呢幾日，我發左個夢，

我夢見我響架去荃灣既巴士度，同一個女仔傾計，

咁我落車個陣就打算同個女仔講拜拜，

但唔知點解所有人都以一個好奇怪既目光望住我，

但我冇理到就落左車。

咁之後我先知道個女仔原來係死左既。

之後我去到一個街市度，又見到個個女仔，想同佢講野，

但佢就係咁打眼色俾我叫我唔好講住。

等到佢送走左個男仔之後我就去搵佢傾，

點知個女仔話仲有野放唔低，所以仲未走得住，

我同佢講，如果有野要我幫手就去搵我。

然後我就醒左啦！

唔知點解無啦啦會發個咁既夢呢？？？

呢排，除左食、訓、打機、玩之外，都冇野做過，

就連大家樂份工我都係返左兩日就冇返啦！

唉，都唔知我想點，究竟有冇人可以答下我啊？

今日，笑拎左D甜品俾我吃，都幾好食呀，

除左個jelly個底有點唔均之外，整體都好好食！

希望下次我都會有份試食啦！

多謝你啊，笑！！！

琴日，係我第一日返工，都幾好啊，起碼冇咩犯錯啦，

除左開頭我咩都唔識之外，個度D人都好nice，

好肯教我野，仲好鐘意傾計添，

唔會好似M記咁，連計都唔俾你傾，淨係得個做字。

第一日，D呀姐教左我點執盆、抹盆，

今日我就學送餐、開水等……

但今日竟然發生左一單意外， 就係我跌低左！

我執盆返去個陣呢，有個呀姐響度洗緊毛巾，

咁佢就洗到成地都係番梘水，又唔抹喎，

之後我行過去啦，之後就跌左啦。

咁我跌低左就嚇親個呀姐，然後佢就同我講話要我去買鞋，

佢都癡癡地既，咁冇$$又點去買呀？

惟有拎返響M記做個陣個鞋出黎著啦。

希望聽日唔會發生D咩意外啦！！！ 

今日係我地崇真書院中五級謝師宴既大日子。

9點，去元朗上日文，之後12點要返TTC練英文oral，

但係就得我一個人返去，所以PK就同我練左1分半鐘，佢話就當係響6分鐘度講咁喎，

12點半到就行返屋企，返到屋企就即刻走去執野同沖涼，

本身諗住執定先就唔會漏啦，但點知就帶漏左把遮，

沖完涼之後就敷左個mask先，然後等琦嚟到就出發去慧度。

上到慧度，等VIVI同慧化好妝就到我地，

慧D fd好好人，同佢地護膚D野都肯答，仲教左我D護膚要注意既野，

換好衫，化好妝之後，就去搭車，我地親眼睇住架車走左，本身我地追到，

但係因為慧對鞋太高，所以唔敢跑得太快。

到左富豪，佢地唔俾入住，因為佢地話未準備好喎，

我地等左3個字到先入得，入到去，傾左陣計就開始。

至於下半場發生左D咩，我聽日再打過。

今日，我地去左尖沙咀食自助餐，

今次呢間D野食好食過上次個間，

所以我都食左好多野，有煙鴨胸、沙律、

椰汁糕、豆沙糕……，多到我都唔記得咁多，

我地食完之後，就去左九龍公園度坐，因為我地同郭伯伯佢地，

所以佢地就響公園坐，我就坐埋一邊打機，

好開心呀，DS既骸強爭奪戰中既指環戰俾我打爆左嚕，

我覺得最難打既就係S，因為我打左差唔多成10次先打得贏佢呀， 

所以今日可以一次過打低哂佢地我好開心呀，

今日係我呢排過得最開心既一日喔！！！

而且我日文班已經開班啦，上左第一堂，

希望可以學得順順利利啦！！！ 

今日，係我既第一堂PA，

我覺得個個呀Sir教得好過TTC既Miss Leung，

起碼唔會覺得悶先啦，上堂仲會搞下gag先啦，

