今日心情原本都麻麻地，因為依幾日都好多野做，好煩。。之後返到屋企諗住開機睇下上唔上到網，點知部機都開唔到∼！！！戈陣真係激死我啦∼！！終於開到，但係一樣係上唔到網，真係好煩呀∼！！！戈時心情真係好差。。。

但係同表弟補完習返到屋企之後，媽咪就幫我換左個新ｍｏｄｅｍ返黎，我即刻整好佢，試下得唔得啦∼∼點知真係上到啦∼！！！！！！戈陣真係好ｈａｐｐｙ呀∼！！！嘻嘻∼∼∼

終於攪返掂小說戈ｄ野啦∼∼唉．．．總算放下左心頭大石啦∼∼而且心情都好左好多啦∼∼

唔可以再傷心難過∼！！答應過自己，要做個真真正正開開心心既晴天娃娃架嘛∼！！！！

〔補寫於１０月１４日〕激死人啦∼！！！又上唔到網啦∼！！！！悠言小棧戈度，《寫在沙上的幸福》我又未放第五章上去，原本變左做亂碼既第四章又唔知回復原狀未，小說村戈度，《鄰居「密」友》又連載第五章，又唔知點依家點閱人數、訂閱人數係點，又唔知有冇「評語或感想」，之前寫左一篇野又未放上去，日記又放唔到上去，想改改ｉｃｑ同ｍｓｎ一ｄ野都改唔到，真係激激激激激激激激激激激激死我啦∼！！！！！依家終於發現，原來冇得上網係咁慘架．．．．．．Ｔ＿Ｔ

今次上網戈舊野（唔記得戈個英文點串．．．）應該真係徹底壞左啦．．．唉．．．咁既話我有排都上唔到網啦．．．．．．唉．．．我諗得閒要去換左佢啦．．．．．．．可惜．．．我經常都唔得閒呢．．．．．．．．．．．．唉．．．．．

煩完一輪之後，又係回顧今日既時候啦∼∼今日都冇咩特別事，．．．最特別咪係測語文囉．．．唉．．．諗起琴晚溫到眼訓死，點之今朝測驗戈時琴晚溫戈ｄ野有五成唔記得左．．．．．．極度無奈．．．．．．因為測驗遲左放學，ｓｏ食飯到遲左，１點５個字左右先返到學校，不過一ｄ都唔趕，我仲好悠閒係課室度睇報紙添∼∼嘻嘻∼∼

因為聽日物理測驗，但係我同＋ｃ妹都未有計算機，ｓｏ一陣補完習之後要同＋ｃ妹問佢個薯仔（就是＋ｃ妹之“良朋益友”之一嘛∼）借，唉．．補完習都七點幾，仲要去高士德戈邊，一來一回又唔知要用幾多時間啦．．．返到屋企又要煮飯洗碗“接”衫等等等等．．．．．．今日溫習既時間又得返好少啦．．．．．．．＞．＜ 

〔補寫於１０月１４日〕唉．．．又係補寫日記，換言之，我又上唔到網啦．．．．．．已經兩日冇上網啦，琴日甚至機都開唔到，攪到身水身汗終於開到，但係就上唔到網，原本以為今日應該上得返，點知仲係上唔到．．．．．．無奈．．．．．． 

講起琴日，琴日我除左做功課同溫習等等之外，仲玩左好耐幻三２，幻三２實在太好玩啦∼！！！＞ｏ＜簡直令我愛不釋手啊∼！！！幻三既海棠萬歲！蜜兒萬萬歲！！幻三２萬萬萬歲！！！ＵＪ（就是幻三２之製造商的說．．．）萬萬萬萬歲！！！！（還是不要再回顧過去好了．．．．．．） 

今日歷史測驗，但係到測驗之前仲係一頭霧水咁．．．無奈．．．．．．＝．＝今日最奇怪既事，莫過於平時唔講野一分鐘都會死既呂林澤，居然由朝早開始到第四堂都冇出過一句聲，又冇笑過一次∼！！！！佢平時成日同太假唱雙黃，但係今日居然完全唔出聲，真係好得人驚．．．．．．不過．．．唔知係生物ｍｉｓｓ太吸引，定係生物堂太吸引，到左第四堂生物堂戈時，佢居然開返聲，仲笑添啦∼！！！！（終於正常返．．之前仲以為世界未日、太陽由西邊升起啦添．．．＝．＝）佢靜左差唔多一個朝早，我諗最開心應該係芳姐啦∼唔洗比佢同太假圍∼嘻嘻∼∼ 

不過戈條友正常返就再次變得好嚇人．．．．．．話說放學戈時我地撘專車啦∼係車度我諗住玩下＋ｃ妹ｄ頭髮∼點知佢玩返我轉頭，一手搶左我條橡筋，唔單止唔比返我，仲拋左去陳嘉豪度∼！！！跟住唔記得佢地講左ｄ咩，之後陳嘉豪話比條橡筋比佢格離既呂林澤食∼原本我諗住佢地都係講下笑，點知估唔到陳嘉豪真係塞左條橡筋入呂林澤個口度！！！！！！！！！！！！戈時成條橡筋真係係曬呂林澤個口入邊，見到佢阿大個口，個口入邊見度我條橡筋個樣，在場所有人幾乎都笑到仆係度∼！！（包括我．．．）依家諗返起都覺得好好好好笑．．．．．．不過．．．我條靚靚既橡筋就係咁樣比佢ｄ口部分泌物糟蹋左．．．．．．可惜．．．．．．Ｔ＿Ｔ 

頭先諗住開電腦，點知部死人電腦入到去選使月者戈度突然輕機∼！！之後重啓完又重啓∼差ｄ嚇死我呀∼！！！！＞ｏ＜　好彩最後都係開到，汗．．．．．．

今日朝早一返到學校，見到太假同呂ｘｘ就係度串芳姐∼原來佢地都以為今日會調位，如果調位既話，芳姐就唔洗比太假同呂ｘｘ兩個人一齊”圍”佢，點知冇調位，結果芳姐又係比佢地兩個攪到不斷”爆絕”．．．．．．

今日放學戈時＋ｃ妹話要去評比，叫我等佢，但係我又想同菁菁枝枝佢地走先，點知係我猶豫之際，戈個咁既林寶珍居然咁硬拉左我走∼！！！無奈．．．．．．

今日測化學．．．溫左成朝，點知到測戈時，都係衰左．．．．．．．悲哀．．．．．．．

放學返到屋企，諗住用下個ｉ.瘋狂上網，點知個ｉ. 居然上唔到！戈陣真係激死我啦∼！！！點知最後發現，原來係自己一直打漏左ｄ野．．．．．．無奈．．．．．．．

跟住下午係度狂上網，上到差ｄ唔記得去同表弟補習，二姑姐打電話黎催先記得，慚愧．．．．．．

之後夜晚又上網，原本諗住一路睇哈利波特一路上網架∼點知最後都係唔睇，返返入黎．．．．．．無奈ｘ２．．．．．．．

跟住一直上網到依家，之前仲差ｄ唔記得寫日記．．．．．．無奈ｘ３．．．．．．