| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 10 月 6 日 星期五  |
| 與教會朋友同過中秋 |
分類: 平凡日 |
朝早返學...lunch10個人一起去了《茶餐廳》食野...放學趕回太和,等珠寶,芬,華去上水圍燒野食,去到好多人燒~~感覺很不錯
盈盈問我借psp玩,我係度同佢傾計玩,盈盈好可愛唷...第一張：bb女,我,盈盈 第二張：我&華
 
 我＆珠寶  花生&華
無幾耐同珠寶,芬,華,花生去左接珠寶個fd(Carman3)來,再返到去上水圍,好多人都已經開始走了><"d細路開始玩獵粥,之後開始散晒啦d人...thomas突然請我飲ice@@"咁好...想不到
之後走啦,返到太和,熊仔來左搵我呀~~好開心呀,同佢好多年無見啦,佢睇住我大架,以前買game boy比我玩...
佢車左我地去大埔超級城,之後返去《茶餐廳》食d野,熊仔就走了...我地行返屋企...
心情指數:7.5
|
| 2006 年 10 月 5 日 星期四 |
頂~~發毛了  |
分類: 悶悶的 |
今日坐到10點幾,黃老師比左樣野我做,好開心...唔洗坐,要把紙上9月份所有遲到及缺課的學生資料整上網,但整整下個網壞左上唔倒...唯有坐坐坐坐坐,發毛到4點=="之後輸入家課日誌上網就放工了~今天又是發毛的一天,唉
心情指數:5.9 |
| 2006 年 10 月 4 日 星期三 |
| 大k唔係度~環境寧靜不少^^ |
分類: 平凡日 |
新預計6號中秋節一起過中秋的人有:自己,華,契家姐,key,豬寶及教會眾多朋友BBQ
預計7號中秋自訂節目過中秋的人有:自己,華,契家姐,健威,由由(節目可能是大美篤/釣魚/海濱...)
今天大K唔係度,在學校我便有野做了...全日整相同印相咁,少少忙咁啦...
心情指數:6 |
| 2006 年 10 月 3 日 星期二 |
| 係學校發毛 |
分類: 平凡日 |
返到學校,9點上左禮堂幫手...11點幾先返崗位,好悶...好眼訓,每天上班都要涯肚餓,涯咁耐先可食lunch,唉...
放工咪回家,係舊屋食完飯回新屋時,撞倒莫曉雯...佢原來住我樓下=0=/
心情指數:5.7 |
| 2006 年 10 月 2 日 星期一 |
| 陪健威出屯門買 賣家的底板 |
分類: 無煩惱困擾 |
下午健威竟然約我,好少可搵我陪...健威叫到緊係要陪佢喇 ,陪健威出屯門買電腦底板,我叫埋華一起出
首先坐火車去上水,然後轉小巴44A到屯門,落左車等賣家,賣家賣塊底板比健威$200,之後上左賣家屋企試...
試完就去左一間日本料理食拉麵,個侍應望住我地係度笑唔知笑咩 ,食完坐的士回家,竟然計人頭費,個跳標跳到$150,但只收總共$40...蝕死私機,健威請今次的士錢,返到上水坐火車回家...
9點家姐仔買左3舊魚子壽司請我吃,佢係樓下等我比我吃,食完送佢返屋企我再回家
心情指數:7.5 |
| 2006 年 10 月 1 日 星期日 |
今日出糧大日子,緊係要買野獎勵自己喇！  |
分類: 開心的 |
朝早同健威,華,家姐仔返教會,lunch同大班人食飯...食完同健威兩個人出旺角,周圍行左好耐
買左1.Levis最新款牛仔褲$749~~2.Polo牌polo衫$371~~3.好可愛既狗仔"cool順"$95~~4.超型格既狗仔白T恤$75
健威都買左同我同一件既超型格既狗仔白T恤=0=',大出血@@"之後要慢慢用了...9點半回到家...
