| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 9 月 17 日 星期日  |
| 洗禮的重大日子 (開心) |
分類: 特別事 |
今朝同健威去左《津津》食早餐,然後坐車到上水,等華...去到上水《7-11》見到雪羊,之後華帶我地去巴士站坐旅遊車出發去‘黃金海岸’
借左部PSP比Ka敏玩『樂克樂克』,落車還返比我,係車上時識左3位小朋友,分別是美人魚,箭豬頭,鐵頭攻！
去到沙灘先唱詩歌及聽人講野,之後逐個逐個洗禮...我是最後一個,到我時很緊張,浸禮的時候叫了Alice幫我用手機攝錄低...浸完禮後便沖身換衫,Lunch整團教會人一起吃飯盒,吃完去沙灘同敏琪,健威一隊VS箭豬頭,美人魚,阿熙,鐵頭攻,仲有另一位小朋友打排球同玩【閃避球】...玩完返帳篷玩遊戲
首先玩【踢拖鞋】,之後玩【踏汽球】,我玩左三局...有成廿人玩！！第一局主持人數到第三聲,我已經比人奸矛踏爆左-,-第二局我醒目左唔比人奸矛,最終勝第一名,有小禮物...第三局全部大人組玩,我玩到最後四強-,-我無氣再鬥比永勝踏爆左,最後永勝win第一
最後玩【扯大纜】玩左好多局,我果隊勝出...之後同健威去買野飲,無幾耐就坐旅遊巴返〝上水廣場〞,係車上借部PSP比美人魚及瑩瑩玩,我教佢地玩...
落車後同健威係〝上水廣場〞等華,再一起坐火車返太和,約左堂打籃球...我,健威,華,堂4個打,無幾耐肥明來左打幾個子就走了,我地4個打到8點7才回家！累！因為今天開心,所以已在狀態特別順勢
P.S.:洗禮後的我,從今開始要重新做人！漸漸改變人生！
心情指數:8.8
|
| 2006 年 9 月 16 日 星期六 |
失落  |
分類: 失落的 |
唉,係屋企打機,無野做啦！心靈與身體都很累！
心情指數:4.9 |
2006 年 9 月 15 日 星期五  |
| 上堂~~ |
分類: 失落的 |
9點返到《培正教育中心》,d座位唔同了...我坐了最後果行,同阿軒坐,我既左邊係兩個女仔
識左Anthony,幾好傾的,同埋connie~~lunch同Anthony,華玲,軒,muimui,阿瑞去左高級茶餐廳食野,食完去左機鋪打機...
返到學校後識左阿井,chris,放學我去左搵Tobe...佢同我講左d野,令我全日立即Down晒...原本全日心情好好的！明明我一d都無咁諗或專登咁做過...只係果個人太敏感誤會左,我先唔會咁cheap...唉,好唔開心...估唔到宜家咁開放既世界...仲會有呢d事發生
之後同阿軒,MuiMui,阿瑞去行旺角,最後我買左件衫...好特別的,是自己選圖案立即做上去的...行完自己返屋企了
失落...
心情指數:3.9 |
2006 年 9 月 14 日 星期四  |
唔夠訓=='  |
分類: 平凡日 |
起身唔夠訓...今日所做既野同琴日一樣,臨放工時,個書記問大k同我係唔係情侶,我立即O曬咀.....頂.....
立即話唔係啦,根住佢地係度笑-0-'仲問我咁我有冇女朋決,我答"唔話你知"~~呵呵...坐火車返去時,撞倒中學同學沛沛同"黃脆儀"...同沛沛講左兩句各行各回家了...
