今日涼左好多呀....
尋晚真係好累呀,原本都想睇 公主小妹先訓呀....
但都無曬精神睇啦,
一訓就訓著左啦....
同埋尋晚我放左工之後又上左莉屋企....
打左一陣雀....
都成四點幾先返屋企呀....
唔好講尋日啦,講返今日先....
今日我二點幾就起左身啦....
我自己出左廳睇 真情 ....
睇完之後叫佢起身啦....佢好似唔多想起身咁....
激死我呀....
之後我地去左銅鑼灣行街....
唔知點解我同佢就好似好耐無一齊行街咁.....
今次行街好唔同,唔同就係我咩都唔敢買....
真係好唔開心.....我同佢講想買咩佢都唔多理我....
唔好話叫佢買呀,連我自己想買野都要問過佢....
見佢西面呀,我都知咩事啦....
咁我咪最多唔出聲,唔係可以點呀....
佢表面就拖住我,係表面上我係佢女朋友,
但佢開始唔多理我啦....
我有唔開心佢唔知,佢一於少理.....
無法啦,咁我今日咪成日都陪佢睇野....
佢今日係D-mop 買左條牛仔褲....
我好想佢買對新鞋....但佢好似覺得我管住佢咁....
有時我覺得好辛苦,我就為佢好而佢就覺得我好煩,
但佢又唔係唔聽我意見喎,好似我叫佢唔好買既野佢又真係唔買,
佢依家都唔知點解呀,品味變左好多.....
我就想佢著得好,買好野而佢就覺得我只係識得睇牌子....
我都唔係一個咁自私既人....我認我係一個鐘意牌子既人....
但我唔會只係諗住自己......
唔知有一日佢真係同我分開左既時候,
行街買衫會唔會諗起我呢....
講返起佢既衣著都係我改變佢.....
不過佢係一個無感情既人,佢係唔會記得之前既野....
今日佢講左一句話....
佢話佢有佢既目標,我有我既目標.....
佢開始分我同佢,我地咩都開始要分開....
|