心情指數:7.6 |
| 2006 年 9 月 30 日 星期六 |
| 我要把星期六定為休息日 |
分類: 無煩惱困擾 |
以後每個星期六被我定為休息日,若沒人約我...通常都會休息不出街
今日全日係屋企玩aoc休息
預定10月會去海洋公園哈囉喂,預定去既人有:自己,健威,華,敏婷,阿熙,契家姐(芬)
中秋節會去大美篤爬艇賞月玩,預定去既人有:自己,健威,華,契家姐(芬)(希望有更多人去)
心情指數:6 |
| 2006 年 9 月 29 日 星期五 |
| 承諾一世好兄弟！ |
分類: 特別事 |
今日返學,LUNCH同十二個人去左酒樓飲茶,一路點,點知點左31籠,喪的=="食唔晒打包走...
放學同軒行去旺角搵阿慈,無幾耐我就趕去坐火車返太和...同華食藍青口火鍋$52,之後契家姐仔來左後,便一起出發去上水,食聖餐！
首先唱詩歌同祈禱,然後聽講見證,之後食聖餐,再同雪羊,阿熙,阿ling,契家姐仔,華,健威去左《茶餐廳》食d野...
食完就同威,華返太和,佢地去左我新屋拎Windows碟,係我間房同佢地講左我心入面一直好想講的說話~
我一直都當你們二人是我最好的朋友,大家踏了手承諾一世是好兄弟~~無得反悔架
我雖然不知道在你們朋友心目中,我是不是第一位！但一定的是~在我心目中你們二人好朋友永遠都是第一位！
希望我地三人真係可以共渡一世歲月,有福同享
心情指數:7 |
| 2006 年 9 月 28 日 星期四 |
| 都係咁啦~ |
分類: 平凡日 |
朝早又撞倒朱寶,同佢一齊坐火車,佢玩我部psp...返到學校無野做,係全日無做過任何野,唉....到臨放工先如常入功課上網
返到太和,然約左我係《大家樂》傾計,原來佢約出來也是有目的,唉,點解D FD要係用來利用??又係好似上次空氣淨化濟咁...想Sal我比錢一齊做...唉...
心情指數:6 |
| 2006 年 9 月 27 日 星期三 |
| 大k去左上堂..@@正 |
分類: 平凡日 |
呢幾日隻腳都好累未休息好...成日都話讀聖經讀聖經,但係無次真係肯去讀...唉
今日終於ok~算係全日有d野做咁...放工等契家姐仔一起去《百佳》,買完野食去左我屋企坐陣,7點幾佢就返去
心情指數:6.3 |
| 2006 年 9 月 26 日 星期二 |
| 快要出糧啦,究竟買咩獎勵下自己好呢!? (期待出糧及唔開心) |
分類: 期待日 |
快要出糧啦,究竟買咩比自己做獎勵好呢!?一定要買返條$700以上既Levis牛仔褲,仲要買返幾條名牌短襪同$200樓上既名牌衫先對得住自己,不過仲要留錢做下個月既洗費
今朝撞倒朱寶,佢返學~同我一齊坐火車...我大圍走人,返到學校同平時一樣無野做玩電腦,直到下午3點,梁sir叫我上212室,佢講左d關於電腦內部的線既基本野我知,仲同我傾左d密計....
