今日3點幾左右<扒王之王>打黎,話可以返去拎錢lu!!嘻......

我就立即返去〝偉華中心〞拎..拎左1240蚊...

後來去左<大快活>食野後返《太和》再去新屋lu~~

心情指數:6

今日原本睇戲,準備好諗住睇既時候...點知佢話唔想睇~~

改左黎我家.....到7點返家!!

心情指數:5

今日下午去左搵怡怡,送左本狗狗簿比怡怡,之後行左陣就出左《旺角》囉

心情指數:8.9

唉..都唔知係咪病左,一起身就全身無力,不斷狂肚餓,又頭痛,又有d腰痛..oh no=0=慘慘.....

同平日一樣返舊屋食飯再返新屋= ="

心情指數:7

呀...想快d到3月8見工呀!!想快d到3月13返工呀!!好驚唔得呀!!

今日達明佢地8:00pm黎我新屋開小組..我8點幾佢地都未黎我落左去,見到佢地係下面,返舊屋食飯!!

到10點幾再返新屋..佢地仲係度@@無幾耐走左lu~~唉.....條腰好痛.....又頭痛><

心情指數:6

今日下午2點先起身

到5點3打比怡怡無人聽,到阿哥返來幫我整部電腦,佢話部腦要d碟,我借左比怡怡...

便6點左右唔諗了,就坐71k到《富善村》諗住去佢學校附近接佢,點知...等到8點怡怡先打黎

原來佢已經返左屋企=0="""之後怡怡係電話教我行返去,去左怡怡家拎返d碟,
點知怡怡今日原來去左買兩件衛衣比我@@呵...之後返舊屋食飯,係舊屋樓下撞倒阿哥,比返d碟佢拎返新屋裝

我食完飯再返新屋,係<好好糖水店>買左碗水昌雲吞河食,返到去阿哥已經就快搞惦...無幾耐就玩得電腦lu!!

P.S.:今日好凍呀...凍到我不斷流少少鼻水出來,隻手冰冷的=0="

心情指數:6.6

下午玩玩下部電腦神左....應該係文send比我既file有毒= ="

之後搞左我成晚,到第二朝早先搞惦再訓過...

心情指數:6.8

今朝我訓緊覺,三家姐係度走埋黎同我傾計..傾傾下喊呀><

佢問左我好多佢情人d野,佢情人竟然係咁樣的...我都唔想佢同我三家姐一齊,因為一定會好辛苦同會後悔的

之後我諗住出《沙田》買書,怡怡話聽日仲會開,同埋叫我幫佢買書書-m-

之後見三家姐唔開心咪叫埋佢去囉,我同華同三家姐去左樓下m記食個餐之後再出《沙田》

去到<瀝源路體育館>,點知問個阿姐話琴日已經收左..3個人白行一盪,後尾去左《沙田》<citysuper>睇野,我買左3本簿仔同一枝牙刷

再去左旺角,到左之後係個商場賣火柴人的專門檔位,三家姐買左兩本書
去左<新之城>打機,一打就打到4點幾,買左包冷麵食,我就話返去la,諗住落大雨去接怡怡,驚怡怡無帶傘@@

返到《太和》急急忙的返屋企放低野拎傘然後落去,打比怡怡,好在打得比我快,唔係坐左車了!!
原來怡怡有帶傘@@便到了裕記接怡怡,後尾見到興,便叫了興在<新和藍球場>等,send歌比怡怡..

send完同怡怡去左<太和商場>睇碟然後送怡怡返家,到9點幾返舊屋食飯!

P.S.:三家姐唔洗為左佢諗咁多野架...諗咁多野..想太多只會令自己唔開心!!

今日返到新屋上RO,發覺自己acc同炎炎acc比人爆左!!!玩左兩年第一次比人爆acc!!我諗係應該中左木馬,上過炎炎acc都被爆埋!!
acc無晒裝,但唔知點解唔覺得心痛,只覺唔份氣~因為就算我d裝唔要都可以賣比人個acc,賺真錢500蚊都好呀!!
現在搞到無左200蚊添(炎acc未計)...不過算喇,有怡怡,RO已經唔重要啦..哈哈!>3<

心情指數:7.4

起身就無野做係度打機=.=""""

夜晚返舊屋食飯...夜晚同三家姐傾計傾到凌晨1點先訓覺,三家姐的情人原來......是這樣
應承過佢唔講得架><....唉!!!真慘...愛情的魔力真大啊!!

