| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 5 月 3 日 星期三  |
| 重回三水一天!!兼職一天 (繁忙+失落) |
分類: 繁忙的 |
今日返<三水學校>幫手一日,落雨~~返到去全程打字打到4:35分先休息...打左5000幾字同埋整表格= ="
今日竟然自己一個人返工,食Lunch~放工............唉
心情指數:4.9
|
2006 年 5 月 2 日 星期二  |
好熱呀~~  |
分類: 失落的 |
今日返工,第一時間就要我派單張...唉!!原來份工要我"長期"派單張,有空位先會比我係辦公室做一陣野,怡怡來左陣,之後叫左華來...陪到我食飯,再去派〝大埔中心〞,唉~唔做啦,做青見果份仲好,因為青見的工作今日打黎...晚上大家姐返黎,拎左部DVD機同吸塵機回來,我話想要部機,但往往大家姐都係對我最差果個...最終當然唔肯比部機我比左三家姐...  10:30pm去左李嘉輝屋企同佢傾左半個鐘計,再返新屋...
我發覺我由1/1/2006開始唔開心到宜家...由果日開始,就好需要有人"每天"關心我,令我回復以前,屋企的煩惱,一回到家就鬧...屋企人全家講野的方法就是鬧...想冷靜下有人分擔下都唔得,加上以往童年唔開心的回憶,我快受不住了...好想快點自己養自己...唔洗靠屋企
自小同朋友幾開心,但小學至中學階段都係不愉快...不段成長就連朋友關係都開始有煩惱...以前既我咩都唔諗,但人大了就自自然然會好多野想
心情指數:4.9 |
| 2006 年 5 月 1 日 星期一 |
| ├提早一日幫※華※慶祝生日┤ |
分類: 失落的 |
會計行請左我,$5000一個月,5月2日開始返工,但份工暫時要我派傳單及送文件,做跑腿  朝9晚6,佢話通常會開OT到7-8點才放工...職名叫做辦公室助理!!
我,細豆,Emma,興,威,今日一齊幫華慶祝生日^^,3點同細豆,Emma去買蛋糕...4點半佢地黎晒我屋企打機等興來一齊食蛋糕...7:00pm我地個人一齊出〝大埔中心〞,佢地陪我買袋=0='我買左兩個袋;一個細袋,一個黑色單咩袋,之後去<椰林閣>食晚飯,食完去左<I-Game>打機,11:45pm先返到屋企...累!! 
P.S.:我試過嬲我三家姐嬲左半年無同佢講過半句話,我一嬲人就會嬲好耐...
想不到我同佢地去左玩,但個"心"還在想住怡怡...
"""心情無法形容...真係唔識解釋""" 心情指數:5 |
| 2006 年 4 月 30 日 星期日 |
| 粉嶺~返教會 |
分類: 唔開心的 |
朝早9:45am先起身,立即趕去舊屋再到《太和》大堂搵怡怡,坐車到《粉嶺》...
搵Candy一直返到教會,見到健儀,阿生...崇拜完後同Candy,健儀,怡怡去左食飯,之後Candy先走
我地3個行左陣〝粉嶺商場〞,健儀就走了...我同怡怡返《太和》,去左我新屋...到7點幾送佢返屋企...
因夜晚一d事...心情指數:3 |
| 2006 年 4 月 29 日 星期六 |
| 一日見左3份工... |
分類: 唔開心的 |
早上10點到〝榮輝商場〞4號鋪<凌治管理中心>見工,呢份會計文員工作性質其中一樣竟係要派傳單=.='
見完去左<勞工處>搵工,之後見到份$6000飲食業做文員,咪去見囉@@點知撞倒上次BBQ果個阿文同阿盛,仲識倒佢個FD阿然,之後一齊去左果度見工,佢地係外面等我
去到個老闆都幾利害下,問我d問題好勁- -+後尾改左叫我不如改做其它職位,輸入員= ="$5500都ok既...
再走去搵返佢地,之後一齊去左〝大元〞食壽司拉麵,食完陪佢地去左機鋪打機,之後我返舊屋放野,1:00pm返到新屋無無聊聊咁係度等怡怡黎...
