下午華陪左我去〝大埔中心〞買psp game,買左隻益智game"LocoRoco",之後去左〝大元〞食下午茶就返去

5:00去左太和《百佳》等伊華佢地,之後買野去大美篤燒野食...去到大美篤,見到改到好靚,隔驚bbq的人好好心比左野食同炭我地...到夜晚安仔同阿豬佢地黎到,安仔同阿豬不斷狂講笑,服左佢地-.-...同肥強,伊華,田雞,安仔,阿豬燒到夜晚11點幾先返到屋企,

聽日去camp啦,有d緊張張添>o<"........今日好鬼死頭痛呀...

心情指數:6.5

10點4到觀塘見工...見到Gina,首先測試打字,然後去見僱主...打字我臨走前知道暫時最快係我...但同僱主傾時答得唔係咁好,我過於緊張了,心都卜卜跳=.='

見完工返太和《津津》食野...之後係舊屋訓到3點,再落商場影印野,之後再返舊屋擺低野再落《百佳》買野食上新屋..

之後個fd上左黎我屋企...

近排不斷追"神鴅俠侶"睇...太正啦,愛上了......

心情指數:6

下午糖黎左我屋企,2點幾走了...我3點去左《大家樂》食野~~堂,華走左...二家姐黎搵我,我食完野後一起返舊屋...

之後落左去翠和打波,佢地黎齊後...華6點幾走了,淨返我,肥明,興,堂打...無幾耐我先返屋企了...

心情指數:6

今朝老豆又發癲,朝早未到6點三家姐打電話來話老豆又發癲,叫我返來睇住佢...個個返工...

阿媽諗住帶佢返「富善護老院」,點知佢唔肯去,去左火車站話要去九龍,又話大陸度睇醫生,媽咪同佢鬥纏左好耐,叫左我趕來跟住老豆驚佢失蹤...

媽就返工,阿爸買票坐火車,又話去九龍點知坐羅湖方向,我跟住佢到羅湖站,坐火車的時候,全隔離3卡火車既人都望住我同老豆,佳因老豆狂叫我唔好跟佢,不斷高聲罵我...超監介同恐怖,坐到羅湖,佢想過境去深圳,我叫d職員唔好比佢過,我再call左姐夫來,拖延時間等姐夫,老豆全程發左癲咁狂""超高聲""罵我,無停過...當我仇人咁...場面好可怕呀,經過既人通通都望過來,幾驚辛苦先拖延倒時間等到姐夫來,但佢繼續發癲...最終無辦法我唯有call差人來,叫左白車送佢去〝上水北區醫院〞...

睇完醫生都仲發癲中,佢係都要睇大陸個醫生...佢心願未了就會繼續發癲,唯有哄佢話坐的士去大陸,查實送佢返護老院...幾驚辛苦先送到佢去護老院,用左$70的士錢,之後同護老院的人傾,最終決議想綁住佢同比佢全日住護老院,但綁住老豆又怕佢反抗得太利害之後爆血管死人,【唔綁又怕佢再次發癲又偷走,綁又怕佢會憂黑死人】,點算好,而且媽咪唔肯綁...

傾完同姐夫兩個人去《大家樂》食飯,食完飯我返新屋想休息下,姐夫就返工...點知返到去無幾耐,老豆又偷走左...護老院的職員係度搵緊佢.....................再搵唔倒佢既話要再報多次警,難道真係要一日報兩次警??

最終都係報左警,本來想係新屋訓陣,因為真係無訓過,太累了...但3點幾警察打來叫我去警署搞返D手續,因為佢又失蹤了.....

我去到警署報案中心報老豆失蹤同落口供,之後同d警察上警車巡...富善街d人望住我...(好怕d街人會誤以為我犯事被差佬捉住)=0=

巡完都搵唔倒,之後上返警車,車返我去警署就可以離去...我去左《吉野家》食野之後返新屋...

到7點幾警察再次打來,話老豆係翠和樓下,佢自己返左來.......真係玩死我地>.<.....= ="

P.S.:全家都為老豆擔心,但老豆老人痴呆唔明白,不斷話我地跟住他是玩他...唉...聽日又唔知會點啦...

心情指數:4

今朝老豆又玩野,突然走出護老院,D人都捉佢唔住...老豆坐271去左九龍話睇醫生,邊有醫生比佢睇,D護老員報左警....跟住大家姐晨咁早就打比我,大家姐走左出去搵老豆,老豆又失蹤了

2黠姐夫打黎叫我去急症室睇阿爸,搵返阿爸??但佢又發癲la~.~原來係d人報警搵返佢...搞到我,姐夫,大家姐麻煩...

之後坐返71k巴士返太和,我,姐夫,阿爸去左《津津》食野...食完去左fd屋企睇返叫佢錄既『神雕俠侶』,之後走lu~

P.S.:我只係想咩都唔諗,平平淡淡咁同D好朋友一齊玩,希望妳地唔好再帶任何煩惱給我...點解要搞到有D隔膜係度

返「敬拜會」,下午同永勝佢地一齊食飯,之後去左「樂天」幫d弱智人士祈禱,祝福佢地...

祝福完走LU~同華,永勝佢地坐小巴返上水lu~~我同華坐火車返太和,約左然,傑,健威,華,糖糖打波

係翠和樓下點知撞倒肥明,佢痴波打...無幾耐然同肥明走左...我地打完波就返屋企lu~~

心情指數:6

下午華叫我去陪佢去拎眼鏡...行到去〝大埔中心〞見到阿傑,之後同埋佢一齊陪華去拎眼鏡,之後去左cd鋪睇野一路傾,佢原來都識好多高達既野@@

之後佢走lu~~我同華返太和,我就等糖糖黎,我陪佢去〝先達廣場〞拎演唱會票,之後返太和,經過籃球場想打波

點知華佢地已經係度打緊波,後來我跟隊打...興,堂都黎埋...我打多陣就走lu~~約左kinki買外賣食...