心情指數:7

今日係舊屋沖完涼就過新屋,等怡怡來陪我,一直到7點左右去左去左<昌運>果邊食野

食完返屋企lu~~怡怡今日送左張咭比我,我送左盒糖比怡怡,嘻!!

P.S.:其實你真人係我"身邊",已經開心!!
唔好成日為左你細佬D野而唔開心LA~~真係傻豬豬黎架!!開心D啦^^

心情指數:8

唉...又在家無街去><!!

心情指數:5

係新屋打機=0="到4點9先出門口去辭職=0="去到阿偉比我簽完紙拎埋衫走得..見到阿文=0=

之後自己一個行左去<無印良品>幫怡怡細佬買筆,自己都有埋,根住坐返火車返到《太和》再去左〝大埔中心〞

唉...買完我既野就返舊屋食飯再返新屋...

心情指數:4.9

今日1點先起身,之後2點幾落街買飯盒上華家食,打左陣機之後一齊去左〝大埔中心〞

再返新屋,華拎完碟打左陣機就走la~~怡怡打黎,話著左裙黎我新屋比我睇呀,hehe~~

到7點幾送怡怡返家,我返舊屋食飯沖涼返新屋訓..係臨走前,慧慧打來叫我聽日同後日都唔洗返工lu

仲好=0=算..聽日唔返咪唔返=0='不過聽日要返去簽辭職紙同埋拎返d野走

心情指數:6

琴日訓唔著…
今日起身...有d唔想返工添...原因??唔想講lu

返到去做,好唔開心,唉!!隻手好痛呀!!

今日我同慧慧講左我唔做啦,做埋2月25,26就辭職!佢話3月頭有得拎錢!
到放工,我一個人去左機鋪打左15蚊機,之後怡怡打黎我就走la~坐火車打返比佢...

再返新屋...到夜晚,唔想返舊屋食飯!!

心情指數:2.5

今日返工,阿偉唔係度...唔洗比人鬧！

但比人點我做野…臨收工前史生來了,佢係高級職位既人來的...

後尾同阿文一齊坐火車返《太和》,我返到《太和》想見下怡怡便叫了她係〝富善街〞泊車位等..

陪完怡怡換襪就返新屋了!!!今日無返舊屋食飯...唔想返.....

心情指數:3.9

今日返工有3個未見過的,他們分別叫做阿維,阿文,阿根
佢地全是18歲,大我一年,落班有人陪...同阿文,阿維去左機鋪打左陣機,之後去美食廣場食飯

到7點再返工,11點收工,同阿文,阿維一齊返去,阿維係〝新城市廣場〞先走!!我同阿文坐火車返屋企
累死人!!不過聽日得阿文同阿根上班,得阿文陪倒我...阿維要下個星期再下個星期六/日先見到面,佢返7pm-11pm

P.S.:今日天氣開始凍,『想』同怡怡講:天氣凍啦~~著多件衫啦,再唔係帶埋我織比你條頸巾丫麻!!超溫暖架!!

心情指數:7

係舊屋搞惦晒野去左紅橋等怡怡,去左我家玩

之後許左個右手中指諾言,
就係怡怡做錯野我都唔可以輕易鬧怡怡,仲有就係我地唔開心要找對方,
之後我係怡怡身邊就一定會哄怡怡到怡怡開心為止到8點幾佢先返屋企

心情指數:6.5

今日返工,又炒場,之後佢地又係咁鬧我,咁多單一次過黎點做得晒呀??要個新人一個人做...

之後又係咁鬧,後尾我愈做愈熟手...我唔可以比佢地話,要努力d先得!!!

放工後買左碗粥返新屋食,然後到8點返舊屋食飯!!

P.S.:又頭痛同屙血啦>o<"點解我成日頭痛,好慘呀!!

心情指數:6.9

返工激氣死我,次次一lunch炒場,就發晒癲,脾氣差到死,少少野都鬧餐死

做岩但慢少少又鬧,做錯少少又鬧,玩野咩??我遲早唔做架啦!!哼= ="

放學怡怡去左我家,心情先好返d!!之後送佢返家我返舊屋食飯訓覺
又頭痛啦><"

心情指數:6.7

今日返工,個女同事狂命令我做野...我頂佢個肺= ="仲要係鬧人果種命令...!!!

返工唔開心...d同事都唔好人既!!!唉....

5點收工即走人,去左one2tree噤電話帳單,之後坐火車返《太和》!!

返到《太和》去左買粥食,好餓/.\返新屋玩電腦及休息...唉!!

心情指數:5.7