等唔到我去左<林村公立黃福鑾紀念學校>的禮堂搵怡怡,Candy,珍姐,之後走lu~同怡怡,去左我屋企,到4點9去左<電業有限公司>見工,文員...嘩-.-我頂...未見就係果度坐坐坐,等左幾個子先見得...搞到怡怡等左我成粒鐘
後來去左〝吉之島〞買飯盒,上左我家食,到10點幾送佢返屋企了...
心情指數:4 |
| 2006 年 4 月 28 日 星期五 |
| 好悶呀!!!!!!!!!!!!!!!!! |
分類: 悶悶的 |
12:05pm係度上網搵工,打履歷表,1:30pm去左食野及傳真履歷表,再去<勞工處>搵左十幾份工,
華真係...我好想鬧醒你呀!!!!!!!!!
3點幾返到屋企,不斷打電話求職及E-mail履歷表,5:50pm出去再傳真其它工作的履歷表,誓要找到一份工作= =+
之後怡怡打黎,便一齊見左面,之後上我屋企拎野,到9點先返屋企...
等你電話...如同一種無形的折磨痛苦,晚上勁頭痛!
心情指數:5.5 |
| 2006 年 4 月 27 日 星期四 |
| 好興呀-辦回鄉證 |
分類: 憤怒的 |
二家姐跟佢fd約我出來傾計,話我唔開心講比佢知,以為陪我散心點知10:45am到<大家樂>食野,一坐低佢個FD狂話我!
又要向我手指指  ,無禮貌,搞到<大家樂>食飯周圍既人都不斷望住我地!!最僧人睇死我 好快我就走左!!
之後同媽咪出《大埔墟》<中旅社>辦回鄉證,點知...去到想係銀包拎張舊回鄉證出來,點知媽咪係幾日前係我銀包拎走左張舊回鄉證,搞到要返屋企拎  ,再自己出黎整回鄉證,勁無奈!!整完回鄉證$240,之後返新屋...
等阿芬黎我屋企,比佢用視像同阿亮傾計,2點左右阿芬黎到我屋企,點知阿亮無上線,佢係度玩電腦我係度打PS2,到5點一齊落左去食野,再返新屋~~ 心情指數:4 |
| 2006 年 4 月 26 日 星期三 |
海濱公園傾計  |
分類: 開心的 |
1點正自己一個人去左<大家樂>食野,
At three o'clock and five minutes, I go to my home and play Computer.
下午5點去左〝大埔中心〞行街,撞倒安仔,同我傾左陣計!!之後又撞倒阿芬~便一起去<三水學校>接怡怡
一起行去〝海濱公園〞傾計,傾完計就漫步回家了~
At the thirtith of Apirl I will have a meeting, 但我唔會去!! 
Feeling point of mine is: 8 |
2006 年 4 月 25 日 星期二  |
| 細豆睇打波=v='~~ |
分類: 唔開心的 |
全日在家...心情難以形容
下午華來左我家,同華去左<商務>睇書,我同華各買左本英文書,之後細豆來了,去左〝福和樓的涼亭〞坐左陣
然後返左屋企拎波,細豆跟左華,去左華屋企放低野再落去,我經過李嘉輝屋企,叫左李嘉輝一齊落去打波
係〝翠和樓樓下籃球場〞打波,首先我地4個玩「OUT」,我WIN第一,之後我+華一隊VS路人甲+路人乙鬥波,興經過睇左陣波,我同華組WIN!!
興再落左黎打波,李嘉輝睇到悶走左去搵達明,我地繼續打,我+興+路人丙 VS華+路人甲+路人乙,我同興的組WIN!!細豆睇完走了!!
