| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 11 月 12 日 星期日  |
| 雞,華,健威來我家打龍珠,幫華剪頭髮 |
分類: 開心的 |
今朝係健威屋企起身,朝早返教會,勁拾眼訓,因為健威琴日打機,我2點幾先訓得...我係健威家梳化訓
lunch果陣係出面玩左陣籃球,然後同永勝佢地食野,之後同華返屋企,搵埋健威同雞來打『龍珠』,之後幫華剪髮,個水龍頭竟然被雞雞跌壞了,但無所謂啦,根本我就唔當係一回事...^^你唔洗擺係心架,之後華同雞雞落左去買返條唳喉上黎
7點8去翠和樓下同阿傑打波,還返隻ZZ高達碟比佢...
心情指數:7.4
|
| 2006 年 11 月 11 日 星期六 |
感動!!應該要醒覺才對....珍惜眼前人是最重要  |
分類: 特別事 |
下午12點陪怡去〝大元〞食新開的壽司拉麵,之後行〝大埔中心〞....行到4點幾...
晚上去新和樓下搵健威,華,堂,堂阿哥,雞雞打波....搵埋小學同學蔡勝龍...原來佢認得我,打完送雞返屋企
健威屋企人今日去了旅行,淨番健威,健威上左我家食飯~~之後我去左健威家玩同訓覺~~
晚上7點同雞雞傾電話,佢竟然喊~~我因好多好多事情都被她感動了....我都哭了!!!!第一次被人感動而哭...應該要醒覺才對....珍惜眼前人是最重要
心情指數:7 |
| 2006 年 11 月 10 日 星期五 |
| 兩個第一次！ |
分類: 平凡日 |
今日返學,坐火車時撞倒Janet,之後一齊行返去學校,lunch十個人去食...
放學同軒,muimui,三個人行旺角,6點幾去左《大家樂》食野,然後坐地鐵去尖沙咀,周圍行d鋪頭,之後係九龍公園坐住等10點半去.....
心情指數:4.9 |
| 2006 年 11 月 9 日 星期四 |
| 係學校完全唔想講野 |
分類: 疲累的 |
唉~~返到學校完全係唔想講野,今日kitty著boot返黎,但條褲竟然著……明知自己矮就咪著麻,唔識襯鞋同褲仲要對鞋行路各各聲,超嘔心,
而kelvin就學我著西裝褸返工,但黑色......佢地兩個今日著到咁,九成九係因為lunch約左d學生出去食野啦,勁衰格囉...唔搵我不突止仲要我係度就有d野唔講得...唉,我返工完全係唔想講野囉...真係日日我同佢地無講過超過10句野,今日仲要全日無野做,我係度玩聊天室同msn~~唉 .........放工後去左《眼鏡本色》較眼鏡,雞雞來搵我,之後陪我去左《百佳》買野食...之後上左我屋企~~
宜家天氣都冷架啦,我琴日返到學校專登唔開冷氣開晒窗,點知kelvin一返到黎就立即開冷氣,我著住件棕色西裝褸都凍到我死~~係咪痴線架...咁凍無知覺架??之後我咪較細部冷氣熱d囉...點知今朝返到黎,部冷氣機又係鬼死咁凍...一定係在我琴日放工後走去較大返部冷氣啦,低b架！電腦室係日日一定開冷氣的,唉~~日日要涯凍,夏天冬天一樣凍死人...無人性的！想整病我呀!?
心情指數:5.9 |
| 2006 年 11 月 8 日 星期三 |
| 累 |
分類: 疲累的 |
琴日根本無乜訓過,唯頂硬上返工~~勁累勁眼訓,但今日kitty上堂,安靜d頭腦都得休息 ,今日只有一野樣跟,就係輸入遲到缺課紀錄上網,但係個輸入紀錄網壞了~~
使全日沒野做,淨係幫手做借還機紀錄,好眼訓 ...放工去直接去〝上水廣場〞《大快活》食新出的荷葉飯,雞雞7點8再來《7-11》搵我同華,之後等埋永勝,盈盈,萬淑燕,嘉man就一齊返教會團契~~
完左之後同永勝,雞,華,一位弟兄,坐永正車到粉嶺火車站門口,再轉火車回家
心情指數:6 |
| 2006 年 11 月 7 日 星期二 |
| 要增返肥先得！ |
分類: 平凡日 |
諗住今日沒事,點知塔火車果陣中途都要肚痛...之後屙大搞到又遲到~.~
上午係禮堂幫ivan手收野...發覺自己的力度要再練一下...要練大力同大隻d！一定要搵時間去健身！
放工雞雞陪我去〝昌運中心〞《髮絲舍》剪髮,個髮型師勁cheap~我話剪少少,佢同我剪多多,剪得勁求其,剪唔夠兩個子話剪完！唔問我剪成咁O唔Ok就收野~幫我沬頭時又鬼死咁暴力,服務態度極差,以後都唔黎呢間剪髮！
心情指數:6 |
| 2006 年 11 月 6 日 星期一 |
與中學同學吃飯  |
分類: 開心的 |
如常上班,放工後去左深水埗〝西九龍中心〞,伊華,肥強,奶媽,文興,阿豬,Net(豬朋友)約左我,當補祝生日同我去食餐飯~~
去食壽司自助餐,阿豬成日話我講d野笑死,唔明點解我講d乜佢都笑,仲笑到眼淚水都標晒出黎幾次...最後塔返去大埔墟站,同伊華,阿豬係《仙跡岩》食糖水,但太貴...阿豬一個人食,我飲水@@"
d同學都話覺得我性格變左,變多野講左...等等......
