估唔到我係會為左你流左好多眼淚.

點解我有時會係你身上感覺唔到幸福,

點解我有時會覺得我對於你黎講並唔太重要,

點解有時我會覺得我地之間好陌生,

點解有時我會好想一切都變得好似以前咁?

點解有時我唔會覺得我係你既女朋友...?

係我唔識體諒你既忙, 定係你已經習慣左唔洗傾咁多?

係我自己太煩, 定係你已經唔著緊.

我會明白大家都有MID-TERM好辛苦,

但係咪咁都要去減少大家傾計既時間?

我唔想次次都係要我講不如傾陣計,

定係我真係唔夠主動?

我真係好唔開心.

唔開心既日子點解好似仲多過開心既日子,

係我太在乎? 係我過分擴大事實?

係咪我既錯?

原來咩都講哂出黎既感覺仲衰過咩都收埋,

我估唔到自己可以有勇氣同你講一大堆既野,

但事後我卻冇勇氣去睇你有咩回應...

如果係負面既回應, 我係咪應該一早估到係呢個答案呢?

因為我們來得太唔合適.

但我希望既係得到正面既回覆,

真係諷刺.

自己對你既要求係咪太過份?

定係你根本唔想有任何改變?

先會搞到而加咁..

認真既話, 一切最後受罪既係自己,

倒不如放手,

起碼自己唔會因佢既一舉一動而感到著緊,

對於佢, 我係咪期望過高呢?

或者我應該一早知道大家係冇好結果,

何必太認真?

認真既話, 你就輸了.

輸既係你既感情, 時間同青春.