| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 7 月 2 日 星期日  |
| 煩惱 |
分類: 煩惱困擾 |
朝早去左深水埗陪阿欣,同佢坐車去尖沙咀行街,去到陪左我食粥,之後再行...到12點幾送佢去深水埗...我就走了...
下午去左打波....同阿堂兩個人...
心情指數:6
好煩惱,我唔識做人...點做先係好,順自己意去做?
|
2006 年 7 月 1 日 星期六  |
再次感到人生的險惡  |
分類: 傷心的 |
全日在家...6:00pm幾因為一d事心情極之差,好唔開心,所以無返到去食飯...
7:45pm因為心情差既關係,而且好想有人關心...好衝動咁問左兩條心底一直想問的說話~~而且仲講左d.........我都唔知宜家同佢係點的了...好似講到唔清唔楚咁...連自己都唔知自己做乜會咁...= =個心好唔舒服
凌晨訓唔著,拎左隻『少年激鬪篇』出黎睇,原來套片入面果個陳浩南....真係咁激-0-'唔怪得果時成日咁多人叫山雞同陳浩南啦...
心情指數:3.9 |
| 2006 年 6 月 30 日 星期五 |
| 到職工盟幫忙 |
分類: 平凡日 |
5點幾阿堂打比我叫我到《職工盟》幫手...去到見到敏婷,華,堂...
Sirena同佢既同事一見到我都咁開心...究竟點解架??佢地見到華又唔見咁開心...=0=我好搞笑咩
之後同堂,華去左打波...最後係翠和打,華好快走左,我同堂繼續打波...我連勝
心情指數:6.2 |
| 2006 年 6 月 29 日 星期四 |
| 訓到2點9先起身... |
分類: 開心的 |
下午太悶,打比個FD問佢係咪唔請我架...佢話唔係...但咁耐都無電話比我既><?好驚唔請我囉
4點正帶住隱形眼鏡去左新和搵華,等左好耐唔見興就去左翠和樓樓下等興,點知興細佬~述文都落左黎一齊打波
之後阿堂都落左黎,打得好開心無煩惱^ ^，打打下落雨就一齊去左《阿波羅》買野飲∼再去新和打過…
今日開始．．．我ｄ實力返晒黎啦！可能係因為我做人樂觀左好多！唔會再休愁ｄ煩惱
心情指數:7 |
| 2006 年 6 月 28 日 星期三 |
| 執倒部手機@@" |
分類: 驚喜的 |
12點經過樓下《M記》見到部3G手機,有好多人都遠望住,我想走架啦...但之後諗諗下返轉頭執左部手機...我咁就多左部手機啦唔洗換手機啦,好YEAH,有新手機用...
下午2點幾去左《大家樂》食飯,見到曾寶雯,之後同佢一齊食飯...再返舊屋訓,到夜晚8點幾叫左健威陪我去,〝大埔中心〞買新手機的充電器,同埋買PSP Cover(保護套),之後去左〝大元〞食壽司拉麵,食完去左《吉之島》買壽司,因為壽司唔可以隔夜,賣唔晒要掉的,所以原價44蚊賣26蚊！抵！
心情指數:6 |
| 2006 年 6 月 27 日 星期二 |
| 到深水埗見工... |
分類: 唔開心的 |
朝早9點幾就比二家姐個電話嘈醒吹我返舊屋,去《富善護老院》接阿爸去《富善社區中心》睇醫生！去完二家姐個朋友Anita黎左,送阿爸返《富善護老院》,我地三個再去大埔墟間《天外天茶餐廳》食午飯,食完飯二家姐同Anita上左我新屋坐,再一齊落去《富善社區中心》諗住拎藥比爸爸,點知原來d藥聽日先有得拎,於是去左圖書館睇陣書我就出左去深水埗見工了...見完工係深水埗行左陣街先返屋企
本來下午2點敏婷約左我係大埔墟火車站4號月台等…但後尾因d事取消左
夜晚我突然間胡思亂想…搞到好唔開心
心情指數:5 |
| 2006 年 6 月 26 日 星期一 |
| 返去同老闆講休息一星期 |
分類: 平凡日 |
今日11點返到「溢彩工程有限公司」拎糧,拎完糧同老闆講我請假一星期,老闆好快就應承左,而且覺得佢好似想炒我咁-.-
於是返左太和,去左《大家樂》食野,再返屋企...打比個FD諗住問下佢最近點,點知佢話公司請人...簡直係『天助我也』,剛剛想唔做這份工就有第二份工見
5點9返新屋等怡怡來我家,拎左我之前《三水學校》的$600糧比我同簽名,佢同我都有...8點幾送佢返屋企...唉
P.S.:今日開始我做人要比之前更加再更加樂觀！就算件事幾咁唔開心…我唔會再咁灰的了…
心情指數:6.3 |
| 2006 年 6 月 25 日 星期日 |
| 打羽毛球 |
分類: 唔開心的 |
下午去左〝大埔中心〞剪頭髮,小雯話隻PSP槍GAME唔岩佢玩,話想賣比我,約左我2點2係大埔墟火車站既《M記》牌前面等,出來交易,小雯琴日仲卜左場,話想做下運動一齊打下打羽毛球...便一齊去左體育館打羽毛球
打完兩小時羽毛球就坐車返大埔墟火車站,我再轉巴士到〝吉之島〞,一個人孤獨咁係《吉野家》食野,之後再去剪髮,剪短左dd好睇d,同埋髮型師教我點set頭,我個人覺得惦左 之後返屋企lu...
