今日係聖誕節呀...

雖然今日係聖誕節...但係就冇去邊到..

因為今日好多人都黎左我屋企到玩~~

今日有成七個人黎左我屋企玩啤牌....打麻雀..

不過今日六點幾先開始玩...

我同pele,燦同家華係下面買左麻雀同麻雀枱上黎...

好貴呀..@@非常肉赤...

之後我地傾D規則都傾左好耐@@..

之後一路玩一路等其他人上黎...

之後去到七點幾八點到...

柱,洋同肥強都上埋黎..

之後我地成班係到玩牌排..

玩七級粒....玩心藏病...

玩啤都玩到十二點呀...@@

之後十二點幾家華,燦同pele就走先啦....

我地五個繼續玩...

玩到兩點半就落去左秀坪食M記...

我一落去就開始後悔啦...

因為..因為下面一個人都冇呀..@@

我一陣重要自己一個行返上黎..

所以有點兒後悔....@@

之後我地去到M記..

食到3點半就散lu..

之後我自己由秀坪行返黎寶達..

秀坪真係冇人嫁...@@

幾得人驚呀....平時一到夜晚我好中意自己一個吹住風諗野嫁ma..

不過今日唔諗啦..因為真係幾恐怖@@

好彩...去到寶達有返D人...

返到屋企都4點lu...

雖然今日冇咩點出過街...不過今日都玩得幾開心呀~~

已經好耐好耐好耐冇打Blog啦..

冇計啦..前排要考試....考完試後台又有好多野做...忙到我都唔想打...

不過講到考試就...唉..

好多科都唔多掂呀...

不過都唔係唔理咁多啦...成績依樣野..都係等過埋個聖誕節先算啦!!!

無遺係聖誕節都過得唔開心呀~

講返今日先..

今日係聖誕公益嘉年華..

今日要神早七點半就要返到去幫手..

唉...好攰好眼訓呀....

雖然好攰好眼訓...不過都要幫手做野...

咁我地做完野呢...就返左上課室點名啦...

返到上課室呢...緊係第一時間睇下D人著成點啦~

有D著得幾令呀...不過有D就..好怪...有D更加好似村姑@@

今日都有兩個著裙呀..

阿Ling著短裙坐係我同pele對面..

搞到我都唔敢望過去啦..@@

但係我地兩個都係唔明點解佢竟然冇比人捉..@@

點完名之後呢....就即刻落返hall到準備演出啦..

今日我要做既野全部都係好簡單...

所以就有好多時間睇下人地表演同埋睇女仔啦@@

今年中三表演披風設計..

我都係覺得上年果個時裝設計好好多姐..

我記得有一個晚裝超令嫁....黃汀芙著果條裙都好令..

不過今年就..唉~~~

呀..係呀...我係後台呢...睇下低年級果D女仔呢..

嘩..之前佢地唔化裝個樣都幾令嫁...好過好多高年級..

不過今日D人化曬裝呢...好恐怖@@

D眼線黑到呢...又茶曬唇膏...不過D色好嚇人..

之後D耳環大到可以掂肩頭....

所以我都係覺得佢地唔化裝好..

同埋覺得低年級既女仔好過高年級既女仔@@

當做完個表演之後..

我地就食左D Miss nee請既野食..之後Miss chan又送左D券比我地wo..

咁我地咪係下面玩下..hea下lo..

咁hea下hea下呢....好快就完左啦....

之後我地後台又要幫手汁野啦..

汁野其間...校長開始抽獎啦..

哎也...竟然冇我份....我放左一張落去嫁@@

雖然果張係由Miss nee比我地既@@

之後我地就返左上班開始party啦~

一開始呢..大家一齊食野..不過我覺得D野食唔多好食..

同埋我又冇咩胃口...搞到剩係食左勁少..

食完野就開始玩遊戲啦..

雖然都D遊戲就唔多好玩嫁啦..

不過勝在能大家一齊玩呀ma..

咁大家一齊玩..的確幾開心既..

之後3點幾就要走lu..

跟住呢..我地去曬pele屋企到玩...

