今朝收工,因為有同事生病無開工,結果比人"罰留堂"
之後趕返工,沖忙之間還小左一部對講機,
結果我也要打回酒店交待下,好彩是自己友聽電話,
如果唔係實比人罵死/3\

返到去學校,OMG冇人既...打去問同學先知,原來今日唔洗返,
結果又死死地氣回到酒店還機之後返屋企

不過話題既重點唔係呢度,
重點係琴晚我個中學同學佢WHATAPP同我講佢失戀,
佢比我睇佢地之間既對話,
明顯地係我個FD講D野比較激進左,
令到佢女朋友唔知講咩好,最後又太多既誤會下分開左

有時候我覺得感情呢回事真係好脆弱,
表面上山盟海誓,死不分離,到左最後,因為誤會,因為容忍唔到而分開
我反而見到當年既自己對佢講野,
我好感謝佢最後都肯和好,雖然係佢話要分手

不過呢個社會真係奇異的,我將我朋友既情況話比"呀大"(佢係專返通宵更既門僮)
佢同我講,香港社會真係奇怪,明明個女既係鐘意A男,但係最後都係選擇B男拍拖結婚,
因為B男係有錢過A男,當A男有$果時,個女就會同B男離婚同返A男一齊,
講到D港女心態,我有小小同意,有時候我覺得女性真係比較上因為一D事情OR條件吸引佢,
之後佢就投入呢段感情,當呢D野唔再吸引果時,佢反而會去轉移目的,簡單D咁講,
騎牛搵馬

可能我有講錯,可能我會有所誤解,不過我覺得"呀大"講既一個現象係岩既,
當你睇上眼既時候,會有一大埋人排隊追佢,相反,無咩人追既,佢又會選擇
真係好怪!

今朝返工,無錯!我又去左蛇王

之後訓訓下,想醒但係身體唔聽話,
只係有小小知覺,自己係度不斷好似比人鄉住咁,
突然間聽到有腳步醒,真係勁驚,
最後聽到個男人聲話"陰公lo...快D叫醒佢LA.."
之後推左我幾下,然後見我咩反應都冇,於是就人工呼吸

過程好嘔心,不過最後我都醒左,
先發現原來係夢黎~.~
鬆一口氣

呢排幾悶下,不過都唔開心,
因為我唔見左部手機,
雖然話入面冇咩重要野,但係始終唔見既係9字頭電話號碼
心情總有D忐忑,
感覺上係我自己唔珍惜我講過既誠諾
同時間又覺得係天意要我放低呢段感情,
好混亂,無咩心情去做工作

最近源又亂講野,又話我同邊個邊個女同學性格好似,
不過我諗只係開玩笑,所以都無理會佢

1年幾LA...雖然有D日子自己都好掛住佢,好想買醉,
但係第2日又要返工,我諗要飲都係留返有$果時先,
何況答應左人唔可以再飲酒...

不過有時真係好希望知道你會過得點?
係咪已經真係無計傾?根本你唔想見我?
定係你有想聯絡過我呢?

無論如何,你係我心中既地位都無變到,
只係....我既內心優先次序已經去到第3位,
第2位係事業,第1位係金錢

依家諗返起,以前分開果時都唔知點解會繼續經營呢個日誌落去
我諗依家明白,因為心中存有一絲既希望你會睇我最近有咩開心唔開心既事情
不過依家既我慢慢開始唔想再打咁多野入去,
唔係唔想呢個日誌更加充實更加有關我既生活,
而係自己愈黎愈沉默,愈黎愈覺得生命無色彩,
自己肚入面既墨汁開始變得乾涸,自己既思路變得愈黎愈無方向感,
老實講句,行開既路都可以試過幾次行行下會迷路

不過我堅持落去,到依家,我堅持係因為有人會時不時黎我BLOG睇下我,
可能因為自己放左張相上去,人地見到想睇真D我個7樣,
又有可能係因為真係悶得濟而睇我呢個無聊人的日常,
無論如何,我都要多謝佢地,佢地可能係你會識,可能你唔識,
總之我知道既係,呢個網誌反映比我聽既係我既生命中唔單止得你會支持我
仲有好多識既,唔識既人教我既,提醒我既一D道理

依家既我會堅持得閒就打下日記落呢度係因為我要話比任何人知,
特別係你對講我既一句說話"無左我都無人鐘意你"而作一個平反,
我要話比人知,我要變,變得唔再比感情左右,
唔再比一個永遠係心中第1位既女仔說話,行為而令到我不知所措,什至失控咁講左好多好多唔應該講既野

