9月5日   (晴)

  前兩日都要好早去到香港工業中心上堂...

 好辛苦,所以呢兩日都無打日記...

 今日係第一日去深水埗青山道返工...

 講起呢個地方就好嬲啦....

 地方就寫深水埗,

 咁我挫地鐵係深水埗落車啦...

 我問下人認該係咩出口啦,

 點之果個人同我講唔係係呢個出口呀...

 佢之後又話唔知,

 最後我攪到要挫的士喎....

 我去到呀已經十點幾啦,

 遲曬大到呀....好彩無俾人話....

 金行呢個行業真係好悶,

 但有時都會有好多人...

 我因為咩都唔識啦,

 今日成日都係招待下客人咁啦...

 叫到有客就俾杯茶佢地呀,

 真係有種感覺好似呀姐咁呀...

 不過我同自己講初初黎做就係咁既啦...

 要由細做起,

 但成日都好悶呀,食飯又未食完就要返去,

 感覺真係唔好受,

 但其實做呢份工長唔長都好啦,

 令我最開心既係識到個經理...

 我同佢唔需要講說話好避忌,

 我覺得佢好好人,

 我真係好幸福,可以有個咁好既經理....

 到左放工有同事估我明天就唔返工,

 我俾人既感覺真係咁唔認真咩,

 無論係愛情上又或者係工作上,

 我都俾人有個咁既感覺,

 咁我唔笑又俾人話我黑面,到我笑啦又話我唔認真,

 我都好難做呀....

 之後到走啦我同個大經理講...

 可唔可以俾一日時間我考慮下份工適唔適合我...

 佢一口就答應我...

 因為我個人就係咁,當一個人對我好既時候,

 我唔可以對佢衰,我會過唔到自己....

 我真係唔想射波呀....

 我係度諗個經理又教我點挫車....

 又好關心我...我唔可以咁對佢,

 所以我同要同佢講清楚...

 佢叫我唔好理會任何人講咩,

 最重要係我自己對份工有無興趣....

 佢重話如果我唔鐘意呢間店,

 佢會出面幫我,

 特然覺得佢好似我呀爸....

 好想佢係我既親人...

 我好耐都無親人關心我既感覺....

 好想喊....

 每個人都好想好想俾人錫既感覺....

 連做野都可以俾人錫係好唔容易...

 諗下諗下我做好多工都好幸福,

 好多大既都好錫我...

 只係自己唔識珍惜....

 但係我個心會記得....

 好似PINK ARMY既呀MAN, 呀君

9月1日   (晴)

 今朝一點幾就起左身啦,

 之後嘈醒老公陪我出街街...

 我地先去左旺角食(魚米之尊)

 一入到去,勁多人呀,

 點之食野既時候見到有兩個女仔...

 果兩個女仔著住同生生既制服...

 到呀希幫我地落單既時候,

 點之呀希問我搵到工未...

 果時真係都唔知點答喎

 之後同果兩個女仔講下關於周生生既野...

 佢地得半個鐘食飯既...

 我見佢地就慘啦...

 要食得好急既...

 食飽飽啦,

 我同夾仔去左波鞋街...

 佢呀行左好耐,睇完又睇都唔買,

 佢買野成個女人咁...

 而我呢就買左兩件衫..

 都係老公買俾我既,

 無幾耐哥哥打俾我,

 佢係大陸返左黎...

 黎搵左我地一陣...

 之後佢就走左啦...

 我同夾仔去左尖咀再行...

 因為諗下諗下都可能最後同傑仔一個假...

 到時就唔可以同佢行街買野...

 我地去到尖咀嘈呀,

 因為咩事?咪又係因為LV...

 個袋我真係好鐘意呀...

 想買左好耐既啦,

 之後又扮無野咁去左食PIZZA HAT

 都幾好味呀....

 我地食完之後就由呢個尖咀行到旺角先挫車返屋企啦...

