| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 3 月 25 日 星期六  |
睇戲-『極地雪犬』  |
分類: 平凡日 |
今日陪阿華去左銀行,諗住開互口,之後都係無開到
突然敏婷打電話來...約我去睇戲,就係咁我地3個2點鐘出左去《旺角》睇戲
買完票點知撞倒明慧  ,佢陪緊佢個fd阿坤,之後為有一齊睇戲啦 
到2點9睇戲,睇到d犬太好啦...好感動,敏婷睇到喊,其實果陣我都有d眼水標出來=.='
睇完敏婷走左lu~~我地去左食野,食完去左<新之城>打機...打完返屋企la!!
心情指數:6.5
|
| 2006 年 3 月 24 日 星期五 |
又忙又煩囉!!!!!!!!!!!!  |
分類: 煩惱困擾 |
今日返到學校,好煩囉!!勁多野等住我做...
做做下野又比蔡主任叫叫左我去樓下搬野!!!再上返去做野...
Lunch個檸檬又唔早d講,搞到我無得出去食,已經miss左d外賣飯餐
根住我咪等怡怡食飯再陪我出去<大排檔>食囉,唉...
今日又落大雨,出到去好唔知點咁...差唔多食緊果陣見到阿火= ="比佢見到添
返到學校做野,做做下阿火叫左我同檸檬落去整board,上返去問朱主任果陣,崔副校長鬧我..oh no=.='
又返去整相啦...整到我6點20分先搞惦,忙到我死囉...再同怡怡一齊返屋企...去左<百佳>買野食
心情指數:5.9 |
| 2006 年 3 月 23 日 星期四 |
呢幾日天氣好潮濕,令人想訓覺~~  |
分類: 平凡日 |
返到學校就有野做=0='...
今天因為下雨關係,我係學校叫左外賣,Lunch係學校食...放工係學校等埋怡怡,就一齊返屋企...
心情指數:6.7 |
2006 年 3 月 22 日 星期三  |
| 訓覺=.=" |
分類: 平凡日 |
朝早返到學校,一樣野做都無=.='得朱主任比我既工作,但係要問佢先至做到
全日狂係度上網...好悶...仲有訓覺添=.=唉...
下午4點幾果陣檸檬帶我去巡board,第一次...
放工等埋怡怡一齊走...返到舊屋食完飯再過新屋訓...
心情指數:6.4 |
| 2006 年 3 月 21 日 星期二 |
| 勁眼訓... |
分類: 平凡日 |
好眼訓呀,今朝返到去,梁主任叫我以後個崗位在MMLC到做,返到去就好想訓覺,
好想快d收工...到4點半開始又肚餓啦 
放工趕左去<髮絲舍>剪頭髮...剪完返舊屋食飯再返新屋訓
心情指數:6 |
2006 年 3 月 20 日 星期一  |
肥龍生日…  |
分類: 唔開心的 |
|
今日朝早行返學校,好累…
一路做野…做到Lunch,係教員室食完飯就去左電腦室搵檸檬陪佢去左大排檔食飯,食完再返去做野,好累呀…
6點幾係學校等怡怡整埋d野一齊放工
返到舊屋,放低野就出去樓下巴士站搵肥龍同冼德健,佢地叫我叫埋華去,
咁我咪叫埋華出囉,出到去左去左<I-game打>機,華黎左之後再一齊玩賽車,我win第一-.-+
之後再去左〝大元〞食壽司拉麵,再去左<許留山>食糖水,因為肥龍生日,當日食糖水65折
食完行左陣〝大埔中心〞,我就提出自己走先,華話同我一齊走...但後尾我係都要自己一個人走
之後華要根黎,但最終我都叫佢走,我自己一個人行下,果時已經9點幾,敏婷打電話來關心我=0=
之後我就一路行一路傾,唉...
12點幾敏婷再打黎同我傾電話傾到凌晨2點7左右先訓...