之後我無心情打啦,打比怡怡,怡怡來左搵我地...之後我返舊屋了~~
心情指數:5.9
這個欠缺溝通的難事 我叫我的嘴巴繼續尋覓故事
再過二秒開始感到飄忽的腦袋缺乏文字 我說你像是已會意
**這分鐘開始一切都跟我走不跟節奏
讓我不加思索不組織所想也都不講出口
我知道會細聽腦裡那把聲音 把所說的所說的拉得更近
別要拉扯再兜一圈 那會令我思緒更亂
這個那個我也試過想過 但我也試過太過探究那裏出錯
沒有未夠未夠沒有未夠 知道聽到沒有
這個那個這裏那裏怎算 但算了再算轉了再轉轉了幾轉
就算是我認錯字語但我不算 講過就算**
你試過學習說話嗎 你試過學習快樂嗎
想講的你已猜到嗎 我要去學習說話嗎
＊但這歌 想講的始終講不夠
未唱的 每句說話你聽到否
沒唱出來的感覺
可否仍然能祈求你這夜接收
不會意 你就當它沒有(我沒法守候)＊ |
| 2006 年 4 月 24 日 星期一 |
出《大圍》填表(青年大使)工作  |
分類: 平凡日 |
今日下午係度打中文版履歷表,打完印出來後就返舊屋拎埋D證書影印副本出同華出《大圍》填工作表...唔知請唔請呢
填去去左<大家樂>食野,食完返《太和》,之後去左打波...9點打完返屋企~~食完飯諗住返新屋
行過李嘉輝屋企見到李嘉輝便問佢近排點啦,點知佢係度消極咁,狂飲酒...
咁咪入左佢屋企開解佢,我都好明白佢既感受,同我一樣感受到寂寞同孤獨,佢全日在家,一個人住...
夜晚又訓唔著無人陪,佢為左麻醉自己不斷飲酒同食安眠藥,仲要每次要5粒...= ="
咁我安慰佢同唔好啦,最後佢好多謝我咁...我走了,返新屋...
心情指數:6 |
| 2006 年 4 月 23 日 星期日 |
| 出《旺角》買鞋 |
分類: 平凡日 |
今日無人約我,其實今朝我咁早起身係因為:一來我發夢見你,二來打電話比你響你一次係因為想睇下你係咪真係咁早起身返教會,想比機會你同自己,想你叫我去 ,我準備定都返教會的...但是......
為有......我叫左威陪我出《旺角》,買波鞋!!
朝早11點幾同威出左去<大家樂>食野,食完出《旺角》,到左《旺角》有Seles走埋來,原來係叫威去做美容
d職員同我講:你皮膚幾靚同幾白淨喎~但威唔係,佢要做下美容...威答應左做摩沙美容
同個Seles帶左我同威去<商業大廈>18樓,威係果度做美容,我就自己去左<新之城>打拳,玩左40蚊打拳...即係我打左60幾下拳=.="
等左威兩個半鍾先完,之後搵威一齊去左〝波鞋街〞,我睇晒咁多間都係買返綠色的Nike鞋...
買完去左<電腦中心>,諗住叫威買滑鼠,但佢話要型先肯買...= ="睇唔岩無型仔滑鼠無買到,之後坐火車了
係《大埔墟》落,搵怡怡...同威各散東西,唉...同怡怡傾完計返屋企了,之後我係舊屋食完飯搵左華陪我係樓下涼亭坐,飲酒傾計
或者甚麼都是我想得太多,我控制唔倒自己去諗d煩惱,成日只識諗ｄ問題出黎講...或者把你不放得咁緊要，自然可令自己樂觀ｄ，無問題出現！
唉...今日華同我講左d野,原來......但係華都識諗過我
對世界所有人說：
其實凡事都有兩面看，一係樂觀方面看；二係悲觀方面看
只要你不向悲觀方面看，凡事都只會開心，不會悲哀！！
心情指數:5.9 |
| 2006 年 4 月 22 日 星期六 |
| BBQ~~有激,有唔開心 |
分類: 失落的 |
琴晚與一位性取向喜歡男性,喜歡了我的一位30歲網友聊天= ="他每上線一見我上線就找我,不過有人咁關心我都幾好  
這個人與我傾左好多野,點醒左我,我唔可以再咁消極落去...雖然我真的好需要她來驅動我埋進,但算吧...都係要靠自己會比較實際!!我要加油!!hehe...找回我的目標來向我的目標努力進發!! 
下午12點左右去左舊屋沖涼準備去<職工盟>搞既BBQ~~
1點9同華去到<職工盟>,係3號室等佢地...識倒阿文,阿盛,阿成,之後去2號室傾BBQ細節,然後出發去買野食
同D打,華,阿文,阿盛,阿成,陳志安,去左〝新街市〞買野食,其它女仔就係<華潤>買炭等...