心情指數:5.6 |
| 2006 年 9 月 13 日 星期三 |
| 上班... |
分類: 平凡日 |
天文台在上午10時35分發出三號熱帶氣旋警告信號。
紅色暴雨警告信號現正生效。
雷暴警告現正生效，有效時間至9月13日中午12時。
朝早拆壁報板的紙落黎,佳因琴日kitty(大k)訂錯板=="9點8分去左禮堂幫手set場及坐係度一直較Mixer大細聲
之後返電腦室...宜家每日朝早都會係學校小食部買一份三文治來吃和一枝大水,學校D三文治好正,$6.5一份
下午都係輸入功課上網比學生睇,就放工lu~~
心情指數:6 |
| 2006 年 9 月 12 日 星期二 |
| 如常上班... |
分類: 平凡日 |
啊!!返工日日如事~.~但上班回家已經...怎才可過得更加充實!?((一號熱帶氣旋警告信號現正生效))
今日係度核對名稱,下午去左食車仔麵,3點幾去左幫iven網上輸入資料功課比學生上網睇,臨放工時幫大k整訂壁報
心情指數:6 |
| 2006 年 9 月 11 日 星期一 |
| 呀然生日！ |
分類: 平凡日 |
今日起身,涼左好多...返到學校工作,原來kelvin在工作時都有玩msn的,以後我都可以大條私理一邊工作一邊玩msn了... 今天都是很悶,無咩野做...以後大K都帶飯吃,我要自己一個人食lunch了
今日lunch去左《m記》食,一食完立即返學校了,全日勁他條...係度玩msn到放工...
返太和,係《大家樂》等呀然,佢黎到後竟然同我講佢今日生日...我宜家先知,因為佢從來無提過...嚇一嚇,我食完野便去左翠和樓下籃球場看看,點知見到職工盟幾個人係度射緊鎖匙圈,佢地又叫我安仔=.="我同然都加入玩左陣就走了,去左〝大埔中心〞行左陣先返新屋去了...
P . S . : 祝 然 生 日 快 樂
心情指數:6.2 |
| 2006 年 9 月 10 日 星期日 |
| 玩返AOC |
分類: 平凡日 |
下午睇TURN A GUNDAN,之後玩msn,華問我玩唔玩aoc,裝返後竟然入倒ip玩得返aoc,好開心
之後同華去〝寶雅苑〞打波,健威後尾來了,同人鬥完波就去左福和樓籃球場打,浩文都來了,打波到8點8就走了
我,健威去左《大家樂》食飯,浩文陪我地...吃完就回家去了！夜晚自己玩aoc到好夜先訓...
心情指數:6.5 |
| 2006 年 9 月 9 日 星期六 |
| 打掃屋企 |
分類: 平凡日 |
全日在家...今日係屋企掃地同拖地...間屋超污濁~~
心情指數:5.9 |
| 2006 年 9 月 8 日 星期五 |
| 第一日正式上堂「培正教育中心」 |
分類: 失落的 |
今日返到培正教育中心,識倒妹妹,阿信,阿慈,阿軒...坐在同一桌的,lunch同佢地去左《大家樂》食,再返去上堂
放學同返佢地,去左機鋪打陣機...之後先走...我就由佐敦行去旺角等糖,key,係機鋪等佢地到7點半,糖同key終於到,去左〝x華中心〞隔離間樓下鋪玩陣,再去左《加州虹》唱k,唱唱下朱寶黎左,之後健威黎埋,以為健威唔黎添
由8點半開始唱,唱到凌晨3點幾先埋單走,我,健威,糖,豬埔,key坐小巴返屋企~~凌晨4點2先返到家~~健威送糖返屋企
心情指數:4.9 |
| 2006 年 9 月 7 日 星期四 |
| 用Excel統計中一適應活動2005-2006檢討表 (期待明天上學是怎樣) |
分類: 期待日 |
今天係學校終於有d野做,用Excel統計...lunch同大k去左《m記》食,返到學校勁他條無做咩野淨上網同玩msn
心情指數:6.3
P.S.:今天副校更改了上班時間,以後每星期六不用上班了,將星期六的上班時間推到星期一至五的上班時間,以後夏令時間返7:30AM-4:45PM放工,標準時間返7:45AM-5:30PM放工,由9月18日開始返標準時間,每日比平時返多9個子,變左星期六唔洗返工,即係放星期六同日...正 |
| 2006 年 9 月 6 日 星期三 |
好多時間在呆坐  |
分類: 唔開心的 |
朝早係003電腦室呆坐,10點幾係禮堂幫手一陣,之後繼續呆坐,超無聊,因今天大k上堂,lunch自己出去食完就返來...
