| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 10 月 25 日 星期三  |
| 今年第一份生日禮物 |
分類: 平凡日 |
kitty唔係度好平靜...正~~
放工大家姐來大圍搵我,同佢係《鴻福堂》食雞脾同雞翼,佢送左"熊仔公仔,朱古力,屈臣氏$50禮劵"比我,佢原本想送銀包比我,我話唔要...所以改左送禮劵,之後坐火車返屋企了
心情指數:7
|
| 預計來緊日子 |
分類: 期待日 |
10月26日(四):放工後Carman黎我屋企玩
10月27日(五):上課,放學後與家姐仔,華返教會食聖餐...
10月28日(六):與家姐仔,華,Carman,阿熙去海洋公園哈囉喂
10月29日(日):返教會崇拜日,下午去健威屋企玩,之後打籃球~~(預定以後每星期要有一日運動^^人都健康d)
10月30日(一):教會Alice約我地成班人去佢屋企打邊爐,有家姐仔,豬寶,華,健威,同一眾教會的朋友幫我預祝生日
10月31日(二):親阿哥生日,要陪屋企人
11月01日(三):放工後與家姐仔,華後返青年團契
11月02日(四):生日正日！放工後,豬寶,家姐仔,華,健威(暫時這些人)去唱k,幫我慶祝生日
11月03日(五):上課,放學後~~有同學約~請我去食野補祝琴日生日~
11月04日(六):放假,要休息了><'
11月05日(日):同健威,華,堂去打波...每星期一次運動^^
11月06日(一):伊華,肥強,安仔,(仲有人的,但我唔清楚)~佢地幫我補祝生日~~去食飯！ |
| 2006 年 10 月 24 日 星期二 |
| 想繼續訓覺-0-' |
分類: 平凡日 |
返工又遲到了-,-"今天朝早唔知點解個人好暴躁
心情指數:6 |
| 2006 年 10 月 23 日 星期一 |
| 沒咩野~ |
分類: 平凡日 |
如常返工囉,無咩特別...今日狂send手機短訊-,-
心情指數:6.6 |
| 2006 年 10 月 22 日 星期日 |
| 發燒~~勁疲累 |
分類: 頭痛的 |
朝早同華返上水圍敬拜會,肚痛...完左敬拜就同雪羊,Chloe,靈犀行返去上水廣場...頂,個雪羊白痴仔,好細路仔咁...把口好鬼串-0-成日鍾意串人,好唔鍾意佢性格~
坐火車返到太和,然後搵健威係〝大元〞《茶餐廳》食飯,食完去左暴龍樂園玩左兩局射籃球機=.='哈~~
之後同健威返新屋,叫埋華來左我家...一齊打「龍珠」,今集既「龍珠」實在真係好好玩~~打完我係屋企訓覺休息,我真係病左呀,忽冷忽熱,而且超級頭痛呀,夜晚食左d熱先好d咋...但係成個人好累,好似散晒咁呀！
心情指數:6.7 |
| 2006 年 10 月 21 日 星期六 |
| Carman第一次上我家 |
分類: 開心的 |
下午返舊屋沖涼,突然《和記》的人打來話上來裝寬頻線,仲要係樓下,唯有等啦,原本落去搵Carman食《M記》的
唯有叫左Carman同壽包買個《M記》餐上來我舊屋食,食完三人行左去《桌球城》的機鋪玩左陣太鼓同指錯處,行多陣就送壽包返去啦
Carman再上我新屋參觀...8點去左搵健威係翠和樓下同顏廣耀同佢個fd打波,5比1...哈哈,當然係佢地輸喇！
心情指數:7.4 |
| 2006 年 10 月 20 日 星期五 |
| 被同學拉了去唱k=0=' |
分類: 平凡日 |
今日唔記得左帶d筆記返學,返到去好在唔洗點用筆記,派新筆記...
