係依一篇之前..我又打左一篇不見得光既日誌啦..

不過果一篇係一篇開心既日誌.....不過...

都係唔見得光既...@@

好啦好啦...我今次打既原因想講下去旅行既感想既...

其實依篇野應該琴日打..@@不過琴日發生左好多事...所以冇時間打..

所以今日補返...

其實係我未去依個旅程之前的確幾開心嫁...

因為今次去既原因有好多個...

第一:未搭過飛機...超想搭下..

第二:唔洗返學@@

第三:想睇下雪....因為想睇到一個好靚既雪景都係其中一個少少既夢想..

第四呢:唔講得@@哈哈..

好啦...咁就等我由去九龍塘果到開始講起啦!!~

當我,阿燦,家華同鄧去到九龍塘果陣呢...

已經有D人到左啦...果陣只係五點炸..@@

明明集合時間係五點半呢...

過多陣D人就差唔多集合曬啦..

之後咪出發囉...我地搭車去過關啦..

係車到又冇咩特別野發生既..

但係過關既時候就有啦..

就係阿燦過唔到關呀@@

佢原先就排係我前面既...之後當輪到佢既時候呢..

佢就比左一張身分證...之後條友問佢攞埋回鄉證..@@

但係回鄉證一早比D Miss收左..@@

所以阿燦即刻急急腳跑去搵D Miss..

我果陣幾驚一開始就少咁個人呀@@

之後佢都好彩搵到個Miss 過到關姐..

我懷疑D人係見佢阿燦D身分證回鄉證上D相同佢依家個樣太似..

所以懷疑係假野@@

阿燦真係黑仔lu....

過完關之後就繼續搭車去機場啦..

去到機場我好興奮呀@@

因為差唔多可以搭到飛機啦..

之後咪check in之類之類果D囉..

整完一輪之後就上機啦..

但係一上到機...佢竟然話要(燃)遲囉..@@

重要成個鍾咁耐tim..@@

咁我咪即刻訓囉..(因為前一日通頂....所以超攰@@)

當我起身果一刻...岩岩好起身..(真好彩@@)

之後睇完架飛機起飛完之後又繼續訓返...

一訓就訓到落機前一刻...連飛機餐都冇食...@@

一落到機D風吹埋黎不知幾舒服~~~

雖然舒服..不過ok凍...@@

之後我地就搭旅遊巴去xxx食lunch..(好多地方都唔記得左..@@)..

果一餐D野食都ok啦....唔算太難食既..

之後就出發去鳥巢同水立方啦..

我地剩可以睇到個外觀炸..冇得入去..真係衰..

不過係鳥巢隔離呢就有一條冰河....

成條河結曬冰...幾令嫁..

之後就係水立方同鳥巢中間到放左一個free time..

咁我同阿燦就周圍行下啦...

不過越行越有問題..

因為越黎越冷呀@@(果陣大約五點幾至六點幾到啦)

咁阿燦就縮埋左係一間有暖氣既地方到取暖..@@

激氣...佢竟然攞依D時間用黎取暖....!!!!!!!!!!

當free tim完左之後就去左食dinner lu..

地方名又係唔記得左....@@不過D野食都ok既..

食完咪返酒店囉..

我同阿燦一間房呀!~原先我以為會家華一間房tim..

不過依D野冇咩所謂啦..

一開房...阿燦周圍搵邊到開燈..@@

重問我點解按左D制點解D燈唔著....@@

阿燦未住過酒店...所以呢...唔知道要插卡先有電...xdddd

之後我地放低曬D野就準備沖涼啦..

當我一放水果陣...D水竟然...竟然係黃色嫁囉..

超嘔心...

之後我問下其他人..原來個個都係咁...@@

重話依間野係四星級...真失敗..

之後呢...佢叫我地放半個鍾頭水D水就會冇咁黃...唉唉...