因為我地諗住係pele屋企留到夠鍾之後直接去打邊爐~

咁我地咪係pele屋企打下機...玩下啤lo..

不過最好玩都係大家成班一齊係到玩"七屠珠"

大家一齊有講有笑..的確幾正~~

之後玩到七點幾就一齊出發去樂華lu..

我地原先剩係book左一張枱....

因為當時剩係得11人..

之後呢...唔知點解越黎越多...去到15人@@

咁我地就分左兩張枱黎食...

今日女仔都有5個人呀...@@真係多..

同埋依舊屎佢地成班d班既人都黎左打邊爐..

不過大家係各有各打...

不過呢...我打打下...因為太眼訓啦...我居然打打下訓著左...

訓左15分鍾....@@

之後又開始食野啦~~

食到10點幾就冇再食lu..

之後大家係到玩...輸左要罰飲啤酒...

原先係玩十五斟嫁ma..

點知變左包剪x wo@@

之後我地玩到11點幾到啦...我地就出發去淘大食糖水..

不過呢...落到去我都係冇食到..@@

講真呀...其實都係散下步...冇諗住食野..

呀..係呀..pele又唔見左部手機啦..

佢今次漏左係架的士到...

之後呢...大家就一齊行返屋企lu....

好啦....已經好攰啦...都係早D訓算..

woo...已經好耐冇打lu...

冇計啦...真係冇時間打...我見今日星期五同埋今日發生左一D事先打嫁炸..

今日上堂其實都非常普通....冇話D咩咁特別既...

不過去到lunch呢....就發生左一件事啦...

果陣我岩岩食完飯返上黎五樓啦..

之後一入到課室呢...就聽到話Miss nee搵我wo...

咁我咪出去門口搵佢囉..

原來佢係叫我同燦一齊去果個咩薪火相傳果個交流團wo..

原本我就冇咩興趣既..

之後佢話去好似5日咁多wo..重要剩係九百蚊炸..

幾平呀...之後重話咩...係新年前果個星期去...

當我地去完呢...返多三日就放新年啦..

嘩..一聽完依句..我同阿燦就已經決定話去啦@@

同埋家華呀,Ling姐,鄧瑩,(i錫),興文都去wo...

咁多熟人...去下又何況呢!~

今次話去北京同埋一個未定既地方..

重話搭飛機嫁tim....

我咁大個人一次飛機都未搭過嫁...所以真係好想去呀..

果陣去到北京好似得返零下幾度嫁....咁既話...咁既話...

咁可能會睇到落雪嫁!~

哈哈....真係好期待呀!~~~~~

之後呢...又開始上堂lu..

上下普通既通識堂...之後上生活藝術...

生活藝術...生活藝術.....

今次係去禮堂跳舞呀.....

跳埋D幾白痴既土風舞.....

而且呢..而且呢.....要拖手跳嫁..

Pele佢拖住雞姐隻手黎跳呀....獲得全場人既掌聲!!!!!!

咁開頭係大家一齊跳既....跳得幾開心既....又幾好玩wo..

之後呢...阿洋突然係到話玩咩爆旋陀螺...

佢一野打左我心口一下....痛到呀..

之後我咪報仇囉@@撞返佢一下..

點知果個Miss 呢....就係因為咁樣而叫我同阿洋出去場中心跳..

好樣衰呀!!!!!!!!!!!!!

我都唔知跳左幾耐...

我剩係知道....我...感覺...好似....失去左一樣好重要既野咁...

果樣野....好似就係人既尊嚴...

當我同阿洋跳完之後....又要大家一齊跳...

跳下跳下...依堂咁就完左lu..

放學要攞住一袋二袋咁走呢.....攰到呀...

之後我地去左M記到飲杯野食杯雪糕..

我地食完之後就散lu..

趕住返屋企...

因為一陣去打波!~

不過呢...我同柱同聰都係六點幾先出發..

不過我地等車...最起碼等左半個鍾lo..

悶到呀...不過聰呢..就全程同一個女仔傾電話囉...