P.S.:估唔到係我最無助既時候,敏婷咁關心我...敏婷既情況同我一樣,唉...
心情指數:4.9 |
| 2006 年 3 月 19 日 星期日 |
| 係屋企呆呆的與FD打機 |
分類: 平凡日 |
今日係屋企,叫左華同威來陪我打機...華走左之後威先來到,打到6點佢走人
我就9點幾再返去食飯~~
P.S.:(醒覺)原來想關係好,就一定要自己都做番點事,而唔係無動於終!!
始終想Keep住d FD或者愛情既關係,點都要自己主動D搵人,同約人的...唔係保持唔住架啦
我發覺自己一路咁成熟緊...咩都好,現在識諗左好多野!!!
心情指數:5 |
| 2006 年 3 月 18 日 星期六 |
咁大個仔第一次...  |
分類: 失落的 |
今朝起身...就........
唔知點解,第一件事就諗起華,叫左華來我新屋陪我...打機打機打機!!
下午去左BBQ~~無人陪一直都...唉!!
今日BBQ去既人有,阿華/阿堂/隱形富豪,火燒/敏婷/文健/黃浩東,
阿成/子欣/阿成個阿健,香SIR...
今日無乜點食過野,就坐巴士走lu~~75k,返左新屋...
今日bbq香sir,ivy,黃浩東都早走,文健就遲來...
心情指數:2.9 |
| 2006 年 3 月 17 日 星期五 |
超激動~(冷靜期)  |
分類: 激動的 |
晚上因為等唔倒怡怡電話,我就打比佢...點知佢咁夜同埋d唔知咩人去機鋪玩,咁我咪好緊張...而且佢唔肯講佢係邊...佢仲好唔奈煩咁cut我線 
我咪再打多次比佢,點知佢唔多理我,我好激動咁  ,落去街係電話叫怡怡去完街搵我傾下
佢唔想...但我點都要,之後就繼續咁樣.....到最後佢都應承左,我行住先,到夜晚12點我去左《商務》搵怡怡
點知劉雅欣都係度!!同阿欣傾左兩句,我叫佢走先,我再同怡怡去左<翠和樓下涼亭>傾計
再送佢返屋企,但我果陣全程鬧佢...唉.....搞到變左佢同我講話要冷靜期 
不過我原本叫佢出黎就係諗住要同佢講我想冷靜期分開下先...因為唔想繼續咁多問題  ,一定要傾下
心情指數:0.9 |
第五日返工  |
分類: 唔開心的 |
因為校長琴日叫怡怡改左返工時間,變左9:00am~6:00pm,搞到唔可以一齊返工了,但放工都仲可以,因為我等埋佢
今朝都幾多野做下,不斷有人叫我做野,做靜琴日吸印d野,
下午同左阿火,檸檬去食Lunch~~食完返學校打野,比左我手頭上d簿怡怡吸印,嘻!!
放工原本同怡怡一齊返屋企架,點知劉雅欣又約左佢,我自己返屋企la/.\
我去左〝大埔中心〞買d野,之後先返新屋,再返舊屋食飯...
我係屋企一直等怡怡電話.....我真唔理志
心情指數:3 |
| 2006 年 3 月 16 日 星期四 |
| 第四日返工 |
分類: 平凡日 |
約左怡怡一齊坐71k巴士返工,坐到《富善總站》落車,入到學校就要打野同貼野
到10點幾上左電腦室scanner,係度同阿火佢地吹水...12點上左去食飯,食完飯去左玩電腦...
放工同怡怡去左裕記買野食,聽日帶返去食>v<"
心情指數:6.4 |
| 2006 年 3 月 15 日 星期三 |
| 第三日返工 |
分類: 唔開心的 |
今日同怡怡返到去學校,我係度打野,同埋計分填落個表到...
今日...唉...
Lunch自己去左<大家樂>食,食完返去學校...我係圖書館做野我手頭上既野,就上左去電腦室玩電腦,見到怡怡...
