今朝8點起左身 去左郵局拎野先  跟住再巴士去老公度

去到老公度諗住訓30分鐘到就夠...點知一訓就訓到2點幾...sor呢...

之後同老公嘈左一陣 -3-" 之後冇事.....5點幾一齊出街 打俾老豆 原本老豆唔俾我過夜 叫我問家姐.. 家姐出奇地竟然俾我,咁老豆自然冇野講-v-" (邪惡)...難得老公生日  俾人鬧都要同老公過一晚開心的晚上 \v/

首先我地去左冒險樂園玩  換左100蚊玩  去左丟公仔  原本老公丟中左個紅色..點知俾隔離果d人 丟出既幣郁到 變到冇中獎 咁都算-3- 佢地sorry都唔講句 扮若無其事咁再丟過  老公嬲了 不過算 紅色姐-v- 如果中左藍色 我諗老公殺左佢地都有份...XD" 跟住丟左冇幾耐..中左幾次紅色  有次老公丟中左藍色  換左隻大snoopy俾我... 多謝老公>v< 之後我地去左玩估機..我地大約估10次 都有中一半以上..幾好彩... 玩完之後去換獎品..原本諗住一次過換老公想換既野~ 點知老公換左一大筒提子糖 雪狗筷子同印仔俾我  雖然好開心  不過點解搞到好似係我生日咁-.- 

我地玩完之後去答地鐵出旺角唱k 坐低之後我地叫左野飲~再點野食..叫左一d日本料理~ 老公唱歌幾好聽...如果加以磨練會仲好聽..相比之下..我...-3-'' 唔提喇XD" ~~啦~~  大約唱到9點4 就走lu  同老公落左去間機鋪打機  同老公玩射虫虫既game  d虫好核突  射到手軟-3- 之後得番老公係度玩XD" 我一早死左 玩完之後~ 再去玩射喪屍game  入到去...好正  張椅識轉..前後都有螢幕~ 如果俾喪屍打到 仲會有d死人噴氣系統噴氣出黎  有時仲要係我後面噴氣 原來有隻大怪物係後面-.- 嚇死我...全程得我係度勁嘈=_= 不過都好好玩..唔怪得要15蚊2個~ 之後行行下見到老公個fd子~ 之後我陪老公玩賽車~隔離d人好嘈...

玩完之後同老公答地鐵番屋企~ 去地鐵站既零食物語買零食番屋企食  老公買左2個樂天熊仔餅俾我...老公最鍚我>v<~買完就番去了..去左荷里活陪老公打機..跟住老公陪我玩太鼓...呢十蚊真係低玩XD"我玩到好屎 有幾次過唔到分  不過老公過到.. 打左成3-4首歌  平時玩都係最多2首...不過老公打到抽哂筋 / v \辛苦哂.....番到屋企....沖涼...沖完涼同老公一齊睇碟~食零食  睇睇下..老公蝦我@_@ 我反擊\口/ 結果~ 囡大獲全勝\ oo /  老公宣佈陣亡XD"

之後我玩psp 老公玩nds 玩到3點到  大家一齊攬住訓~.,..

今日好開心喔....唔知老公係咪都一樣 雖然同我想像中有出入~ 不過希望老公有個難忘又開心既生日...