傾得佢幾開心呀.....

之後我地去左樂華果個波場到啦..點知多人到嘔呢..

開頭家華話等既..話好快有人走..

點知等左成半個鍾都係咁多人呢..

果陣已經九點啦..

之後我地去左另一個波場到...

果個場有成幾十個公公婆婆係到耍太極.....

好彩..佢地耍到九點半就走姐..

咁我地就係出面等左半個鍾啦..

等果陣....又有新一批既寧波人黎到...

果到一共有廿個寧波學生......有兩個女仔@@

之後...等..等..等...

終於到左九點半啦..

咁我地就即刻開始打lu..

打到11點幾先走..

係打波果陣呢...傾起北京果件事...

原來有好多人都好有興趣呀....如果有位比埋佢地一齊去既話..一定更加好玩姐

之後我地打完波食完野就返屋企lu..

今日已經星期五啦...重有兩日就考試啦...

不過呢...我真係唔知主科究竟點溫好...

呀呀呀...好煩呀..!!!!

今日終於要朗誦啦....緊張到不得了....

一朝早起身...肥強已經係咁打電話比我...連出門口都打比我..

可見佢都好緊張....

我地兩個要係七點九之前返到學校讀一次比李sir聽先...

但係呢...返到去...阿sir竟然唔記得左我地兩個@@

之後林急林忙咁背左一次...

不過我一對住人讀呢...就緊張過頭....突然唔記得左...

唉....果然緊張先係我最大既敵人..

背左一次之後就同肥強一齊去搭MTR去灣仔lu..

嘩...依個時間搭MTR...真係慘到呀..

多人多到嘔咁制...差唔多次次兩架車先到我地上...

之後一到左站呢...就有一種賽馬Feel...

一開跑呀..好多隻馬仔一開始就發力...不斷狂跑...有D重係馬群中穿插...

佢地既目的就係為左能夠早一步等架車黎...

唉...今日終於見識到點解外國人話香港人既生活咁busy lo...

之後我同肥強到左灣仔之後...

我地就好似大陸人黎香港觀光咁既樣...

係咁攞住張地圖睇呀睇...

好彩唔難搵姐~

去到果到重有好多時間剩...因為早左好多到呀....

之後就睇下自己係第幾個出去啦..

點知..點知..點知...我竟然係最尾果個呀....肥強尾二...

廿二個人...雖然比較少人..但係..但係...我都唔想做最尾呀..

越遲就越緊張呀...唉...

之後等多陣...就入間房到開始啦..

一開頭呢...我以為果D人全部都好勁...可以全部背曬嫁..

但係好彩見到有D人都唔係好熟姐...起碼有人陪我先呀...

之後呢...有D人超造作....成個李sir咁既樣...李sir咁既聲....

有D人就背背下....突然唔記得左...

總之就各式各樣啦..

我地廿十廿個人都係背同一篇野...咁佢地出去背果陣...我又跟住一齊背wo..

姐係話..我加加埋埋背左廿一次....但係問題係...咁樣會弄巧反絕呢...

不過唔經唔覺...已經越黎越近我啦..

個肚好肚餓....餓到係咁打鼓...

唉...真係太緊張啦....

之後終於到我啦....

我一路行..一路腳震...

我由開始行上去個台果陣...直到落返個台...

我隻腳都係震緊嫁....

我讀到中段果陣...重突然唔記得左下一句....好彩在兩秒內諗返炸...

之後就一直繼續讀落去啦..

不過我終於都係太緊張...讀得太快...

最後我得78分炸...肥強都有81呀....

冠軍87分...就係果個好似李sir果條友..

不過我勁憎果條友....勁那型...又要扮曬野咁呢..

人地讀果陣就係到係咁笑...

之後我地就走lu...走果陣都係11點到..

之後我同肥強為左唔想上英文堂...(因為我同佢都冇做過D功課....)

我地突登坐耐D車...坐多幾個站先肯返觀塘...

返到觀塘我重食左串魚蛋先返學校

返到學校呢...就照平時咁上堂咁lo...

