〔補寫於１０月１日〕

唉．．．部腦又發神經，上唔到網啦！！又要係個ｗｏｒｄ度打篇日記，無奈．．．．．．． 

 今日都挺多事發生，首先體育堂戈時阿ｓｉｒ居然無端端叫ｄ男仔一個捉住一個對腳，然而用手鬥快向前爬！！雖然佢地咁樣好好笑，但係其實我覺得ｄ男仔都好可憐下．．．無端端要做埋ｄ咁既野．．．．．．． 

 之後中午戈時我、 黃魚同 君君姐去新花城食飯，點知見到平時坐開大枱既陳嘉豪佢地戈班男仔無位坐（陳嘉豪明明早到過我地，不過因為我地得三個人，ｓｏ比佢地容易搵位。。），還好之後佢地都有位坐，不過唔係好似平時咁坐大枱。。。 

 第六節自修戈時，唔知做咩突然間見到楊斌好嬲咁扯住陳嘉豪隻手，之後楊斌放左手，但係就見到陳嘉豪好唔開心咁伏係枱面．．．．．．我好想知戈時到底發生咩事呀，不過問楊斌佢又話冇野，無端端走去問陳嘉豪又好似好怪．．．．．． 

 突然醒起今日我又要收畫簿啦，唉．．．戈時已經到第七節，但係ｄ畫簿仲差廿幾本未交，我放學又要趕專車，攪到我跑黎跑去，最煩惱既係，連嘉思妹都未畫好！！佢係咁叫我等佢，但係等埋佢我就趕唔到專車，到時又有排等車返去架啦，結果急急忙忙唔理佢走左．．．．．．（依家諗起覺得好似好衰咁添．．．．．．．） 

 點知上左車見到波波，今次終於正式同佢面對面講過野，不過感覺都係好奇怪．．．好似成日比人監視住咁．．．．．．跟住我仲係架車度發現左好大隻蜘蛛∼！！！！之後落左車，戈個咁既波波居然仲跟住我！同佢講左幾句，過左粵華廣場戈度佢先返轉頭走，極度無奈．．．．．．＝ｏ＝ 

今日阿哥返黎放國慶呀∼唔知佢放到幾時呢∼？依幾日又冇電腦用囉．．．．．．

今日第七節戈時我同嘉思妹調左位，之後隔離左右戈ｄ個個係度用我地黎講笑，最攪笑係戈時嘉思妹冇做功課，張枱空左係度，但係我之前係張枱畫左個公仔，ｍｉｓｓ見到咁以為係嘉思妹唔做野顧住係枱度畫公仔，跟住戈個ｔｉｇｅｒ仲係度指住嘉思妹話佢上課成日唔聽書係張枱度畫公仔，畫完又擦擦完又畫（其實佢係度話緊我．．．．．．），ｍｉｓｓ唔知我同嘉思妹調左位，又聽到ｔｉｇｅｒ咁講，就以為嘉思妹係咁，結果佢同我食左隻咁奇怪既死貓，戈時隔離左右知道依件事既人都係度笑，連嘉思妹都係度笑，真係差ｄ笑死我．．．．．．

今日唔知點解ｄ堂過得好漫長．．．．．．中午戈時仲好鬼眼訓。。。講起中午，今日食飯戈時原本諗住同黃魚撐枱腳，點知小思思又話餓得濟，要同我地一齊食飯，點知陳伺彥話要見夢中情人，結果同林寶珍黏住我地坐，跟住驃叔叔又跟埋我地坐，結果兩個人變左六個人．．．．．．

跟住．．．好像都冇咩特別事啦．．．咁又一日啦．．．聽日測代數．．．未溫過．．．真”開心”．．．．．．．

好開心呀∼今日調位呀∼∼！！雖然唔係大調，但係調開左戈個又口臭又賤格既黃益皮，真係好開心呀∼！！！

不過芳姐隔離戈兩個仲係度，成日見到芳姐比佢地串，真係可憐．．．．．．．

跟住夜晚返到屋企一路上網一路做功課，攪到ｄ譯文做左成晚．．．．．． ｄ英文都未溫添，算啦，都係聽朝先溫．．．．．．家下好眼訓啦．．．．．．

首先講返琴晚（其實唔算”琴”架啦，因為戈時已經過左十二點．．．．．．＝．＝），戈時上悠言小棧，突然見到原來ｓｅａｌｉｏｎ已經比我接手左之前阿哥戈兩個區，於是諗住攪掂ｄ版規、集中營等等戈ｄ野先訓，點知攪左好耐，攪到鬼咁眼訓．．．．．．我發覺阿哥依個版主真係好唔負責任，做左吹波膠版主咁耐，居然連版規都冇定，圖梨芬芳戈個”作品＋精彩教學集中營”又ｎ年冇更新過，攪到我一身工夫．．．．．．

今曰又係成日對住部電腦，不過最特別既係李心詩佢地下午過左黎睇鬼片，我冇睇，一直係房度上網同整圖，但係時不時聽到佢地係度尖叫，佢地ｄ尖叫聲好得人驚呀．．．．．．．

之後我去左同表弟補習，補完返黎又上網同整圖，波波仲打左ｎ次電話黎，有一半以上係玩我電話＝．＝，之後真正同我講左兩次，但係都係唔夠兩分鐘收線，而且佢仲一味係度笑，極度無奈．．．．．．

跟住表哥同表嫂黎左，但係媽咪又未返，想打電話比佢，佢個電話又打極都唔通，攪到我都唔知點好，又唔知點招呼佢地，屋企又冇”送”，都唔知煮ｄ咩比佢地食好，最後媽咪返左黎先解決左．．．．．．汗．．．．．．