敏婷同文健係〝新街市〞,之後一齊買完野就去《大埔墟》<百佳>等Sirena等等人...
再出發去《大美篤》燒野食,到後燒左無幾耐!!興都來了,興來到我先知,華去左接佢,興無搵我~無打過比我叫我接佢囉,搵華都唔搵我, 我燒到半路無再燒啦,之後同大家玩抽大細牌,輸左要罰野
頂= ="我竟然抽中最細,輸左要罰我問女仔拎電話,佢地事先無話唔可以問d識既人拎電話,而且佢地唔知我有Carman同敏婷電話,其它女仔我唔識的!!咁我咪搵Carman拎電話囉,但大家叫Carman唔好比電話我,連興都叫佢唔好比我 ,大眾壓力可以使連朋友都咁對待 ??Carman因為大眾壓力無比到電話我,想我搵出面d唔識既人拎,搞到我勁  ,最後敏婷走埋黎,之後我為有問敏婷拎,本來都唔想問敏婷拎架啦...但好在敏婷無聽佢地講比左電話我  ,先無事咋!!多謝你呀!!簡直像『王子變青娃』套劇咁呀@@"
之後玩<話事牌>,我唔甘心比Sirena咁玩野法,想有仇報仇 ,咪繼續玩囉...
點知我全日夾埋輸左有6局,第二次要罰我兔仔跳42下,第三次輸要做set up16下,再輸set up30下,第五次要爬上樹= =,第六次又是兔仔跳50下= =
估唔到最後尾Sirena只係輸左一局,就係要罰佢搵d唔識既人影相,點知比佢無咩事咁過倒骨,佢搵左d細路同佢影相,大家都唔份氣/.\
當然大家都有輸過,但估唔到Carman未輸過=0="其它人仲有罰好多野,但係度唔打咁多啦
而華,興,陳志安後尾無玩到,勁奸囉,個個玩佢地唔玩...唔公平/.\
唉,估唔到既係,我輸左~興同華唔幫我囉!!興仲要加把口一齊叫我做
之後一齊坐75k巴士返屋企la...敏婷,文健,阿成等人去<芒果大王>食糖水,我唔去...返新屋...
經過今日能更加肯定...及須重新評估我的朋友...
心情指數:5.1 |
| 2006 年 4 月 21 日 星期五 |
| 係屋企... |
分類: 失落的 |
全日係屋企囉...   自沈至極...
心情指數:5.7 |
| 2006 年 4 月 20 日 星期四 |
| ┌威生日┘└開我第一個銀行戶口┐ |
分類: 平凡日 |
回憶~總是令人回味...現在的我正在尋找人生目標,找到一個~
但很需要一個人比倒我驅動的原動力,這種原動力是很微弱,使我不能有足夠的力量來驅動我做任何一件事情...自沈
對於渴望及祈望,已經不再奢望...只想過著平啖而快樂的日子...
我竟然有d女仔既性格= ="多愁善感!!唉...
下午12點幾去搵阿媽同我去〝太和商場〞的<中國銀行>開戶口...之後返舊屋,大家姐竟然係舊屋自己一人食緊飯
無幾耐我走左lu~我返新屋...到晚上8點正,我出左去買野,再飛的去〝昌運中心〞的<m記>搵威,興,華,
同威慶祝生日...興話去大元食壽司拉麵,我話唔好...不過...唉!!最後都要去...
食完壽司拉麵就去左I-Game打機...10點10返到〝翠和樓下涼亭〞,4個影左張相我就返新屋了
心情指數:5.9 |
| 2006 年 4 月 19 日 星期三 |
| 酒氣未過,朝早7點起左身 |
分類: 失落的 |
琴晚飲到個肚都脹晒,唉...訓唔著覺呀!!
全日打機呀打機呀~~咩都唔諗,咩都唔諗...咩都唔做
P.S.:好悶呀係屋企,日日如事....唉!!無人陪倒我...
６點叫左怡怡黎我屋企 ,我都唔想架..但真係好需要...7點幾送佢返屋企..
到晚上華打黎叫我食完飯去打波,係〝翠和樓籃球場〞打左陣波再去〝新和籃球場〞打波,打完華先走,我再返屋企!!
