而家反而學識一樣野,

唔知係我諗法唔同左定我真係咁覺得,

我而家覺得要失去過先學識珍惜係岩架,

其實好多時候失去只係一個過渡期,

而失去既真正意思係要你學識去珍惜,

當你學識珍惜既時候就會失而復得,

可能仲比一開始好,

但係有時有d野你想再一次失而復得,

已經好似冇可能咁,

但係我相信條路點都係我地去決定,

可能之前係我將條路行錯左,

但我相信我一定會搵到一條係岩我地既路,

因為捉得太緊會令你失去更多,

反而放開會令你得到既更多更好!

我呢個機會還有嗎??

今日好早就起左身,

因為要去睇醫生,

琴晚3點幾先訓,

搞到我都好攰,

跟住去到都10點幾,

係個度好多人,

佢原本做到12點半就休息但係d人要去到點半先睇完哂,

跟住睇完之後有d感冒同埋拉傷左條頸,

跟住行左一陣同埋買左d野就番左屋企,

d藥好苦呀.....

好耐未試過咁乖食藥啦,

跟住恰左一陣!

我相信好快會好番哂.......

而家好似日日都係度挨咁,

唔同中一同中二,

今年會過得比之前辛苦,

亦都會比之前學識好多野,

但係真係會好攰.....

而家既選擇......??

上左兩日既堂,

而家分左十幾科,

真係好難可以完全應付到,

中文同英文我一向都最差,

簡直係完成冇興趣.....

上數學堂好攰,

搞到我好眼訓都冇心機上,

物理同化學就唔知佢講咩!

又悶...

地理又好難咁喎,

經濟同會計又唔明喎,

點解而家樣樣都好似咁難咁架........

好似樣樣都會學唔到咁!

好耐未試過咁晏先起身,

可能係因為病既關係啦....

今日起身個喉嚨唔舒服,

又唔想出街去睇醫生,

係屋企度做功課同埋休息.......

係而家呢刻感覺係咪岩架??