好憎大k><我同佢一樣需要做的野,佢攬晒黎做~~宜家咩老師都靜係比野佢做,以為得佢做野,我就無到咁！想悶屎我><宜家咩同事與老師都同佢講野唔同我講野,成日係d人面前扮晒野咁！大k咩都做晒得啦?我唔洗做啦!?!?!?!?...唉！搞到我返工食飯放工都係一個人！上班好孤獨
今日係敏婷生日,生日快樂啊,遲d請佢食飯補數^^"
心情指數:5.7 |
| 認識的人中,真係做得過fd既有……(名單) |
分類: 特別事 |
我""現時""身邊會接觸到的人計算(不計算網友),
我認為真係可以交得過,又是真正好人無異心的~名單:所以以下人我會想同佢地真心結交落去,甚至做終生好朋友
華,健威一定唔洗講...無名既人,可能係醒唔起,有既時候會再加上去的/以下無分先後名次的
1. 所有教會既眾多朋友 2. 芬 3. 珠寶 4. 阿key 5. 然 6. 傑 7. 堂 8. 敏婷 9. Emma 10. 由由 11. Anthony 12. 怡 13. 梁老師 14. 蔡細 15. 偉華 16. 細豆 17. ivan 18. 阿盛 19. 阿文 20. 阿慈 21. 華玲 22. 德健 23. 肥龍 |
| 2006 年 9 月 25 日 星期一 |
| 與由由聚舊及識倒她的同事 |
分類: 平凡日 |
上班遲左3分鐘,同樣返到學校無野做,一邊玩電腦一邊等工作做...無工作情況下,張副校長唯有給上次我打完的"學童健康狀況調查表"比我核對返一次有冇錯,點知原來每頁都有d錯=.='
到放工都好清閒=0=淨係upload埋學生家課日誌,放工去左沙田搵由由,去到佢工作的《梁蘇記》賣傘鋪頭,識倒晴婷,與由由陪我去《吉野家》食野同行左陣就走了
返到太和諗住返新屋,撞倒阿堂同華係翠和兩個人打緊波,我陪佢地打左陣就走了
心情指數:5.9 |
| 2006 年 9 月 24 日 星期日 |
| 漸轉變 |
分類: 唔開心的 |
朝早返教會,唱完詩歌睇返黃金海岸浸禮的影片,見到自己浸禮果陣個樣真係...  宜家係教會聽野唔會好似以前咁,一聽就恰眼訓,因為返教會聽既只有真理,對自己只會有益的
食lunch同花生,永勝,thomas,美詩,盈盈,華,阿熙去《悅來客棧》食飯,之後華跟我返左新屋,叫埋健威來打機,到4點永勝來埋,佢同我地講解基督既野,佢5點半走了...我地3個再去新和搵興,啤啦打波,唔開心囉打得......
訓覺我竟可以到凌晨4點才訓著,第二朝6點就要起床
心情指數:4.9 |
| 2006 年 9 月 23 日 星期六 |
| 不在狀態,成個人心神仿佛 |
分類: 失落的 |
2點去左大埔浸信會既「靈糧團」團契,認識左十個人左右,4點半完,去左《大家樂》食野,原本阿然同佢fd落黎,但我食完佢都未黎
之後去左新和籃球場搵華,堂,啤啦,興打波...打到6點幾同堂,華去左《7-11》買野飲,同華夾錢請堂飲...
生病第四至五天啦><個鼻傷風同鼻塞,個口好多啖很沙,條舌生兩大粒飛知好痛,塊面不斷生好多粒暗倉
心情指數:4.9 |
| 2006 年 9 月 22 日 星期五 |
| 返學~~識倒兩個新返既同學 (有開心有失落) |
分類: 開心的 |
今朝返到《培正教育中心》,同阿軒,Anthony坐...今日黎左兩個新同學,佢地返星期四既,今日返係補返的
lunch同軒,Anthony,妹妹,阿瑞,阿慈,winnie,yan,巨人去食飯,間《茶餐廳》超級難食,又要貴...
食完返行左陣旺角返學校,之後係學校阿軒勁出面咁溝winnie同yan= ='yan又好出面咁主動比電話軒,無計,靚仔麻...
放學同軒,yan,winnie,慈行去旺角,無幾耐各自走了,軒同慈幾續行旺角...
返到太和去左大埔浸信會7:30p.m.既「拿細耳團」團契,認識左幾個人,10點回家...夜晚kinki去左屋企傾計...
心情指數:5.1 |
| 2006 年 9 月 21 日 星期四 |
| 形容同事 |
分類: 平凡日 |
我的崗位(電腦003室)有3個~~我,大k,Kelvin/愈來愈唔鍾意我個同事大k,等我來形容她！
1.做事唔識都扮聰明,使人老師以為她真是懂,但接了工作後就問我們怎樣做！
2.明明我遲了3分鐘到學校便寫7:48a.m.,而大k8點正才回到學校,她竟然可以寫早過我7:45a.m.到,賤格
3.講野極之大聲,成日做緊野傾電話唔專重人,使我感到好煩擾/講野只有一個聲調,不懂得在適當時候細聲說詬
4.常常在不熟的人面前扮到好有禮貌討人歡心,極之虛假！
5.好唔玩得,成日扮惡,大聲夾惡果隻！
6.工作時沒事做都扮忙,老師有事要她做,便推走工作,說自己很忙,其實就一點都唔忙！
7.明明自己唔忙,有緊要事做都唔肯幫同事,無同情心
而Kelvin性格高傲,好多時唔認人...又少說話,唉~~我上班真係悶,返工/放工/食飯都係自己一個人
放工返到太和大堂,有《People》既攤檔,我轉左台,叫埋華落黎,首月$62,之後加埋自動轉帳$47...