呢排去左搵工，但好多都唔請，

唉~好想有$$呀！

天啊！求你俾份工我做啦！！！ 

今日，係我地中五同中七生既大日子，

呢個就係我地既畢業典禮。

今日，我地要11點就返到去綵排，到左12點9左右先放lunch，

食完lunch返黎，再綵排多一次，之後有個小息，然後就正式開始，

開始之前，Ling、Yo同VIVI就不斷提醒我唔好行錯，

因為綵排個陣我唔記得係要由中間行返埋位，所以搞到我地6個分左2team咁行，

如果唔係返埋位之後呀Ling佢地提返我，我都差D唔記得呀！

因為上到台，我鞠個恭唔夠深，所以要鞠多次，落到台，掛住同Si&慧講，所以就行錯左，

到左正式既畢業典禮，我一步都冇做錯，但係到左影相個陣，個攝影師叫我企埋D，

咁我咪企埋D囉，但竟然唔小心撞左去個嘉賓度，超樣衰呀，仲要個嘉賓叫停我！

但係，呢個可能係我最後一次著住TTC既校服啦，我心入面竟然有D唔捨得！

唔知係咪呢2年過得開心過頭呢？點解D時間好似咁快過咁既，

明明我中一到中三都覺得D時間過得好慢嫁，但唔知點解每次到左暑假就好似覺得點解呢一年咁快就過既？

但通常，覺得時間過得慢既係響上緊一D好悶既堂個陣啦！

話咁快就要同TTC講再見啦，但我好希望我真係可以原校升中六，

但我知我呢個願望實理既機會係好微嫁啦，所以冇計啦！ 

最後，我今日Lunch同左幾個fd出去食，呢次係第一次咁齊人一齊食飯啦，

呢次好似係我地幾個識左4年黎既第一次咋！

過幾日就係Miss Poon既生日，我地以前既2C班想幫佢搞個生日會，

但係要俾成百幾蚊，梗係唔去啦，我可能只係會買份禮物，托我個fd送去俾去算啦，

因為我都唔知有D咩人會去，需然我個個都識，但有好多都係唔熟or唔fd，所以我就無謂去啦！

需然我都好想去！ 

今日就係咁先啦，夜嚕，要去覺覺豬嚕！！！

各位晚安囉~~~

呢幾日，電腦壞左，所以好多日都冇打日記，

我有好多野想打，但都唔知點打好，

希望快D到3/6，咁我表弟就會上黎同我整電腦，

但唔知整唔整得到呢，至於呢幾日,

我就遲D先打番，希望各位祝福我(部電腦)，

唔好壞，如果唔係我會悶死嫁!!! 

今日,去左考中文說話,

照例,都唔係講好多野,

因為有個白癡仔都唔知佢講D咩,

成日都自相矛盾~~~

今日我地個組有3男3女,就因為有呢個白癡仔,

所以我地3個女仔考完就做左好朋友,

之後我地就交換左電話同msn,

講起上黎,原來我地3個英文oral都係同一日,

同一個時間、地點考,真係好彩呀,

希望我地既友誼可以keep好耐啦!!! 

我今日返左去練習中文說話,

照例都係講得最少野個個,

唔知點解,每次去練習說話,都唔多想講野,

呢兩年都係咁,唔知點解~~

今日練習完之後就過左天水圍,幫我呀媽拎野,

大約四點鐘上去去,之後留左響我姨媽屋企食飯,

留到大約8點半到先走~~

今日,同我表弟仲有姨媽響度傾計,

不過傾黎傾去都係咁既野,都係同我D表弟傾計傾得開心D~~

但今日有過少少唔開心,就係今朝10點幾係呀yo既電話嘈醒左,

不過算啦,無論我幾點訓都好,呢幾日10點幾11點就醒左,

下晝想訓又訓唔著,都唔知我自己想點~~~

最後,我想多謝某人請我食糖^^