係新一年，
願主既祝福，平安常與我們眾人同在！

第一年倒數唔係同屋企人過...
而係同一班弟兄姊妹過...都係一家人

雖然好凍，但就真係好開心
多謝呀松借出場地比我地燒野食啦~!
星星好靚~好閃
充滿笑聲~歡樂
倒數一刻...哇~！so happy！

新一年新開始！
要努力，努力，再努力！
實在太多野想做...Dream~倒數開始@@?
音樂上面既事奉盼望能做得更多更好！
榮耀我主！

其他方面一切放係禱告入面啦！

終於等到做迎新...但係!
d會眾實在太遲先黎...到最後個一刻先踏入黎
根本唔可以同佢傾到計...!
坐係後面聽道...個講員既style好似詹sir囉...
完左崇拜即刻練歌...之後即刻"飛"去火車站

12點仲係大學站...so去到九龍塘飛的去
岩岩好趕到...！
好正既崇拜！同九龍堂既敬拜隊交流交流
３點半去到城大食野...
4點半搖巴士返粉嶺

6點鐘食個飯盒...又出去
佈道會...雖然真係好大風好凍
但係我相信大家個心都係好暖~
感謝主！帶領一班既人去到你跟前
第一次舉起手跟牧師一同祝福決志者
呂sir既分享以及吳牧師既講道都令我好感動~!

看來我要學習付出愛~！

【永約的神】詩集：你是王，36 信 ─ 是我這生尋著你的應允， 是永生的源頭方向，令我生命更新。 心 ─ 願意一生順服你的指引， 伴我一生同行衝破危難困憂。 神已立約，傾出祂恩惠並祝福我一世， 神已立約，顯彰祂的愛並寬恕我一切， 和你立約，願跟主方向，願遵守你管教； 齊頌讚主永活全能，信實無窮，千載百世不變更！

呢首係九龍堂唱既其中一隻歌，令我異常感動既歌~

福音電影∼一早就很想去看了....
但被我遺忘了，
表妹攞左飛但唔得閒去睇．．．
變相益左我....

多段感情...當中睇到唔到階段對愛情既睇法
有笑位，有喊位，
無奈...笑位唔係好識笑，喊位超感動啦~!

有人立決，有人決志
盼望主既祝福~!

訓左成十個鐘...n咁耐無試過
執野執左成朝...終於比老豆鬧...唔執唔得
掉左好多野...加下個書櫃有好多位

6點半出門，去星光大道睇燈飾
去到岩岩好睇到幻彩詠香江...超級多人
之後等埋呀發&Mandy
10點幾去食野...山長水遠食壹麵館
11點多去紅碪睇燈飾

好彩趕到坐最後一班火車返屋企
好彩係老豆返黎之前搞掂晒d野訓覺
嘻~感謝主呀~！

呀發無啦啦話我係一個好搞笑既女仔
邊度搞笑呀...?
之後佢同黎言君講對我既第一印象
兩個都係覺得我唱歌勁...而唔係"高"

哈...原來聽人地講對自己既第一印象既感覺得好得意咖喎

第二屆洗禮

滿載感恩，想起自己上年的受洗，
異常感動，能夠見證朋友的洗禮！

四位弟兄弟妹穿上整齊的套裝，
面上散發著由心發出的笑容，
一切一切就是上帝的恩典！
盼望他們在主的懷抱裡，
一天又一天的去成長，
活在上帝的愛裡面，
靈命不斷地長進！
活出好的見證∼

p.s.: 雖然前一晚整d花趕到差唔多3點
        但係見到收既人同送既人開心,乜都抵返晒
        有人仲叫我去搵人投資開花店

煩請弟兄姊妹寄返d相比我

2007年讀經營

感謝主∼！讓我們全程滿有平安、喜樂，
所有參與的人在營裡面有不同的得著！

第一天：
愛筵後，同呀松夾左陣結他就出發喇
拉住個行李箱，一路行去上車就一路比人話我似空姐
哈...講多兩講我就真係會去試下應徵...
諗住係車度訓一陣...點知比慕玲姐捉住講到落車
玩遊戲...
因為miss yu要走先...
食飽飯之後就臨時拉夫做詩琴
成晚都訓得唔好,訓下醒下...未夠7點自動起身

第二天：
自由活動時間睇余詩曼同鄭嘉穎拍戲成為活動之一
之後去左打排球,人打我打,打到隻手紅腫晒
夜晚出左去九龍堂參與聖誕聖樂崇拜
好正好正...個晚訓得ok...醒左3次

第三天：
唔知邊個開門...就醒左喇
小型聖誕崇拜,之後拍賣
收到禮物呢~多謝^^

雅各書：
的確從中學到很多，亦思想很多
得不著：到底是不求或是妄求？
            只要憑著信心求，一點不疑惑，不可心懷二意！

哈...仲要比慕玲姐警告，
一定唔可以搵個唔係基督徒既拍拖
叫我好好祈禱喎....

呢幾日訓得唔好既原因可能係我諗得太多野...
發覺有樣放係祈禱入面既野...好似係又好似唔係
但如果係點解加下又會咁...?好迷茫！