心情指數:6 |
| 2006 年 9 月 20 日 星期三 |
| 家聚 |
分類: 繁忙的 |
差點上班遲到,張床太舒服了...很喜歡睡覺^^今天上班,其實每天工作需要借機給同學然後做紀錄,今天大k去了上堂,得返我做借還機,今天超多人借還機,搞到我超亂做唔黎><唔開心,近排心情都欠佳,唉...需要人關心><
下午張副校長比野我輸入,4點拎埋學生家課日誌輸入上載...5點8放工...
6點3返到太和,約左阿然同阿華係《大家樂》傾計同食飯...到7點8同華出上水返家聚,阿然回家...返到教會傾計...9點8回家！
心情指數:6.9 |
| 2006 年 9 月 19 日 星期二 |
| 有甚麼利由上班沒事做的??很沒意思 |
分類: 平凡日 |
呀~又是回到學校沒野做呀,好沒意思呀><"又要到臨放工前一小時才幫手入家課日誌上載,使之遲了幾個子收工
放工Emma係火車站大堂等我,我拎返上次同敏婷唱k的相給她,之後同左我去《百佳》買野食就各自回家...
心情指數:6 |
| 2006 年 9 月 18 日 星期一 |
第一次因朋友而哭 (疲累+傷心+激動) <<所有括弧入面的都是說明當日的情緒  |
分類: 傷心的 |
今天開始上班時間改回標準時間,7:45a.m.~5:30p.m.！全日無野做坐到臨食飯,幫一位Miss訂壁報,
以後食飯時間是1:00p.m.,食完飯返到黎繼續坐,到4點2就開始打學生家課日誌upload上網！好悶呀~><
放工浩文約左我出銅鑼灣行街,原本都唔想出架啦,但心軟出左去陪佢行...出到去成6點4,等浩文到7點正才到
佢又話行街,點知帶左我去佢間公司！所用既手法同詩塋一摸一樣,請看>>7月11日的日記<<,所講既公司架構和說法一樣！空氣淨化瓶,浩文既同事不斷說服我...講佢地的優點,隱藏缺點
我已經唔想再聽,因為覺得是騙人的,而浩文就用一隻手阻住我走~迫我聽,我已經火都黎埋,原來呃我出來銅鑼灣搵笨,唔係行街而係想賺我錢,聽左成個幾鐘,大家都好火,我要走佢用手欄住我,鬧晒大架,同浩文互相推一推,全場人望住~~......我唔理係要走,佢地兩個跟住來,最後去到地鐵站,浩文同我講左句野好深刻""先頭對唔住,我唔應該咁惡話你,我唔想無左你呢個十幾年既朋友,佢講呢句果陣我見到佢水汪汪的眼,我立即走人,之後我坐地鐵走人喊左出黎...我人生第一次因為朋友而哭...哭是因為心諗點解一個好朋友要搵我笨...浩文仲話呢盤生意一定搵每個月幾萬蚊,到時能10萬蚊...我唔信同唔肯加盟間公司是因為要我放棄一份工同埋要拎$1000出來加盟公司,我放棄份工唔單止係我一個人既事,仲關連到我屋企人,如果你真係信盤生意是無騙人有得做既,唔洗學歷都每個月能賺到過幾萬元的,那當然是好事~~是我唔好,唔肯信你呢位朋友而信自己的分析
但如果你是不能賺取過幾萬元,那是我的分析對的！是浩文你比人搵笨！我並唔係唔相信你因為當我係好朋友而比個咁好既賺錢機會我,而係唔信間公司,因為世界上""無咁大隻甲那隨機跳""！無可能個個人無學歷既人只要有膽比$1000蚊去試加盟公司,就能賺大錢的,我才不信這些
我真的真的好傷心！~~~~~
心情指數:2.3 |
« | 7 | 8 | 9 | 10 | 11 | 12 | 13 | 14 | 15 | 16 | ... | 25 | »
|
