10月6日,

今日起身果時已經係下午4點,不過既係自己有D攰,
之後去左醫院探呀爺,見到佢好精神,好開心,
只係無奈既係我知道佢依然都係比較虛弱

有時係度諗到底細細個發過既果一個夢係咪真既呢?
個夢就話說我係一個天使,只係唔識得去到愛一個人
主就叫我落去感受去學習愛,
我一直都諗唔明,到底真定假呢?還是只係因為第一個夢所以先咁呢?
不過點都好,我依家想既只有係做好自己

加油LA,為左個未來而奮鬥

10月5日,

琴晚同俊打左成晚機,返到屋企已經係凌晨4點
唔係因為打機打得忘形,而係知道既係自己一定訓唔著

我呀爸都係,佢4點半就起身係度等,
雖然我知道既係佢對呀爺都唔願出聲,
可能係我地莊家既一個特性,3代既男性都唔願出聲,
特別係對自己最親果一個,就係口講唔出,暗地裡就為佢做好多野
真係好似電視劇,電影入面果句對白:"心照LA...."

其實我呀爺已經入左院好幾日,其實有個女仔係度搵我問我返工既事,
原本已經都夠心煩,點知仲煩住我,結果就好小朋友咁絕左交,
始終都岩既...我唔鐘意一個人係咁為住一個問題不斷咁問我

不過見住佢一DD咁好返,我都覺得好開心,
只係另一件事就發生,我嬸嬸佢肚痛入醫,
之前生過腫瘤而入去做手術,我比較擔心既係復發,
真係好擔心,聽日要去睇睇先得

不過回顧我地3代人,我發現其實都幾得意既一個意象,
就係對任何人親人都唔係好願意出聲關心,
反而既係佢地既老婆係佢地身邊叨叨吩吩,
唔知道我自己將來會唔會有個人對我身邊都咁呢~.~?
嘿嘿,其實我都幾鐘意我所鐘意既人對我主動D嫁...
因為我好似好快熱但實際上係極慢熱既人,好抽象既野黎~口~

求上可以醫治我地各人既不安LA...

呢排悶同無咩野做之外,心好攰

唔開心既係點解因為小事而分離,
可能自己唔夠好,唔係高帥富其中一族,
所以先有咁既結果,或者自己係有錢的話,
對方都唔會咁輕易講放棄,
不過算數,已經過去左.....

琴日做節食飯,之後食完返屋企途中,
比我見到以前中學同學,問下近況,
又係黑道人士,我真係講曬粗口,
睇黎我將來正行做唔店都可以入下去都得,
咁多熟人,唔怕搵唔到食啦...

講左好耐,終於搞回歸證,
只係....影到自己好怪,姐係一個軍人LOOK但係著便服既樣,
咁上下形容掛...
自戀既我睇自己上黎都覺得怪怪的,
不過唔緊要,10年後再影,到時我相信會係好幸福既樣子^///^

10月尾北上搵廠,希望生意會做得住

呢排好忙,好攰,好唔知點,

岩岩開xanga,發現我以前打落黎既野無曬,
好唔開心,好想喊.感覺上話比我知以前既事唔應該再存在,
但...呢D明明係我既開心,傷心,期待,失望既回憶,
我只可以講....我好心痛,

事情過左已經兩年,琴日係佢生日,我真係好想同佢講句生日快樂,
只係我知道既係,我唔可以再向佢講任何說話,
因為再講只會係多餘,再係令到我再失言而內疚,
同佢既開始只可以講係偶然,同佢既分離只可以話係誤會,
其實已知道既事實就係佢只係我生命中路過既人,
但不變既係,因為佢所以成就左今日做任何事都要忠直而唔違背良心既我,
可惜同時帶比我既仲有無限既內疚同傷心

我對人冷漠其實係因為我唔識得點對人好,
諗返起上黎我自己的確都幾極端,不過講真,
再極端既人都好,總會有自己既感情

面對住依家既一個人,我所喜歡既人,佢叫做塋,
比其他女仔一樣有佢既溫柔一面,
同時間令我欣賞既係佢比其他女仔少一種我覺得多餘既扭擰,
點解我咁鐘意佢,因為有唔少既原因,
老實講佢有小小柔既背影係度,
不過更加重要既係佢的性格令到我好清楚知道佢還佢,柔還柔,
當然仲有好多啦,基本野佢都有,不過講到特別就係佢好"主動"幫我決定我懶得決定既野
嘿嘿,知我懶者呀塋也!