lunch11個人食...倫話我講d野好好笑,好鍾意我...話我好鬼可愛...仲話我係佢人生中第一個愛既男仔,汗...我唔係基的@@"
放學被軒,妹妹,阿井,瑞,倫拉左去《Neway》唱k,唉...又用左我$145~~不過連自助餐
唱完去左影貼紙左,影左兩次...影完各自回家,我係旺角火車站的《7-11》買左4張28/10的海洋公園哈囉喂票
每張$245...我無咩錢啦,儲唔到每月最少$1000添><返到家訓覺~~d蚊狂咬我,狂左好耐先訓得著
心情指數:6.3 |
| 2006 年 10 月 19 日 星期四 |
| 拎床褥,正~~今天開始換新床類品訓覺啦 |
分類: 平凡日 |
返工遲到一個子-0-'lunch之後kitty早退,佢病左@@"... / 發現訂飯果度,原來自己傻左訂埋星期五=='蝕左錢
放工去左拎床褥,床褥總值$388~2寸厚...返到屋企換齊""新>>床褥,枕頭,被子,入埋床笠,枕套,被套~~掃埋地,拖地~~成間屋感覺換言一新！訓覺,好舒服唷
心情指數:6 |
| 2006 年 10 月 18 日 星期三 |
| 今天大k去上堂,佢唔係度！一定開心過平時~~ |
分類: 平凡日 |
返工都係咁啦,放工我直接坐去上水,去左《KFC》食野,等華來然後行陣街同交《one2fee》尾數$19,之後返教會,青年團契,今日得thomas,華,alice,永勝...返完就回家了
大k唔係度 = 寧靜的環境
發覺自己增肥,肥晒係肚到~~oh no...
唉！睇怕今年都是去不成海洋公園哈囉喂的了,因為華唔去,所以健威唔去,因為佢地兩個唔去,所以Carman嚴少人唔去...無奈囉！一個華唔去軒涉去唔成！唉...唔開心~人家咁想去...
心情指數:6 |
| 2006 年 10 月 17 日 星期二 |
| 都係咁啦�嶂� |
分類: 平凡日 |
今日契家姐仔病左呀~~佢應該係腸胃炎,希望她快d好番啦！
好憎大k呀><我"從來"無對佢做過任何唔好既事,"所有每次"好心,好聲好氣同低聲下氣同佢講野,但係佢就好黑人憎咁應人,同對我"特別"差...我愈來愈唔like佢
放工時去左契家姐家探佢~~見到佢無咩事啦,只係比平時殘左d~~但係佢晚上食完粥又想嘔啦
心情指數:6 |
| 2006 年 10 月 16 日 星期一 |
| 手腳眼累累的~ |
分類: 疲累的 |
琴晚玩AOC~~玩到凌晨3點都未玩完,就棄權訓覺了=,=今朝起身勁累,係好好好累果隻...
今日返工,比之前忙左好多~~lunch去左銀行搞people自動轉帳！放工約左Carman,佢陪我出〝大埔中心〞換game,買床笠！順便行街
心情指數:5.8 |
2006 年 10 月 15 日 星期日  |
| 大出血買床套等等野~~ |
分類: 平凡日 |
今朝同華返教會,係上水圍,之後同成班教會朋友去左最近的《茶餐廳》食野,果度d野食唔錯~~
之後華幫教會搬野,我就先回家~~係新屋等健威來打陣機...3點幾再一齊出〝大埔中心〞睇twins,今日twins來左〝大埔超級城〞,睇完去買床褥,枕頭,被子,枕套,被套,周圍行左好多間先買倒
同埋換返隻「三國志11」,因為玩唔到的~~中途去左《吉野家》食野~~買晒野去左同堂,華,威打波...仲有個勁人細路
心情指數:7 |
| 2006 年 10 月 14 日 星期六 |
| 星期六被我定為休息天,今天當然是在家休息 |
分類: 平凡日 |
全日在家休息~~呵呵,狂打新買「龍珠」,好好玩呀
心情指數:7 |
| 2006 年 10 月 13 日 星期五 |
| 上堂~~ |
分類: 平凡日 |
今天上堂去了111室上課,今日阿軒果邊坐滿了位,我便坐了winnie隔離~lunch同軒,瑞,倫,Anthony,井,慈,豬,仲有唔記得咩名,波子,奇異果,加埋我11個人去左《茶餐廳》食野,食完去左機鋪打機才回學校
