今日突然想打Blog...

講真呀..我份人...好多野都係突如奇來...想做咩就做咩...想講咩就講咩..

就係因為咁...所以今日先至打Blog..

而且...今日係星期五...又唔洗要做D咩...加上...

最主要既係...今日有我想打既野...

都係由頭講返先....今日起身就好攰...係超攰..

我刷完牙洗完頭坐返落張床到都可以合著左..勁野!!!

好彩係合左一陣炸...如果唔係...等遲到都似...

今日上D堂有冇D咩特別呢...?

um...我諗應該冇啦....好正常呀~~

最唔正常既就係今日午膳果陣....

李sir幫我地1月至8月既人搞生日會...

佢特登買左兩個蛋糕返黎...分左比好多人食..

而我....就食一舊超細舊....

冇所謂啦....我又唔肚餓...又冇咩心情想食野...咪由得佢囉...

我一啖食完我果舊所謂既生日蛋糕之後呢..

就出左係門口到企..

唔知幾時開始...中意左比較少人既時候..

即使得返自己一個都冇所謂..

但係得返一個既時候又會諗埋諗埋成串野...唉~

咁我企係班房門口到睇返班房入面...見到成班人圍住D生日蛋糕..

雖然我地A班唔可以話咩好團結..

不過....成班都係開開心心~~都幾好呀~

之後阿關都出左黎...

咁我地兩個就係到..叫做傾計咁啦....

不過講真...唔知點解...依一年...我同關阿燦佢地兩個好Fd..

小息午膳都係埋一齊...

真係風塵三俠~~~

不過識到佢地兩個都幾開心既~

雖然我地三個唔會話咩係屋企傾電話...傾msn..又唔會刻意約出黎..

不過...係學校就好似...兄弟一樣..

我地三個唔會話傾D咩私事...不過..當大家傾起上黎...就會好信得過對方咁..

咁的確既...朋友唔需要話要多...真心既...一個都已經好足夠啦~

講到好遠tim...講返先...講返阿關出黎同我傾左D咩..而依一件...亦係我之所以打Blog既原因...

佢企左係我隔離....我同阿燦同阿關之前傾過之後既出路果D啦..

阿關之前話..佢話好大可能讀埋今年會決定唔讀依一間學校..

諗住話咩ive wo..

咁佢一出到黎..咁我咪問佢...問佢係咪下年轉校囉..

佢就話咩..好大可能wo...因為..佢都知自己唔係D讀書既材料..

如果中四畢業生就去讀ive就有兩年免費..姐係中五中六果兩年唔洗錢..

如果係寧波讀埋中五既話...做左中五畢業生就冇得免費..要出錢..

所以....佢話唔想煩到阿ba阿ma咁wo..

佢依家就諗緊究竟轉唔轉好...

你問我既...我真係唔想佢轉...因為...阿關叫左我係中學入面最Fd果D啦..

佢走左既話..我當然會唔捨得啦...

但係....真真正正為佢好既話...我諗佢越快讀ive會越好...

所以搞到我都唔知點好...

其實阿關D成績都唔算好差姐...只不過...只不過都係死左係英文到...

唉..依個世界就係咁...有天賦既人次終都係勝人一籌..

我地依D冇天賦既人,,即使再努力都好...次終都唔會追得到..

當差唔到追到既時候..又會被人好快咁拋離...

『明白到有D野...係咁就係咁...想努力改變...到頭黎..只會令自己更加難過..』

雖然我都知自己唔係一個有任何特別天賦既人...

不過都係盡力啦...

不過上面果道理...我諗經過今日...我會更加更加明白...

因為...唔單止係學業上...連其他地方都係一樣...

唔知點解呢...最近又中意返聽果首歌...

係因為D歌詞似我既處境呀..定係因為有其他原因呢..?

思覺失調