已經習慣失去,

怎能學習把握/爭取?

已經習慣孤獨,

怎能活在熱鬧之中?

已經習慣隱藏,

怎能有勇氣說出自己的感受?

改變, 改善, 改革,

向來都是有心無力.

向來都只有失敗...

朋友對我黎講, 究竟重唔重要?

我好似已經唔記得點去識新朋友,

點去同朋友相處,

點去搵話題去傾,

好似而加學業, 家人對我黎講更為重要.

其實係唔係所有野唔可以攞個平衡?

一定要冇是但一樣野先可生存?

點解個世界唔可以公平D?

點解係都要令到有D人唔開心, 令到佢地唔可以攞自己想要既野?

點解有D人可以事事順境, 冇任何煩惱?

話就係話佢地背後好辛苦,

其實係咪真既呢? 我唔太認同.

係既, 我太木訥.

我太悶.

所以冇人願意搵我做朋友,

冇人願意俾我去融入佢地既圈子,

而我, 有時都中意自己一個.

起碼唔洗煩,

起碼唔洗特登唸唔同話題,

起碼唔洗驚得罪邊個...

最近我會開始用''佢地同我唔同'' 呢個藉口黎安慰自己,

係咪有D自欺欺人呢?

但唯有用呢個理由, 我既心先會好過D,

唯有用呢個理由, 會令我覺得我自己仲有希望,

我自己可以搵過比佢地更好既朋友!

順其自然, 講就講得容易,

其實內裡既意思咪就係話你注定冇朋友,

叫你唔好強求!

而加個世界真係變左,

health都要講mental, social well-being,

哈, 真係諷刺!

以前又唔會講呢D野,

係因為人類有左物質既享受,

之後再唸呢D無謂既精神享受,

其實人類真係好自私,

就係因為佢地呢D既自私決定, 就要背後好多人既無辜受罪!!!!!!

就係因為佢地無端端話要咩改革/改變, 令到成個世界都要為佢地轉!!!!

改變會令自己更進步? 咩道理?

有左科技會令我地進步? 咁點解會有網上詐騙/網絡欺凌?

有左自由會令我地進步? 咁點解會有更多既示威/抗議?

人類只會係為自己. 呢個社會根本唔會有安寧,

佢地一定唔會願意平分自己既財產/愛人,

個個梗想將呢D據為己有.

群體? 我唸佢地冇唸過呢樣野.

小數服從多數? 咩道理?

咁個D小數就要受罪? 多數既就可以去享受咩精神/心靈/物質?

那個人樣生得唔好, 或者性格有少少孤癖/怪/差, 或者因為一次既錯誤,

就要被整個世界遺忘/憎恨/無視?

甚至要被迫去做自己唔中意既事?

請唔好將自己的快樂建築在別人的痛苦之上!

如果話我已經唔記得點同人相處,

倒不如話我本身就係人緣差.

lab assistant 個份工, 我係本身都OK中意既.,

但我都係好難融入去同同事相處.

我同佢地冇咩野好傾,

傾都只係得一兩句....

搞到我都唔想番呢份工,

因為去到都係唔開心,

去到都係好孤獨咁做野,

但無奈既係一定要番,

算啦, 挨都係挨多4日O者,

我只能咁游說自己....

究竟係邊度出問題呢?

我知道係自己既問題,

但我已經好友善,

係我自己同佢地冇咩話題好傾,

我對佢地冇興趣, 佢地都係.

唉, 點解會變成咁?

或者我真係經常係自己既COMFORT ZONE,

個度太舒服喇,

所以我唔想再出黎,

唔想再識其他新朋友...

就算自己既COMFORT ZONE變得愈來愈細都好.....

我都唔願意出黎.

最後都係得番自己一個。