今日我放學去到表弟度，”女麻女麻”就話比我聽係我放學之前爸爸同媽咪已經同阿哥去左大陸，準備遲ｄ９號送佢去廣州讀大學∼！！！！

我聽到戈時覺得好愕然，雖然一早知道佢會去廣州，但係估唔到原來依日咁快黎到。到我返到屋企戈時，見到間屋一個人都冇，戈時真係覺得唔知點咁．．．之後望住部電腦，諗起阿哥，我真係差ｄ喊左出黎∼！！雖然佢唔係去左唔返黎，但係以後我唔會再好似以前咁，得閒同佢糟兩句，得閒又同佢講下笑咁，聽佢講好似要半年先會返黎一次，但係就算返左黎，佢都唔會咁得閒．．．．．．

以後好多時夜晚我就要自己一個訓，自己一個人食飯，所有野都係自己一個．．．．．．唔知點解，我慢慢長大，就越唔想得自己一個，無論咩時候都好想有人係我身邊，陪下我，明白我．．．．．．

阿哥既走，令我諗到好多野．．．．．．我都深深感受到”珍惜眼前人”依句說話，以前一直冇珍惜，以為係我身邊係理所當然，但係當真真正正失去左既時候，先至明白原來自己以前係咁愚蠢．．．．．．

前幾日都唔得閒，ｓｏ冇寫日記添，不過士旦啦．．．．．．

最忙都係琴日，第二日正式返學，ｄ功課居然已經多到做死人，琴日又忙到死，冇時間係學校做功課喎，食飯又搵地方搵得耐，返到去又即刻要去開會，開完會返課室都差唔多上堂，之後又冇第八節，放左學返去又要同表弟補習，補完返屋企即刻沖涼食飯，然後狂做功課，點知都做到１１點幾，攪到我就黎死．．．．．．

（點解好似變左做琴日既日記既．．．．．．＝．＝）

講返今日，今日食飯情況好左好多，去到附近一間野度，又好快有位，戈度ｄ野都唔錯，價錢又ｏｋ。我又係好似琴日咁同黃魚、嘉思妹、家欣姐同梁小慧一齊食飯，食完就返課室坐左一陣，之後就要去數培，ｍｉｓｓ黃話以後每個星期一至五１：３０至２：１５都要數培呀∼！！！＞ｏ＜咁我既做功課時間又少左好多啦∼！！

到左放學既時候，好開心呀∼！返左學咁耐終於可以同菁菁枝枝佢地一班”歸家團”團員一齊返歸啦∼！！嘻嘻．．．之後我又去左表弟度同佢補習，今日二姑姐都係度，見到二姑姐係咁鬧佢，居然有點覺得佢好可憐，因為．．．二姑姐實在係太嚴格啦，ｄ字寫得唔好，就全版字擦曬佢，要表弟重新再寫過，攪到我好無奈．．．．．．

不知不覺打左咁鬼多野添．．．士旦啦．．．．．．嘻嘻．．．我依個乖學生又要返出廳溫習囉，明天有機會再寫囉∼！

原本今日都係開開心心架，點知臨放學之前梁ｓｉｒ開咪宣佈話上年參加美術比賽既去飯堂集中－－又係講今年美術比賽ｄ事。

我真係唔想參加呀！我畫水彩畫根本唔好，我淨係畫漫畫叻架之嘛！見到個個ｄ畫都咁靚，但係自己戈ｄ簡直小學生都不如，但係我居然又係美術科代表，戈種感覺真係好難受架！！

我同阿ｓｉｒ講話今年唔參加，佢又話唔好，又話「玩」多年先算，但係咁樣對我黎講根本唔係玩！今年係初三，平時時間已經唔多夠，我又要參加義工組同去數培，自己又想寫多篇小說同畫埋套漫畫，又要幾乎日日去同我表弟補習，如果仲參加埋美術比賽，我真係連訓覺既時間都冇架啦！！！

我真係唔想參加美術比賽啦，我唔想曬完時間之後咩收獲都冇，仲要辛苦自己，係比賽度做陪襯品呀！阿ｓｉｒ淨係識叫人參加依樣參加戈樣，都冇諗下我地又幾辛苦既！

激死我啦！！下星期再見到佢我一定要同佢講清楚，我唔參加美術比賽呀！！！