唔記得左曾經邊度睇既一句,
"當人一旦中學畢業,就開始有屬於自己既生活圈子,過去既朋友都會慢慢離開自己新圈子"

雖然覺得唔可信,不過又真係岩既,
自己對於呢方面真係有唔小既感觸,
小學,中學玩開既老友都有各自既生活,
有D做左大佬,有D做左公路英雄,有D去左外國,
當然有D好似我咁做左宅男

不過世界就係可以變得太大,
好多好多既事都可以一日之間變曬,
有好,有唔好,而我就唔知點解好似比人叫我去做保險,
只係我知道既一個問題,到底我有幾大既能耐呢?

我諗呢個係一個對自己既挑戰,
係一個關於自己幾大責任既難關,
不過我會用自己一生既名聲黎保證,
唔到最後一刻,我都唔會放棄,
因為....天想我行,自然會為我打開大門!

呢排心情好混亂,可能攰la...
不過點都好,希望既係可以好好平伏,
好多野都想講下,不過又唔知從何說起

感覺上依家呢個世界變緊,變得好快,
就連人與人之間既連系都變得好脆弱,
交往就好似為左性,結婚就好似為左離婚,
就計我屋企都變得好亂,唉....

好想有一個人肯願意唔介意我對佢既寧靜,
因為我知道我唔識對一個人好,特別係了解我既人,
愛我既人,我好想用行動,用心黎對佢好,
可惜我一愈用心,一愈用力,最終都變成一個又一個壞事
或者係因為我真係唔知咩叫做時機la...

不過講到最後,我都希望如果我依家做既事係正確,
上天一定會為我打開大門既....

最近,覺得好大壓力,
除左讀書,做野同金錢呢3方面例牌野之外,
我仲第一次感受到朋友既壓力

請容許我心中有千百萬個
4字真言5言粗句7言絕句,
我真係頂條友唔住,往往明明我岩既事佢就要反駁話錯
然後用千百萬個理由黎證明自己岩,
可惜既係果D理由只係得一個,
就係唔肯認自己既錯誤,
當然,身邊其他朋友都背後同我講佢"好有問題"
我同時間都無再多餘既理據去應付其他朋友既指責,
慢慢開始變成一種要脅--有佢無我,
唉.... 大家都係人,又何必搞到咁呢...

就先信住佢,睇下佢點先,話做生意,結果一直拖到依家,
正所謂一鼓作氣.......三而衰,
依家正正係第3次,如果唔得既,我就放棄~.~

不過係呢度之前,都係要搵返份正正經經既工作,
再做呢份高不成低不就既工我真係要跳樓=.=

前幾日,自己係度睇一本由去台灣果陣時買返黎既書,
我發現幾得意既野,
自己以前追求但比人話唔岩既野,
係入面話比我知原來係岩,
當我愈黎就愈發覺

係我讀完書出黎社會工作,自己做錯左好多野
仲走火入魔,結果失去左好多野,
失去左最愛既人,失去左一班真心朋友,
失去左開心幸福,最重要既係 自己失去左果一份最開心既笑容同方向

回顧返轉頭,自己得到既係一份唔錯既收入
但失去呢D野,自己係開心咩?
自己既心真係好痛,但已經無人可以比我講出黎
我依家唯一想做既唔係再極力爭取返所失去既野,
而係要向佢地講返聲對唔住,
然後默默祝福佢地幸福

自己真係唔敢去再爭取,
愈再爭取,恐怕只會黎愈多失去,
我諗真係要比自己一次機會,
多一次機會去到磨鍊,去到重新建立關係
有人會愛我嫁何?有人會祝福我成功嫁何?

願大家會係搵到重要既事,願我可以搵返自己

琴日係星期日,係大塱返黎,超級開心,
可能係因為大家經歷兩日既時間,
又或者我地無分你我開開心心掛...
總之好耐都無試過咁

之後呀塋無啦啦搵我問我玩得開唔開心,
其實我已經好多野想問佢,不過都唔知道點知
最後問返佢就知道佢係長洲見到我,
不過我都係估應該唔係咁,好奇怪...

不過點都好,呢個CAMP雖然打崩左我一隻牙,
同埋好心痛地比人整爆左我一隻夾,
但係呢...最開心既都係有人竟然突然搵我

返到屋企,流鼻血=.=
當然我知道係操勞過度引發既...
只不過為左等人覆我,竟然傻傻既等到第2朝,
結果當然佢都係用D比較例牌既答法黎應我

我知道既...可能係真既,
只係好攰,最後都係訓左,
到我醒果時已經係差唔多6點,
最後又要趕返工,

唉!人生真係無常