其實我真係唔知人生係為左D咩,

而加既我好似為生存而生存,

為大家所認為係''好''既野而活著,

其實咁既生活真係好辛苦,

好似樣樣野都要同人比較,

跟唔上既話會招人話柄,

雖然話就話係自己既人生,

但其實講到底都係跟人地尾巴而行,

讀書, 做野, 參加活動,

呢D唔係為左跟人而做?

呢D唔係為左份CV寫得好睇D?

呢D唔係為左生存?

講到底, 其實都係為左自己既將來好過D,

講到底, 其實都係有比較.

講到咁, 其實我大可以以自己既形式而活著,

但我唔敢,

你可以話我係懦夫,

因為我自私,

我驚改變左會影響自己,

失去東西比死更難受.

 what can i do?

 其實我唔會覺得我地係好朋友個種關係,

反而利用關係就有.

簡單一句問候或者就咁問下你問題者,

你係可以唔答,

反而仲要係問我其他關於學術既問題,

你自己其實會唔會覺得自己有D衰?

我答你既野就要即時答,

但你就遲遲先答或者直澄唔答我問題.

你剩係會識同我講學業上既野,

你仲要係我面前講話咩中意同D搞笑既人一齊,

如果你係咁唔中意同我做朋友, 

大可以你可以同佢地一齊嫁,

做咩講咁多呢D?

咁樣只會顯得你同我做朋友既原因:

只有利用.

點解可以咁自私,

點解可以咁功利,

我同你之間根本冇咩野可以傾,

我同你之間根本唔算係咩朋友,

就算唔叫上係朋友, 我都唔會覺得可惜,

因為根本唔值得我覺得傷心.