放左學呢...重要去個hall到做返中三既tsa卷..

唉...我都唔明點解咁都要做...

不過呢....依家望返呢....好似好簡單咁呢....但係望返之前Miss wong比我地果份中四tsa...

難到飛起咁呢..

做完之後就散lu...

返到屋企...hea左陣....諗住訓啦...

點知...手提電話突然響起...

原來係ck打黎...@@

佢話驚一個人行返屋企...所以打電話比我....冇咁驚wo...

哈哈....真係估唔到wo...

因為我覺得呢...就算係傾電話...應該都搵左女仔先嫁ma..

哈哈...估唔到佢會搵我呀~不枉係知心好友呢...

好啦....我要做功課啦@@

琴日六點幾先肯去訓....

搞到今日訓到兩點幾.....

我一放假就係咁....D生活時間調轉曬....

我今日雖然訓到兩點幾.....但係起左身又唔肯落床...

攞左部psp黎打....

打到三點幾....之後有個Fd叫我落黎食lunch我先至肯起身...

之後食完野就返返屋企lu....

返到屋企都係hea下...打下機...聽下歌咁lo....

之後去到六點幾就出門口lu....

今日又去打邊爐呀!~明明上個星期先打完呢...

咁打法...真係遲早冇money#@@

不過今日有D唔同....

今日阿龜..袁志成...寶琦...ck..聰...菠羅...藍...燦..家華...pele...kai子...肥強..翔....加埋我....一共十四個人呀...

因為由於太多人..所以分左兩張枱...

不過今日都打得幾開心呀...打下..笑下..,,

不過最好笑呢...

都係家華D雞子..@@

我都唔明D雞子有咩咁好食...一咬...入面白色既野就標曬出黎...@@

好嘔心呀....@@

不過都係因為家華D雞子...大家先會有得笑下~

之後我地打到十一點幾到就走lu...

走果陣有人話去淘大食糖水....

咁班友見冇咩野做咁...咁就一於去食糖水啦..

不過果兩個女仔就話返一返屋企先..

咁我地咪係間酒樓出面等佢地lo..

之後由於無聊得制...

我諗住爬上去個欄到..

點知...一爬上去...

我就踢左落D磚到..

點知一踢炸...D磚就碎曬...趺曬落地...

嚇得我呀..之後我地就走左上去等啦@@

之後我地就開始行落去淘大到lu..

不過去到淘大呢..

得返幾丁友話去食...其他就漫冇目的咁行..

行行下又返返轉頭....搵返班食糖水既人...

之後就開始散lu..

之後呢....我就同聰,翔,pele同埋兩個女仔就開始行路返去啦..

一路行..一路行...

大家有傾有講咁...的確幾開心...

而且D風吹埋黎又好舒服wo..

之後呢...唔經唔覺就到樂華lu....

果兩個女仔就走左..

之後我地四個又繼續行....

行行下呢...突然我地四個都收到ck個sms...

佢話唔好意思...因為佢而搞到我地去唔到打機..

我地原先諗住食完糖水去打機既....點知ck就肚痛....所以就散左...冇去到..

咁佢就覺得唔好意思....

其實又洗咩唔好意思呢....今次去唔到咪下一次lo..

咁都會覺得唔好意思都有既..

之後呢..我地四個諗住玩下野....同一時間sd一模一樣既sms比ck..

哈哈...之後要佢一個一個咁覆我地...真係辛苦佢lo...

不過呢..我地幾個掛住係到玩sms....搞到紅綠燈轉左幾次都唔知@@

之後行多陣就返到屋企lu...

返到屋企...得返自己一個係到..

唉..依排都係咁...

阿ba除左星期四會返黎香港之外...其他時間都係大陸..

阿媽就要開工...開完工食埋飯返黎都好夜lu...

搞到依家日日差唔多都係得自己一個係屋企...好靜...

有陣時..會覺得...有人等你門...係一件好開心既事...

好啦..今日都差唔多啦...

差唔多要考試啦..要比D心機先得啦..所以以後應該非常少會打Blog......