| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2005 年 12 月 16 日 星期五  |
| 放假陪怡怡^_^ |
分類: 開心的 |
朝早陪怡怡去左《王少青》睇e生,拿完票就陪左我去《吉野家》食<迷你煎雞飯>,後來再返《王少青》,睇完e生就去左〝吉之島〞買壽司,炒河粉,意粉返我新屋食
食完同怡怡影相,之後幫佢剪頭髮,其實都ok架剪得,唔算係唔好睇架,之後幫佢洗頭，佢好凍呀∼∼佢吹完頭後..就再影相
之後佢仲幫我屋企做家務-v-'好有我既家庭既『老婆』feel'呀!!到7點正就落去送怡怡返屋企..佢沖涼再落黎,我就一個人去左《大家樂》等興,華,媽子
華到後我去左劉開玲門口等媽子,興都來了..之後再到《大家樂》等怡怡
打邊爐,之後送媽子返屋企,佢全程傾電話= ="有點無奈!之後我再送怡怡返屋企..
心情指數:7.8
|
| 2005 年 12 月 15 日 星期四 |
| 【平凡日】 |
分類: 平凡日 |
下午同怡怡,華華,Carman魚去左《粉麵餐廳》食,放學後陪Carman買野食,之後再同怡怡兩個人去左商務睇野...後來送怡怡返屋企
夜晚返到舊屋,阿哥突然話我地知佢差銀行卡數總數係12萬!!唉...後來好在阿爸仲有十幾萬在手,聽日傳錢比阿哥去交卡數..
心情指數:7.5 |
| 2005 年 12 月 14 日 星期三 |
| 【有炸彈= ="】 |
分類: 平凡日 |
朝早等carman同怡怡,返到去上堂後,中途我地4個去左《m記》買野食,點知下面有炸彈,咁搞笑都有..買完野食之後返去上堂啦..
到下午我地去左《茶餐廳》食..d拉麵唔係咁好食-.-"返到去上堂又係好悶......
放學後我同華同怡怡去左《大家樂》食野,我同怡怡叫左芝士火鍋,點知唔好食既= ="華叫左肥牛火鍋,大家食完後就返《職工盟》..補課...補完課就同華送怡怡返屋企lu~~
心情指數:6.7 |
| 2005 年 12 月 13 日 星期二 |
carman生日  |
分類: 唔開心的 |
今日返到去上酒店堂,全程無心情講野好悶..唉..下午去《扒王之王》食
到放學後因想等carman食飯,怡怡上我家等到9點5出門口到神召會學校門口等佢,點知d人走晒,carmaN返左屋企,再去大家樂等carman,叫左佢落一落黎,佢食左我地少少野後就走左了,我地食完後,我送怡怡返屋企..
今日同怡怡嘈...怡怡後來因聽倒D音樂刺激倒立即喊><
心情指數:5 |
| 2005 年 12 月 12 日 星期一 |
| 【第一日返酒店課程】 |
分類: 失望的 |
朝早等埋怡怡就同carman,華4個出上水..行去〝彩園村〞,入到勵行會..見到好多女仔同男仔
仲見到莫撓雯..該梅lo~~之後過另一間室上堂..下午去左《大快活》食野..食唔飽= ="
再返去上堂..放綮後去左《華潤》買野像之後坐返火車到太和..送怡怡返屋企後我過舊屋等食飯再返新屋
心情指數:6.9 (怡怡無帶我織比佢條頸巾) |
| 2005 年 12 月 11 日 星期日 |
| 返敬拜會 |
分類: 平凡日 |
下午返上水「敬拜會」,之後一齊去左《悅來客棧》食飯..再返「敬拜會」,
返到去華先發現自己留左張證書係《悅來客棧》便再同華返去拎,再跑返去坐小巴去「恩慈會」,果度全部d人都係食毒品的,係果度聽永正講野之後同佢地祈禱,之後去左玩狗狗仲有見到水牛同d種野
之後坐返小巴到上水再坐火車返太和..同華去左街市買飯盒返新屋,華就返舊屋再約威佢地去新和樓下打波
好耐無見佢地了..我食完再落左去新和籃球場打波.....
心情指數:5.2
|
| 2005 年 12 月 10 日 星期六 |
| 【打羽毛球】 |
分類: 開心的 |
11點起床,沖完涼食左個麥皮再同華落左去打波..中途陪左華去整眼鏡
之後再返去打波..點知比班女霸左個場＠ｏ＠之後為有同佢地根隊一齊打波,同佢地打波好濫介唔知點咁－．－佢地又要超怕羞果隻－．－
到2點2就去左《大家樂》食野,之後怡怡來後就去左大堂同阿當佢地會合再去<太和體育館>打羽毛球
打完之後同華,怡怡去左《7-11》買野飲,之後撞倒媽子問我借電話..之後怡怡去左波鞋店睇,見到有對波鞋好靚發覺自己果對就....