返到屋企又比媽咪嘈我叫我唔好唔返份工啦！我返呢份工受左好多委屈同唔開心，點解為左錢就要唔理份工係點都迫我返喎 ,好想喊呀...點解要咁對我,我唔識做人呀
心情指數:3.7 |
| 2006 年 6 月 24 日 星期六 |
| 阿強一號… |
分類: 平凡日 |
今日part阿強...我終於等到佢可以帶人了,同佢周圍做,d地方熱死我la....唉...
最後一單我自己做坐檯,6點正收工坐車返屋企,返到屋企7點半...夜晚食完飯經過籃球場識左兩個人,叫左華落黎同佢地一齊打波
心情指數:6 |
| 2006 年 6 月 23 日 星期五 |
| 頂佢個肺丫~~ |
分類: 憤怒的 |
今日part阿松同阿達,今日需要拎5c掛牆架(最重最大果隻),我要負責拎...
頂佢個肺丫...全程我拎個架...明知我唔夠力仲要我拎,仲要唔等人行果隻...一d同情心都無！幫個客做完之後,要拎返一個5c掛牆架返公司,要坐車返去再行...佢地兩個就繼續去做單,我就一個人頂硬上拎個架返公司,搞到隻手脾超痛...
尾耳果單阿達同阿松分單做,我跟阿松去做...個客同我地都無天線,便叫左我落去買天線...唉...我已經好累架啦,做完竟有$40貼士,之後阿松叫我可以返去先,佢自己一個人做埋一單,我坐75x返屋企,返到屋企成10點...唉...經過今次令我更加想快d唔做呢份工=="
心情指數:4 |
| 2006 年 6 月 22 日 星期四 |
| 夜晚公司請食飯 |
分類: 唔開心的 |
今日一起身,個肩頭係超痛既...唉...好在返到公司,今日唔洗我拎野...舒服晒...
今日我跟阿達同阿詠,跟住佢地好他條..4點幾已經可以收工,於是係機鋪等到夜晚7點幾先入得酒樓食飯,公司請
有龍蝦,魚,雞等...仲飲左兩杯紅酒...最後抽現金,得4份,而且part time無得抽 ,一場歡喜一場空...失望地一個人回家
P.S.:宜家個心一尾諗要搵錢~但我最想得到既野根本唔係錢,係錢買唔到,但就要不斷推動自己搵錢...呢種感覺原來係超超超超難受 ...
心情指數:4.3 |
| 2006 年 6 月 21 日 星期三 |
| 唉…… |
分類: 煩惱困擾 |
今日跟阿明做,係食飯果陣,死人阿龍叫我幫佢送個掛牆架去個客到...唉,麻鬼煩,要坐小巴過海到西環,$14.5車錢
之後再坐巴士轉地鐵去杏花村搵阿明,有一單係上海人,有一單係日本人==,有一單係麻煩友...最後一單阿明自己做,我就去金鐘既〝海X中心〞搵阿基幫佢拎鐨,條友真係食屎狗,〝海X中心〞就在MTR的上面,佢要我出集去搵佢...佢行一條電梯落黎MTR我就唔洗出集啦...仲話專登要我晒車錢,食屎啦 ,幫佢拎仲要咁玩野...
之後我就返屋企...唉...夜晚我突然間諗野諗到好灰..唉
心情指數:4.7 |
| 2006 年 6 月 20 日 星期二 |
| 起身仲係好累... |
分類: 唔開心的 |
起身仲係好累...返到工司,死人阿松叫我,細傑,阿城去廠到幫手搬貨,第一次入工廠,見到入面好多貨,好多部電視機
之後返工司佢地已經落晒去食lunch,之後我,細傑,阿城到《銀龍茶餐廳》搵佢地,食完飯同細傑去搵apple,我今日跟apple
今日我有$50貼士,有好多張單都係做北角的,原來北角收LCD TV係好清的...最後一單由apple自己去小西灣做,我就先走,夜晚臨返新屋時撞倒浩文,然後叫左佢黎我舊屋對戰PSP龍珠,哈哈...
心情指數:5.4 |
| 2006 年 6 月 19 日 星期一 |
好慘呀~~  |
分類: 唔開心的 |
今朝起床勁累...坐火車轉地鐵,突然間勁肚痛...可能因為今朝飲左凍野~超辛苦,之後忍唔住係石硤尾站落車搵廁所=0=''
之後再坐返地鐵返公司拎星期四至六這3日糧,出左$800比我...今日諗住返工,但點知頂唔順...同左老闆講今日請假,唉...之後咪坐車返太和,我真係好累呀...狀態極下好唔舒服...但無人黎睇下我...