唉,好悶呀~~無聊到發癲 ,一樣比我做既野都無,到下午2點先開始有d野做,就係用Word開返個file,美化d字體,一陣就搞惦,之後印左14張出黎,繼續呆坐玩msn等收工�嵺b坐左好多小時= ="朝早真係眼訓死同發呆死了= ="好在下午無人管我正好多
描述身邊工作環境：我的崗位於003電腦室,平時只有3個人在電腦室(大k,我,kelvin),當無野做時就上網,但電腦有時連唔到線,及因有同事在隔離的關係,又唔可以上私人的網頁和msn & icq,可以上的網已經上過,唯有呆坐=="kelvin和老師唔係度既時候我就會開msn搵人傾計,kelvin食飯時間係1點半至3點,我同大k就1點至2點幾,所以kelvin去左食飯既時間我就最自由的,學生1點7放學
心情指數:4.3 |
| 2006 年 9 月 5 日 星期二 |
| 從今起須很早起床上班了 |
分類: 悶悶的 |
今朝5點4就起床,返舊屋沖涼,6點8就出門口返工了...從今開始要學慣早睡早起了,lunch同大k出去食飯,今天工作是狂cut紙同分紙,cut到人都痴線-,-放工返新屋訓左陣
唉,返工果度得一個同事陪自己,每星期三佢要返學,我就要自己一個人...同得"大k"太多d學生可能會誤會佢係我女朋友=="點算,驚驚地添,唔想比人誤會！今日糖做左我契家姐，咁仲好啦＾＾
心情指數:4.7 |
| 2006 年 9 月 4 日 星期一 |
| 第二天樂道中學上班 |
分類: 平凡日 |
朝早撞倒Carman,便同Carman一齊坐火車傾左兩句,佢係大埔墟站落,我係大圍落...係〝美林商場〞等大K一齊返學校
今日我學埋影相,係禮堂影講者時...D學生望住我有D唔慣同怕羞 ,12點搞惦,之後返落去...同大k幫Kevin統計數據
1點同大k去左《茶餐廳》食野,返到學校又好他條-v-但好頭痛...真係好頭痛呀><
放工自己去左旺角買錢日睇中的Laosmiddle黑色袋$228,真係好靚架...而且夠實用,個死人琪琪來左搵我...
便同佢行左陣街我就走,返太和...
心情指數:6 |
| 2006 年 9 月 3 日 星期日 |
| 返教會~~超眼訓 |
分類: 疲累的 |
朝早返教會,聽野勁悶><"勁眼訓,到1點同永勝佢地出去食飯,食完飯我同花生坐火車,我返太和佢去沙田
返到舊屋就訓覺,好累啊~~唔知係咪因為近排少運動...特別易累,訓到夜晚食飯同睇電視,好睇...
心情指數:6.6 |
| 2006 年 9 月 2 日 星期六 |
| 培正教育中心開學禮 |
分類: 平凡日 |
朝早原本約左怡,火一齊坐巴士返學,點知原來是〝大埔中心〞的巴士站,諗住坐地鐵自己去算,點知怡打黎,佢話得自己一個人,我便心軟想趕去〝大埔中心〞巴士站搵佢,陪佢一齊坐巴士返,去到點知怡同火上左車唔等我,其實我當時係好嬲好嬲...因為明明我有得坐地鐵,點知諗住陪佢搞到咁...
