近日,有個人係度每日睇一睇我呢個QOOZA打D咩,
無錯,呢個人正正係佢男朋友,
當然LA...我會覺得奇怪,我同佢河水不犯井水,點解總係要睇我打D咩呢...?
我諗左好多個原因:
1.想笑下我打既野有幾白痴
2.想八卦下呢條友(姐係我)到底有D咩事發生
3.同佢嘈完交怕佢會再搵我
4.就係想我禁佢個BLOG度睇佢地兩個幾恩愛
5.其實用呢個A/C既人就係佢

不論邊個原因都好LA,暫時都係將呢個BLOG set返做只準好友收看,
如果有一日你冇登入你又見到我打既野,希望你可以幫幫手話返聲比我知道LA...

今日收工之後原本打算大覺訓,點知我舊時中學同學搵我出黎打機
OKOK,咁就出左黎,原本佢話只係得我同佢
結果佢搵埋佢條女出黎,搞到我勁樣衰=.=
因為我既打扮就係超級街坊裝

唉....真係無奈
結果為免2打1既狀態之下,
我搵左我老死出黎陪下我
之後出到黎,結果係度唱K
初時有得佢地唱到夠,
跟住到我同老死出場,
當然係玩野LA...我發現原來佢女朋友都幾玩得同埋笑點好低
求其講個爛GAG都笑到唱唔到歌
不過都好既....起碼容易感到滿足快樂,祝佢地可以一齊手拖手行到去生命既盡頭LA...
之後我另一個老死打比我,話比我知佢依家出門口,
果一下我就知道,我唔記得左已經約佢=口=
好彩...佢地都識既...
於是叫佢過黎唱返幾句之後先再去槍街放槍

當佢黎到唱左一陣,由於2打3既情況之下係不敵,
結果急急腳走佬,嘿嘿,其實係佢地趕住返去見家長姐...XD
成個K房得我地3個人,哈哈....
係度拼命點以前既rock歌係度唱,3條友下場就係一個沙聲,一個講講下野走音同埋喉嚨痛,
我就係中間果個/3\
之後去到槍街某間幾FD既槍鋪比老闆笑,
我就即使指住佢個手下既手指講仲未好返咩?
聽閒呢個人既手指係北上之旅果時比"專業人士"夾到骨折
諗起都笑到我爬地,雖然我冇試過叫雞,不過照計都唔會搞到諗~.~

秋風起,風既味道令到我諗起以前同佢冬天住手拖手返學既情況,
真係令人懷念^^

琴日訓醒,公司打黎話聽晚唔洗睇裝修盤,叫我去警察總部守,
都唔知係一件好事定係壞事,仲想叫我長駐,我答佢去左一日之後再睇下點先LA...

琴晚去左新城市廣場其中一間鋪度守,行過去果時,係其他人眼中呢個地方只係一個商場,
係我眼中,我見到好多個自己同埋佢一齊玩既回憶係度出現,
於是我又勁冇精神咁返去開工,
去到開工地方,我只可以講一句粗口,師傅唔夠1個鐘就搞店,
果間鋪既職員又唔比我走,死都要我係度過夜,
結果眼光光等收工,好無奈

收左工之後,見到呢個熟悉既地方,我就慢慢咁行下早街回味一下以前既事,
行下行下,唔知點解行左去佢屋企附近,原本我打算再行入D,
不過一黎怕真係撞到佢OR佢屋企人,二黎更加唔係好想見到果邊D街坊,
唉...我真係怕事~.~
最後係一個我好熟悉既車站度搭車走.....

上左車之後,我自己一個靠係車窗位度訓著左,
一直去到總站,車長叫醒我先知醒><
好彩總站係我屋企附近姐,如果唔係真係大濟,
同時間我醒果一下,我原來滿面都係眼水,
睇黎自己發左一個呢生人都唔可以忘記既夢

你同意嗎?我心中最愛的那一位

終於收到學校寄黎既信LA...20號開學禮,21號返學=口=
會唔會有D趕AR大佬?
點都好LA...黎緊要讀好D書之後既目標要升大學!加油AR自己

今朝早,我都係冇訓到覺咁出左門口食早餐,我係咁打比我個FD,
佢冇應機,勁火,之後上佢屋企,佢仲好空閒咁既款,
我直情想打獲佢,不過地方係佢主場,我唔敢亂黎,
只好係咁串佢-,-

之後去到大埔墟火車站,已經係差唔多11點,
跟住就租單車,出發去馬鞍山,
一邊踩一邊係度欣賞風景

當中發生左D唔知笑好定喊好既野,
我其中一個FD佢竟然著拖鞋踩單車,
然後仲要可以踩踩下甩左出黎,
最後仲爛埋,好彩既係果時到左馬鞍山市中心
比曬時間佢買,點知既係佢仲係買左一對拖鞋

其他都冇咩特別,最後計返條數,只係用左1個半鐘咁盲入左去,
真係夠快LA...

