係呢個半夜深宵既時間...最好飲返一杯白餐酒,然後靜靜咁享受呢一刻既安寧,
咸咸既海風再配上圓圓既月亮,正係度互相輝影.....

無錯!當時就係我同我老死係長洲一間渡假屋過既一晚
而我都送上第1次比.....呢支白餐酒XP
當時感覺好舒服,有時候真係好想停留係呢段咁美妙既時間

講起飲酒,我都唔知幾時將酒變成麻醉自己既一種方法,
慢慢咁開始視飲酒為發洩既方法...

有一日,我返返中學等我個朋友果時,
距離約定時間仲有好多,於是我就去附近個士多坐
對於呢個士多,曾經仲係讀緊中學既我叫佢做老鼠洞,
又有人叫佢做防空洞,因為佢既入口係要行落去~.~
當然佢既寶號係叫做榮記士多,
佢入面有幾隻貓,其中一種對佢最有感情--芝芝
我當年F.1日日都早返,日日都係老鼠洞見到佢,
初初佢好怕我,次次見到我就走開

過左一年,我終於同佢開始FD返,
佢係我身邊行黎行去,而我就日日同佢玩
好開心好快樂....
時間一點一滴咁過去,直到我最後一日返學
我好唔捨得咁望住佢,佢好似知道我同佢未必以後會見面,
佢死都攬住我唔放,果一下我個心都酸埋

依家諗返起中學最大最美好既回憶竟然係隻貓~.~
真係唔知笑好定喊好><

到左果一日,當我行落去果時,佢好似知道我黎左
佢馬上跑出黎迎接我,我睇得出佢好開心,
可惜我就唔係,因為岩岩佢講分手
佢望到我咁既表情,二話不說,佢靜靜咁坐係張枱望住我
我望住佢,佢望住我,大家靜左數分鐘,
佢一下跳落我大腿,然後用力一蹬,
佢....竟然吻我!
我當場呆左,而後我就攬住佢,果一下真係好想喊,
估唔到原來最錫我既竟然係一隻貓,
我冇要求佢做D咩,佢就一直咁安慰我....

哈哈,當然以上既場面老闆娘冇睇到,如果唔係佢仲唔趕佢走~.~
之後我就忍住眼淚地輕撫佢,然後,佢就係我大腿安然咁訓午覺
可能佢訓得唔自在,我見到佢訓下醒下咁,
我就問佢係咪覺得訓得唔舒服?
佢"up"頭,我就同佢講,咁你快D返去訓LA..我冇事
佢又"up"頭,然後係我張椅底訓覺~.~

對於呢件事,除左無奈之外,我仲感受到我呢個"完整"家庭帶唔到比我既溫馨溫暖
同時間,我感到無比既溫柔同愛護,
其實我好想見返佢,可惜既係佢已經唔係度,
每次諗起佢,心中不免有隻暖意,令到我平伏返心情
我諗如果佢係我身邊的話,我每次失意,傷心果時,我都唔會用酒黎麻醉自己,
有你--芝芝已經足夠....
我永遠都記得你!你係我最好既"女"朋友^^

好凍~
因為....我唔記得再教返高個溫度~.~

呢排係度諗好多野,除左返學同返工既事之外,仲有既係佢...
返學都冇咩野講嫁LA...只係同胡迪,恩,源,Tony呢4個人比較好吹D之外,
都冇咩人係FD既=.=
至於返工,11月尾就完約,我係度諗緊續約定係試下返其他公司/轉行
希望有人可以話比我知一D意見LA...~.~

至於佢,我最近鐘意聽一首歌--五月天既<<我不願讓你一個人>>
唔知點解聽到呢首歌,諗起好多事,
可能時間既過去令到我唔太想再喊咁多次
只係覺得好心傷,同時間我諗起對佢曾經作出既一個諾言
呢個諾言就係十年唔拍拖,
感覺上好似好毒,不過我會覺得十年好快過去,
當日你問我係咪想同你分手,其實我答唔係,只係你聽錯成係
我知道我再解釋D咩都冇用,始終你對我既心我知道一早已經消失左....
佢呢首歌既歌詞有幾句係正正反映依家我既心聲,拎黎分享下:
"你說呢 明知你不在 還是會問
只因 習慣你滿足的 眼神
只是 我最後一個 奢求的可能
只求你有快樂人生

只求命運 帶你去一段 全新的旅程
往幸福的天涯飛奔
別回頭就往前飛奔
請忘了我還 一個人"

我記得我有個朋友因為我咁而同我講
"你咪傻LA...佢都放棄左你LO,你無論做咩,佢都只係當成馬戲咁睇,你不如搵個第2個吧LA..."
雖然呢個朋友我都唔太like佢,
我明白佢咁講係有佢道理,不過我做咩係我既權利
對於我黎講,我唔開心我傷心在於我內心一早將佢定為未婚妻,
可惜既係原來係我自己帶比人咁多既誤解,以致分離...
 

哼!若果要我重新選擇,我決定既會係同一件事,如果唔係咁,我就唔會學到咁多野
更加唔會學到咩叫做三思而後行

最後我今年雖然過左生日,但我生日願望係佢永遠平安,永遠開心快樂

呢幾日好忙好忙,打唔到日誌
好!就由前日打起先!

10月3日,
朝早起身,唉...好攰,結果同我好兄弟(佢叫做源)兩個人好似慢慢咁行返學校
之後上果4堂悶到7彩,好彩有胡迪伴我左右,
我,源,胡迪3個人係咁係堂上面係咁玩係咁玩,
老師見到我地3個係咁傻笑都唔知做咩事=,=
不過可能冇阻到其他同學,所以唔出面阻止LA...