下午怡怡打電話來話上來睇下我 到8點幾送佢返屋企...唉...好怕聽日都涯唔住...
心情指數:4 |
| 2006 年 6 月 18 日 星期日 |
| 拎部電腦去整(父親節) |
分類: 傷心的 |
今日下午叫左威幫手搬部電腦去左寶湖的《達文電腦中心》整電腦,之後去左食野,食野去返《達文電腦中心》問佢整完未,
之後同威去左行《大埔中心》,我買左條牛仔褲,再去返《達文電腦中心》拎返部電腦,用左$150來整,之後阿盛黎左,再一齊搬返部電腦返新屋,再一齊去左〝新和樓樓下籃球場〞打籃球,華係籃球場等我,去到點知無籃球,
便去左〝翠和樓樓下籃球場〞同d唔識既人打波,之後何x然落左黎一齊打...
心情指數:2.4(唔開心...) |
| 2006 年 6 月 17 日 星期六 |
跟阿基做...=0='  |
分類: 唔開心的 |
今日跟阿基做野,我要拎坐4個掛牆架,拎到手都痛...唉...做到7點幾左右就走,阿基自己做埋最後一單...
今日夜晚部電腦突然間神左...唉.....
心情指數:4.9 |
| 2006 年 6 月 16 日 星期五 |
| 隻腳同肩膀好累呀-v- |
分類: 平凡日 |
今日跟阿達同阿嵐,今天全日有$140貼士,但用左$60塔的士,$80平分,我有$40貼士
今日係鑽石山做最後一單,係等既時候去左《M記》食野,到8點半先上到去做,11點幾先返到新屋...超累
其實呢份工就唔辛苦既,但成日話累係因為要涯天氣熱住來抽住D野來行,每日都要行同坐車8個幾鐘,所以累...夜晚愈黎愈早訓覺,而且仲愈黎愈遲先起身,所以做呢份工會好好訓...好想繼續訓...
其實呢份工每日有$250,車費通常連埋返到屋企用左40幾蚊,再扣食飯錢當$30,即係每天淨賺$180,未計貼士錢...同埋有時車費會津貼一部份的...通常一日淨賺$200幾蚊左右
心情指數:5.5 |
| 2006 年 6 月 15 日 星期四 |
| 第三日返安裝員工作 |
分類: 唔開心的 |
今日訓得果1個鐘就起身返工,問左老闆出琴日的糧,$280...
之後今日係跟阿嵐,周圍去,最後係荃灣果邊收工,全日收到貼士總共有$100,平分$50
P.S.:唉...今日返到超累,又勁眼訓,返到屋企腳痛,頭痛,肩膀痛,鼻哥粒大孖倉痛,而且喉嚨極痛
心情指數:5.4 |
2006 年 6 月 14 日 星期三  |
| 第二日返工~~ |
分類: 唔開心的 |
今朝就收琴日的糧,$300...今日終於比我跟倒個毛毛做野,而細傑就慘慘@@"
第一單因我未食野,毛毛去做野我一個人係美孚的《椰林閣》食野,佢做完搵我再去做第二張,佢教識我了...今日人生中第一次做野收到$60貼士,平分每人$30,好開心的感覺...最後做一單掛牆,佢地要上鋼板,所以去到唔洗做,走人...
毛毛帶我去係屯門坐小巴返屋企,夜晚出左去玩...
P.S.:極度唔開心,我唔明現在自己咁辛苦身水身汗搵錢的目的是甚麼...無左目標！好辛苦...
心情指數:5 |
| 2006 年 6 月 13 日 星期二 |
| 第一日返初級技術員工作 |
分類: 唔開心的 |
朝早7點幾就起床,8點幾出門口,帶埋部PSP出癸芳,到左之後等埋細傑同阿強就返間公司
係公司無聊咁坐到12點,就同班人去食飯...唉,班同事個個食煙...大部份人都係粗口王-0-'
食完飯就跟左我呀俊的人走,陪佢去左買波=0='之後坐巴士到馬鞍山上人地屋企...上到去因為安全問題,唔幫得佢掛牆,所以走了...之後去《茶餐廳》飲杯野就去第二度
坐巴士轉小巴,再做一單,之後坐馬鐵到第一城,完成第三單,最後到粉嶺做埋最後一單,7點鐘幾收工,晚上12點同凌晨1點幾都分別有人打比我=0='聽日一定唔夠訓...=="
P.S.:份工係上門幫人安裝電視,$250一日,周圍坐車錢要自己比=.='通常車錢會用30幾蚊左右,如車錢過$70先會camp返錢,份工自由度大,鍾意點就點...但d同事個個食煙...
心情指數:5 |
« | 12 | 13 | 14 | 15 | 16 | 17 | 18 | 19 | 20 | 21 | ... | 25 | »
|
