好奇既感覺,今日原本開開心心咁起身,之後就同以前D同事食下飯,
坐車果時,無LA LA我個同學問我係咪鐘意人?
之後我答我唔知,的確我真係唔知道自己想點,
結果就無LA LA同左另外一個人一齊,果一刻真係好想講佢誤會左,
但同一刻唔識講,有一刻我係好開心,不過下一刻佢問我可唔可以幫佢做功課,
突然間我諗到3隻字"觀音兵"
你唔會覺得我就做左你隻兵掛....?
點都好,好複雜既心理,又唔知自己想點,果隻無力感令到我真係好想喊,
一方面覺得既然咁誤打誤撞就又變拍拖可能未嘗係好事,
另一方面覺得咁白撞真係有D突然,突然到自己都接受唔到,
同時間又係度諗可能會傷害到個女仔,
但另一刻又覺得佢可能真係對我有D好向呢?

不過點都好,聽日搞清楚先,如果唔係真係完全R曬頭

呢排隻腳有D痛,好似有風濕咁,忍忍作痛~.~

最迎係度忽發奇想,想搵一個人陪下我去長洲玩,渡下假,
可惜既係我諗應該無人會願意,始終我身邊既朋友都對我唔熟識為一,無錢為二,
於是又好突然問家姐去唔去.不過見佢既答覆,都應該唔OK嫁LA...鬼叫佢咁忙咩...

不過我決定左,7月去過返一,兩日,如果有人想一齊都話返聲LA...

南北韓就黎開戰啦,大家有咩感受?
對我而言,佢地只係打緊第三世界大戰既開幕戰,
到時美國插手,中國都企係唔知幫唔幫既局面,
而中國周邊小國就借機打中國,
總括而言,主戰場就係亞洲,
戰事去到中後期就應該去到核戰....
總係令到人有D擔驚受怕

不過事情仲未去到呢個餘地,
北韓其實仲有彎轉,因為遲遲都唔見佢開打,
所以得知小恩都比較係細膽既人黎,
而且開戰總有名,暫時大家只係觀望既態度黎對待事件

但唔可以放心住,始終金家出既都係好極端既人,
而且佢地都好依賴中國呢位大哥既幫助,所以綜合黎講,
美國就借南韓聯合軍演表面矛頭指金家,實睇中國態度,
而中國表面叫各位冷靜,實則利用北韓黎反制美國呢個行動,
可見得呢個局勢高深莫測,再加上周邊小國好似泰,越,日呢3個國家都對中國心有不甘,
希望加入美國呢個包圍網借此分一分中國土地,
而俄國呢位舊盟友就兩頭蛇,佢始終睇唔透,再加上佢加入邊方都係一步重要既決定,
所以暫時都係觀望既狀態,再加上自己家事要處理,所以佢應該會成為中立國之一,

至於中東方面,睇得出佢地既內亂都幾嚴重下,
但美國果邊既軍事介入下,可以話有好有唔好,
呢個局真係令人期待,若然平亂之後,係支持美國,呢個戰爭應該係美國勝,
相反,就會變成中國勝,
若然成為中立國,大家只會55波,不過點都好LA...打仗對邊個都唔好嫁LA...
希望唔會有戰爭LA...

今日返去黃大仙某一間教會,好多人都唔識,識左D朋友仔,
但係真係好唔岩我FEEL,感覺好唔自然,唉!鬼叫朝早返錯工,變左唔想返屋企,
結果陪表妹返下去咩...=.=
之後走果時落大雨,原本我都冇咩野,點知咁就中伏,
我表妹話佢返屋企,咁我就返黃大仙坐車返工,
點知佢一開把斜,自己遮曬,咁呢樣OK我接受,但你遮都遮好D LA...搞到我成個背瘠濕曬,
跟住佢仲要姐我唔知去邊,結果佢就咁放低我,而我行下行下就去左樂富,
但重點係我已經成身濕曬,結果搵左成個鐘路都行唔返轉頭,
自己唯有投降,坐的士,之後再轉巴士過去,
跟住既事就係....我傷風=.=

唉...只怪自己倒楣

跟住返到去公司,係度上網睇到準備開戰既新聞,我係度諗係咪應該要搵一個人一齊呢?
因為我之前對一個女仔有好感,不過佢應該只係當我係普通朋友,
不過點都好,如果對方唔係鐘意自己就無意思,而且萬一講出口自己又唔係鐘意人既,
只會造成慘劇,再加上對方派好人卡,自己幾重大打擊,
都係睇定D先得!而且要同一個人一齊唔可以太輕易太沖動咁做任何一件事,
都係搵多D$先再算!

