今日返工,自己忙左成個上午,之後就係度HEA,
跟住既事就係...發左個唔好既夢,
見到佢離我而去,後母將我趕走,無人理我,
自己過住討飯既生活,感覺上好真實,
可能我自己身邊真係冇咩朋友掛...

唉...~.~
有時係度諗死仲好過生存,起碼自己能夠解脫
不過我自己唔係冇良心度將所有問題交比家人去處理,
都係等我有$自理果時先去死LA...^^

今日偶然間見到自己放下了很久的口琴,
最終都忍不了吹了數首歌才衝衝離開家返回公司...

說起來我已經接觸了音樂大約16年了...
第1次接觸的時候是我3歲的時候,
那時,祖父帶我去到他的朋友家作客,
我見到那一個銀色翠綠的口琴就拿起來研究研究,
他見到我在玩,然後便開始吹奏上來,
雖然不記得那時是什麼歌曲,同時間也想不起我是如何得到這口琴,
不過肯定的是我自己因為這玩意而可以不用買玩具幾年

那時候,我天天都亂吹奏,而祖父則有空時教我小小技巧,
開始踏入小學階,可能我真的有這天份,我只有音樂科的成績差不多滿分
而其實科目則較差
慢慢地自己在想,與其如此,不如全心投入這一科,
開始的,成績(特別是英文)倒退,
最後始終都完成了小學而踏上中學階級

到了中學後,由於音樂科的差不多是同一樣東西,
所以我使更加開心--音樂幾乎全級第1
不過在中4的暑假時,慢慢地放下了,
慢慢的放下心中的信念,只顧著今天應該帶她去那玩,明天帶她去那食東西
*******************
當我再次接觸它的時候,已經時我最傷心的時候
通過它先可以使我釋放不快,
同時間我認為音樂可以讓人感受情緒,只要你願意付出心情來細聽,
可惜,房間能夠欣賞的,只有自己,聽到的只有自己
不過也好,可以不必顧慮聽者的感受,自己可以靠著不完整的音律,不完全的音速,不完美的音符來發洩
其實也是一個不錯的感受
音樂,就是為生命添一點顏色,
音樂,就是為自己帶來歡樂,
音樂,就是為自己感受到存在的意義...

因為音樂就是完整而又不完整的....

11月6日,琴日行程如下:
返學,
放學,
去夾band
返屋企,訓

返學放學冇咩野講,夾band果時舊有既人唔見,得返孱仔同埋呀木,
呀木佢話自己入左圍"中國好聲音"(有d似超級巨星果d)
不過見到佢唱歌各類野,我反而係度諗點解依家d歌手好似好做作,
唱歌之餘要"修身",表情要誇張,感覺真係好假好假,
可能依家既唱手路線唔止要唱得仲要睇得掛....~.~

不過始終睇唔慣,完左返屋企果時,仲要向我地度水,話冇$搭車返屋企又成,
我心諗佢係咪黑底既人?我認識咁多人,重來只有呢類人先會對一認識既人咁"熱情"
最後佢都好無癮咁走左...

11月7日,訓醒之後去左in仕德福酒店,
去到之後,人事部既人員叫我去填表,
開始in果時,佢問我點解想加入酒店呢一行之類,
跟住我就好細詳咁答佢la...

之後佢就開始同我傾計,係咁讚我有禮貌又成,
然後係度開始等f&b 經理,
等左成個鐘之後,果位人員就入黎同我講唔見佢住,去做制服,
哈,咁就輕易過關~.~
不過我feel到將來酒店實會搵我做好多野lo...=.=

之後去左傾中文功課,話要小組討論,結果一班gag友對一班gag友,可想而知係幾咁辛苦呢...~.~
最後經班長英明領導之下,搞店左@@

依家暫時得返英文,聽日再傾^^

返去屋企果時,同家姐係度傾計,傾傾下果時,佢話我一定好快搵到個新女朋友,
其實我係好唔想搵,因為佢,因為自己,只要佢開心咪得lo...我知道佢開心,
無論自己幾傷心都好我都會感到安心

香港,曾經係一個所有人都能夠安居樂業既地方,
而今時今日已經變成左每個人都怨聲載道既地方,
點解呢...?

"安居樂業"
先令市民安於居住,後令其樂於工作,使社會更加繁榮

殖民地時期既香港,由於大量既難民黎到香港,為呢個港口帶黎技術同資金....

