仲有一日就係我既生日啦,

但係今年因為要考Mock,所以冇得慶祝,

個日考完Mock之後,我打算去買一個細蛋糕俾自己,

算係今年送俾自己既生日禮物啦!

希望我18歲既生日有得慶祝啦,

仲要係大搞添,因為慶祝自己已經大個女啦嘛!!!

呢兩日我好勤力既去溫書,我自己都唔知點解會忽然間咁乖,

所以我希望呢個Mock會有一個好成績啦~~ 

今日我地上堂玩到冇野好玩,所以我地響Lunce既點名時間,

趁PK開緊會未黎個陣,我地5個響度玩猜情尋,

我開頭贏左好多鋪,但係到左中文堂我地再玩既時候,

我竟然連輸3鋪,俾趙靜,葉錫恩同Chloe畫到隻手花哂,

好慘呀!!! 

但係輸得最多既係Chloe,有成5~6個,

最少既係葉錫恩,得一個,終於我地全部5個都畫過哂啦!XDDDDD

好期待聽日既來臨呀!!! 

今日放學前,聽到雨晴響度問我地班有邊個聽日唔返,

我竟然聽到起碼有10個人唔返,我當堂O左嘴,

如果我呀媽俾我唔返,我都想請假留響屋企好過返學,

宜家上堂只係響度hea,又唔係教書喎,只係得返Acc係教書,

都唔知返去有D咩意義,希望D日子會快D過啦,

如果唔係我都唔知返去有D咩可以做,

所以宜家個個都過得好悠閒~~ 

琴日同笑笑傾過電話.知道佢好唔開心,

仲有佢成日都將D野想到好灰,

佢話將D野想到灰D,衰左都冇咁hurt喎~

但係我就覺得想D野唔好咁灰,

成個人都會開心D,就算衰左,

未將佢想成呢個係一個少少既錯折或者考驗,

係一個俾自己重新選擇既機會,

就算再衰左都唔會覺得可惜嘛!!!係咪?

所以我想祝福每一個睇過呢篇日記既人,

都可以有一個重新選擇既機會,

過一個唔會後悔既人生~~ 

我今日放學之後上左表弟屋企去幫我呀媽拎野,

本來打算好快就走,但係食完野,同翔傾左陣,

傾下傾下就八點幾,等到八點八先走,

返到屋企剛好可以睇到'最美麗的第七天'

好正呀,Niki同嘉穎果然係本命,

真係好襯呀!!!希望佢地兩個可以再以情侶檔再拍劇啦! 

開左學一個星期,開頭有少少唔慣,

但係返多兩日學之後就開始習慣,

星期五葉錫恩因為唔舒服所以冇返學,

搞到我好悶,但係好在有趙靜佢地響度先冇咁悶咋~

相機事件落幕,我都覺得有D放下心頭大石既感覺,

希望我地班唔會再有D咩大事再發生啦!

笑,知道你既決定之後,我好開心,

因為你大個女左,仲有識得知道邊個決定係對所有人都好,

希望你會成功考上6S班啦!! 

今日係第一日返學,好似有少少唔習慣,

因為響假期入面我習慣左晚睡早起,

唔到11點都唔起身,

今朝我以為我唔到最後一秒都起唔到身,

但係我今朝唔到六點就自動自覺起到身,我都覺得好神奇呀!XDDDDDDD

今日上堂既時間好似過得好快呀,

眨下眼又到3:45,放學

唔知係咪又可以同葉錫恩、趙靜雯佢地一齊玩,

所以時間過得特別快,其實我以前覺得葉錫恩好似好寸,

而且有D人都同我講佢好衰,但係一齊坐之後覺得佢又唔係好似傳聞中咁衰者,

而且仲好好人呀,至於佢有點好法我就聽日先講啦!!!

好High! 好High!好High!......

光係幾個High係不足以形容我既心情嫁,

我今日同黎、琦三個人去左睇L之終章．最後的23天

我地睇到勁High,松山研一超型仔呀,

而且呢套戲有唔少笑位,例如真希將個頭倚向L時,

L既表情,仲有兩個好相以既大小L.....

我地個個都笑到死,

我發誓等L出左碟,我一定用盡辦法買只正版碟返黎,

因為我對L有無窮無盡既愛,

而且佢好COOL呀!!! 

L，我愛你!!! 

今日我同呀媽佢地一齊上左大陸行街,

行到七點幾先返到屋企.

今日既大陸之行都有D收獲,

吃左碗超好味既「正宗重慶酸辣麵」,

我自從吃過第一次之後就愛上左啦!

而家我想起都流口水呀!

而且我都買左幾個富有民族色彩既飾物,

仲要係人手制造嫁,好靚呀!!!

仲有五日就要返學啦,我仲未做過功課呀,我呢幾一定要打起精神,

做哂D功課佢!!Fighting~~~~~

除左初二去左大姨媽屋企拜外,成個假期都冇去過邊度,

同寶寶去街街都可以有利是收,我有三封,

而寶寶響呢個新年都收到幾封利是呀~

唔知點解今個假期提唔起精神去溫習同做功課,

希望過多兩日會好D啦!

另外,祝各位識我既人身體健康!

                            學業進步!!!