不過....點都好,呢D都係我自己一小部分想要威比人睇既想法,
最終最深入既係,好想真真正正做到每日會寫又好作又好,
一篇睇完會令人反思既,又或者係令到人覺得開心笑既文章出黎,
希望自己成功,希望會有多D人睇下呢個命名為"無聊人的日常"既日誌

多謝你,多謝有時會咁留心睇我打文既你地,多謝支持我既朋友

琴日發生左一件幾唔好既事--死左人
當值既我結果冇被點名幫手,相反,仲要比人屈我=.=

真係好想解釋,可惜既係我解釋根本無人信,
唔係咩我成日講大話之類既說話,而係佢地覺得我係一個咁既人

之後休息明明30分鐘,竟然被屈了我休息多15分,好彩拍住我果個幫我解圍,
不過睇得出想屈我果個人好唔開心,於是就叫我唔好休息做野,唉....

呢排係度考慮緊轉唔轉公司好,呢間野真係廢到無朋友=.=

好DOWN好DOWN,呢排心情好落低.
不斷回想舊時,但唔同既係,自己只係回味感覺

自己好唔想休息,不過身體愈黎愈唔聽話,
一訓就訓到唔知醒,迫住我要休息

自己既記憶愈黎愈弱,面對身邊好多事既變化,
感到有一種無力感係我身邊打圈,諗野諗得愈黎愈負面,
都唔知點解

琴日收工,去左我AR麻屋企訓,之後訓醒果時,
佢同我講去左幼稚園"情人"間鋪頭買香,
之後係度問我最近點,我之前一直係度搵,原來我已經冇印象~.~
不過算LA...我諗佢都已經忘記左我~.~

星期5:
上午返學,下午返去補課,
不過發生左一段小插曲,上午我唔記得左夜晚要返洲際,
所以又趕返去屋企換件西裝

返到去果時,佢地係度話我似傾生意LO...=.=
就連MISS都係度話我似營商老闆/3\
唉...都唔明佢地諗咩~.~

之後返去開工,有好多野發生,搞到我連休息時間都冇,
令到我重新考慮好唔好轉工好....

願自己能夠重新開始新生活,
願重新修正自己壞習慣

聽日就要開GAME LA...講真,自己都已經有成年都無打過GAME
最近自己都有D唔係咁好,開始欠學校$,所以不斷打工打工打工~.~

之前係MEMU果度做既野伙計,開始一個一個咁叫我返去做野,
我同佢地拒絕左,有時真係好想SAY YES,不過自己冇$冇$,算LA /3\
之後仲有人向我SELL營養食品,仲叫我去開工,
不過自己一黎唔鐘意,二黎佢叫我叫埋D FD去聽下,
明顯地係一種層壓式推銷,所以自己唔鐘意,
唉...總係唔明,之前都有單ING LA...依家仲黎多單"營養站"
不過....重點係呢種推銷係有極多人BY,因為SELL減肥瘦身

前幾日,我果組人整左焦糖"等"蛋,
有外表,可惜失敗左T_T入面唔夠實,
但係我果組人話好味道,都唔知係咪講真
我真係比左好多心機去整,結果都係失敗,
自己心情好DOWN,更加唔開心既係,呢件事令到我回想起以前既事
以前有好多好多事都自己好比心機,
好想令到一個人開心,結果望住佢既表情,
自己感情不禁被佢拉動住,結果同我想像中既結果有好多出入,
最大落差係結果對方只係哦既一聲,真係完完全全覺得自己做既事真係好差好差,
竟然做唔到一個好既結果,久而久之,
真係會連做呢個想法都會消失左

算LA,正如我個FD所講,發下牢騷唔會死人既....
再上一個星期,我個FD約我去食消夜,結果成晚係K11度吹水,
大約吹下屋企,工作,將來,
同佢吹完水,我發覺我個FD都幾慘下,雖然屋企係有$,
但係有個同母異父既哥哥,真係各有各慘法,
而我都有另一種睇法,
我個FD講得岩既...要放低既就要應該放低,
人總要向前看,我依家試緊放低佢,
或者出一次國,見識下新環境,心情會好D,
自己要再搵返自己既自信心,自己既自尊心返黎
自己仲要搵返自己所有付出佢身上既野

希望大家都可以開心生活,願自己能夠死於工作
活於工作,不再為所有感情事而煩惱