於是坐271巴士到加士居道落=0=跟住指示行左,點知行到身水身汗><問埋途人,點知去左《培正小學》= ="
後來迫於無奈坐的士去...去到《培正教育中心》聽野,聽到12點走人,同怡兩個人去左《水道橋》食野,係果度撞倒阿火,同佢女朋友,仲有一個女仔fd
食完野行街,想買一個袋,點知原來怡早就想買這袋=0='周圍行到4點...怡醒起要拿智能身份證,我就陪佢趕去火炭拿,去到先知星期六只開上午,白去...便回家去了
P.S.:見到你今日幾開心,其實我同你根本可以好開心,今天有點頭痛
係返屋企同回新屋途中,見到兩隻bb狗仔,被人用籠困住,被遺棄好慘,好想帶佢地返屋企養><我經過隻狗仲向我慘情的吠聲...><><><好可憐呀><
心情指數:7 |
| 2006 年 9 月 1 日 星期五 |
自己的評估  |
分類: 特別事 |
以下所有是"自己"的感受所寫出來的
性格：
率直,情緒容易表露出來就是我的最大特徵,率直可以說是優點也可說是缺點,優點是我必定坦誠的說出來...等別人容易知道,缺點是得罪了人或hurt了人也不知道∼∼現在的我被改變了…不知道自己是看透人世還是不易滿足,覺得好像沒事或沒有人可使我真正感到快樂的喜悅∼∼若果有人能使我真正感到快樂,那人可能就是我的天使......必定珍惜至定／我是很容易受到別人的影響,心情好與壞是能影響我整天的做事…開心與不開心的樣子也容易展露在臉上
對金錢的觀點：
我不在乎錢,因錢是『買不到真正的朋友與感情』,金錢乃身外物…若果多多錢可買到真心朋友,我情願用盡所有錢去換朋友...
愛情觀：
愛情是必須有的，但現在年輕時候，覺得拍拖其實可有可無…若未遇到真正愛自己和為自己付出，最重要的是《不放棄》精神，沒這種人我都不會選擇拍拖，玩玩下的感情寧願沒開始過…我認為真正拍拖的最佳年歲是過廿歲，因為心志成熟，有些人十幾歲仔就學人講「為女死為女亡，我會照顧你一生一世」，簡直是笑話∼一來兒戲，二來自己有無能力照顧人一生一世？自己也須阿媽照顧，其實早拍拖，不會有結果…只會變成經驗，可有可無的…
朋友觀：
不單止情侶須真心相對及包容…朋友也需要…因人總會有好與壞，但若那人根本是沒心與自己交朋友處處相斥…我會選擇放棄這種朋友…… |
| ９月１，我對身邊朋友的感受 |
分類: 特別事 |
|
健威：十幾年的朋友之一，共同嗜好…極玩得極開朗的性格是我最喜歡，害羞的性格也是健威可愛的一面…與我很玩得，也是我最好的朋友／缺點是太過孤寒，對錢太過執著，不喜歡的事便很難很難的說服才肯去做
華：與我十幾年朋友之一∼小說話，幽默是他的最大特徵…我點解一直都認為華是我的最好朋友？因為一直以來，與我由小玩到大…而且華一直以來…常在家裡，找到他的機率有９５％，約華沒甚麼理由都會肯到的…日久成了深的友誼，像兄弟一樣／缺點是太沈默，常在家，廿歲人還不工作……有點兒�嶂嶂�
浩文：十幾年的朋友之一，不喜歡的事不會去做…小時候與我最好朋友，但日子久了，識了其他新朋友，大家都開始少一起玩…
述文：十幾年朋友之一，同樣是興的細佬∼小時候∼健威,華,興,浩文,南,述文,我們6人一起玩的,但日子久了~~大家都開始梳遠
肥嗚：打波認識的新朋友，唔鍾意就鬧對方的性格…這是我最不喜歡的，但是我知道他不是有心，只因幼氣未盡…其實沒怪他，大家都是朋友。
興：十幾年朋友之一，以前我很喜歡與興玩，因為興對我幾好…對我像細佬一樣，但現在唔知是大家性格變了還是甚麼…大家好像玩不埋……有種好大的隔膜
堂：展翅期認識的朋友，雖然日子不久，但因為常約出來打波…便成了幾好的朋友……堂份人會理人感受，ｄ唔好既事會叫朋友唔好咁做等…呢個係我幾恩賞的優點…平平凡凡，但有時對人可能會過於熱情，這點要留意。
