感情到底係D咩?

今日就訓果時,比果個女仔派好人卡,
心中講左一句粗口,結果好傷心地比佢甩左-口-

好傷心,但因為自己都察覺到,所以都冇太大既反應或者感覺,
只係有種莫名其妙既失落感同想喊,
好唔識形容,不過自己就好想避開佢,

唉.....

呢排唔知自己搞咩鬼,明明知道有好多野唔可以做,但好想打破佢,
明明有個女仔對自己好,但自己覺得佢應份,
明明自己好想對佢好,但自己對人好冷淡,
明明人地女朋友嘈交,自己仲要懶係正義咁夾係中間,
明明人地女朋友對自己冇野,但自己仲要為朋友希望了解佢再話比個男仔知
明明自己對佢冇野,但自己聽到佢既經歷之後總係有種愛惜佢保護佢既沖動
之後搞到人地對我都有D感覺,但大家心水清呢個係無可能既事實,
唉,感情既野真係好難講,只希望過一段時間會平伏返

琴日,我鐘意果個女仔佢整就隻腳,
佢話比我知話到我都已經唔記得左,後來聽返黎先知原來係個傷口好深
好心痛,同時間我愈黎愈覺得佢有D似小柔,
好怕失去佢,好怕自己會無左佢,
唉!好辛苦

呢排真係好攰,上回提要既女仔,總係對我半冷半熱,
令到我感覺上佢只係當我係一個普通既朋友
相反,我個FD佢既女朋友呢排成日向我抱怨佢點對佢唔好,
之後仲話比我知佢好多既過去,
有時候令到我不禁對呢個有D想法就係話到底你係咪當左我係你男朋友呢??

不過單純D咁諗,朋友姐...何況佢有情緒病
搵個信得過既人呻下都好既...不過真係要向返個女仔備案,
如果唔係到時我都唔知點搞好

呢排好開心,但好擔心,

開心既係有人可以同我一齊玩,但擔心既係我唔知道仲有幾多時間會咁開心
有時真係覺得唔知道點對一個人好,不過點都好,希望在明天!

今日整甜品,心太軟
結果整到成手都係朱古力,
之後當然好正好正LA個樣,好開心^^

跟住當然一齊食LA...個女仔當然好開心,
不過自己個心情好複雜,到底好唔好容納佢呢?
佢係一個幾單純既女仔,我實在唔想傷害佢,
但又唔想開口同佢講對唔住,
另一方面又比佢既氣質吸引,
變得想同佢一齊,
我feel到佢係好關心我,令到我好感動既係
問佢會唔會煮野比我食,佢就一口答應我,
我果一刻真係感動到落淚~.~
始終冇人會咁真心願意
當然係網上面傾,所以佢睇唔到

跟住既係我終於要問銀行借$,
始終無$交學費的確係一件煩惱事,
我去問借$果一刻我突然有D內疚,
仲要係對佢感到個女仔對唔住

不過到行左呢一步.我只可以講,為左唔比佢流眼淚,
我點都要令到佢開心,即使自己係咪開心,
我都要佢笑住,不論將來係咪會離開我身邊

有時我覺得自己係一個衰人,只係識得傷害人而唔識得令一個鐘意自己既人開心
自己真係會不斷反問自己咁對自己好唔好,
我好似完全係一個騙子,不斷騙人,騙自己

唉....