 傑仔:

   我知我自己好似個小朋友咁....叫你買野俾我,

   但我會諗野,我只係一時好鐘意先發你脾氣...

   但過後我就會無事,希望你唔好問我要袋定係要你...

   你講野要諗下我既感受~你俾我既感覺好似成日因

   為少事就要脅我....

8月31日(晴)

 今日訓到三點到啦~醒左啦~

 係度望一望個電話...

 都係無打黎....

 我係度諗,係唔係要搵過第二份工呢?

 都唔知點呀...

 之後傑仔就打黎啦~

 講左一陣啦....

 之後我就去左煮麵食啦~

 食食下莉打黎..

 又同佢吹左成粒鐘...

 佢電話無電...

 咁之後就玩電腦啦

 玩玩下...

 周生生打黎叫我星期一返工...

 佢叫我寫低自己要拎咩...

 星期一我要九點正去到荔枝角呀....

 之後唔知點解勁開心呀,

 好想話俾傑仔知...

 之後我同左莉講啦...之後重打左俾呀爸...

 因為之前無野做咪唔敢打俾佢...

 好啦好啦....搵到工啦~

 到左六點幾我睇左十兄第...

 睇完之後呀Moon上左黎...

 之後我啦,雲啦,Moon啦...

 去左黃埔食野,原本諗住去呀基果間度食野,

 但點之佢既同事話佢已經無做喎...

 我真係覺得奇怪呀,

 明明尋日同佢傾電話佢都話份工幾好,

 點之第二日就無做啦...

 之後我地去左對面果間食海南雞飯...

 果間既海南雞好好味呀,

 下次要同老公食下先...

 之後我地去左雲果間酒吧飲酒...

 飲到我好幸苦呀...

 真係唔鐘意飲酒呀...

 之後就返左屋企啦~

8月30日  (晴)

 今日下午呀佩黎左我屋企...

 我地兩個都未食野.

 我係屋企煮左米粉一起食...

 食完出左街行...

 我地去左旺角行...

 佢重請我食壽司...

 食完之後行左一陣...

 我買左條裙呀...

 好鐘意呀...

 呀佩買左對鞋...

 傑仔俾左折佢...有七折呀,好低呀...

 之後返屋企啦~

8月24日 (晴)

 尋晚就訓覺日啦~

 又好早就同傑仔訓....

 點之到左零晨五點幾就起左身啦,

 又訓唔著喎....咁咪望住傑仔訓....

 我成日都係度整佢,整到佢係度發脾氣...

 之後就叫醒佢返工啦....

 咁我都起左身....叫外賣食.....

 食完之後我就去左見工啦....

 之後我就出左旺角朗豪坊啦....

 去到之後見我都無兩個字....

 我自己都心中有數啦....

 因為我都無寫字樓經驗....

 咁之後去左會合呀佩啦...

 就同佢去左食野啦....

 去左(魚米之尊)...

 估唔到咁耐都無去佢地重認得我喎...

 重我一入門口就話我係唔係失蹤....

 咁耐都無見我....

 之後重記得我食開邊幾個餸....

 之後我無叫佢佢都俾多士我食...

 真係好人呀....  

 之後我叫左呀佩陪我去左見周生生...

 要去荔枝角呀....

 上到去寫form啦...我見到有個女仔都見工...

 人就唔多呀,得我同個女仔...

 奇怪既就係明明係佢黎先,

 但係我見先喎....

 之後無耐有個女人入黎見左我大概都都有二十分鐘呀...

 佢問左我好多野,

 之後佢就話俾我做個測驗..

 做完之後就叫我second in 啦...

 成個過程呀....足足見左兩個鐘呀...

 見完之後我自己就覺得成數既機會都幾大呀,

 之後我就去左BBQ啦...

 我自己挫的士去左獅子山公園啦~

 去到之後第一時間就問我點解無去到佢既生日...

 成日串黎串去,

 總之就燒得好唔開心啦~