然：好像幾喜歡跟我交好朋友…隔幾天就會找我一次出街，為人都算率直，而且喜怒哀樂都會掛住臉上容易知道，但時常收收埋埋…唔清楚他的背景
肥龍：小學同學到現在，份人有時很串…有時又對人幾好…為人久不久就會找下朋友
糖：對人好好…我新契家姐仔,有時做野好遲鈍同反應好慢、人唔夠靈活及很口疏守不到秘密。但她都有傻奸奸的可愛一面∼雖然身型唔夠（瘦），但只是外觀…有時過於敏感了…很怕別人的眼光，其實有時別人不是這樣想的，只是想得太多∼∼∼但純真的你相信將來會有真心對你的好男人。
怡：展翅期認識的，是我前度女友，份人好玩得…但有種限度，過了那限度便會發脾氣…她是個很受心情影響的人，當日若心情差便會不想理會別人，優點係會幫朋友及夠客氣~現在看怡性格漸漸地變~將來會變成怎樣呢？
Kinki：是個醒目女，樣子像戲中的小善~朋友低落時會關心~缺點是常出夜街和夜訓，唔夠專一
敏婷：前度再前度的女朋友，無論性格及樣子都是個極平凡女孩，為人健談對身邊既朋友都很關心…很為得男朋友既女仔…對她幾讚嘆／缺點是怕的事便會去逃避及不知所措
Emma：為人坦誠率直，人品很好…很關心我／缺點是太多說話可言，有些人會認為這是煩厭
細豆：有響亮的聲線，同樣夠率直和很害羞…不敢望著別人
蔡細：浩文細妹，是我契妹∼從她幼稚園起睇住佢大…曾與偉華常常三人一起玩…但因男女有別，後來都少了一起玩。點解叫蔡細？因為她一直以來都好像沒高過，像小妹妹一樣，幾傾得埋既，比較外向
偉華：華細妹，是我契妹∼從她小學起睇住佢大…份人極害羞，比較內向
大ｋ：唔識都扮識的性格，不適當的時候還高聲說話…但英文利害，其餘有待觀察 |
| 第一天上班~樂道中學 |
分類: 失落的 |
朝早係新屋直接趕去坐火車出大圍〝美林邨〞《樂道中學》,返到去同大k交換電話,我地兩個都無咩野做,係003電腦室等...崗位就在003電腦室...11點同大k上禮堂學Chennal mixer,哈~~
1點同大k出去《大家樂》食飯,2點3返到《樂道中學》,係003室上網等,全日無野做...直到4點就收工~同大k返屋企,返舊屋超勁爆累,訓到8點食飯
究竟有甚麼可使我真正快樂,是我要求高還是我真的不快樂?
心情指數:7.1 |
| 2006 年 8 月 31 日 星期四 |
| 太累了~ (心靈與身體都很疲累+期待明天) |
分類: 期待日 |
最後一天在家~~明天開始返工,仲未學懂Excel,怎算好…唔知點解呢兩日好累好累,累到我下午都在睡覺
朝早8點就出門口想去《王少青》睇牙醫,點知早到都比人排滿籌了,而且只接受"除"牙,我諗我都要睇私家醫生了,5:00pm阿然打黎,我忘了打比佢....便約左去《大家樂》食下午茶,然後去翠和打波...之後叫埋華落黎,打到7點半阿堂先黎,後來阿興都來埋,之後肥嗚都來了...途中撞倒carman阿哥便叫埋佢一起打
今日同carman阿哥,堂,肥嗚,然,興,華打波,終於見到carman阿哥真面目~今天有點失落感...覺得好像沒事可使我快樂...
聽日9月1日開始正式返工,待遇：頭兩個月$4750,之後$5050...有試考,有證書…簽約一年,每星期返工4日半,1日上堂~星期日放假�嶂嵽陋阞薴u朝7半,午4點9放工...每星期五上堂~朝9至午5半放學,星期六返工朝9午12放
職位名‘學校事務及行政助理’,主要負責攝影,剪輯影片及相片~~需要使用Excel統計及輸入數據,用Word文書處理,處理一般學校運作的事務等……
心情指數:4.4 |
« | 8 | 9 | 10 | 11 | 12 | 13 | 14 | 15 | 16 | 17 | ... | 25 | »
|
