下午fanny2約左我係《大家樂》食野,食完野去左新和樓下打波,途中撞倒阿芬同佢細佬,竟然想扮唔識我

fanny2睇我,堂,華同人地打波...佢幫手用我部手機攝影低我打波...到7點興黎左,我到8點同fanny2兩個人去左《阿波羅雪糕屋》買野飲

之後送佢去〝寶雅園〞我返屋企lu~~由今日開始我要扔開心情,放低d唔開心既回憶！

心情指數:6.4

下午去左沙田搵阿欣,同佢行好悶-.-....到4點半坐火車返太和,搵阿華陪我去大埔〝太平工業中心第一期〞見工...

去到先知原來上次都黎過見工...上到去填完表就去左〝大埔中心〞行街,買左隻game...之後同華去左〝大元〞食壽司拉麵再趕去《職工盟》

去到識倒新朋友...之後玩遊戲,到10點走人,同新朋友Fanny2去左《百佳》買野食,我買左一條木瓜汁比佢

P.S.:唔緊張就係唔緊張,講D道理出來做咩...

心情指數:7

下午華，堂黎左我屋企玩左陣，之後就去左新和打波。。。

今日興同興細佬都黎左打波,見到興唔知點咁...唉！打完返屋企lu∼今日我既心情係唔想講野，去到直頭講野廿句都唔夠

P.S.:從今以後我唔要再心軟去對佢...我要硬朗D,從來只有我好著緊她,她好久都不會好著緊我...

心情指數:4.4

朝早同敏婷返工，我又遲到＝0＝搞到要請佢食飯。。。

下午我去完食飯，到3點莊生黎左，叫我地唔洗做啦........出左$200糧叫我同敏婷走....唉,根本唔係我地唔惦,而係隻輸入法根本唔會有人買,根本就一定係蝕本生意...唔怪得Sirena話份工要小心d,好多學員都去過做但好快無得開工,唔怪得啦......唉....

之後同敏婷走人,陪敏婷去左《吉野家》食野,之後去左〝西九龍中心〞樓頂的地方玩,再去旺角的樓下鋪玩射籃球

之後敏婷陪我去米粉,7:00pm敏婷就走人去接文健放工,之後我就留係旺角等個fd...點知佢放飛機...等到9點半...我走人....唉

P.S.:唉,今日感到極度唔開心,第一係因為份工本來做得好開心而且都覺得好好賺...但宜家7日試用期都未夠就炒我同敏婷

第二係因為再次感到無人理自己既感覺,極度失落...打比D FD又無人理我....好唔開心....仲有另種難以形容的感覺令我覺得好好好好好唔開心呀

看到別人的情侶這麼恩愛，自己不禁妒忌及想落淚……我唔會再去為她……因為她根本不著緊我。。。

心情指數:2

每日約左敏婷10點半係大埔墟火車站四號月台等,返到去做野,全日我同敏婷+一個輕度弱智人士睇檔,莊生比完$２２５我同敏婷就走人…

我同敏婷輪流食飯睇檔,ｌｕｎｃｈ我去左《金太朗》食野，正。。。

３點幾文健黎左同敏婷食飯，４點返黎，文健之後行街到８點半再黎接敏婷走

我地同隔離鋪的人都互相認識了少少。。。都傾左兩句。。

放工返到〝太和商場〞，見到興,就走埋去ｈｉ佢,點知佢竟然叫我走開,仲話唔識我,原來佢身邊有條女係度,

條女仲要係我都識的...但佢地夾埋扮唔識我...興仲好串咁叫我走,(為左女就連十幾年兄弟都咁樣對),今日開始睇清你份人了！

心情指數:７

朝早敏婷約左我係樓下巴士站等，但我遲到，咁岩敏婷打比我時她就在《M記》，我也是…便叫左佢上我舊屋等我，我沖涼再一齊坐火車轉地鐵出深水埗的〝黃金電話中心〞返工

我帶敏婷去見工，莊生請左佢了…我同敏婷及莊生一起吃飯，吃完坐的士去公司上堂

請左既,黎見工而又一齊上堂的唔止敏婷同我，仲有兩位∼一位叫小英，另一位叫阿惠…但佢地兩個就等通知返工＠＠

我同敏婷已經可以返得工而且人工高過佢地，好開心上完堂6點幾就落場做野,我同敏婷一team一齊Sale客,竟然我第一次做Sales就已經識做，而且解答倒晒d客既問題…做到兩張單,莊生話我地一個鐘就賣倒3樣野咁害利