心情指數:6.7 |
| 2006 年 11 月 5 日 星期日 |
| 買DVD ROOM |
分類: 生病日 |
朝早肚痛返教會,下午同永勝佢地食,之後佢地想拉我去樂天,但我好肚痛想休息,佢地幫我祈完禱我就走了
返太和去左健威家玩順便休息...佢阿妹變左,成熟左~~之後同健威去〝大埔中心〞買狗仔擺設,$6@@"...之後周圍行去搵最好同最靚牌子的DVD ROOM,最後係一間野買左DVD ROOM,點知再行最後另一間見到更好牌子和功能的DVD ROOM,之後番去退,點知個老闆肯喎~~真係好人呀！
之後去返《暉皇》買NEC 18X DVD ROOM,有燒燒碟功能,$290...同埋買50隻DVD空碟$88~~中途撞倒雞同豬,撞倒成三次= ="之後又撞倒蔡細同佢fd ...晚上去左〝大元〞《茶餐廳》食野,食完返去
心情指數:6.2 |
| 2006 年 11 月 4 日 星期六 |
| oh |
分類: 生病日 |
사랑해 <---我愛你咁解!!!
네 <----是
안녕히 계세요 <----再見
今日起身終於無咁累啦~~但係之後個肚仲係咁痛...點解成個星期我仲係病緊架??點解咁架...仲未好架??
下午去左BLOG怖道會,之後自己去左〝大元〞食壽司拉麵,宜家間野改左啦,唔係果間了...差唔多食完既時候撞倒興同啤啦
之後雞來到,去《M記》搵佢,行左陣〝大埔中心〞就走了...去左《裕記》買野食...返太和時撞倒怡同Carman魚
心情指數:6 |
| 2006 年 11 月 3 日 星期五 |
| 返學-禮堂聽野 |
分類: 生病日 |
琴日玩得太盡興,今朝起唔倒身,成8點4先起...返到去上堂成10:25am...軒狂打比我話係依物機等唔好入禮堂...
我好無奈咁陪"佢"係度溝女,望住佢...入到禮堂,波子送左肉桂狗公仔禮物比我^^多謝晒,lunch10個人去《味千拉麵》食野,今日係朱朱同阿井最後一天上學
返到去狂拾眼訓><...放學同阿瑞兩個人先走...回家去...
心情指數:6 |
| 2006 年 11 月 2 日 星期四 |
大個仔啦><新解滾熱辣卜卜脆@@"  |
分類: 期待日 |
今天終於18歲生日啦,大個仔！
但返工方面還是不愉快,學校無人知道我今天生日...而且好寂寞,有時我好聲好氣問kitty小小問題,佢無端端鬧我,佢都低既...真是未見過咁衰的人！
涯到放工,等到8點10出發去大埔《Neway》唱k~~豬寶,雞雞,建華,健威,阿key,Emma為我慶祝生日！
華竟然咁有心,早左去〝大埔中心〞買禮物比我,華同Emma夾錢送比我的,而雞雞都有送禮物比我...去到唱k~~豬埔,雞雞,key佢地黎埋之後盡慶,豬埔都送左份禮物比我
第一次開香濱就向住豬埔射,哈哈...豬埔狂搞屎棍,使氣氛先有咁好~~之後食壽包同蛋糕...吹獵粥,開心架,豬埔係度玩掉蛋糕=0='又掉壽包,又整跌蛋糕同野飲..哈...
唱到1點幾Emma走喇,之後華又先走,淨返我地5個繼續唱...我,雞雞,健威唱到差唔多4點走喇,key,豬埔繼續唱
今年很多人跟我說生日快樂,可能因為於MSN打了我生日,所以特別多人知道,還專承答正12點正打電話/Send SMS給我說生日快樂,有些人就連我都想不到會晨咁早打給我說~~好多謝你地咁有心啊...眼前對我有心的人就是我的好好朋友唷！ 大家要珍惜眼前人唷！
以下張相是許願的情況........// 今年收到總共7份禮物,連埋聽日返學的
1.大家姐:屈臣氏$50禮劵,熊仔公仔,朱古力 2.華&Emma:高達模型 3.永勝:十字架擺設 4.雞雞:公仔座位,狗仔公仔 5.豬寶:Laosmiddle銀包,心意紙-0- 6.健威:高達年曆,心意咭 7.波子:肉桂狗公仔,雪芳蛋糕-,-'
心情指數:8 |
| 2006 年 11 月 1 日 星期三 |
| 好返啦^^ |
分類: 平凡日 |
今朝食左一餐白粥,返工午餐已經可以食炒麵無嘔...yeah!!^^
琴日祈禱主幫我,同睇醫生,食左一晚既藥...訓完覺就無事,真係神跡唷...咁快可以沒事...放工自己去左上水《大快活》食野,等雞來
再一齊返去上水圍教會團契,今天說出了一些笑話,就是被人誤會被偷襲下面的童年陰影,其實唔係...