我幫Sophia同怡怡剪膠紙,到5點8同怡怡走人,去左惠康買野食,再返新屋...
心情指數:4.9 |
| 2006 年 3 月 14 日 星期二 |
| 第二天上班-三水學校(白色情人節) |
分類: 平凡日 |
今日原本諗住一個人返工但怡怡打電話來後來一齊返學校...
今日帶左飯所以返到學校就上3樓教員室放飯盒入雪櫃等Lunch食
12點上去食飯,好無聊囉...唉..........今朝狂係度貼野...=0='
貼完同怡怡去大元食壽司拉麵...之後上左我家...到11點送佢返屋企
心情指數:5.9 |
| 2006 年 3 月 13 日 星期一 |
| 第一天上班-三水學校(教師助理) |
分類: 平凡日 |
同怡怡一返到<三水小學>,梁主任就介紹我學校既架構,之後帶左我上三樓搵阿火
叫阿火帶我做野同比野我做,但做完份野之後已經做無可做,唯有係樓下圖書館等梁主任返來吧
到12點我上左去3樓教員室等怡怡食飯再陪我出去<大家樂>食,食完返返學校,朱主任吩咐我打野
打到5點先走人,我係商場等怡怡收工一齊返屋企...
心情指數:5.9 |
| 2006 年 3 月 12 日 星期日 |
| 發呆囉,有咩做姐!?!?!?!?!? |
分類: 失落的 |
唉,今日全日無人理>"<,係新屋發呆...超無撩!!唉....!!!!!!!!
心情指數:3.4 |
| 2006 年 3 月 11 日 星期六 |
『輪迴』  |
分類: 平凡日 |
今日朝早同怡怡出左《沙田》,睇戲-『輪迴』!!全程都有d驚...大家拖實大家!!hehe
睇完戲就返《太和》!!去左我新屋,到7點幾我送返佢返屋企,我就返舊屋食飯
唉,屋企家嘈屋閉,好q煩呀日日!!嘈嫩巴閉- -"唔想留係屋企,成日聽住d鬧交聲,煩到死
好想快d同老婆搬出去自己住,唔洗聽倒d嘈音...十幾年來無一日安靜= ="唉!!
心情指數:7 |
| 2006 年 3 月 10 日 星期五 |
| 想搵人陪下我... |
分類: 平凡日 |
在家打機解悶囉,唉...
心情指數:7 |
| 2006 年 3 月 9 日 星期四 |
| 換衫~~ |
分類: 平凡日 |
下午5點去左《大埔中心》換衫,換完自己去左食野,之後返家lu~~今日買左兩隻ps2 game玩呀~~
心情指數:6.9
|
| 2006 年 3 月 8 日 星期三 |
| 見三水學文員成功!! |
分類: 驚喜的 |
下午去左《富善村》〝三水小學〞見工,見左梁主任,起初以為佢係男...點知係女...
同我講野,我不斷點頭-.-之後叫我打字,幾快...後尾去左1樓叫我見校長,點知開緊會唔洗見
後來一個人行去《大埔中心》,買衫..點知撞倒浩文,根住就一齊行啦..我買左4件衫一條牛仔褲
之後兩個人去左食米粉,再行返新屋...到7點幾返舊屋,因為d煙花都放左好耐la
同蔡細同偉華玩煙花= ="玩完就走lu~~~8點幾食飯..
到12點試新衫,點知發覺d衫有問題,聽日要拎返去換添=.='
心情指數:7.5 |
| 2006 年 3 月 7 日 星期二 |
| 買左西裝衫 |
分類: 平凡日 |
下午去左《富善村》〝三水小學〞既公園等怡怡接佢放學...
然後一齊去左《大埔中心》,怡怡交電話費,我就去左買衫...買完返屋企lu
心情指數:6.7 |
« | 16 | 17 | 18 | 19 | 20 | 21 | 22 | 23 | 24 | 25 | »
|