7點3放工,同敏婷坐地鐵轉火車返屋企,敏婷係沙田站落搵文健

P.S.:琴晚因一D事搞到隻右腿。。。。。。。。。。痛死我...好痛呀><

心情指數：7.8

今朝就出到去深水埗搵阿欣,之後佢陪左我去大埔墟既《大家樂》食野,食完去左我屋企參觀同傾計...

下午無幾耐就送佢去火車站...我就出彩虹站搵個fd....

夜晚同個fd出左〝大元〞食晚飯...之後送佢去一齊坐火車，我係大埔墟站落，因為敏婷話悶約左我出黎，我就叫埋華一起去了大埔墟的《許留山》食糖水…食完糖水同華送敏婷返屋企。。。

凌晨個fd狂打黎。。。仲黎到我屋企落樓，變態架。。。搞到我一定要陪佢通頂，我無訓過…連續郁左22個半小時，夜晚訓得兩個小時。。聽日就要起身返工了＝。＝

心情指數:7

下午同華,堂去左【敬拜會】大食會,有部份新朋友未見過的...唱歌同聽野之後食野,先玩遊戲...

都好悶下-.-'...之後返屋企lu~~返到屋企累死我啦,立即訓左落張床到...

心情指數:6

嘩嘩嘩！訓到11點3先起身，立即趕快刷牙就趕出去深水埗見工，剛好12點去到地鐵站找莊生，他帶我去測試打字，竟然自己一分鐘打61隻字…第二次打字一分鐘81隻字

之後莊生找我去《茶餐廳》搵埋善姐一齊傾，莊生請我食飯…仲請我坐車到長沙灣的公司，佢係果度介紹「快樂輸入法」比我，到4點先走人…星期一返工,佢送左隻碟比我。

返到屋企沖涼就去接怡怡比相佢…之後我就去左《大家樂》食飯，再去《職工盟》填去CAMP的表，見到阿華同阿堂同Sirena，之後去左《太和體育館》分相比華同健威，健威來體育館搵我拎相，之後返屋企LU∼∼

心情指數：6.5

華話今日和聽日有招聘日叫我去,便陪華去左鑽石山招聘日,今日好鬼死凍呀,成30度

去到鑽石山,華陪左我去《M記》食野,之後再去招聘會,見左幾份工.....之後返太和,阿堂同佢阿哥約我同華去打波...

去到新和樓見到阿然同阿盛,仲有個人,打緊波...之後同佢埋佢地一齊玩

心情指數:6

今日下午..有人玩我電話,後尾有人打電話來話我知有人玩我電話...原來果個人係我fd...

報串話我知玩電話果個人我唔識既...但係打電話報串之餘仲問我拿msn...仲打左幾次電話來同我傾計...

嘩嘩嘩,估唔到宜家d細路女咁昌狂...咁主動,仲要咁大瞻....服左佢囉.......想溝仔都唔洗咁架...因為通常呢d女都係玩完d感情就飛的...所以我都係唔理佢仲好=0='o晒咀

唉呀,今日全日係屋企好悶....好頭痛,痛到我.............................唉

心情指數:4.5

下午4點去到銅鑼灣,詩瑩要我等佢= ="之後上佢間公司,話咩一齊做生意...講就講得好聽...收皮啦,搵笨既

上到去聽左勁多廢話,全部都係講個空氣淨化濟點好點好,但最終先至講要$5360加盟公司及做生意,搵倒一個fd加盟,個fd就要比$5360,自己就賺fd既錢$1000蚊

咁搵唔倒fd點呀??根本就係搵笨的...搵fd既錢,我先唔會咁賤格囉,叫我出黎原來係搵笨....