心情指數:6.4 |
| 2006 年 10 月 31 日 星期二 |
| 無力~~ |
分類: 生病日 |
呀~~未復原呀,仲係好累呀...仲想屙屎添=,="琴日想去睇醫生,不過算喇...諗住等佢自己好算~~
但下午真係頂唔住,早退走左,約左雞陪我去《王少青》睇醫生,點知滿籌,就去左林偉明醫務所,睇左$160...之後去《津津》買白粥吃,點知一吃完就嘔...今日好辛苦呀><
今日係阿哥的生日大日子,祝阿哥生日快樂
心情指數:6 |
| 2006 年 10 月 30 日 星期一 |
| 腸胃炎�嶂� |
分類: 生病日 |
係屋企,叫左健威來打「龍珠」,今日勁肚痛...一定係琴日打邊爐食左生蠔,原來我唔受得生蠔的無出街了~~屙左好多次啦><搞到全身無力...
心情指數:6 |
| 2006 年 10 月 29 日 星期日 |
| 教會朋友為我慶祝生日 |
分類: 開心的 |
朝早沒返教會,因為太累...下午去左《M記》食野等健威來,之後一齊去上水圍教會,去到永勝送左份禮物比我,係耶穌十字架,坐教會朋友既車出元朗,去Alice家
  
去到玩狗,到晚上7點,雞雞,靈犀,Chloe來埋,一齊打邊爐...打完邊爐食生日蛋糕,我吹獵粥...
開心咁一起回家去了...嘉輝打比我,話好唔開心...叫我關心佢,我便叫埋華來搵嘉輝傾計,嘉輝宜家變到.......
成日飲酒同食安眠藥,神志不清...為佢祈禱,佢好開心...由10點半陪到佢11點8就走了~~
心情指數:7.5 |
2006 年 10 月 28 日 星期六  |
海洋公園哈囉喂  |
分類: 失落的 |
今日4點去到太和火車站大堂搵家姐仔,阿熙出發去海洋公園,去左紅磡站落,轉巴士171兩個子到達洋園公園門口
一入到去就玩鬼屋動感影院,之後坐覽車過對面,我好驚呀><好高...我怕高的,之後玩左d機動遊戲,每一隻都驚...我發覺自己唔怕鬼,只怕玩機動遊戲...
其實約左Carman3點9來的,但佢9點9才來到一起玩...做人點可以咁架!!??無里答圾點得 玩多幾樣就走了~~
坐巴士到公園門口,再坐177巴士到旺角,轉小巴返到〝大埔中心〞落車...回家去
心情指數:4.9 |
| 2006 年 10 月 27 日 星期五 |
| 第一次見到阿華流淚 |
分類: 唔開心的 |
今日返學,lunch7個人去食....放學同軒,瑞,妹妹行左陣旺角,
我便趕回去上水,自己去《肯德基》食,再去上水圍教會,食聖餐,臨走時永勝替華祈禱,第一次見華喊呀~~華因為覺得自己咩都做唔到,因為祈禱時覺得"得釋放"所以流淚,之後同契家姐,華,永勝,阿熙行去〝上水廣場〞再回家
心情指數:5.9 |
| 2006 年 10 月 26 日 星期四 |
唔開心+失落  |
分類: 失落的 |
唉~返工好唔開心呀,學校今日有電視台既人來睇堂~我地電腦室既就最忙,因為所有借出還入電腦既都係我地負責
但係d野個kitty唔需要佢做既就係度搶晒黎做,唔需要講既廢話就不停係度講~仲要成日自言自語,工作的環境一點都不安靜！是全日<
我喜歡寧靜環境的！每次同佢爭野做都爭唔倒的,因為我坐的位置係唔就腳,而且無門鐘按比人入的,佢就有...仲有每次我同人講緊野,佢又係度答"山"扮識,之後搞到個人立即問佢唔問我...而且成日做門面功夫,同埋唔識都扮識,份人勁假,仲有大把的,唔講咁多啦,我係日記打出來是想宣洩自己的情緒而唔係想黑心話佢衰！
近排我咁暴躁,原來唔開心都係因為返工咁既情況！搞到自己回到家都唔想講野,某d人搵我時我就變左對佢發洩,唉！我唔想咁的,對唔住你地><
放工去左搵契家姐比哈囉喂比佢比返錢我...之後回家
8點幾Kinki話上黎我新屋,佢係新屋樓下等我,返到樓下,點知樓下個鐵門壞左@@整左陣先入倒
心情指數:4 |
« | 5 | 6 | 7 | 8 | 9 | 10 | 11 | 12 | 13 | 14 | ... | 25 | »
|
