22號考完第一科--商業,都ok既,

但我有D擔心中文卷1&2,因為我驚連閱讀都唔合格呀~~~

 我第一科響釋慧文度考,我地班D人響釋慧文既門口等返B班既人,

總共有成12個人,我都估唔到有咁多人響釋慧文考!!

第二科我響25號先考第二科,希望會順順利利啦~~~ 

我今日首先就交代一下會考試場

************************************* 

商業                          釋慧文                  22/4

中文(卷1&2)              迦密唐賓南            25/4

中文(卷3&5)              迦密唐賓南            26/4

英文(卷1A&1B)          沈香林                  2/5

英文(卷2)                  沈香林                  3/5

數學(卷1&2)              永隆                     5/5

中史                          陳瑞芝                  6/5

會計                          董玉娣                  10/5

中文(卷4)                  陳瑞芝                   20/5

英文(卷3)                  裘錦秋                   16/6

*************************************

我同我老豆響星期二去左搵學校,我地響美樂站落車而當我地睇左個地圖之後,

先發覺響董玉娣同迦密唐賓南中間,所以我地就行到死死下!!

去搵哂學校之後我就同我老豆去左新墟買野煮飯~~

今日我地返左去對分紙,

見到個平均分之後O左咀,因為差一分先合格,

所以我決定左響studyleave既期間要好好溫書,

但係我響呢幾日都冇咩心機去溫書,睇黎我真係要想一個辦法先得啦~~~

講返正題先,我對完分紙之後去番課室搵野,但係搵唔到,

所以我就放棄左,之後上左三樓去搵人,然後佢呀Sir同左佢落左去地下度拎野,

然後又上番三樓去影印,點知行行下我個fd竟然話八達通冇$$,問

左好多人都係咁,可能係個個交完影印費之後懶得去入掛,

所以就去左問一個好心人借左張八達通去影印,

真係好感激呢位好心人借左張八達通俾我呀!!!

同時今日都係孖女既生日,所以我同慧就提早一日買禮物俾佢地,

我地既禮物都係DIY既野,希望佢地會鐘意啦!

我地一見到佢地兩姊妹就同佢地講Happy B-Day,大孖聽到當堂O左咀,

因為佢冇預過會有人同佢地講生日快樂咁話喎~~~

佢地對完分紙之後去唱K,本身我都好想去嫁,但係我冇$$,所以唯有約過下次啦~~~

而我對完分紙行出校門之後,就去左盈豐買野唱,

然後就上左我fd屋企玩,到左4:15先走!!!

我因為懶,所以就去左搭輕鐵返屋企,同時亦因為冇散紙,

所以就好無恥咁買左張小童票,到左新圍站,我見到有查票既人,

所以就去到良景先落車,好彩佢地唔係上車咋,嚇鬼死我啦~~~~

我下次一定唔會咁做,因為一次就已經嚇死左啦~~~

今日真係過得既開心又驚險呀!!! 

今日落去放狗個陣,發覺Paper爸帶左只同Paper一模一樣樣既狗黎,

開頭我地以為係Paper既兄弟,但原來係Paper既老豆,叫Panda,

同呀忠既邊界牧羊一樣名,呀忠個只叫Panda係因為佢個身好似熊貓咁,黑白色

今日我地都玩得好開心,日日落去都係咁開心,

所以我真係好鐘意落去同D狗玩!!! 

今日,我堂妹一家黎左我屋企,

佢地每次落黎都會買好多野番去,

因為香港D野質素比較好同有D會平D,

今次我二嬸佢仲買左D雪糕同零食俾我地食,

所以我都過得好開心!!!

而且今晚落去落狗個陣,呀欣仲整左D士多啤梨慕絲俾人食,

仲有D俾狗食既沙律俾狗食,

呀瞳仲好笑,Pizza媽拎左D生菜打算俾Pizza食,但係呀瞳就一個飛跳就食左,

嚇鬼死Pizza媽,而呀龍就即刻將呀瞳監禁,呀欣就即刻去放番呀瞳,

睇到我地笑得幾開心呀!!!! 

今日係我地正式返學既最後一日,所以我地成級中五既學生都好夜先走,

我地班有大半班既人都超過5:00先走,

今日我地個惜別會好high呀!!