後來華先走,去左搵阿堂打波,我就再叫怡怡去返間波鞋店,諗住買果對鞋比怡怡,點知無41號碼唔岩著..唉!!
之後無野做之下..就叫左怡怡上我家啦....到7點幾就送佢返屋企lu~~又係到新和樓下見到華佢地係度打波
我就同佢地打..之後返屋企食飯再返過來新屋....
心情指數:7.2 |
| 2005 年 12 月 9 日 星期五 |
| 【文員最後一堂】 |
分類: 開心的 |
今日同怡怡返去職工盟,天氣回暖..........今日怡怡無帶頸巾,但太熱了..
返到去上簿記堂,之後全班影相...
下午去左<豆漿大王>食黑椒雙脾飯..返到去上sirena堂..
最後比左200蚊我地一齊落左去華潤買零食上去食..同埋派單元四證書,fish拿左嘉許證書..
臨最後一堂都要串嘴既佢= ="唉..成日搞屎棍..
放學後怡怡上左我家..之後送條頸巾比佢,怡怡收到好開心...嘿....
之後我哥突然返來-.-又嚇屎怡怡了...後來送佢返屋企落到樓下見到華佢地係度打波..之後我都打埋一份
心情指數:8 |
| 2005 年 12 月 8 日 星期四 |
| 今日返學,上電腦堂.. (頭痛及煩惱) |
分類: 頭痛的 |
下午去左怡怡既大家姐間《茶餐廳》食,媽子都黎左..後來媽子仲上埋《職工盟》同我地一齊上左陣堂
到2點10就走了~返入課室後,阿sir教返我Access少少野..臨尾仲叫我地打字,中文我打得最快,但英文就.....
今日交齊功課了..怡怡未做齊..放學後上左我家做埋份PowerPoint之後送佢返家
P.S.:怡怡一直以為我有野瞞住,其實無的..只係一直每天都織頸巾..織到手指都累死,而且成日織到好頭痛!!
今晚織到成凌晨3點幾先訓覺...由買頸巾後..一直不竭的每天織頸巾..
今天終於比我趕工完成到條頸巾......聽日送比佢要解釋返件事先!!!
但我條頸巾唔夠佢果條靚,雖然佢條頸巾甩毛唔係咁好,但我果條有d地方織到衰左..唉!!我真失敗!
心情指數:3 |
2005 年 12 月 7 日 星期三  |
| 織頸巾的頭痛日子 |
分類: 頭痛的 |
唉....今日無返學.....唔想返.......
下午5點幾打比華諗住叫佢同怡怡上我家教返我今日所學既野..點知我準備好晒..
落到樓下再打比怡怡竟然無人聽..打比華又話約左阿堂..
之後我無奈地回家返去繼續織頸巾..
P.S.:今日全日係屋企頭住痛咁織頸巾..織到凌晨1點先訓.......
心情指數:3.4 |
| 2005 年 12 月 6 日 星期二 |
去阿芬大家姐屋企打邊爐  |
分類: 唔開心的 |
阿芬過左黎接怡怡放學,阿華先走~~我,怡怡和阿芬去左<富善街>幫佢大家姐同佢大家姐既阿媽拎野,拎到佢屋企就走左...
落到留下陪左我去"7-11"交電話費,之後去左"商務"睇書,阿芬買左本雜誌
買完係《太和火車站》等三曼,化後我地4個去左《居和樓》公園傾計,傾左一陣各散東西lu
我同怡怡上家姐屋企先,阿芬隨後,去到見到佢大家姐既老公同埋佢大家姐既bb,仲有佢阿媽仲有佢細佬
佢地一早打完邊爐,我地幾個打邊爐一路睇《阿旺新傳》,到10點走人
臨走前嗌BB錫左我一啖....
心情指數:4 |
| 2005 年 12 月 5 日 星期一 |
| 【上堂】 |
分類: 平凡日 |
上午 上簿記堂..測驗得80分..
下午同細豆,華哥,怡怡去左<椰林閣>食野,再返職工盟,上電腦堂教Excel,落堂後我返左新屋..到7-8點返舊屋食飯=0=
P.S.:今日好凍呀,大家要著多件衫唔好凍親呀!!
心情指數:7 |
| 2005 年 12 月 4 日 星期日 |
| 【出Fanz】 |
分類: 唔開心的 |
下午去左《m記》買野食,等左幾個子先買倒,之後趕住去大埔運動場陪怡怡睇kenny
怡怡黎接我...之後去左運動場第三行坐...
第一出場既係Twins,佢地唱《一時無兩》,第二係Kenny,佢唱《靈犀》,
d Fans又嗌又唱歌,Kenny全程都望住我地,嘻~仲有其他歌星...
睇完之後走lu~怡怡上我家,後來我哥返左黎..嚇屎佢啦....之後送佢返屋企lu,我就返舊屋食飯.....
