呢篇係我好耐冇打日記之後既第一篇，

我因為今日有少少時間，所以就打返篇，

笑，我應承左你話同你講我會考既日期，但係我未搵到本野啊，

所以你再等下添啦！

仲有，好多謝你幫我做聯絡人喔^^

我黎緊可能會打返多d日記嫁啦！

我累了！

所以曾經被我得罪或是被我欺負過的朋友、同學們，在此跟你們說聲對不起了！

我真的是累了！

我現在只想好好的工作，不想再管任何的事了！

目前只想保留對家教、黑執事的愛！

其餘的等考完會考和完成工作後再算吧！

好啦，講送呢排先啦，

呢排係TTC既考試，所以我地都忙到成2點幾先吃飯，

不過無所謂啦！中文說話既部分就完左啦，但英文就仲有三日，

昨日好唔開心啊！無啦啦俾5C班既萬XX打左下，

仲要當住D學生面前，我真係好嬲啊！

大佬，你玩還玩啦，私底下同你班人點顛都得，

得我做緊野嫁，俾D老師見到我仲洗做既！

唔該你下次唔好啦！咁樣我好難做嫁！

連續兩日唔洗返學，好開心啊，

昨晚係影班相既大日子，開頭我以為佢係逐班逐班咁叫人去影，

但點知唔係，係要我地企哂響籃球場度等，

咁昨晚係maths，我、琦、suki照舊都係大部分既時間無視阿sir，

響度吹水，仲吹得好開心添，後尾叮叮返左黎，

四個吹得仲開心，簡直係目中無人咁傾添，

期間ELAINE到七點都未返喎，

跟住我同SUKI就係咁CALL爆佢機，

到左冇耐，ELAINE就打黎問銀行響邊，

講完之後冇耐就打左鐘，

但都未見ELAINE，咁又CALL佢啦，

點知原來佢唔敢上黎，響地下廁所，

到JOIN返ELAINE啦，我地又響度超大聲咁吹水，

好似響街市咁，

昨晚傾到超HAPPY，超HIGH！

呵呵，又識到一班好朋友啦！

而且我發現祈XX有女朋友啊，好想睇下佢女朋友係咩樣嫁！

最近同祈XX好似FD左D喎！

PS：其實有D野係日記度講唔到嫁，但又好想同人分享喎，點算啊？

老實講啊，我真係唔知點去面對你嫁！唉~~~

其實我都冇唔理人，我都唔知點解會咁講野！

但我今年能夠識到鈴、SUKI佢地我真係好開心囉！

又唔見笑笑佢地約我地出黎個陣係咁講電話、SMS！

咁得囉，第時我都會咁樣對佢地得啦！

冇野講！

其實我都下左啖氣啦，不過D人冇表示既就算囉！

其實我並唔係針對某一個人，而係想話俾全世界知囉！

無論我平時玩得幾顛都好，我都係一個人黎嫁，

我都有感情囉！聽有人地咁話我，我心淡哂囉！算！

反正我而家都過得好開心！好在有SUKI佢地響度姐！

SUKI，你真你好好玩啊，你知唔知好少人可以咁樣同我玩到咁顛嫁咋！

你都係近年黎既第一個呢！

我地得閒去打邊爐同唱K啊！

前幾日我同琦放學個陣就去搭車返屋企啦，

之後就有個男人上左車，另一個男人就響之後個站上車，

然後兩個男人就響度嘈啦，我同琦開頭以為佢兩個係朋友，

響度傾計，但點知聽真D原來唔係，係響度嘈緊，

仲要係因為一D小問題，其中一個男人就響健生就落車，

臨落車前仲要大聲叫左下，嚇到我個心都離一離囉！

最近，同個好朋友吵左大獲，已經冷戰左好耐，

老實講，我最討厭既就係俾人無視我囉，

無論係家人或朋友，如果係咁既話咁就唔好約我啦，

仲要無啦啦拖我落水，傾緊電話就傾電話啦，

扯下扯下無啦啦扯到我身上，勁無奈囉！

雖然係浪費左一段四年幾既友誼，但如果再係咁既以後唔好搵我囉！

笑笑，我好乖嫁，我多左寫日記囉！快D讚我啦！xDDD

今日，我有D唔舒服，

一起身冇野既，之後就去沖涼啦，

沖完就去執野返工，出門口前吃藥，

返到去吃完早餐冇幾耐就開始唔舒服了，

個頭好暈，本來想早走嫁啦，但諗下都係唔好啦，

於是我全日都響AL室度攬住GIRORO響度瞓，但瞓黎瞓去都瞓唔著，

咁咪閉目養下神囉，點知王詠芝同趙令思要搵我，咁我咪上去囉，

佢地一見到我個樣好似有D頹咁就好關心咁問候下，

我就答冇野，連吃完飯返黎見到方方都係咁講，

跟住我再照下鏡，我今日個樣真係好殘啊！

所以我馬上決定今日唔去返學，放工返到屋企就即刻去瞓，

瞓到聽朝早算啦！

PS：笑，我應承你寫日記我有寫嫁^^

（下次先再打返我同琦響輕鐵見到個兩個變態佬啦！）

星期五跟左5C去旅行，原先我以為同佢地一定玩唔埋啦，

但當我打算坐響樹蔭低睇小說既時候，佢地既其中一個過黎邀請我一齊玩，

我就SAY NO啦，點知佢地話：「姐姐，你唔好一個人響度睇小說啦，一齊玩啦！」

我之後同佢地講，都冇野好玩，然後佢地就話咁我地玩集體遊戲既時候叫你啦！

咁我咪話好囉，過左幾個字到佢地就開始玩GAME，叫埋我啦，

首先就係玩尋寶物，玩完之後輸左既就要罰，但就有個同學被罰時整傷左，所以遊戲暫停。

等個同學處理好傷口，再休息一陣就玩私奔，佢地不停叫我做阿嫂阿嫂咁，煩到死！

仲要叫咩強嫂啊、偉嫂啊咁，我即刻冇野講囉！

玩個陣我先知道原先吳卓熹係好受5C歡迎嫁，個個都想拖佢但到最後都係我拖左一邊，另一個女同學就拖左另一邊。

開頭我以為吳卓熹跑得會好快啦，但點知原來跑得好慢下嫁，仲好矛添，頭幾次我同佢被斬所以要跑，之後到佢同其他人拖住跑，佢踢水落人地度！

點知佢跑得好慢，搞到我輸左，仲要係我拖住佢黎跑，超無奈呢！

之後佢地去左玩水，我響一邊踢水，點知就有個男同學黎整蠱我，咁我咪反擊囉，
哈哈，玩得好HIGH！

不過個日都玩得好開心啊，但就冇影相，仲曬隻手兩截色啊！/3\

九月一日開始，我就係一個半工讀既會考生，

因為今年考得唔理想，所以就連同兩個好友一齊去重讀，

可惜，因為分數太低，所以唔可以響原校重讀，

只能夠去夜校度重讀。

早上就響母校度做野，放工之後就去返學！

呢份工都幾好啊！希望今年會考到一個好成績啦，

其實我唔係希望一定有14分，但我只係想去考返一個好D既成績出黎，

唔係咁既分拎到出去點同人爭呀？

希望今年會過得開心D啦！

仲有唔好咁懶，要溫書！

親愛的好友們，記住要提我溫書喔！唔好俾我懶喔！

我靠哂你地嫁啦！

琴日我去左CWHK26，

超High，超正，我洗左二百幾，可惜我冇錢啦，如果唔係我一定會買勁多野返去。

相就後補啦！仲有詳細既情形都係後補！