可惜令到我感到尷尬既係佢一身既打扮令到我感到無所適從,
一個男仔頭,金髮,令到我覺得似係同一個男仔拍拖多過女仔,
再加上自己係一個有小小黑髮情意結既人,面對住佢頓時感到既係好無奈,
完完全全呆曬,不過經歷左一段時間,我只可以講句算LA....

不過我都好想借住呢度同塋講幾句野:

我唔知道你係點睇我點諗我,可能我自己就比較唔識點對人,
我好多謝你肯同我一齊,老實講既一句說話,我份人的確唔多識得拍拖,
永遠都只係識得做小朋友既角色,嗯!更加既係感到萬二,三分無奈既係對住你手機唔理我,
我更加令到唔知你盤算緊咩野,如果你係有鐘意其他既人,
希望既,話比我知道,相反,就請你得閒都搵下我,
係呀!我醉左,不過我都醉得相當既清醒,事關我係流淚都醒,
希望你更加了解我明白我,當我訓醒果時係會斷片,係會唔清楚發生咩事,
不過我想我仲未醉到訓之前話比你知道,我對你依家依然仲係冷淡係因為你從來都無要話比我知要做D咩
或者你唔用手機,或者你覺得我靠牛搵馬,或者你唔識點向我傾計,
或者你覺得我係得罪你呀姨,或者你認為你呀姨講得岩,或者你覺得我係一個唔好既人
或者係因為你忙,或者你真係認唔到我,或者,,,唔或者LA,總之,無論如何,點都好
我要講既我需要你,我要既係一個對我認真既你,我要一個肯花一,兩鐘時間話我知你好忙既你
我要既係一個你做左咩有關我地,或者你去邊都講比我知,當你出事都可以知道係邊度搵你既你
不過我諗如果要求呢D野,呢段已經變成左一段唔似愛情既愛情,
或者將來我會為曾經唔對你要求既愛情而喊到9彩,
不過我唔會後悔,因為我無任何既條件值得令到你可以留低,
我只有既係一個鐘意你既心

我自己的確仲係好掛住柔柔,佢係我初戀,係我一生要記掛住係心入面既一個重要既人,
可能你會"倒忌"覺得我好似有D唔愛你唔重視你,其實我好重視你,
只係我真係唔識得點同你溝通,每日好機械式咁問你反而令到我好唔自然,
相反,你答我既幾隻字更加令到我唔識點再講落去,
每日講幾句就無回音令到我真係好想玩野就係唔搵你直到你肯搵我為至,
不過唔甘心睇到你唔開心既樣,所以就算,
有時候我真係好想反問返一句,
"咁就叫做拍拖?"
"還是我地之間已經少左一份熱戀既感覺係度呢?"
你點睇?你係咪覺得我地之間真係完住無問題?還是你選擇忍黎到希望事情有轉變?
對我黎講,如果係無問題,咁應該係我自己問題,係我太沖動,
如果係後者,我可以話比你知道,對我忍係只會令到你自己辛苦,我寧願痛痛快快嘈一場交好過一頭霧水到永遠

P.S.我飲左一打啤酒,好辛苦

攰,最近好攰,返工返到攰,
去FD個教會玩到攰

慢慢地,自己開始冇時間諗以前既事,
剩落黎既時間都用黎諗聽日有咩做好,
返工有D咩手尾要搞返,
仲有既係幾時先有架車,有間房=.=

漸漸地,自己開始由學生時代既有時間有精神冇錢變為
上班族既有精神有錢冇時間

自己實在唔習慣管返自己既金錢,
真係好想好想有個人幫我打理下,
我知道未必會有,唉...隨緣LA...

前果幾日我個FD叫我去佢教會玩,
去到果時,見到好多人,重點係年青人
大家一齊玩一齊笑,
唔知點解,男既就冇咩興趣想同我一齊玩,反而係女仔就好主動走埋黎
對我黎講,印象最深刻係某一個女仔,
雖然年齡大過我,不過就成日主動叫我過一齊玩,
比著以前既我就會諗到底係咪佢鐘意我,
相反,我反而講得佢似當係佢細佬咁對我,
或者呢D就係待人如己掛...
不過點都好,佢係一個幾好既女仔,
而我自己都好有幸可以認識到佢

只係由果時到依家呢一刻,自己好似仲未回到神,
我諗係因為自己既身體話比我知要休息
ANYWAY,有得休息就休息LA...