心情指數:3.9 |
| 2005 年 12 月 3 日 星期六 |
【酒店Probject<理財>】  |
分類: 唔開心的 |
下午阿堂,華,隱形富豪,賴建成,怡怡等緊我..到左之後等埋carman就坐火車出旺角了.
到左之後等埋火燒同梁子就過酒店lu....係酒店睇人講Probject,而我地組係最後先講,好緊張喔
到火燒講啦,估唔到佢用晒8分鐘去講,搞到我地做左咁多野最終都係無得講,唉
之後同華,怡怡和Carman4個人去《旺角新世紀》商場既【美食廣場】食野,等左好耐先有位,餓屎我地啦
食完野就去旺中行,怡怡買左一件衫,Carman買左一對耳環
之後落左機鋪打機..再去左<朗豪坊>行街,之後好累la..中途華華走左,靜返我地3個
之後去左《10蚊大大碗》食野,食完去左等巴士返屋企la~~唉...入到巴士無位坐,全程企!!!
返到太和..阿怡黎左我家..傾左陣計再送阿怡返屋企了
心情指數:4.4 |
| 2005 年 12 月 2 日 星期五 |
| 唉字形容~ |
分類: 平凡日 |
上午文員上簿記..,下午同細豆,華,怡怡,Enma去左《茶餐廳》食..
下午上走音人堂...............唉.......又係唉字形容
去左辨公室睇入面..教左我地點用部影印機....
放學後..怡怡返自己屋企再落黎籃球場..再上我家諗住錄音..
最後搞惦後..便同怡怡兩個去左《大家樂》食火鍋,之後送佢返屋企了
心情指數:7 |
| 2005 年 12 月 1 日 星期四 |
| 學倉頡 |
分類: 開心的 |
今日返《職工盟》,上午講方案同睇片.....同怡怡傾計-v-下午去左《珊瑚堡》同媽子食飯....下午學倉頡....
放學叫左怡怡上我家..之後送佢返屋企..之後見到華佢地打波
我就同佢地打la
三打三鬥左6場波..分左六次隊,有五場我果隊win,一場輸...
之後同興單挑..輸左比佢-.-之後興鬥白衫細路,白衫細路win興3比0=.=
之後我再鬥白衫細路,我win左..之後我再同興單挑多場-.-我今次win返興了...
心情指數:8.1 |
| 2005 年 11 月 30 日 星期三 |
| 唉.......... |
分類: 唔開心的 |
返到《職工盟》,上電腦堂,好肚餓..之後陪阿怡去買燒賣
下午去左怡怡大家姐間《茶餐廳》食野,見到細豆好主動咁對阿華..真係好,唉....返到《職工盟》,上職業英語....放學後返新屋...
心情指數:2.4 |
| 2005 年 11 月 29 日 星期二 |
| 怡怡上我家玩 |
分類: 平凡日 |
今日返到《職工盟》,下午同大家一齊食飯,幾好傾..幾搞笑..下午上堂...勁悶..想死.....!唉.....
放學叫左怡怡上我家...玩.....之後7點送佢返家..我返舊屋食飯再回新屋
心情指數:6.3 |
| 2005 年 11 月 28 日 星期一 |
| 史無前例的頭痛！ |
分類: 頭痛的 |
今日返完學就叫左怡怡上我舊屋..點知媽咪返左黎-.-佢好驚..哈....
今日係我史無前例的頭痛.....頭痛到爆!!!!!!!!!!!!!!!!痛到好似爆咁...但都要繼續織頸巾!!!!織比怡怡
個個見到我織頸巾都話我做咩要織..呢d野女仔織架麻....話我好奇怪....唉..
我想織比人丫麻..男仔織先夠心意啊....好希望會開心啦織完之後,之後返新屋
ps:今日睇<阿旺新傳>,有一道係講阿旺做手術..但都對人地好好..我睇到感動到喊=0=阿旺太傻了
我希望我都會以阿旺做榜樣!!!以心比心..不求回報的去感動人!!!
心情指數:5.6 |
| 2005 年 11 月 27 日 星期日 |
| 第一次使怡怡感到失望 |
分類: 唔開心的 |
下午去食飯時,撞倒家輝..之後一齊去左津津食飯,食完飯同佢去左富善街買冷球和冷針
之後上左我家..但我唔識起針= =教唔倒佢....之後,佢便回家了
我留係家織頸巾....到6點正打比怡怡...唉..佢同我講返我琴日同阿芬講錯了野..
頭痛....今日無食晚餐..
ps:因為我講野太直接使怡個朋友"阿芬"唔開心,阿芬喊,怡第一次對我感到失望,所以我極度唔開心,決意改變性格!
心情指數:1.2 |
« | 16 | 17 | 18 | 19 | 20 | 21 | 22 | 23 | 24 | 25 | »
|