我好累LA..其他事我聽日再講A...><

又到左5點,我自己唔係唔想訓,但係諗起聽朝要8點醒,我寧願唔訓~.~

今日收工之後,緊係玩LA..原本我有個FD做廚既今日唔洗返
但點知最後佢都係冇搵到我,而我就唯有搵我個另一個FD,佢又話去踩單車,
不過搞搞下佢又話聽日先,搞到我幾火,
之後自己可能頂唔順崩大碗既威力,飲完勁辛苦,
係條街度直情想暈低,好彩我自己既意志勁,
結果返左屋企自己張床度,1秒,2秒,暈左=W=

我醒醒地果時,已經係下午既5點鐘,公司打過黎比我
原來係編更姐姐(聽人講佢其實係AR嬸,不過耙聲勁似20幾歲果D姐姐咁,對我黎講簡直係一個打擊>口<)
佢問我點解要走,我半醒咁答佢因為你地唔比我返半個月AR MA..
之後佢話幫我問下人事部,如果OK既話就唔好走好唔好?
佢咁offer我,再加上我果一刻只想繼續訓落去,結果我答好,
之後佢再叫我返13-18號短鐘,我答佢好LA好LA,
佢一路講我一路答好,我其實好想同佢講不如你比我訓LA...
最後...大部分既野我都唔鬼記得,搞到我聽日要問下佢

直到我真係訓醒果時,已經係晚上10點鐘,
我搵我個FD去某處地方佢有佢教鋼,我有我教鏡,紅點同埋lazer
如果有玩開War game既朋友都知道如果唔教呢D野,咁基本上同唔用冇分別
我就教好曬,而佢就我都唔知可以點形容得到佢,
只可以講一句,吹水都要自己有料先得
最後都係我幫佢教,我真係可憐/3\

搞店曬之後打算收拾行裝返屋企,我突然醒起我另外一個中學同學都好耐冇見面
結果,我就打比佢,我唔知點解我知道佢仲未訓^口^
一打過去就問佢聽日去唔去踩單車,
佢話冇$,我答我請,佢就即刻問幾點
我個心突然有一刻覺得我身邊既朋友個個都唔係真心
算LA,可能係我自己多疑姐...何況我不嬲都係一個大方既人黎AR MA...

小休一陣先,聽日踩個痛快XD

依家係10號既6點15分,
我當然係公司返工LA..^^
終於就黎收工,然後接受10日既大假^口^

唔知大家琴日有冇投票比自己心水既人呢~.~
我原本打算投票比工黨,但自己最後係屋企訓著左冇投度=.=
真係可惜,不過見到九東既工黨都暫時都有佢份,個心定左D..~.~

閒話唔多講,我以前女朋友我諗唔會多講,主要今次都係講既係自己^^V
我估有人期待我做一個自我介紹,不過冇都唔緊要既...
因為我都預冇人會睇既XD(自己打圓場,唔好拆串我)

我全名叫做....唔講得XD
根據我AR麻既說法,我出世3個月開始就跟我AR麻住,
無錯,我自細就住係我AR麻屋企,而父母就係度各有各生活
老豆有老豆係大陸既快活,AR媽就有AR媽既半工讀忙碌
點解會有我既出現,一個成語--奉子成婚
直到我讀完幼稚園,去到小學2年班左右
有一日我媽打電話比我,話要同老豆離婚
雖然我一直都預到,但始終都係打擊,
勁SAD,結果果一年,做唔到全級第1 @@

就係果一年開始,我就唔多出聲,
好彩我仲有個好朋友,但呢個朋友變態=.=
兩年後我老豆就結婚LA,佢只係問左我一句,
同時間我應左佢一句,我之後既生活大大唔同LA..
佢問左我同呢個姐姐一齊好唔好(我只係見左一次)
我答你鐘意LA..你開心咪得LO..(如果我唔咁答我都唔知仲可以答咩好)

