐係度吹吹水聽聽歌,
最後2點鐘左右又出發返大圍,

當我地3個去大圍果時,係雙子橋,源又炒車加甩鏈
我同孱仔只可以用無奈中既眼神望住佢,
最後入去沙田同大圍之間既一個地方,附近某個公園又坐左陣,
我回頭一望,原來係佢住既地方附近,
自己隨之然好唔開心,源唔知點解佢見到我同孱仔既樣,
佢話想影低落黎,我同孱仔就摸不著頭腦
不過...最後冇理佢,一齊起行返去大圍,
係返去大圍既路,好難行係咁上落斜,大家冇咩力氣,
之後佢地兩個人素性落車行上斜,我望到佢地兩個咁好無奈
因為我係咁死頂踩,最後就返到去交車,
我吸大啖D既氣都好辛苦,唉!

交車時間大約3點幾,我地3個人就好驚訝,
原來就係咁短,仲以為會係5點幾先到~.~
下次再搵人一齊踩先得!

 依家係10月10號,頂埋今晚就有得休息一下LA....加油AR!自己^^!

10月9日,
返到學校,好彩仲有10分鐘先上堂,
基本上返學冇咩野既...只係有一下唔小心訓著左=口=
之後到左補課英文,我識左3個新朋友
分別係兩個讀社工,一個講BA

不過我覺得佢地好怪,ER...咁都唔怪得佢地既....
英文要加油AR....!我要讀上去HD AR...!!!!

之後就趕返工,本來諗住可以返去訓,
點知原來有個人今晚要趕工,所以我到依家都冇得訓,
希望佢快D走,我就有覺好訓LA.../3\

黎緊希望可以快D存到$買返架車代步LA...
真係好頂唔順日日咁係度坐車咁慢T3T