累,今日起身,7點幾,突然覺得好似返工遲D,原來....係我搞錯日子,
聽日朝早先要返工....~.~

之後再訓到12點幾起身,雖然好美滿既起身,可惜身邊少個人真係有D唔開心

跟住陪源到觀塘睇卡,搞下搞下咁就6點幾7點,
然後佢有佢過海湊女,而我返屋企HEA,
跟住收到一個FD既電話,佢話佢同佢條女分手

我自己都唔知可以安慰到佢D咩,只係講左句,
聽日放工陪你到海邊飲下酒LA,
跟住佢話OK

唉...睇黎後日我有排嘔,希望唔好入廠LA...

唔知有冇人陪我地呢...等我組下團先...

家姐,

雖然你我係網上面相識不足一年,但見到你對你深愛的人的痴情,
我總是覺得看見自己的影子,可慶的是我竟然找到一個和我一樣對愛情固執的人
可悲的是大家也是不易放下她的人

曾經聽過一個故事,一個人愛上了另一個人,
可是他只喜歡另一個女孩,而她一直愛著他直到他後悔時才發現原來她一直為他默默地保護他,安慰他
可惜,她已經魂歸天國,佢地兩個最終都不能一齊

我會諗,其實愛上一個人係咪真係要愛到連條命都唔要呢?
可能你會答係!其實我唔同意,既然都已經分開,點解仲要苦苦相求對方做一D已經係唔可行既方法呢?
或者你可以放下一切世俗既道德眼光,不過對方未必願意放下,
對我而言,有時候有D事真係要學識面對,我知道自己一定要放下,
就好似對屋企既恨咁,總結於4個字:
迫於無奈

或者你唔願意放下任何對你的她一點消息,可惜的是對方總會感到煩擾既時刻
夠了!真的夠了!我覺得如果你還愛她,不如不要迫自己,不要迫對方,
只會留守在遠處向老天祈求她平安,祈求她永遠幸福快樂

至於我,我還是不去接觸到我的她消息比較好,
我自己比較沖動,說話也處處迫人,我只怕再做更加多事令她討厭
我覺得我和她保持這個距離會較好,起碼她不會掛念我,我也可以靜靜的回想她的好

有時候我很想有一個人關心我,陪我在旁,我知道沒有一個人可以這樣做,
更加想可以找一個比我大的人撒嬌,遇上了你,對你而言我極可能只係你身邊一個路人,
但對我而言,我生命中不是一個路人,更加重要的是,你在我充滿失望同傷心中給了我一點光,
這點光雖比不上希望,不過也足以點亮了我的生命

我自己本來打算過多幾年後,保險中有關自殺條款失效後,將受益人名字改成為空白,
家姐你讀過保險也知道受益人名字空白該保險金則變成受保人遺產,
然後留下把這筆錢留給她後自殺.可是你告訴我生命中不只有她,還有一個人值得我去保護....

曾經有4個我重視人拖過我的手,
第1,2個,我爺麻,我告訴自己要好好的令到他們開心,
第3個,我媽媽,我告訴自己要好好保護佢
第4個,她,我告訴自己要令到她得到幸福,

第1,2個人,佢地依家過得好開心好快樂
第3個人,佢依家有一個家庭,雖然唔算得上好有錢,不過有一個開心的家庭,佢既老公都保護佢
第4個人,雖然講不上佢點,但仲記得從佢面上搵到既笑容足以證明自己有令到佢幸福

至於你,我真的好希望成為我生命中第5個重視既人,
我都好想告訴自己我要盡一生之力去保護你,直到你找到另一個所愛的人
可惜我恐怕呢個諾言無辦法對你親口講出黎,更加可惜既係,我都開始有D淡忘你,
唔係咩原因,只係自己覺得要保護一個對自己唔重視既人真的有點令人誤會

我就是這樣的一個人,對女朋友不太重視,對朋友不管是不是異性也好,都義不容辭地幫忙,
同時間也令到她感到不安,深怕我會離開佢,對不起!

其實我有好多想法想告訴你,可惜只是你不得閒,希望你之後會有時間約下我出黎玩又好,飲野都好

身為一個朋友的我上