點解我會講呢D野,事情既開始就係有一日(姐係今日)既風和日麗不過有小小凍既朝早,
係南灣半島入面一間M記食緊早餐,見到一個人係FB話新X基新既一個盤賣5000萬一個單位
之後係度罵罵罵,我頂唔順,黎手加左一個回應黎串返佢XP

不過重點係以下既東東:
我唔明D人只係一味話地產商一係奸到冇朋友,一係就話官商勾結

如果用我角度黎睇,就係咁既....
殖民地時代發生幾場大火,而注名既一場就係石X尾發生,
當時政府為左令果班人"收聲",於是就起一大埋公屋出黎,
可想到既係公屋當初既定義係用極低既價錢租比窮人住既...
去到72年,前港督為左回應一班中下收入階層既需求,
開始左一個名為"居者有其屋計劃"(簡稱居屋)
而售價相當於市價的4至5成,當時大受市民既歡迎,
而私樓呢?當然就係比中收入或以上既人去買黎住LA...
可見當時香港"獨有"既一條住屋鏈就咁樣出現左
而所謂既炒賣基本上只局限於私樓
可怕既事情就係咁慢慢開始...
隨住回歸,樓價狂升至極高水平,加上當時行政長官唔知食左咩過期藥,再加上金融風暴(呢個先係真正既重點)
令到好多資本主義既國家/政府都中曬伏(國家/政府都係商家),
香港當然都係LA...再加上亂洗$起樓,
最後起好左既居屋,但董生最後一句8萬5已經唔存在,大多都因而變成為公屋,而當時庫房都出現空前既赤字
政府為左要還$,不斷節流,而當時最有$既應該都係得地產商,
政府一直都有放賣官地比地產商,即係話其控制權係港府身上,
但係果時政府想法就係要盡快還清條數,如果唔係就真係成為新世代第1個宣佈破產既政府~.~
所以其中一個方法就加賣官地黎搵收入,可惜既係此例一開,
果一年真係搵到好多好多既收入,地產商就開始獅子開大口,
要求要賣呢個地,賣果個地,個中既因由,我雖然唔能夠了解得曬,
不過我知道既係假若政府唔做任何事,地產商有機會選擇擺買黎令到政府大大減少收入
由此可見到金融風暴令到政府由"最終決定權者"變為"被動回應者"

另一方面,由於呢一條住屋鏈決少左居屋呢一項,
中下收入階層慢慢變成左三條路線,向下走--公屋/向上走--私樓/成為N無人士
其實三樣都唔太好,
去住公屋即慢慢窮化(因為收入唔可以超出一個指定數)
去住私樓,買得起樓但大多都要供到退休(即做一世樓奴)
而N無則公屋住唔到,私樓買唔起,只可以租單位住
三者都係唔好,前者想搵好多$要靠下一代;
後兩者就好睇個市道....

慢慢咁呢個樓市就由地產商控制,
再加上內地人開始南下買樓,當然仲有唔少因素,
最後令到依家既樓價有升冇趺,
而港府點解唔做野,因為以下既原因:
1)聲音極其矛盾,冇樓人士要趺樓價,有樓人士要升樓市
2)被動,曾政府時期初,可以見到當時樓市都仲係可以令返主動權,而佢選擇咩都唔做,安心坐於不理

所以最終到左依家既地步,而最終既錯我會係話政府,而唔係地產商,
我係明白商家依家做緊咩,佢地會不斷咁提升樓價同時間係度試水溫,
如果覺得OK就會繼續升,好少會話趺得多

最後,我知道仲有好多因素無能盡講,不過希望我會令到各位明白
政府出於被迫而唔係官商勾結,
而作為一個商人,佢地只係按住商人原則黎搵$,而唔係要照顧香港居民住屋需求黎定價錢

最近呢幾日我都係冇返工,主要都係因為冇車$返工~.~
琴日去左小西灣返工,由於好凍,於是我就拎左件大嬲,
一著上身,件衫果一陣氣味令我諗起佢,UM...主要既原因係因為我唔記得左拎去洗...
諗起好多開心,唔開心既事

其實我諗如果我唔離開佢,佢會唔會都係同我講分手呢?
答案可能會,可能唔會
我都唔清楚,只係覺得好痛苦,好內疚

時間真係會令到人愈黎愈唔想講咁多野出黎,
特別係呢個公開既地方
唉....我都再分享唔到開心既事嫁LA...