8月23日(晴)

 天光先訓呀....重等埋傑仔起身返工先可以訓....

 原本今日要見工呀....

 咁十點幾訓...

 諗住訓兩個鐘就起身啦~

 點鬼之一訓就好似訓死左咁喎...

 唔知醒呀....

 到起到身既時候都已經夜晚8點幾啦~

 嘩!點之一望個電話成二十幾個未接...

 傑仔都打左十幾次俾個啦...

 我個心諗死啦....

 實俾佢話死...(又無去到見工)

 之後我同左一個好耐無見既胡翠莉講電話...

 嘩....諗返起真係好耐無見佢...

 不過唔知點解我同佢真係好鬼死好傾既姐...

 絕對唔會因為好耐無見而無野講....

 其實我真係好想可以成日同佢見面呀...

 佢同我有一樣野好似

 就係講野好直....個人好真...

 有果句就講果句...

 不過佢就好啦,可能有機會去美國...

 我都好想呀....

 係香港真係好緊張呀....

 有時想放鬆下都唔得.....

 都唔知話佢條命係好定係唔好....

 從來都唔洗擔心要搵工呀,要搵錢呀....

 可能佢既唔開心我唔知姐...

 有時就係咁....我睇你好,你睇我好....

 之後爸爸打黎叫我返去飲湯....

 咁因為我好懶,同埋又係起身無耐所以唔想出街....

 其實我都好想見下個妹同埋爸爸,

 但係我又唔想俾爸爸知我無返工....

 所以成日都想搵到工先返去....

 我都知自己搬左之後爸爸已經對我好好...

 佢又幫我搬左個微波爐....

 好多野我都會知佢係對我好....

 佢唔會因為我搬左而唔搵我....

 佢成日都有打俾我....

 重有呀玲玲呀....

 佢有時打黎雖然成日都講無聊野...

 但我知佢對我好好....

 佢都係因為掛住我先會打俾我....

 多謝你....爸爸同個妹都會係我個心入面.... 

 之後傑仔無耐就返左黎啦~

 佢買野俾我食...

 重成日話我係懶鬼呀....

 知老公你好辛苦啦....

 但唔好成日發我脾氣啦...

 因為佢既脾氣好鬼臭.....

8月22日   (晴)

  尋晚同佢嘈左一大餐....嘈完之後....

 大家唔講野...之後佢有佢訓...

 我有我係廳睇電視...

 睇到四點幾啦,我就訓啦~

 之後訓到四點幾起身....

 見個仆街仔訓得咁鬼舒服,

 唔叫醒佢都對唔住自己呀...

 咁咪叫佢落去買野俾我食...

 食完之後就打俾呀基又問佢打唔打牌啦~

 哈哈....近來真係成鬼日打牌呀....

 點之上到去啦~

 唔見左五隻雀....

 之後傑仔同呀明就落左去買

 整左一大輪先可以打牌....

 我同傑仔都挾左50蚊....

 我真係唔明呀....佢地又唔行多幾間喎....

 咁貴....不過算啦~男仔就係咁既啦....

 都唔會睇下價既...見到有就買....

 都唔會行多幾間既....

 之後我地足足打左十二圈呀....

 有我啦,傑仔啦,呀基同埋肥姐....

 我都未試過打十二圈呀...

 初初呢我就輸左成佰幾蚊...

 係得呀基一家win

 之後我地就去左食M仔啦

 食完之後返去又打過....

 之後我win返佰幾蚊....

 實質其實win左只係五十蚊....

 不過點都好啦~

 依家好眼訓啦~

 聽日重要去見工....

 好啦...沖涼啦~

8月21日  (陰天)

 尋晚又打雀啦~

 一係就唔打,一打就成日都打...

 不過尋晚打得好唔開心呀...

 唔係因為食唔到糊唔開心呀...

 而係我同明嘈既時候,佢一句聲都無出,

 唔出聲都唔緊要啦~

 佢重要同呀明係咁講笑...**無理會過我既存在**

 到走既時候重要問我發咩脾氣...

 我真係唔識講呀

 其實可能我唔認該因為咁少既事同呀明嘈

 但有時真係好嬲呀....次次佢洗牌都好大力...

 d牌呢就趺曬落地喎...話一話佢姐...

 佢就勁大聲咁同我講野...**好似想食左人咁**

 傑仔見到一句話都無講,好似唔關佢事咁...

 我同佢走之後一句野都無講過..

 佢就發脾氣...佢話我既每一句...

 (我都會記住) 

 話我係啞既...瘋癲既...又撞我...

 好心淡...好多佢之前唔會講既都講

 其實我都以為自己會喊...

 但我點都唔會係佢面對喊...

 (喊)對佢黎講已經唔算係咩...

 認該係話...我係佢心中已經唔算係咩啦~奕啦~

 今時唔同往日啦~佢走左之後我坐左公園好耐...

 我諗呢個男仔...如果佢要走...我都由得佢...

 個心走左....要個人黎做咩~

8月20日  (雨)         **呢幾日既天氣都唔好呀**

 尋晚呀,哥哥上左黎...咁耐無見啦~

 佢幫我整左個履歷~佢叫我send 下 e mail....

 我叫佢幫下我搵工...因為真係好擔心呀...

 就快九月啦~我重未有工返...

 之後我地傾下,點樣見工先係好~

 都幾攪笑呀,佢叫我扮見工...

 我地又真係可以好認真咁扮...

 又講下我之前見工既失敗既經驗,

 咁都好呀....起碼之後會做返好呀...

 之後講講下~我好肚餓呀...

 咁我地叫左(新味飦)!!!好味呀

 食完之後無耐傑仔就返啦~

 咁咪打雀~打打下就得返我同哥哥...

 之後我地傻傻地咁兩個人打天光啦~

 天光啦~**8點幾啦**哥哥走人了~

 估唔到今日有三份工叫我去見工呀~

 我相信好快我就可以返工啦~

 一份係文員,一份係接待員,呢兩份我都有聽電話呀,

 但我最鐘意果份打左俾我呀,我無聽到電話...

 都唔知點呀~不過我聽日打返俾佢先得~

 我好鐘意果份工**偏偏我就無聽電話...

 但好彩佢有留言~

 我好唔開心呀~我同傑仔好似越黎越無時間見面~

 成日都係依靠電話

 佢重要係好唔想同我講電話咁....

 我無曬拍拖既感覺啦~

 唔知幾時開始,依家係佢心裹面只係得(搵錢)

 個心完全無我

 衰人,衰人,冷莫無情~

8月19日   (陰天)

  尋晚都訓唔到~~成日都好多野諗~

  我日日都好煩,無人可以幫到我...

  只可以講...我過得好苦...苦苦苦~

  我諗野好灰,我做唔到樂觀既人...

  其實我自己好細個既時候已經有好多理想...

  但依家對我黎講....咩都做唔到...

  我真係好無用....我好想做(女強人)...

  唔洗人幫....

  今日又訓到六點幾....我諗我依家真係

  知道(工)係好重要....原來工同感情

  都好相似...要失去左先知佢既重要性,

  之前太容易就俾我搵到工...都唔知工係

  咁難搵....依家成日都係屋企...都唔想

  出去啦~好多人一打電話黎就問我係唔係

  (游長假期),之前我認,我真係好想唔洗做

  有男朋友養,但講真呀,我邊有咁幸福喎~

  我諗我唔會再有呢個念頭既啦~

  ((你再係咁我就走....唔鬼理你))

  呢個話我聽過好多次,俾壓力我就有工既咩~

  講之前有無諗過我感受呀~依家既佢真係奕

  左好多...咁都係既~**((你今時唔同往日啦~))