仲要想唔比我走,不斷叫唔同既人想說服我,詩瑩狂拉住我,低能...搞到我8點先走到........

心情指數:5

今日全日在家,無人約自己...再次感到失落,胡思亂想及好煩惱><

人就係咁,日日一個人係屋企就會好多野諗,就會失落....唉.....我唔想咁,我要日日都有節目...

但好難做得到,唯工作就可以每天有事做了！專心上班便不會多事情想！希望可以盡早找到工做！

一直隱瞞一件事到直現在,好辛苦...

心情指數:5

2:45pm到荔景站搵阿欣..同佢去左荃灣行街...勁無聊....

7:30去到〝大埔廣場〞《龍貓屋》,約左華,威,敏婷,Emma唱k~~

不斷好似發癲咁狂嗌歌...敏婷11點走左,我同威,華,Emma唱到凌晨1點先走...

心情指數:3

9:00am臨出門口先落大雨,帶齊證書和工作證明文件就出癸芳〝偉倫中心2期〞8/f見工...

見左成粒鐘,又係琴日果個人@O@,見完返太和《大家樂》食飯,再返舊屋,勁無聊訓左成粒鐘,之後約左蔡細出旺角行街

又去左射籃球同打拳,之後蔡細陪我食野,再行〝朗豪坊〞,之後返屋企lu~~~

今日做「香港先生」,估唔到比果個人win香港先生= ="

心情指數:5

比Sirena叫左我,華,堂,矮瓜同一班唔識既人去左〝太和鄰里社區中心〞幫手,10:45去到〝鄰里社區中心〞幫手set場同擺位,識左Matilda同kinki

Lunch,Sirena叫我地分批食,叫左阿華同阿堂第一批出左去食,第二批係我,矮瓜,Matilda,一個唔知咩名一齊出去食,敏婷約左我,約左係〝寶湖〞等,佢陪我地食飯,食完敏婷都一齊去左〝太和鄰里社區中心〞...到5點幾敏婷走了,我同阿堂,華係翠和打波...

心情指數:6.1

朝早記錯日子,以為今日係去《鄰里社區中心》幫手,去到無人~打比阿堂先知聽日才是= =真傻仔...

之後返左舊屋,食午飯再返新屋...然後出左旺角搵婷兒陪佢去3G工司整手機,整完佢陪我去食野,之後佢帶左我去〝X華中心〞隔離果間樓下鋪玩,入面勁正,玩射籃球機...唔同冒險樂園果D...超好玩= =但$4一局-0-'玩完陪佢去〝電腦中心〞,佢再陪我去左〝CHIC之堡〞買衫,買左件衫佢就需要走了,

我再自己一個人睇衫,再買多一條褲同兩件衫...同個Sales好好傾-0-幾好的feel...之後返屋企lu~~

P.S.:7月9日(星期日)約左班fd唱k~~好期待,7月11日(星期二),同班同學"詩瑩"突然間約我去銅鑼灣-.-唔知搞咩...都唔知去定唔去好...

心情指數:6.8

下午阿堂上左黎我屋企,之後去左新和打波,打到6點幾佢地話唔打,我就自己一個人去左福和樓個籃球場打波

識倒個叫"琪"的女仔,一齊射波...呢個簡直係女強人-v-不過都幾好傾...

心情指數:7.1

好無聊呀~~下午又係去左打波...日日如事....點算好呀??個心又煩喎~~唔多想搵工...本來有份工等住我去做,點知宜家又話唔請...

唉...去到打波,得d o靚仔係度,同阿堂阿哥打波好無引...勁無聊...

夜晚個頭痛到我....痛到連後腦都覺得痛.................

心情指數:4.1

下午呀然同呀華黎左我家打機...阿堂後尾都黎埋,佢留低個波比我同華去翠和樓打波...但去左見個場無人,華走左= =
我係樓下一個人打波等呀堂黎...原來一個人果種失落感係好大........,不斷炸板發洩,阿堂黎左之後,打到6點幾華再落黎...但不斷換場打波,d雨都根住我地.....唔通連個天都玩我??

心情指數:4