最近同俊傾開計,佢成日係度講以前既事,
搞到我又諗返起以前既事,
正如歌咁話,"那些年錯過的大雨,那些年錯過的愛情,好想擁抱妳....."

依家我又行返條舊路,做返財務策劃,其實感覺上好辛苦,好大壓力,
望住一班同期出身既朋友仔個個一下就搵10幾20萬一個月,
而自己好似地底泥咁,不斷幫人做review而無生意返黎,
搞到自己有D灰灰地,不過我會堅持到最後一刻,
因為我想改變,我唔想再好似以前咁令到身邊既人失望

唔知仲有冇人會再玩QOOZA呢樣野呢?
有時候好多野都想係度打下,但係入到黎呢個網,
我就變得唔知打咩好,感覺上好想信一個人,
但現實根本係度自己唔敢交個心出黎去信人咁

唉...如果有一個正正常常既知己可以傾得下心事就好la....

 半夜的你又在做緊什麼呢？

而我在想很多事情，我的好友，

俊佢始終結束3年的感情，但我沒有感到一絲的高興

反而係無奈和感嘆。

或者係我將當年既感情投射落去，

有時候好不快好想喊，但卻流不出眼淚。

是我長大了嗎？還是我已經傷心到再流不出眼淚？

直到在fb上見到一位曾經喜歡過的女孩，

佢在內附上一首歌，說是要給她曾最愛最愛的那一位

我好奇的按下，卻莫名奇妙的感動

最近超忙,夜晚開工,朝早返工,
哈哈,雖然朝早果份仲未正式入黎做,不過都好開心,因為有一班肯教我既前輩係度,
黎緊都學好多野添,
就好似:
退休基金,
教育基金,
投資移民,
保險等等
所以我都好期待可以學以致用既...^^

而原本真係幾煩既保安呢份工,好想推走,
不過依家講到既係調我去好格涉既跑馬地,
雖然好想即刻唔撈(因為依家我無合約係身XP)
可惜見到佢咁可憐,唯有既係頂埋呢幾個月,
SET好曬架步先走la...

係開始呢一段非人生活之前,我一有時間就上去源屋企係咁打機係咁打
打GTA5,雖然唔係新GAME,不過令到我有好深既體會,
佢好似用一種幾極端既方式黎描述依家某部分存在係社會上既人,
一個好窮,不過好願意為左$而不斷去奮鬥
一個好有$,而且有一個表面上幾好既家庭,可惜現實既係同老婆子女不和,
再加上以前為左$而傷害左以前同自己一齊奮鬥既死黨,後悔一生
一個比人感覺上好痴線同時間唔理會社會既則規做事,簡直可以以"亂黎"黎形容佢既行為,
但係佢內心好善良,好尊重人,可惜好少人明白佢

愈打呢隻GAME就愈覺得佢地都係係呢個社會入面不斷努力,不斷奮鬥
或者佢地做既事係好超出常理,下下都殺人放火金腰帶,
不過我地又何嘗唔係?的確嚴格黎講冇佢地咁瘋狂,
只不過既係我地都係度不斷求存,有時候都因為咁而失去左人性,
事後都好後悔,不過又好似無辨法咁繼續向前行
所以呢隻GAME真係好有反思性,真係愈黎愈鐘意GTA呢個系列,
將人性好仔細咁描繪出黎,

I love it 哈哈>W<

上星期日,我同俊同另外一位朋友成功搞左一個自己團既War game
反應都唔錯,帶比我地好大既鼓勵,
不過都因此拉大左個矛盾,

因為係籌備下一次既活動果時,佢係極度希望會係考慮Game mode為先,
而我地係考慮時間同人數為先,
表面上係無任何衝突,實際上佢要求我地放棄呢D事,陪佢諗下呢D野,
令到我感到好反感,
或者既係同佢做朋友係一流,
但我唔會認同佢係可以做到一個leader,帶住我地去做任何事,
包括係生意上,做大事上

而自己最近好忙,好威同埋好期待,
自己忙係在於我要返工之餘仲要搞埋黎緊轉工做保險既事,
其實點解要轉返做保險呢...?
原本我都有諗過要轉去做押運,
但有一日我訓訓下覺突然覺得感覺到D野,
係呀,就係咁離奇地聽到有把聲叫我入去做保險la...
之後問左幾個朋友既意見之後,我就覺得我入返去會搵到自己曾經失去既事,
如是者,我就依家準備入去la,

之後Check左個牌完來係過左期,
結果又要再考過,
信不信由你,我係考既過程之中好似有上帝幫我咁,
2小時既作答時間(75題MC)
我竟然用左25分鐘做曬,特別係我最遲入黎最早走返出去果一刻,
真係感到無比既光榮同快感,真係要講一句Thanks God

期待既係我入左職之後希望幫到人搵$,無論多少都好,
我都想可以等班師兄可以安享晚年^^

唔知最近咩事,個肚勁痛,痛左幾日,睇黎又要交下學費,好好改善飲食習慣先得/3\

呢排超級煩忙,
23號war game,但依家呢一段仲未可以放心,因為某一位搞手留低好多手尾,
結果既係我幫佢搞,之後佢話自己搞返,結果依家原來連地方,車既接送都未做好,
火都黎埋
另一方面,最近自己覺得唔可以再因為以前既事而再自沉落去,
決定要轉返出黎做保險,可能既係覺得有一種感覺要我入返去,
要搵返以前失落既一D野掛...~.~
到依家既係等考試,自己溫書溫到好攰好攰,
另一方面依家呢份工想留住我,搞到我唔識得點拒絕佢地好

有時候真係好想問一下人,有冇試過忙到有一刻覺得自己好似支撐唔住,
好想喊,好想搵個人可以比我依靠下,
但諗落好似好無謂,所以又收左落去雲端以外既地方XP
點都好,好想搵一個人比我傾,比我喊,比我發洩,我比依靠....

哈哈,呢排識左個女仔,但佢好奇怪,不斷話自己無拍拖,想早D結婚生仔,
結果同佢嘈到無朋友做,仲比佢搞到我又打開返果一本我唔想打開既回憶簿,
更加上我好兄弟--俊佢講如果當初無同雪恰分手,可能會好幸福,
雖然當時我"哦"咁應左佢一聲,我諗佢估到我又諗返起以前既事,所以無講落去,

其實對我黎講,真係無所謂既,始終我懷念既係以前果一位而唔係依家既果一位,
自己以前真係做得好錯好錯,但如果要我回到過去,我諗我應該係果一刻依然會咁做,
係!的而且確係好痛,痛得我難以忘記,不過既係當時佢都已經唔想同我一齊,
佢差既只係一個理由,我知道呢D唔可以成為一個好偉大既分手理由,
不過我明白到勉強只會帶黎更加大既痛苦,何況既係當時佢鐘意既係第2個人

唉...依家諗返起,有無數既後悔,同時間有無數既值得,
如果唔係行度黎呢度,我都仲係唔知道原來真真正正愛一個人會可以咁多年都忘記唔到,
我諗呢段往事係永遠都唔會忘記,唔會講比人知....

最美麗,最可惜的事
都只可放左無限好的夕陽中......