落堂之後,我,源,胡迪再加埋C1班班長叫做Tony,同埋另一個同學叫做恩,
咁樣5條友係咁掃書店,目的就係為左搵一本叫做.....(由於英文太長,所以唔打)既書係關於前台
搵左成幾個鐘,搵唔到,結果就散左BAND,
而我就同源去左黃埔大眾書店抱住必死既心態去問,
結果真係冇=W=

最後我同佢有同一個決定,上源屋企打機過版,
不過我地上到去發現有佢父親既存在,於是局係屋企搵,
上網搵左好多間,全部同一個答案

最後既最後,就係我係佢地屋企食埋飯就返屋企訓LA XP

10月4日,星期4

朝早,6點50分,打比呀B(源個細佬)一齊返學
打唔通,
7點正,
打唔通,
結果我7點半先打到比佢,佢果一刻先走
最後佢遲到=口=
而我都遲到=口= X2
不過問題在於佢有15分種既時間點行都行到上去
而我就得15分種由何文田行去油麻地,
我到左樓下先遲到,所以呢個問題我都有好多個問號係頭頂

我身為被屈的C2班男班長,上班主任堂果時就好乖咁交曬佢交低落黎既野
係小休果時,佢問我點解次次都見到我著西裝,
其實我好想同佢講我都唔知點解次次有你堂果時就叫我去酒店開工=口=
不過我咁乖緊係冇咁講,我同佢講因為要尊重你AR MA...XP
最後哦的一聲就走了....TWT

跟住落堂既時候,我約左源出黎同埋恩一齊打機,
過程極度不爽,因為我發現呢個恩,原來真係一個咁克人憎既人黎,
好彩我忍得住....~.~

玩完之後,我地就4散,而我就去左Holiday Inn返工,
去到之後果邊既AR大係咁講講講點解要黎,聽到我呆下呆下
其實我最想知既就係到底我做D咩而唔係點解要黎呢到LO...=.=

聽完之後,就開始左我呢生人入面最呆果8小時,
記者區--得我一個人
換句話黎講,得我一個睇場....
好!開波既時候,黎左個李思捷,
佢入左去酒店果時,開始有好多住客見到,
跟住黎左好多好多,我講我認得到既就有..黃祖藍李亞男,陳寶珠,胡定欣,三哥....
點解有咁多明星,你睇下東張西望,OR打開報紙睇娛樂版就知道嫁LA...
就係寶珠姐個孫女結婚,
陳羅聯婚
黎左兩,三個星之後,成班酒店客沖曬落黎
場面係極度混亂,就好似恐怖襲擊咁=.=

之後最慘既係加埋我同AR大,成個保安部得5個人係度,
一個人要鎮Control,所以得4個人係度,根本應付唔黎既=.=
結果我就成為左背景男,如果有興趣,可能會係電視見到我個樣既....@@

果日既總結就係好慘/3\

琴日放工之後,搭車返屋企既途中,
我個好兄弟打黎,佢話比我知佢終於買左PS3
仲叫我一齊玩,我緊係好開心LA..
跟住標左上去玩生化危機6,
真係勁好玩,玩到1點幾2點先走,

就係咁,我今日就差d起唔到身返工~口~

係我走返屋企既途中見口渴,於是去左一間士多度買野飲
我去果間士多真係好經典既味道,因為有隻寵物--貓
正當我買完野飲走果時,呢隻傻貓就走左出黎
買住我行果時,佢就跟住我尾,
我行左一個街口,佢仲跟住我,咁冇計la..陪佢玩一齊la...><
佢真係好可愛>///<
同佢玩左陣間,我想走果時,佢就喵我,
我望返佢,佢竟然係我身邊走黎走去,
結果又同佢玩左成半個鐘,最後我同佢講要走叫佢返屋企,
佢竟然真係返返屋企

有時間真係唔知係佢聽得明我講咩定係佢估到我講既野係咩意思~.~
唉...真係好可愛ar...><
下次有機會見到佢一定要同佢照返張情侶相先><

琴日就係中秋節,朝早要返工=口=
結果,我晚上6點鐘就收工LA...
收左工,趕住搭的士返去我AR麻屋企做節同埋興祝生日,
場面都幾開心既...

食完野,我就幫我AR爺將佢d DVD格式轉返做mp3
原本以為得2,3隻碟,點知轉個頭佢就拎左一箱出黎,我呆左一呆,
結果都係要幫佢手搞,冇計la..鬼叫我有個鐘意聽粵曲既ar爺咩...~.~

搞到曬果時已經係11點,正正落左樓,我個fd打黎問我出唔出黎食d野
結果又要出去尖沙咀,真係好多人
係忙忙既人海之中同我個fd相遇既感覺係有d嘔心,
hehe之後落左bar(唔係disco)飲下野吹下水

同佢吹吹下水,我問佢"如果你鐘意果個人同你分開左,你仲會唔會守諾言唔同第2個人一齊?"
可能大家開始有d醉醉地,佢答我"你如果有鐘意既人,點解唔可以放低佢呢?或者第2個會比依家呢個更加好呢?"
其實我都唔知點做好,佢講有佢既道理,我都受既,
不過講係容易,做就難,真係想忘記都好難,心入面容納唔到第2個人
真係好難受....唉....有時間真係好想死,
我諗我會有一日放得低既....希望

最後,搞到成2,3點先返到屋企訓.
好攰AR......><