心情指數:5.9 |
| 2006 年 4 月 18 日 星期二 |
| ┌興生日,大晒┐ |
分類: 平凡日 |
1點幾到新屋打機,到4點幾出門口...到<職工盟>搵Sirena幫我搞轉青見既野
到6點到<三水學校>接怡怡放工!!同佢寫生日咭,怡怡送左個樣野比我
,之後我送佢返屋企
然後去左〝翠和樓下籃球場〞等華同威,之後同個唔識既人打左陣波,識左阿傑~阿華落到黎,我同阿傑鬥波,我win
阿威落埋黎,我地一齊鬥波,好開心...興黎埋之後,我問阿傑拎左電話,下次搵佢打波
興話去〝大元〞食壽司拉麵,又食24件壽司??咁去左食,食完係〝大元〞外面樓下公園食蛋糕,送左張咭比佢
仲要買左酒飲,大家都飲左兩大枝藍妹啤酒,我好wing,之後興仲話唔夠皮,再買多四枝細既啤酒,我飲完立即超wing
點知見到個人係馬路中間訓左係度,我同華立即走埋去睇下佢咩事,佢話心臟痛,有個路人幫佢報左警,等白車來
之後我同興,華,威一齊返屋企,佢地話驚我返唔到屋企送我返,話我醉左...= ="我有冇咁屎呀??不過真係好WING...
佢地送到我去樓下之後佢地3個返屋企..我就係新屋訓覺
┌興生日,大晒┐要我地一齊飲酒=0=' 順序:南/華/興/威
P.S.:今日我地影左好多醉酒相,好搞笑...我明明唔想飲,但又唔知點解狂肯飲...點解會咁????
心情指數:7.1 |
| 2006 年 4 月 17 日 星期一 |
打波~~  |
分類: 平凡日 |
下午同三家姐去左<大家樂>食野,食完我返新屋,夜晚去左〝新和樓下籃球場〞打波...
怡怡放工回到新和樓樓下,見到我地...傾左陣計走了...
心情指數:6 |
| 2006 年 4 月 16 日 星期日 |
| 興部手機比人偷左!! |
分類: 平凡日 |
今日叫左威來我家打左陣機就去打波了,初頭無野做,我同威係度玩傳波=.='
之後我同威一隊對三個細路,興同華就係另外一邊場對另外兩個人,初頭對d細路因為輕敵,點知10:5輸左比d細路=.=興話：咁廢架,輸比d細路...
之後再打多場,我同威win返一場，ｄ細路唔服氣,再打多場,
ｄ細路愈來愈矛=.=仲q我添...搞到一齊跌低,佢無事~我就扮無事...隻手好痛!!忍住打,我地再win一局
到興同華對果三個細路,興同華又係因輕敵輸比3個細路10:5= ="興唔服氣又打多場,又輸...話我同威屎波丫啦＝０＝”
，我心諗：興同華連輸兩場比ｄ細路仲屎波，ｈｅｈｅ∼∼
打完波後,興發現自己唔見左電話,之後係度問人啦,話見到有人偷佢電話,興阿媽都來了〝新和樓籃球場〞
之後一齊去左〝麗和樓〞上門搵羅國威,上到20樓,咁都比我地搵倒,興同佢媽就入左果個人屋企傾
我同威同華就去左威屋企,叫威幫我印野...印完返屋企lu~~華就再去新和搵興...
心情指數:6.5 |
| 2006 年 4 月 15 日 星期六 |
全日在家  |
分類: 失落的 |
估唔到我要搵個fd陪,都咁難...搵左十幾個人無一個陪我
最後自己一個人萬無目的咁係度行,行行下仲肚痛..唉=.='
心情指數:4.9 |
| 2006 年 4 月 14 日 星期五 |
| 出左旺角 |
分類: 唔開心的 |
今日係屋企,5點幾去左食<大家樂>,到晚上出左《旺角》呀~~睇唔岩野就走左la~~
今日怡怡返《大陸》呀,我係屋企好悶呀=0=''
心情指數:5 |
« | 15 | 16 | 17 | 18 | 19 | 20 | 21 | 22 | 23 | 24 | ... | 25 | »
|