係我沖果陣都覺得有少少嘔心...雖然冇咁黃..

我沖涼之後就攞左阿燦部神奇手機用黎上msn@@

哈哈..佢部手機真係超有用呀...QQ,msn連睇書都得..超勁..

之後十一點幾果陣...家華過左黎,,

過黎傾下計...影下D...白痴相@@

之後十二點幾就各自各訓lu..

好啦...咁耐先講完第一日tim@@

第二日神早流流五點半就起身...

我地六點九左右就到左酒店既一樓食自助餐早餐..@@

D野食ok既...都可以話放得落口..

之後呢...我地拿拿林就上返房hea陣先..

之後大約七點九果陣又準備出發lu..

今日係去人民大會堂到聽國家主席講野..

我地係人民大會堂到就集合曬2500個人...

圍成一個u字聽人講野..

個場景幾壯觀...

不過就超辛苦...

因為我地係企定定..冇得周圍(肉)..

聽果條阿婆講野......足足半個鍾呀..

途中有兩個人暈低左...吹漲...@@

其實果一刻我多麼想扮暈....因為真係超攰...

個阿婆講野又要勁慢呢....真係麻鬼煩@@

咁聽完佢講野之後呢..我地就轉左一個有得坐既地方聽人講講座...

我地一坐低...大多人都已經訓著左..@@

我係2500人中既大多人wo..唔係我地18個人既大多人wo..

冇計啦..訓既時間得咁少...又要企咁耐聽講廢話...

搞到成個人咁攰..依個講座好似係特登整黎比人訓咁樣...@@

我隔離果個(郭翼吐)唔識寫佢個名..sorry@@

正頭流曬口水...係成條口水痴左落佢條太到..我同阿燦即刻攞部相機出黎影低xdd

我地好似好衰咁...不過真係爆搞笑...@@

就黎隨團果兩個都訓埋呀....幾勁呀...證明我地依D做學生既..訓著都唔出奇@@

依個講座up左差唔多成兩個鍾囉...不過我地成班就訓左差唔多一個幾鍾..xdd

完左之後就去食lunch啦..

唔知點解呢...由第二日開始D野食就變得超難食...

我食左好少就廢事食啦...

食完之後就去一個叫798大街既地方..

798街係一個藝術街...周圍都係藝術品..

係果到睇睇下就走左lu...

再之後就去左城外門大街...

原先應該係果到買手信嫁..

不過唔知點解...一件都冇買到..

因為真係唔知有咩可以買.....

咁我同阿燦同家華就周圍hea左一陣就算...@@

之後就搭車食dinner同埋返酒店啦..

第二日D野已經唔係記得咁清楚啦..@@

咁直接去到第三日啦...@@

第三日既luch係我咁多日以黎最難食既一餐..

話咩北京小食wo...

嘩..D味道真係...令我作嘔呀...

雖然食得超少.....之後咪去左參觀故宮囉...

故宮D建築的確幾令...所以影左好多相呀..

但係我地剩係係入面周圍行下炸..

我次終都係想去一去長城多D姐...

咁我地行完故宮之後就去左食dinner啦...

依餐終於ok返D啦....有北京填雞鴨食..@@

之後就搭高速火車去南京啦...

四個人一間房...我同阿燦同家華同issac一間房..

因為冇隨團老師一間房..所以我地4個玩得超喪...@@

明明十點左右就去訓既...但係我地四個就玩到一點先肯訓...

我地係間房刑玩啤牌....輸一隻.一下掌上壓...

issac輸左成一百隻...所以佢就做左掌上壓啦..

不過佢做既姿勢係超奇怪...同埋爆好笑...我拍左片嫁..可惜比佢del左呀..~~~

咁樣玩玩下就成點啦....

不過我地四點幾就要起身啦...(姐係到左第四日啦..)

起身果一刻真係超辛苦...

之後又要林急林忙落車wo...

落車果陣都係差唔多六點炸...