我、鍶、彤仲有呀Yo係第一組出去表演,我地唱Cookies既<眼淺>,

唔知係咪因為呢首歌既歌詞好match今日既惜別會,

所以我地唱到正式既副歌個陣,有一個搖螢光棒既動作,

我發覺有唔少台下既同學一齊跟住我地搖,我當堂覺定個心定左好多,

而且由出場唱歌拎咪個陣都冇手震,雖然我唔記得左走位,但係都覺得好開心,

當我見到有人跟住我搖既時候,唔知係因為我識得佢地定係因為佢地覺得呢隻歌好應景,

到左最後呢個惜別會都引來左唔少人既眼淚~~~

到左Lunch返去之後,只有一堂既時間,因為今日響宣道禮堂有A-Level考試,

所以響十點幾十一點先正式開始,一點幾差唔多二點先完,因為A-Level十二點考完!

今日既惜別會既表演響一片淚水同歡笑聲中完滿落幕,其實大家心裡面都好依依不捨,

可惜呢一切都要完結...

到左放學,所有中五生都瘋狂去搵老師同學去影相,當然我地都唔例外啦!!!

今日烈Sir返左黎,大家都好High,當然佢就謀殺左我地唔少菲林啦~~~

到左五點半到,我同鍶鍶就走先,課室就仲有差唔多半班人未走,

我今日都影左唔少相,我仲著住件班衫行返屋企,宜家想起都覺得我地兩個好勇!

我相信我會一世記住呢兩年認識到既同學,包捨葉錫恩、Samatha、王靜怡...

我地六個響呢一年都玩得好開心,唔知我地幾個幾時先可以再聚埋一齊呢?

我到宜家已經好掛住呢班玩左兩年既同學啦!希望以後有日響街度見到面會認得出對方啦~~

最後衷心祝褔各位會考生可以順利咁考好個會考啦!!! 

P.S:笑，你一定要好好保重身體呀!!! 

今日,我地班某大黑熊發脾氣呀,嚇死人啦,

當時我地班個個都靜哂響度,唔知發生咩事,

全部人都唔陏,好似定哂鏡咁,

我就最慘啦,佢地響我後面嘈,

我想走都唔得,俾大黑熊阻住左,

但係走左好似唔知點咁,好無耐,

但係之後就冇野啦,好彩冇六國大封相咋,

唔係都唔知點收料呀~~~

講返正題先,呢兩日,我地班好勤力咁為左惜別會去練習,

今日最後個次既採排我覺得好完美呀,

因為唱班歌同組既表演既時候,

大家既表現都好好,響我既心目中已經係值100分,

所以我希望各位5B班既同學,

加油呀!用心去留一個美好既印象俾出席既人睇呀!!!

琴日我去左和合石同青松拜山,

因為我老豆借唔到車,所以我地侷住要行上去,

由於我冇運動開,所以行得好鬼死辛苦呀,

行左大半,我只腳好似有D抽下抽下,好彩冇抽筋,

如果唔係我都唔知點行上去呀!

差唔多到個陣,我開始習慣番去行山,所以都冇咁辛苦,

之後青松個場我表弟先去,但係佢唔識點行過去,所以我去左兆康接佢,

拜完之後我地去左元朗吃飯,吃完之後我地去左行街,買左幾件衫,

但係行得有D辛苦,因為我地行左好耐,

但係就好開心,因為我同我表弟一路行一路傾動畫D野!

今日係李芷欣既生日,祝你生日快樂呀!

我今日收到笑送俾我既生日禮物,

係一個保溫既水壺,有1L咁大,

咁我到左冬天既時候,就唔驚冇熱水飲啦,

多謝你呀,我好鐘意!

今日係我17歲既生日,我琴日己經收到黎sd俾我既sms啦,

我今日返學個陣陸陸續續收到好多人同我講Happy B-day,多謝你地呀,

我今日收到黎同琦夾份送俾我既生日禮物,

好靚呀,我好鐘意呀,但係就串錯左我個名,

我個名係Joen,唔係Joan,下次唔好再串錯啦! XDDDDD

我今年雖然冇得慶祝,但係有一班對我咁好既fd,我好開心,

人生係要有一班既好既fd先不枉過呀嘛~~~ 

Happy B-Day to me!!!