放學同軒,倫行去旺角,我去左《people》開返個智能咭,佢話因無比住址證明所以cut左~~後尾開返
原本諗住星期日去哈囉喂的,但無晒15號場的票買~~而且打比華話唔去~~唉！！點知你姐~~平時約親你...通常最終你都會肯去架啦！咪預左你會肯去囉！你唔去我地都唔想去la,勁失望囉！下次唔去唔該一早就決絕咁講啦...搞到大家都預左你去先黎同我講唔去！搞到我咁期待去海洋公園！！！
心情指數:5.4 |
| 2006 年 10 月 12 日 星期四 |
| 就算樂觀做人,外界的人也會影響到自己不開心 |
分類: 平凡日 |
諗住同d學生都似朋友d咁玩,但有d學生唔係咁得=0='今日如常咁...無咩特別
心情指數:5.9 |
| 2006 年 10 月 11 日 星期三 |
| 比人感覺我開朗了和乖了 |
分類: 平凡日 |
宜家有兩份工作,可以做好幾日,但幾長工夫,做好耐都做唔完的~~但起碼有野做唔洗悶~~
今日大k唔係度,當然開心好多啦,無佢幾鬼寧靜~~我做晒野仲同d學生傾計添
放工係《大家樂》等華來,一起吃醉雞肥牛鍋~~今次唔同上次咁趕慢慢來,好味好多~~食食下芬落到黎,7點半就出發去上水
今日嘉敏有返,同佢有傾計~~走時同華,芬,嘉敏坐火車返屋企~~
今日華同我講~我阿媽同華阿媽講話我信左耶穌之後乖左,而身邊朋友也覺得我開朗左^^當然啦！仲開心左添！
心情指數:7 |
| 2006 年 10 月 10 日 星期二 |
| 上班開始忙了~ |
分類: 平凡日 |
今日返工下午勁忙~~走上走落,以後每個星期二,4:00要上音樂室幫學生點名啦~最後幫埋梁sir佢地手砌機才放工,遲左5個子收工
8點半回舊屋吃飯時,又撞倒小六女同學,同佢的fd係翠和樓下打波,佢地兩個分別同我單挑左一場,佢地輸晒比我
心情指數:6.5 |
| 2006 年 10 月 9 日 星期一 |
| 買ps2 game |
分類: 平凡日 |
如常返工,今日下午時上左去3A班房負責攝錄,第一次入班房...有點怕羞
放工返到太和,約左契家姐陪我去〝大埔中心〞睇game同買game,契家姐買左朱古力請我食,去左夾公仔,3蚊夾左一隻豆腐公仔,之後去左飾物店,撞返中一同學,佢係果度做的@@"~~最後去左另一間飾物店買左惡魔Melody手偶同吊飾,因為琴日係偉華生日,搵日送比佢...
出到來果然多左好多正game,買左新「龍珠」同「三國志11」...
心情指數:6.5 |
| 2006 年 10 月 8 日 星期日 |
| 教會搬屋了...第一次到新地方 |
分類: 平凡日 |
今天自己坐火車到上水,行去上水圍(教會新地方),有新感覺~完左之後去左食飯,食完華,熙陪我去《萬寧》買雪完美去豆精華素
之後同華回家去了~~返新屋休息同打AOC 預計10月15日與阿熙,華,健威,芬,Carman,敏婷(佢唔知去唔去倒),去海洋公園哈囉喂！玩夜場,希望有更多人去更好吧
P.S.:偉華生日快樂~~
心情指數:6 |
| 2006 年 10 月 7 日 星期六 |
| 去維園迎中秋~~ |
分類: 開心的 |
下午約左華,carman,健威,芬係《大家樂》等,食完野就一齊坐火車出銅鑼灣,去到行維多利亞公園,影左好多相,好多燈飾^^
之後去左公園影相...健威與我玩得太開心,他掉了手機也不知道,被人拿掉了,後來打電話去取消,去《people》拿新卡
然後出尖東,行來行去,去左搵《茶餐廳》食野,我請大家食野,今日見到華唔係咁開心咁...佢話係因累,見到佢咁我都變左唔係咁開心
回到太和大家送芬返屋企再各自回家...最開心係同健威影相果陣,放開童真咁影...
  
    
 
心情指數:7.5 |
« | 6 | 7 | 8 | 9 | 10 | 11 | 12 | 13 | 14 | 15 | ... | 25 | »
|