咁我地咪去食早餐囉..又係自助式..

不過依個早餐真係超難食..

佢D野飲冇一樣唔係加水嫁...所以難飲到嘔...野食又難食wo..

所以我用早餐時間攞去訓陣算..

之後呢..就去左南京大學到交流wo..

都唔知交乜鬼..

根本就係講座...全程得果條友係到狂講..

我地就坐係下面剩係聽..

悶到呀....所以超眼訓..

但係果到有勁多攝影機影住囉...

搞到唔好意c訓....

不過其他學校D人就唔理咁多....索性訓算..

咁我醒目啦....借左朱芷欣副黑超黎帶..

帶住黎訓..xddd冇人睇到我隻眼xddddd

但係訓訓下...越黎越冇位..原來係阿燦訓左落我肩頭到..@@

搞到我之後冇訓到啦..

之後還左副黑超比佢果陣..

佢話佢岩岩去廁所果陣比人捉左黎訪問wo..

果一刻我心諗...

我去唔去廁所好呢...@@正想去廁所果陣佢先講埋D咁既野...

我自己D普通話真係超普通....所以勁唔想比人訪問..

但係之後都係去左廁所...好彩冇比人捉去訪問姐@@

之後就係果間學校食lunch...之後就去左參觀南京大屠殺啦..

係果到呢....我聽到一樣超開心既野...不過呢~~唔講得^^

之後就去左一個唔咩鬼地方@@

都係周圍參觀果D啦..

再之後就去左一個買手信既地方到啦..

雖然話就話買手信...

但係果到剩係得書...買乜鬼姐....而且得勁少時間..

咁阿燦就提意出去出面買...

咁我地兩個就周圍問人...之後重周圍跑tim..但係都係冇咩乜野可以買..

之後就返左酒店啦....果一刻幾驚比學校班友打死...@@

去咁多日一份手信都冇呢.,..不過冇計啦...我地都想買嫁..

可惜係買唔到炸..

咁我地返到酒店呢...就放低D野沖涼啦..

我沖果陣重有熱水嫁...

但係唔知點解之後冇左熱水wo..

得返冷水...搞到阿燦要沖冷水涼~~~

之後我地兩個就去左薛展超佢地間房到玩啦..

所有男仔都去曬果間房到玩..@@(除左家華...佢死左去訓教囉..@@)

咁我地六個就係玩啤牌....都係一張一下掌上壓..

我地足足由一點玩到五點呀@@

超正...玩得勁開心...不過今次又係issac輸...今次一次過做左一百二十下呀@@

我地幾驚佢做完之後變左霍金呀..@@

咁之後我地咪準備落去食早餐囉..

落到去個個都頂唔順啦...個個都合下合下..

咁我地諗住用係車上既時間黎訓教..

因為咁多以黎...我地個個一上車就會訓教....重要次次車程成個鍾以上呢..

所以咪諗住係車到慢慢訓囉..

點知..今次...最快到...去中山陵...

要我地行幾百級樓梯上去...

我地六個冇訓過呀....超辛苦呀行上去..

行到上去個個都企唔定...暈下暈下咁..

之後重要我地搞一D儀式先走得囉..

一走得我地幾個正頭沖左上車到訓教..

一坐低已經訓著左...實在太攰啦..

根住十點幾果陣就已經到左南京機場啦..

我以為可以好快返到屋企啦....

點知...佢又延遲囉....

搞到十二點幾先上到機..

返到深圳都已經好似4點幾到啦...唉..

再返到香港都已經差唔多六點啦..

我返到屋企都已經七點啦....@@

今次既旅程都係以坐車...訓....影相同食為主..

都算ok好玩既..

不過今次既旅程整喊左危明利同朱芷欣.....

好彩..之後都冇事...

不過我發覺最近越黎越易整喊人....救命...

終於都打完啦...好似打左差唔多兩粒鍾...@@