去到小4,佢終於黎左我屋企住,我爺麻為佢落黎呢件事洗左唔少$
所以以話呢,想內地人為你辦事冇手尾,只要你有$係手就冇問題
黎到之後第3日,態度180度轉變,不斷咁打我,
我當時好想報警,但我最終冇咁做,因為我AR麻同我講
"忍無可忍還需再忍!"
我果一刻終於感受到以前中國既女性地位低到咁
等陣先,點解我好似做左妹頭嫁=.=
whatever la,總之我係果時好想死,
直到小六既某一日,我係班上面有一位朋友,
佢掛住同另外一條友傾計,結果比AR SIR罵到佢死,
不過最後係AR SIR激到面紅耳赤咁唔知係讚佢定話佢講
"你真係好野,讚你又笑,罵你又笑,我真係冇氣好講,你坐低LA"
就係咁,我好似諗通左,我返到屋企開始直到依家既對抗

去到中學,佢終於頂唔順要返老家,而我同佢既對抗都得以中場休息
而我將所有精神集中係讀書上面,當然成績係超好LA..
最高係去到全級排名頭十內,就係咁,我就成為左學校所講既奇蹟
而我中二就由谷底班(一級入面最差果一班)跳升至精英班,
但由於A班冇無,所以去B班讀書

就係咁,一直去到中3,佢--後母卷土重來,而且帶多個B女黎
我今次更加唔怕佢,不過講真,對抗左咁耐,
除左我好累之外,我更加愈黎愈感受唔到家既溫暖,
因而令到我更加想自己有頭家,可惜既係我讀果間係男校~.~
ANYWAY,我依家同佢抗爭落去,簡直係香港打中國=.=

一路咁去到中4既暑期,我有一日係MSN入面識到佢--我既初戀同時間係我永遠忘記唔到既人
當初我以為佢都真係玩玩下既人
但最後我發現原來佢一直以黎都係認真,
我依家唯一可以同佢講既就係對唔住呢3隻字

我中5果年除左對抗後母佢之外,仲有既係拍拖,
而我既成績當然好似倒水咁退步左
最後,我就咁樣出黎做野

其實我原本係打算返大陸果D咩清華果類出名既大學讀書(只係考個聯招試OK就得)
但我老豆唔肯出$,而我後母就不斷比說話我,
話我讀唔到書就唔好讀,我緊係火嫁,最後仲讀D我都唔知讀咩既科
當然讀左半個學期就冇讀,第1,因為我愈讀愈頂唔順,
根本唔係讀書,冇學習氣氛唔再講,根本教既野係小學野,
第2,拍拖冇時間,搞到佢火火地成日要同我講分手
當然LA...自己成日除左返學之外就掛住我同個兄弟打機周街玩,所以成日忽略左佢
隨後我冇讀書既情況之下,我就去左成日等佢放學,
之後佢放假果時同佢去玩,好多好快樂同唔開心既時光都係曬度

最後,佢始終都係頂唔順我,同我分手之後同第2個一齊左,
其實我唔應該埋怨佢,我好感謝佢係呢兩年幾既時間入面帶比我咁多一生人感受到既開心係入面
要埋怨既,其實應該係埋怨自己先岩...

呢件事之後,我再冇咩接觸女性,日日只掛住叫我呢個兄弟出黎玩
最後,佢都係搞到同我一樣既收場,
不過唔同既係,佢屋企人由佢中1開始都預左有咁既結果,所以都冇話怪唔怪我XD
而我同佢既關係都冇咩好講嫁LA..總括而言係好過電視劇
唔會為女嘈,唔會為$嘈,有好野齊齊分,有衰野自己食

直到幾個月前,佢岩岩DSE完左,問我陪唔陪佢明愛,
我答去,順便諗住玩野LA..點知個結果係收埋我
依家黎緊去讀高級文憑(酒店營運)=.=
都好既...之後又有機會可以讀大學LA...
希望成功LA...

我諗返起,我都有好多行比我做過
生果店,店務員,送外賣,地產,保險,依家仲做埋保安
UM...黎緊加入酒店,之後做埋水電金工,
嘿嘿,最後緊係希望自己參選做區議,呢個就係最好既路向,
不過世事無絕對既...話唔到我做水電金工師傅之後就結婚開鋪頭呢...
雖然依家係冇女朋友...不過結婚唔一定係同人AR MA...
同隻貓都可以XD
講笑姐..希望會有女仔鐘意我想同我一齊LA...黎緊@@
不過呢...呢個希望係等佢結左婚之後先再講XD