心情指數:5.9

下午返舊屋沖涼食野,拎左隻Windows碟比華裝...幫完佢裝之後我就落《大家樂》食野,之後糖糖黎左=0=

無聊咁去左《職工盟》坐到7點等晒d人黎...到10點走人.....去左《大家樂》等怡黎,點知......

之後佢陪我去《茶餐廳》食野,傾d野.....之後返屋企,唉.....唔開心同有好多關係問題既煩惱...

心情指數:4.8

今日3號風球,但都叫左華陪我出癸興,3:30去到見工,中途把傘被吹斜了...之後測試打字(英文),好慢呀,打錯字...搞到一分鐘得廿幾隻,

之後同華返車到九龍塘站,係又一城《吉野家》食野,之後行左陣...之後就返太和lu~~去左華屋企睇佢部電腦,佢部電腦壞左...睇完同華踢左場實況足球9我就返屋企lu~~

心情指數:7

3號風球,想去打波,唱k都唔得....全日係屋企....

心情指數:6

下午........其實我既決定係...

6點陪阿華去配眼鏡,之後返屋企lu~~晚上......

究竟我想點....??

心情指數:6

唉...今日好煩惱呀~~超累,訓得果個幾鐘,超累住起身出灣仔,同炎炎等人去漫畫節,

到2點浩文黎到,我陪佢行到4點幾我自己走先,因為我實在累到無法止繼續行落去,返到新屋累累.....

心情指數:4

11點3返到教會,聽完野食齊心飯...之後佢地家聚,我偷走了=0='....自己一個人返新屋

後來健威黎左我新屋,同我打機之後落去,糖糖係樓下等緊我地,之後去左大埔《Neway》唱k~$150-.-

就黎唱完我就已經話走,之後糖糖竟然我走左之後喊...佢返到屋企凌晨2點,3點,4點,5點又起身,訓唔著send訊息比我,估唔到你會咁.........

P.S.:唉.....我心情忽然好煩惱呀><點解會咁架....

心情指數:7

下午無聊去左買飯盒返舊屋食,之後去〝百佳〞,糖糖黎搵我,佢陪我掃貨....之後幫手拎D野上我屋企,再坐陣就返去LU

心情指數:7

下午自己出去食野,4點左右糖糖黎搵我...我上左佢屋企一陣,之後同佢行〝梅樹坑〞,然後去左《許留山》食小丸子,

之後趕去《職工盟》,同一大班人玩遊戲,見到某人唔知點咁,唉.....而華果D人竟然唔理我..........到走之後糖糖陪我去《大家樂》食野

P.S.:望見身邊一個又一個好朋友與自己愈來愈有距離,心裡其實好唔開心,身邊既朋友竟無一個知道及理會.....

但妳望見我咁唔開心,妳會想哭...就知道妳對我有幾真心....由今天開始,我必會珍惜身邊任何一個對我真心的人,將心彼己

回想起,上年展翅與現在的我,差得很遠...已經不再幼氣.....

心情指數:4.8

在家休養了一整天

心情指數:6.8

呀然約我去食飯,之後返屋企...後尾又去左《大家樂》食野,之後糖糖黎左搵我...

後尾陪佢係《7-11》買報紙同佢返屋企拎報紙比佢老豆睇,之後再上左黎我屋企....

夜晚.......

心情指數:7

琴晚又發夢-.-夢見自己間房插滿左好多電器,好多電掣,好驚爆炸=.=.......

朝早十點同姐夫...去到〝富善護老院〞接阿爸去睇醫生,點知老豆竟然發晒癲咁唔願意去...幾驚辛苦先帶到佢去睇左個醫生,醫生望倒佢兩眼就帶返佢去護老院,我同姐夫返去見返個醫生傾老豆既情況...

之後同姐夫去左食野,之後上左我屋企一陣,無幾耐佢就走了...

下午去左搵檸檬拎IT種子既From,之後去《吉野家》食野,Fanny黎搵我...陪完我食野就去左我新屋傾計...夜晚.....

心情指數:8

琴晚訓覺連發好多個夢,第一個發夢自己正在練游泳,第二個夢是我阿爸竟然著左我條GIORDANO底褲,著到濶晒...第三個夢係我比人追殺等等...

下午同堂,華去左食午餐,之後佢地上左我屋企打機...華再陪我去食下午茶,堂去拿波,再一齊係翠和樓下打波,

10:05pm出左去大埔戲院搵Fanny2同佢個fd阿ki~~

心情指數:8.3

朝早返上水「敬拜會」,之後係教會食飯盒,食完青年聚會,我本來想3點走架-.-永正唔比我走=0='搞到3點半先走得,

下午4點約左Fanny2出旺角睇戲,睇『鬼域』...出到旺角去左《百老匯》買票,7:50有場...去左樓下鋪射籃球,仲影貼紙相,

之後去左食野,再去〝chic之堡〞睇衫再入場睇戲,套片得起初恐怖...之後就好搞笑-.-...睇完返屋企lu~

P.S.:估唔到你會因為每日想見我而諗到喊,你真係好傻呀-0-'下次唔好啦！唔開心可以講我知

心情指數:8