前幾日阿哥又返左黎，因為有免費車送佢地返黎投票喎∼結果兩日冇寫日記．．．．．．

今日下午阿哥走左之後，我就一直上網，上到９點半先落左一個鐘左右去食飯、”接”衫、沖涼等等．．．．．．諗起到時交網費．．．＄＄＄＄＄＄＄＄．．．有點怕怕．．．．．．

講開又講，今晚真係差ｄ餓死我呀∼！！ 　我想煮飯食，點知個電飯煲居然開唔到∼！！！最後唯有用個鍋黎煲返熱佢．．．．．．好慘呀．．．．．．ＴＯＴ

今日中午食飯，我地去左武二度食，原本我想去返新花城架，不過嘉思妹係都話要去武二，結果去到等左差唔多半個鐘先有野食，結果我食完之後就即刻要趕返去數培，差點兒弄得我肚子中的食物吐掉了出來．．．．．．

今日放學撘專車返去戈時，唔知做咩我地戈堆１８班既人坐曬係車頭，之後幾乎霸左成個車頭係度玩，我地戈班愛新覺羅家族既女仔同戈個甚麼”好學生之友”既男仔係度討論我地個愛新覺羅家族族譜，仲攪到張紙不似紙形．．．．．．不過今日放學真係好攪野呀∼∼嘻嘻．．．．．．．

太好啦∼！！！！今日表弟唔洗留堂，我唔洗去小學接佢啦∼！！！！簡直要多謝佛祖呀∼∼＞ｏ＜

講返今日係學校，今日陳嘉豪請左假冇返學，點知戈幾個甚麼”好學生之友”既仁兄又係度比說話我聽，無奈．．．．．．最好笑係生物堂戈時，老師問邊個冇返，佢地就大大聲咁答”陳嘉豪李苑宜”，攪到好似連我都冇返咁，老師仲講左句”唔係得一個同學冇返炸咩∼？”都唔知佢真唔明定假唔明．．．．．．＝．＝

今日終於上到網啦，不過．．．心情總係好沉重咁．．．由星期六開始就係咁啦．．．．．．

〔補寫於９月２１日〕

今日同表弟補完習返到屋企，做好曬所有野之後，諗住上陣網啦∼點知部電腦又開唔到！！戈時真係差ｄ嚇死我，結果我用左阿哥之前教我戈幾個方法，又要插過曬ｄ插頭，又要搬起部重到死人既主機，攪到身水身汗，隻手仲一路係度震緊。後來終於開到，我好開心咁打算連線上網啦，點知．．．居然上唔到∼！！！！！於是我咪打左個電話比阿哥，問佢點算，佢既答案係：”任部腦放係度幾日，幾日之後就上到架啦∼”我勁無奈咁收左線之後，勁無奈咁對住部腦，開左個ｗｏｒｄ，打左依篇野．．．．．． 

 講返未返屋企之前，我係表弟度同佢補習，因為二姑姐今日休息，ｓｏ佢係度親自睇住表弟。戈個咁既表弟都唔知係咪打機打上腦，放完幾日假，打左幾日機，今日返到黎本手冊滿缸紅，話佢督課未完成作業，而且因為唔識背英文生字，聽日可能要留堂∼！！！ 

因為聽日二姑姐又要返工，女麻女麻又唔識路去小學部，咁即係話，如果聽日佢真係留堂，咁就撘唔到校車，佢仲咁細，自己返黎係冇可能既事，咁又即係話．．．我聽日可能要去小學接佢放學．．．．．．（諗返起之前我地班六四既一直話想搵時間返小學探珠江兄，點知今次居然有個咁既”機會”返去小學，感覺極度無奈．．．．．．）咁樣一來一回，我ｄ功課唔洗止意有時間做啦．．．．．．．一諗到依度，我就千祈萬願表弟絕對唔好留堂。。咁樣接一接佢，唔單止曬左ｄ時間，又曬車錢，最最重要既係．．．我都唔知到時點樣帶依隻”馬嬲”返去．．．．．．． 

唉．．．．．．今日絕對係超無奈既一日，連日記都只可以寫係個ｗｏｒｄ度先，仲要遲幾日先放到今日既日記上黎，聽日表弟戈邊又唔知點算好，唉唉．．．．．．．

阿哥走左都未夠一個月，部腦就第二次出問題啦，以後既日子點捱呀．．．．．．．（睇黎得閒我要進修下電腦維修啦．．．．．．＝．＝不過．．．得閒先算啦．．．．．．．唉．．．．．．．）  

開心死啦∼∼表弟今日終於走左啦∼！！！！簡直阿彌陀佛亞里路也善哉善哉萬歲萬歲萬萬歲呀∼！！ （都唔知自己講咩．．．．．． ）不過佢實在太留戀部電腦，返左去之後，六點幾戈時居然打電話過黎，叫我帶佢過黎玩．．．．．．睇黎又係另一個惡夢既開始．．．．．．

聽日小測英文生字．．．但係未溫過．．．依家１０點半．．．睇黎係時候溫啦．．．．．．

（再來一篇短死人的日記．．．．．．）